كتبت: صفاء مجدي

تقريباً أكتر البنات بتحب الميك أب! دي حقيقة أكيد . يعني على الأقل أكيد جربتي وانتي صغيرة تشوفي شكلك في الروج، أو جربتي تحطي ماسكارا أو ترسمي عيونك بالكحل، ولو من باب الفضول والاستكشاف. الميك أب بألوانه وأشكاله دايماً بيثير إعجاب البنات صغيرين أو كبار. لكن لو كنتي من الناس اللي بتمتنع خوفًا على بشرتها من التلف نتيجة لاستعماله، دلوقتي مابقاش فيه سبب للخوف لأن ظهرت في السوق منتجات طبيعية ذات مواد كيميائية قليلة جداً ضررها على البشرة شبه معدوم إن مكنش معدوم تماماً.

وطالما معاكي المنتجات الصحيحة المناسبة لنوع بشرتك فكل اللي هتحتاجيه هو الأدوات المناسبة عشان تقدري تحطي الميك أب بشكل احترافي ومرتب . ولهذا في السطور الجاية ياقوطة بتقدملك دليل لأنواع فرش الميك أب واستخداماتها.ياقوطة اتكلمت مع مي محي مؤسسة مشاركة في موقع كوزمتيبس (cosmetips) اللي بتقدم نصايح في الميك أب للبنات، ومي ساعدت ياقوطةفي تكوين القائمة التالية بأهم فرش الميك أب.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيره صعودًا وهبوطًا وفقًا لحركة الأسواق.

  1. فرشاة الكابوكي  (Kabuki Brush)

• ودي فرشاة راشقة في أي مصلحة طالما ليها علاقة بتوزيع أي ميك أب على مساحة كبيرة من وجهك وده يشمل البودرات التالية:

Loose Powder،  Translucent Powder ، وبودرة كريم الأساس.

• لكن مي نصحت بعدم استخدامها لو كانت بشرتك جافة لأنها هتسيب علامات على بشرة وجهك مش هتخلي شكل الميك أب سلس وطبيعي.

تقدري تشوفيأسعار وأشكال فرشاة الكابوكي من هنا. يبدأ السعر من 215 جنيه مصري.

2. فرشاة كريم الأساس (Foundation Brush)

• ودي بتنفع لما يكون كريم الأساس سائل أو في شكل كريمي.
• بتغمسي الفرشاة في كريم الأساس وتوزعيه على وشك.
• عيبها إنها بتسيب علامات على وشك وتخليه باين إنه مدهون بفرشاة.
• ولهذا بتحتاج منك وقت شوية عشان توزعي الفاونديشن بشكل متساوي وميبانش إنه مدهون بفرشاة.
• لكن ميزتها إنها بتساعدك تغطي وشك كله والزوايا الصعبة زي مثلاً حول الأنف باحترافية وبسرعة.

شوفي أسعار وأشكال فرشاة كريم الأساس من هنا. يبدأ السعر من 39 جنيه مصري.

3. فرشاة أحمر الخدود (Blush Brush)

• بتكون ناعمة وبشعر كتير وفي منها المشفوطة بزاوية أو من غير زاوية والاتنين كويسين.
• بتستخدميها في توزيع أحمر الخدود أو البرونزر أو الهاي لايتر.
• اللي بزاوية بتساعدك توزعي البودرة بدقة أكبر. 

اشتري أحسن فرشاة أحمر خدود من هنا. يبدأ السعر من 29 جنيه مصري.

4. فرشاة الدمج (Blending Brush)

• مهمة جداً في توزيع وخلط البرونزر أو الهايلايتر على وشك.

شوفي أسعار فرش الدمج من هنا. يبدأ السعر من 19 جنيه مصري.

5. إسفنجة البيوتي بلندر (Beauty Blender)

• مي قالت إن الفرشاة دي بتغني عن أي فرش تاني وإنها أساس الأساس.
• لما تستخدميها بتبليها الأول وعشان كده هي مناسبة لكل أنواع البشرة، لأن البشرة مهما كان نوعها بتحتاج ترطيب قبل وضع الميك أب.
• الإسفنجة دي حققت نجاح كبير في عالم الميكب لعام 2016 وده لأنها جوكر بتنفع في حاجات كتير زي توزيع الهايلايتر، والبرونزر، والفاونديشن.
• السر في البيوتي بلندر هو شكلها البيضاوي اللي بيوزع الميك أب على وشك بدون ما يسيب أي علامات .
• تجربتي الشخصية معاها في توزيع كريم الأساس كانت أحسن بكتير من تجربتي مع الفرشاة اللي دايما تسيب علامات.

