دليلك لمعرفة أهم محولات الكابلات للأجهزة الإلكترونية على ياقوطة

كتب: خالد عاصم

سواء كان عندك كمبيوتر أو موبايل أو بلاي ستيشن أو ريسيفر أو أي منتج من المنتجات دي اللي أغلبها متوفر في كل البيوت، فأكيد انت عندك مجموعة كبيرة جدًا من الكابلات اللي بتساعدم توصل بين الأجهزة دي وبعضها، فلو هتوصل أي جهاز بالتليفزيون هتحتاج لكابل HDMI أو كابل USB مثلًا، ولو عايز تشحن موبايلك أو دراع البلاي ستيشن هتحتاج لكابل USB سواء Type-C أو micro، وأغلب الكابلات دي بتكون متوفرة في بيوتنا عادي وفي من النوع الواحد منها اتنين وتلاته كمان، بس اللي ممكن نكون بنحتاجه كتير ومش متوفر في كل بيت هو المحولات.

محولات الكابلات من الأجهزة والملحقات الصغيرة اللي مهم تكون متوفرة في كل بيت لأنها بتفتح إمكانيات مختلفة لتوصيل أجهزتنا ببعضها، وفي المقال ده هنتكلم عن مجموعة من أشهر المحولات دي وأهمها، ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أشهر وأهم محولات الكابلات للاجهزة الإلكترونية على ياقوطة

كابل صوت للتحويل من Lightning إلى ٣٫٥ مم

موبايلات أيفون لغت منفذ ٣٫٥ مم من فترة طويلة، ومبقاش من المكن توصيل سماعات سلكية بالموبايل أو التابلت أو جهاز iPod إلا من خلال الاعتماد على منفذ Lightning اللي هو نفسه منفذ الشحن ونقل البيانات، وعشان كده من المهم كون عندك كابل بيحول من Lightning إلى ٣٫٥ مم، عشان تقدر توصل سماعاتك بالموبايل عادي ومن غير مشكلة.

اتعرف على عروض أسعار كابل صوت Lightning إلى 3.5 مم من هنا.

محول صوت وصورة من USB VHS إلى DVD

من خلال المحول الصغير والعبقري ده هتقدر توصل شاشات التليفزيون والكاميرات العادية والفيديو الكلاسيكية بالكمبيوتر، ومن خلال التوصيل ده هتقدر تسجل على جهازك الفيديو والصوت بكامل الشاشة وبأعلى جودة ممكنة وده هيكون مثالي لو عايز تعمل أقراص DVD أو Video CD من الشرايط القديمة أو من التلفزيون بسهولة ومن غير ما تحتاج لأي توصيلات إضافية أو كروت صوت.

اتعرف على عروض أسعار محول من USB VHS إلى DVD من هنا.

محول من HDMI ذكر إلى VGA أنثى من يوجرين

من محولات الكابلات المثالية لو عندك شاشة كمبيوتر قديمة أو تليفزيون في منفذ VGA وعندك كمبيوتر أو لابتوب بمنفذ HDMI، ومن خلال المحول ده هتوصل توصل جهازك اللي فيه منفذ HDMI بأي شاشة بمنفذ VGA مع إمكانية توصيل الصوت كمان بفضل منفذ ٣٫٥ مم، والمحول بيدعم جودة 1080p وجودة 720p بمعدل ٦٠ إطار في الثانية بس لازم تعرف إنه مش بيدعم منصات بلاي ستيشن ولا أجهزة البلوراي.

اتعرف على عروض أسعار محول HDMI إلى VGA من يوجرين من هنا.

محول متعدد من USB Type-C إلى شحن وHDMI وUSB 3.0

لوعندك جهاز من أجهزة ماك بوك الجديدة أو أي من الأجهزة اللي بتعتمد على منفذ USB Type-C يبقى ده واحد من محولات الكابلات اللي لازم تكون عندك، لأن المحول المتعدد ده بيتوصل بالكمبيوتر من خلال USB Type-C وبيطلع لتلات مخارج، مخرج شحن، ومخرج USB وكمان مخرج HDMI، يعني هتقدر تشحن وتوصل أجهزة خارجية أو شاشة تليفزيون أو كمبيوتر خارجي، وكل ده من خلال محول صغير جدًا مش هياخد أي مساحة تذكر من شنطتك.

اتعرف على عروض أسعار المحول المتعدد من USB C من هنا.

محول صوت من تناظري RCA إلى رقمي

محولات الكابلات الصوتية من المحولات اللي بحتاجها كتير من المستخدمين، وأغلبنا أكيد هيحتاج لمحول زي ده، المحوول ده بيقدر يحول من الصوت التناظري RCA يمين وبسار أو ٣٫٥ مم إلى الصوت الرقمي سواء كان بصري Optical (Toslink) أو Coax، يعني بياخد من مصدر صوت تناظري من نوع RCA بتوصل يمين ويسار أو من ٣٫٥ مم وبيطلع لمخرج رقمي من نوع Toslink أو Coax ودي المداخل المستخدمة مع الأجهزة الحديثة من تليفزيونات ومسرح منزلي وغيرها.

اتعرف على عروض أسعار محول الصوت من تناظري إلى رقمي من هنا.

محول USB Hub من يوجرين

من المحولات المهمة جدا لو عند ماك بوك أو كروم بوك الجديد، لأنه بيزود عدد منافذ USB في جهازك لحد تلت منافذ زيادة ده غير كمان إن فيه مدخل لكابلات إيثرنت عشان تقدر توصل النت بجهازك من خلال الكابل، أما الخرج بتاعه فمن نوع USB Type-C المتوافق مع مجموعة كبيرة من الأجهزة الحديثة المتوفرة دلوقتي.

اتعرف على عروض أسعار USB Hub من يوجرين من هنا.

محول HDMI إلى RCA بدعم 1080p

من المحولات المنتشرة والمشهورة جدًا في عالم محولات الكابلات هو المحول الصغير ده اللي بيحول من HDMI لتلات منافذ RCA، يعني هياخد من جهازك HDMI ويوصل لأي جهاز بيعتمد على منافذ RCA الل بتتكون من منفذين لصوت ويمين وشمال ومنفذ للصورة.

اتعرف على عروض أسعار محول HDMI إلى RCA من هنا.

اتعرف على عروض أسعار مختلف أنواع محولات الكابلات على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *