دليل ياقوطة لاختيار ديب فريزر عظيم

كتبت: منى عوض

الفريزر الموجود في الثلاجة عادة مبيكونش كافي لحمل كافة الأطعمة الموجودة في البيت، خاصة لو كان عدد أفراد الأسرة كبير أو كنت واحد من الناس اللي بتحب تخزن الأطعمة في مواسمها المختلفة.

الحل الأمثل للتغلب على المعضلة دي هو شراء ديب فريزر إضافي، بس دي خطوة محتاجة عناية كبيرة جدًا خصوصًا إنك هتشتري جهاز بيُعتبر من الأجهزة المعمرة، وبالتالي لو اختارت أي حاجة من غير تفكير كافي وارد جدًا إنك تعاني بسببه فترة كبيرة.

ولأننا يهمنا دايمًا راحتك، ياقوطة هتساعدك تختار الديب فريزر الأنسب ليك ولاحتياجاتك، وهنستعرض كمان أفضل أجهزة الديب فريزر الموجودة على موقعنا، ولو حبيت تشتري أي جهاز منهم تقدر تطلبه من خلالنا وهيوصلك في أسرع وقت.

بنفكرك إنك ممكن تشتري ديب فريزر من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

عوامل اختيار الديب فريزر

سعة الديب فريزر

قبل ما تشتري ديب فريزر لازم تكون محدد السعة المناسبة ليك من خلال تحديد شكل استخدامك للديب فريزر وكمان تحديد عدد أفراد أسرتك.

جدير بالذكر أن سعة الديب فريزر المناسبة مش بتتحدها باللتر وبس، بل بعدد الأدراج أيضًا- دا لو هتختار الديب فريزر الرأسي- فهو مهم في سهولة تخزين الأطعمة وإمكانية الوصول ليها.

مكان الديب فريزر

قبل ما تقرر تشتري لازم تحدد المكان اللي هتحط فيه الديب فريزر ومساحته والتهوية بتاعته عشان تختار موديل وحجم الجهاز على الأساس دا.

شكل الديب فريزر

مقصود بشكل الديب فريزر هو تحديد ما إذا كان رأسي أو أفقي.

الديب فريزر الرأسي ودا اللي بيكون عمودي وواخد طول الحائط وتقدر تخزن في الأدراج الموجودة فيه كل اللي إنت عايزه وبالتنظيم اللي إنت عايزه.

أما الديب فريزر الأفقي فبيتميز بكفاءة تشغيلية كويسة جدًا لكنه غير منظم زي الرأسي لأن كل حاجة بتتحط فوق بعضها ومفيهوش أدراج وبالتالي ممكن تاخد وقت ومجهود أكبر في استخراج الحاجة اللي إنت عايزها.

تقدر تقرأ المقال ده لمعرفة الفرق بين الديب فريزر الرأسي والأفقي بالتفصيل.

التقنيات الإضافية

من الضروري تحديد إذا كنت محتاج ديب فريزر نوفروست أو لأ يعني بيكون تلج أو لأ، وفي العموم الفرق هيكون في سهولة التنظيف بس يعين النوفروست سهل جدً في تنظيفه ومش هيتعبك على الإطلاق.

كمان فيه أنواع كتير من الديب فريزر بقت بتتميز بخاصية تعديل درجات الحرارة لتحديدها وفقًا للأكل المخزن، وفيه أنواع فيها إضاءة داخلية عند فتح الباب، ومفتاح أمان ضد عبث الأطفال.

استهلاك الكهرباء

حاول بقدر الإمكان إنك متتخدعش بالشكل ولا الماركة لأنك ممكن تدفع دم قلبك في فاتورة الكهرباء، وبالتالي حاول إنك تشوف استهلاك الكهرباء بتاع الديب فريزر عامل إزاي واحسبها عشان تضمن فواتير كهرباء مناسبة في المستقبل.

الميزانية

عامل الميزانية مهم جدًا في شراء أي جهاز عمومًا مش الديب فريزر وبس، ودا معناه إنك لازم تحدد المبلغ اللي إنت عايز تدفعه في شراء الديب فريزر وتبدأ تدور على حاجة مناسب في حدود المتاح معاك.

أبرز أنواع الديب فريزر على ياقوطة

ديب فريزر يونيون إير 5 درج

المميزات

  • ديب فريزر نوفروست رأسي بسعة 205 لتر وبيجي بـ 5 أدراج حجمها كبير لتخزين كل اللي إنت عايزه.
  • الديب فريزر بيعمل بأقصى كفاءة للطاقة A.
  • خاصية التجميد السريع اللي بتعمل على تبريد وتجميد الأطعمة في وقت قياسي.
  • شاشة ديجيتال لعرض درجة الحرارة الداخلية.
  • مروحة تبريد داخلية لتوزيع الهواء البارد بكفاءة وتساوي في كل الاتجاهات.
  • خاصية تعديل درجات الحرارة.
  • من السهل تنظيف الديب فريزر لأنه نوفروست ودا معناه إنه مبيكونش تلج.