اشتري البيوتي بلندر من هنا. يبدأ السعر من 303 جنيه مصري.

6. فرشاة تحديد العيون (Eyeliner Brush)

• الفرشاة دي مفيدة لو كنتي هتستخدمي الآيلاينر السائل أو البودرة.
• فرشاة الآيلاينر الكويسة بتكون رفيعة ومشفوطة.

اشتري فرشاة تحديد العيون من هنا. يبدأ السعر من 150 جنيه مصري.

7. فرشاة الحواجب (Brow brush)

• باستخدام بودرة الحواجب، الفرشاة دي مهمة عشان تملي بيها فراغات الحاجب.
• ودي لازم تكون مشفوطة شوية ولها زاوية.

اشتري فرشاة الحواجب من هنا. يبدأ السعر من 126 جنيه مصري.

8. فرشاة ظلال الجفون (Eyeshadow Brush)

أو الآيشادو بالعامية ودي لازم تكون ناعمة وفيها شعر كتير شوية لكن مضغوط ومجمع مع بعض عشان تساعدك في توزيع وخلط الآيشادو فوق جفونك.

اشتري فرشاة الآيشادو من هنا. يبدأ السعر من 24 جنيه مصري. 

9. فرشاة الكونسيلر (Concealer Brush)

• هي تعتبر نسخة مصغرة من فرشاة كريم الأساس.
• بتكون رفيعة وبشعر أقل شوية.
• ولازم تكون ناعمة عشان متضايقش بشرتك وخصوصاً في منطقة تحت العين الحساسة.

اشتري فرشاة الكونسيلر من هنا. يبدأ السعر من 65 جنيه مصري.

10. فرشاة ومشط الحواجب (Lash/Brow comb/brush)

• دي فرشاة ومشط في بعض عشان تسرحي وتنظمي بيها شعر الحواجب لأن منظرهم بيفرق في الوش.

مي رشحت أهم فرش لأي حد مبتدئ أو مش makeup artist  وهي:

• فرشاة كريم الأساس، فرشاة الكابوكي، فرشاة بودرة أحمر الخدود، البيوتي بلندر، فرشاة الأيلاينر، فرشاة الحواجب وفرشاة الآيشادو.

طيب ألاقي الفرش دي فين؟

• مي قالت إن صعب إنك تلاقي فرش ميكب كويسة في مصر في المحلات
• ولهذا نصحت بشراء الفرش أونلاين من مصادر موثوقة وهي نفسها بتشتري فرشها من برة مصر بسبب فرق الجودة.
• وهنا ييجي دور ياقوطة اللي من خلاله تقدري تشتري أي حاجة أونلاين حتى لو كانت برة مصر.

طريقة تنظيف وحفظ فرش الميك أب:

لما سألنا مي عن طريقة حفظ وتنظيف الفرش قالت إن الطريقة الصحيحة لتنظيف الفرش هي من خلال شامبو فرش ميك آب معين صعب تلاقيه في المحلات اللي في مصر.

• وبالتالي البديل للموضوع هو:
• إنك تغسلي الفرش بغسول الوجه الخاص بالميكب
• إنك تغسليها بخليط من شامبو الأطفال وعليه زيت زيتون.
• وأضافت مي إن فيه فرش بيكون ليها تاريخ صلاحية بيتم التخلص منها  مع انتهاء تاريخ الصلاحية.
• لكن فيه أنواع تعيش معاكي فترات طويلة مادام بتحافظي عليها وتنظفيها باستمرار.

إزاي تعرفي أن الفرشاة باظت؟ لما تلاحظي أن شعراتها بتقع أو بتضعف.

أشتري طقم فُرش كامل، ولا فرشاة فرشاة؟

سألنا مي إن كان الأفضل شراء طقم فرش كاملة ولا نشتري الفرش واحدة واحدة فردت إن الأفضل للهواة الغير محترفين إنهم يشتروا طقم كامل يكون فيه الفرش اللي رشحتهالنا وإنك في أغلب الأمر مش هتحتاجي أكتر من كده.

.ادخلي هنا عشان تشتري طقم فرش ميك أب كامل. يبدأ السعر من 119 جنيه مصري.

هتلاقي كل الفرش المذكورة هنا على ياقوطة بأحسن الأسعار وكمان هتلاقي عندنا الميك أب بكل أنواعه وملحقاته.

قد تنفذ المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.