دليلك الكامل لاختيار غسالة الأطباق المناسبة

كتب: خالد عاصم

زيها زي أي منتج فيه منه تنوع كبير، شراء غسالة الأطباق مش مهمة سهلة، فبمجرد ما هتدخل أي محل كبير أو هتفتح موقع ياقوطة وتدور على غسالة الأطباق هتلاقي مجموعة كبيرة جدًا من الأجهزة المعروضة أدامك أو اللي هتطلع في نتايج البحث، وده هيخليك طبعًا تقع في حيرة، إيه الأنسب وإيه اللي أنا محتاجه فعلًا في غسالة الأطباق، وهل هي أصلًا منتج مفيد ومهم ولا لا، وده سؤال ناس كتير بتسأله لنفسها قبل حتى ما تاخد قرار شراء الغسالة.

في المقال ده هنفهمك كل حاجة ليها عن غسالة الأطباق وهنتعرف على أهميتها وطريقة شغلها وبرمجها وإليه اللي لازم يكون موجود فيها وكمان أشهر أنواعها. 

ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

غسالة الأطباق مهمة أصلا ولا لا

نبدأ بالسؤال الأهم وللي هيخليك أصلًا تاخد قرار الشراء من الأول، وهو هل غسالات الأطباق منتج مهم فعلًا، ومن غير ما ندخل في مقارنات وتفاصيل كتير، فغسالة الأطباق معناها إنك هتوفر وقت ومجهود وهتحصل على نضافة أحسن وكمان ست البيت هتحافظ على إيديها، ده غير إن الغسالة هتطلع الأطباق على الشيل على طول يعني نضيفة وبتلمع وناشفه كمان.

وطبقًا لأحدث الإحصائيات، فإن غسيل حمولة غسالة أطباق كاملة عن طريق الإيد بياخد ساعة كاملة وبيستهلك حوالي 49 لتر مياه، اما وضع الحمولة نفسها في الغسالة فبياخد ساعة برضه ولكنه بيستهلك 12 لتر مياه بس، وكمان غسالات الأطباق بتقدر توصل لدرجات حرارة المياه لمستويات متقدرش تتحملها إيد الإنسان وده معناه إنها هتقدر تقتل البكتريا والجراثيم، وعشان كده هي الخيار الأمثل عن غسيل الأطباق بالإيد وخصوصًا لو هتشغل الغسالة مع كامل الحمولة مش جزء منها بس عشان تستفيد بخاصية توفير المياه أقصى استفادة.

عناصر مهمة لازم مراعاتها في غسالة الأطباق

فيه عوامل كتير لازم تاخد بالك منها وانت بتشتري غسالة الأطباق، وأول عنصر من العناصر دي هو الميزانية، يعني المبلغ اللي انت مخصصة لشرا الغسالة، وده اللي هيخليك تقدر تحدد أهمية كل عنصر من العناصر اللي هنتكلم عنها على حدا.

الأرفف القابلة للحركة: حاول دايمًا تختار الغسالة اللي ممكن تتحكم في مكان الأرفف بتاعتها يعني تقدر تعلي رف أو توطي رف عشان تقدر تاخد الحاجات الطويلة زي الكاسات مثلًا.

الفتح الأوتوماتيكي للباب: مجموعة كبيرة من غسالات الأطباق لما بتخلص دورة الغسيل بتفتح الباب لسنتيمترات بسيطة وده بيسمح إن الحرارة والرطوبة والهوا السخن يخرجوا برا الغسالة.

قفل الأطفال: لازم يكون فيه قفل أطفال في الغسالة عشان مايعرفوش يفتحوها وهي شغالة.

التشغيل بميقاتي: من بين المميزات في عدد من غسالات الأطباق هي إمكانية تأجيل التشغيل وتحديد معاد محدد لتشغيلها وده بيسمح بتشغيل الغسالة أوتوماتيك في غير أوقات استخدامك للأطباق.

مستشعر الأوساخ: مجموعة من غسالات الأطباق عالية الإمكانيات بتتمتع بمستشعر بيقدر يحدد نسبة الأوساخ في الأطباق عشان يقدر على أساس كده يحدد نسبة المياه اللي محتاجها وكمان طول دورة الغسيل ودرجة الحرارة المطلوبة.

مؤشرات الملح ومحفزات الغسيل: ودي مؤشرات بتنور في حالة لو الغسالة محتاج ملح زيادة أو محتاجة لمحفزات غسيل خلال دورة الغسيل.

بالإضافة للعناصر اللي فاتت فيه كمان عناصر تانية أساسية برضه بس متعلقة بالتصميم، زي شكل الغسالة وأبعادها ومناسبتها للمكان اللي هتحطها فيه في مطبخك وكمان جودة الصناعة، العناصر دي مهمة جدًا بس ملهاش معايير محددة ومتوقفة على مطبخك وذوقك وكمان ميزانيتك.