العيوب

  • استهلاكه عالي للكهرباء.
  • مفيهوش لمبة داخلية.

تقدر تشوف ديب فريزر يونيون إير Uf205 من هنا.

ديب فريزر إلكتروستار أفقي 220 لتر

المميزات

  • ديب فريزر أفقي مصنوع من مواد مقاومة للصدأ وبيجي بسعة 220 لتر ودي سعة كبيرة تقدر تخزن فيها كل اللي إنت عايزه.
  • الجهاز دا بيُعتبر 2 في 1 لأنه مفيهوش خاصية التجميد وبس، لأ دا فيه أيضًا تبريد زي الثلاجة كدا بالظبط.
  • لو الكهرباء قطعت هتلاحظ إنه بيحتفظ ببرودته لمدة 6 ساعات.
  • إضاءة داخلية عشان توصل للي إنت محتاجه بسرعة.
  • الديب فريزر فيه باسكت علوي عشان تخزن فيه الحاجات الصغيرة أو الحاجات اللي بتستخدمها بشكل يومي.

العيوب

  • الفريزر عادي مش نوفروست وبالتالي فهو بيكون تلج مع كتر الفتح والقفل، ودا معناه إنك هتضطر تنظفه كل فترة.
  • فكرة التصميم الأفقي مش بتتيح إمكانية الوصول لكل احتياجاتك بكل سهولة.

تقدر تشوف ديب فريزر إلكتروستار ES220 من هنا.

ديب فريزر بيكو 7 درج 280 لتر

المميزات

  • ديب فريزر نوفروست بسعة 280 لتر وبيجي بـ 7 أدراج شفافة كبيرة تقدر تنظم فيها الأكل بالشكل اللي إنت عايزه وبالكميات اللي إنت عايزها.
  • فكرة النوفروست بتوفر جدًا في الوقت والمجهود المبذولان في تنظيف الديب فريزر.
  • خاصية التبريد السريع متوفرة في الدرج الأول فقط.
  • شاشة عرض تعمل باللمس لمعرفة درجات الحرارة الداخلية.
  • مروحة داخلية لتوزيع الهواء بكفاءة وتساوي في كافة الاتجاهات.
  • إضاءة داخلية.

العيوب

  • استهلاك عالي للكهرباء.
  • مفيهوش عجل لتحريكه من مكان لآخر بسهولة.

تقدر تشوف ديب فريزر بيكو RFNE280E13S من هنا.

ديب فريزر وايت بوينت 6 درج نوفروست

المميزات

  • فريزر نوفروست رأسي بيجي بسعة 107 لتر وفيه 6 أدراج شفافة لتخزين كافة أشكال الأطعمة اللي إنت عايزها.
  • إمكانية التحكم إلكترونياً في درجات الحرارة من 16 إلى 24 درجة.
  • خاصية التجميد السريع.
  • لو الكهرباء قطعت هتلاقي أنه بيحتفظ بالأغذية مجمدة لمدة 6 ساعات.
  • تنظيف الديب فريزر مش هياخد منك وقت على الإطلاق لأنه نوفروست.

العيوب

  • مساحة الدرج قليلة ومش بتتيح تخزين كميات كبيرة.
  • غير موفر في استهلاك الكهرباء.
  • مفيهوش لمبة داخلية.

تقدر تشوف ديب فريزر وايت بوينت WPVF 321 S من هنا.

ديب فريزر فريش أفقي 107 لتر

المميزات

  • ديب فريزر نوفروست أفقي مقاوم للصدأ وبيجي بسعة 107 لتر ودي سعة كبيرة تقدر تخزن فيها كل اللي إنت عايزه.
  • الجهاز موفر في استهلاك الكهرباء.
  • خاصية التجميد الفائق اللي بتصل إلى -32 درجة مئوية في أقل وقت ممكن.
  • باب عازل وإطاره للحفاظ على برودة الأطعمة والحفاظ على الأطعمة من التعرض لأي بكتيريا ضارة.
  • إضاءة داخلية لإتاحة الوصول لمتطلباتك سريعًا.

العيوب

  • المساحة الداخلية للديب فريزر صغيرة شوية.
  • أحيانًا بيكون من الصعب الوصول للحاجة اللي إنت عايزها بسهولة أو بسرعة بسبب فكرة التصميم الأفقي وعدم تنظيم أو فصل الأكل.

تقدر تشوف ديب فريزر فريش FDF-130 من هنا.

تقدر تختار الديب فريزر الأنسب لاحتياجاتك من بين تشكيلة كبيرة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *