الدليل الكامل لاستخدام صواعق الناموس وأبرز أنواعها على ياقوطة
كتب: خالد عاصم
الحشرات الطائرة وخصوصا الناموس من أكتر أنواع الحشرات المزعجة وده لأنها من وسائل نقل الأمراض لدرجة خلت البعوض اللي هو الناموس أكتر وسيلة لنقل الأمراض القاتلة في العالم، لأنه بسبب اعتماده على مص الدم من الحيوانات والبشر بيقدر ينقل الدم ده من كائن لكائن تاني، وطبعًا ممكن يكون الدم ده محمل بكل أنواع الأمراض.
وعشان كده دايمًا بتطور طرق الحماية ضد الحشرات دي واللي بتتنوع ما بين المبيدات الحشرية السائلة أو الغازية واللي بتترش في البيوت أو الأماكن المفتوحة، أنواع اللصق اللي بتعتمد على جذب الحشرات بالألوان والروايح اللي بتجذبها، وكمان من خلال الأجهزة واللي أشهرها أجهزة صواعق الناموس واللي هنتكلم عنها النهاردة، وهنتعرف عليها وعلى طريقة عملها وكمان على اشهر أنواعها في السوق المصري على ياقوطة.
ولو أي جهاز من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
دليل فهم ومعرفة صواعق الناموس
تكوين أجهزة صواعق الناموس
صواعق الناموس في شكلها الاعتيادي اللي بنشوفه في كل مكان بتتكون من شبكتين داخليتين معمولين من قضبان، ومن الخارج فيه شبكة خارجية معزولة ضد الكهرباء، وجوا الصاعق بيكون فيه مصباح بيشتغل بالأشعة فوق البنفسجية ودي اللي بتكون السبب في للون البنفسجي أو الأزرق اللي بيبان جوا المصباح، وطبعًا في دايرة كهربية ودي اللي بتوصل الكهرباء للشبكين الداخليين وللمصباح.
طريقة عمل صاعق الناموس
الدائرة الكهربائية اللي بيعتمد عليها الجهاز بتتكون من مجموعة من المكثفات اللي مهمتها تفريغ وشحن الطاقة الكهربائية، وبتعمل الداشرة دي على توصيل شبكة القضبان الأولى بالقطب الموجب والشبكة التانية بالقطب السالب وده معناه إن المسافة ما بين الشبكين دول بتكون مشحونة بالكهرباء وبمجرد مرور الناموسة أو الدبانة من بين الشبكتين دول بيتم تفريغ الشحنة الكهربائية فيها وبالتالي بيتم صعقها.
عوامل أمان استخدام صاعق الناموس
صواعق الناموس زيه زي أي أجهزة بتعتمد على تيار كهربي لازم يكون فيه عوامل سلامة لاستخدامها، وبتزيد العوامل دي مع صاعق الناموس بالذات لأنه بيعتمد على شحنه كهربائية ضخمة ممكن توصل لحد ٦٠٠٠ فولت في بعض الأنواع، وده ممكن يكون ليه تأثير وضرر بالغ على الإنسان في حالة لمس المكونات الداخلية للصاعق، والأضرار دي بتتراوح ما بين التعرض لصعقة كهربائية قوية وممكن توصل للوفاة لا قدر الله، وعشان كده فيه شروط سلامة مهمة لازم ناخد بالنا منها واحنا بنستخدم صاعق الناموس.
- الجهاز ماينفعش يتساب على الأرض ولازم يتعلق على حيطة أو في السقف بحيث إن بعضه عن الأرض مايقلش عن مترين
- ماتستخدمش مسامير من المعدن في تعليق وتركيب الصاعق
- لازم يكون الجهاز بعيد عن أي مصدر للرطوبة أو المياه
- حاول مايكونش فيه أي حاجة ممكن الأطفال يطلعوا عليها عشان يوصلوا للجهاز
- ابعد الجهاز قدر الإمكان عن الأماكن اللي فيها خطوط غاز زي المطبخ أو أي مكان ممكن يصدر منه غازات كيميائية قابلة للاشتعال زي المعامل أو محطات البنزين
- ماتبصش بشكل مباشر على مصباح الصاعق لانه بيعتمد على الأشعة فوق البنفسجية اللي ممكن تسبب ضرر على عينك
- أوعى تدخل أي جسم معدني ناقل للتير الكهربائي جوا الجهاز خلال تشغيله
- في حالة رغبتك في تنضيف الجهاز لازم تشيل الفيشة وبعد كده دخل أي جسم معدني بطرف معزول زي مثلًا مفك بمقبش عازل ضد الكهرباء أو أي وسيلة مماثلة عشان تفرغ الشحنة الكهربائية الموجودة جوا الصاعق قبل ما تنضفه وطبعًا التنضيف ماينفعش يكون بأي وسيلة رطبة أو مبللة
عوامل لازم تاخد بالك منها وقت الشراء
- كل ما ارتفع سعر الصاعق كل ما كانت قدرته على القضاء على الناموس أفضل وكان صوته أقل وحمايته أعلى وخاماته أنضف
- لازم تتأكد عن اللمبات اللي جوا الصاعق بتنتج أشعة فوق بنفسجية لان فيه أنواع مضروبة بيكون فيها المصباح مطلي بس باللون الأزرق أو البنفسجي، وعشان كده لازم تتأكد من المعلومة دي
- يفضل تختار الصواعق اللي ليها غلاف بلاستيكي مقاوم للحرارة كعامل أمان أو تحرص على إن يكون الصاعق فيه أي عوامل أمان تانية
- أوعى تنسى الضمان واللي هينفعك في حالة حدوث أي مشكلة في الصاعق
أفضل أنواع صواعق الناموس على ياقوطة
صاعق ناموس جاك NGIK 90
من أبرز أنواع صواعق الناموس على ياقوطة واللي بيعتمد على ترانس عالي الجودة وقوي بيوفر قوة صعق قوية جدًا، وبيعتمد لمبتين كل لمبة فيهم بقوة 20 وات بمقاس ٦٠ سم بيشتغلوا بالأشعة فوق البنفسجية وكمان مزود بسلسلة لتعليقه في السقف.
اتعرف على عروض أسعار صاعق ناموس جاك NGIK 90 من هنا.
صاعق الناموس جامبو ٧٠ سم
صاعق متميز لانه بيعتمد على لمبتين مقاس كل واحدة ٧٠ سم يعني بيقدر يغطي مساحة كبيرة مع قوة جذب عالية للناموس بفضل الأشعة فوق البنفجسية وقوة صعق ممتازة مع توفير الأمان بفضل الجسم الخارجي العازل للكهرباء.
اتعرف على عروض أسعار صاعق الناموس الجامبو ٧٠ سم من هنا.
صاعق الناموس General GEK مقاس ٣٠ سم
صاعق ناموس صغير بتصميم ممتاز وشيك ومناسب للاستخدام في بيتك، بيعتمد على لمبتين مقاس ٣٠ سم بيشتغلوا بالأشعة فوق البنفسجية، وبيوفر قوة صعق قوية بفضل مزود الطاقة المربوط بمحول بجهد كهرومغناطيسي، وده بيخليه فعال جدًا وكمان موفر للطاقة ده غير إنه أمن جدًا.
اتعرف على عروض أسعار صاعق الناموس General GEK من هنا.
صاعق الناموس ATA مقاس ٤٠ سم
شركة ATA من الشركات المصرية الشهيرة في عالم صناعة الأجهزة المنزلية، وبتقدم لنا الشركة صاعق ناموس كويس جدًا سعره مثالي وإمكانية على الصعق ممتازة وكمان مقاسة متوسط فمناسب لأماكن كتيرة ومنها الأوض الصغيرة، وكمان بيتميز بعوامل أمان ممتازة.
اتعرف على عروض أسعار صاعق الناموس ATA مقاس 40 سم من هنا.
صاعق ناموس Star House مقاس ٣٠ سم
صاعق صغير مقاسه 30 سم بس ولكنه بيتميز بقوة صعق هائلة لأن قوته ٣٠٠٠ فولت وكمان قوة الأشعة فوق البنفسجية في اللمبتين اللي بيعتمد عليهم مش هتخلي ناموسة أو دبانه تفلت منه.
اتعرف على عروض أسعار صاعق ناموس Star House من هنا.
اتعرف على عروض أسعار مختلف أنواع صواعق الناموس على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.