أشهر إعدادات غسالات الأطباق

على عكس غسالات الملابس، البرامج في غسالة الأطباق مش كتير ومش معقدة وهنحاول اننا نلخص أهمها واللي ممكن أساميها تختلف من غسالة للتانية:

وضع Normal: وده الوضع الطبيعي المثالي للاستخدام اليومي وللي بيقدر يشيل البقع العادية من الأكل بالمياه على درجة حرارة ما بين 60 إلى 65 درجة مئوية.

وضع Eco: أو الوضع الاقتصادي وده الوضع الأمثل للبقع الخفيفة وده بياخد وقت أطول بس بيستخدم مياه أقل من الوضع الطبيعي أو المكثف وبيعتمد على درجة حرارة ما بين 50 لحد 55 درجة مئوية.

وضع Intinsive: أو الوضع المكثف وده الوضع المثالي للأكل المخبوز لانه بيعتمد على درجة حرارة عالية جدًا بيعمل على تنضيف أعمق للأطباق وكمان للغسالة نفسها.

وضع Delicate: وده الوضع المناسب للأواني الزجاجية والكبايات والكاسات أو الأطباق الصيني الخفيفة ودرجة الحرارة فيه بتكون اقل من الوضع العادي.

وضع Quick Wash: وضع الغسيل السريع لو انت مستعجل والأطباق مش و=متسخة أوي وبيعتمد على نفس درجة حرارة الوضع العادي.

وضع Hygiene: ومن اسمه بيتضح إنه الوضع المناسب للحاجات اللي عايزين نطهرها وانا بنغسلها زي مستلزمات الأطفال أو ألواح التقطيع وده بيعتمد على درجة حرارة عالية جدًا.

أبرز وأشهر أنواع غسالات الأطباق على ياقوطة

غسالة أطباق تورنيدو ١٢ فرد

بتقدم شركة تورنيدو مجموعة متميزة ومتنوعة من غسالات الأطباق واللي بتختلف من حيث السعة عدد البرامج، ومن بينها الغسالة دي تحديدًا اللي بسعة ١٢ فرد وبتتضمن ٦ برامج مختلفة، وبتتميز الغسالة بإمكانيات متعددة وممتازة وبرامجها المتعددة بتقدر تقدم أفضل نضافة وتطهير ممكن، وكمان مع الحفاظ عليها وعلى عمرها، الغسالة كمان فيها شاشة عرض عشان توضح البرنامج والأعطال، ورغم سعتها الكبيرة إلا إن أبعادها مش كبيرة ومش هتاخد مكان كبير قوي من مطبخك.

شوف عروض أسعار غسالات أطباق تورنيدو المتوفرة على ياقوطة من هنا.

غسالة أطباق بيكو سعة ١٥ فرد

واحدة من أفضل غسالات الأطباق بفضل الإمكانيات الممتازة اللي بتتمتع بيها وأولهم سعتها الكبيرة اللي بتكفي لحد 15 فرد وكمان نظام التعقيم المتميز اللي بيخلي الغسالة مش بس بتنضف الأطباق والصحون لا كمان بتحافظ عليها أمنة وصحية الاستخدام، الغسالة بتتميز بموتور انفرتر الموفر للطاقة وكمان بتقدر تشتغل على نص حمولتها ودي حاجة مش بتتوفر في عدد كبير من غسالات الأطباق التانية.

شوف عروض أسعار غسالات أطباق بيكو المتوفرة على ياقوطة من هنا.

غسلة أطباق زانوسي ١٣ فرد 

بتقدم شركة زانوسي مجموعة كبيرة من غسالات الأطباق اللي قدرت تحقق نجاح ممتاز في السوق المصري ومن بينها غسالة زانوسي ZDF22001xa اللي اخترناها كنموذج على غسالات الأطباق الممتازة اللي بتقدمها الشركة، الغسالة سعة ١٣ فرد وفيها سلة مخصوصة لادوات المائدة، وبتتميز الغسالة بتوافر ٦ برامج بتلات درجات حرارة مختلفة منهم برنامج الغسيل السريع اللي بيشتغل لمدة ٣٠ دقيقة عن درجة حرارة ٦٥ درجة مئوية وكمان فيها نظام تجفيف متطور جدًا.

الغسالة ممكن تشتغل أوتوماتيك بتحديد معاد تشغيل، وكمان فيها برنامج أوتوماتيكي للشطف وكل ده تقدر تتحكم فيه من خلال شاشة ذكية سهلة الاستخدام.

شوف عروض أسعار مختلف غسالات أطباق زانوسي المتوفرة على ياقوطة من هنا.

اتعرف على عروض أسعار مختلف غسالات الأطباق المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *