كتبت: منى عوض

الناموس من الحشرات الطائرة اللي بتسبب مجموعة من الأمراض، ده غير إنها بتكون مؤذية وضارة جدًا. ورغم إن فيه أنواع كتيرة من المبيدات الحضرية اللي بتقلل من تواجد الناموس في أي مكان، فليها برضه بعض الأضرار الجانبية. وده سبب إن كتير من الناس بتعتمد على صاعق الناموس، لإنه بيعمل على القضاء على الناموس بشكل مستمر، ومالوش روائج ممكن تتعب الأطفال أو كبار السن.

هنتعرف من خلال ياقوطة على أهم مواصفات وأنواع صاعق الناموس، ولو عجبك وعاوز تشتريه ممكن من خلالنا تعرف أحسن الأسعار، وتقارن بينهم وتطلبه ويوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أنواع صاعق الناموس

أول حاجة حابين أننا نوضحها في المقال هو إن فيه نوعين مختلفين من صواعق الناموس، وهما:

أولًا: قاتل الناموس بالأقراص أو المواد العطرية السائلة

فيه جهاز صغير كده بيتحط في فيشة الكهرباء وبمجرد ما يتوصل بالتيار الكهربائي بيبدأ يبعث روائح عطرية في الجو، وبتحتوي الروائح دي على مواد كيميائية عشان تقدر تشل حركة الناموس لحد ما يموت تمامًا في مكانه أو تطرده في الأحيان التانية. وطبعًا فكرة شل حركة الناموس أو طرده بتعتمد على نوع الصاعق ونوع المادة اللي بيبعثها في الجو.

ثانيًا: صاعق الناموس الكهربائي

النوع ده من صواعق الناموس بيكون آمن جدًا للاستخدام المنزلي وآمن تمامًا على الأطفال. ده لأنه بيتكون من لمبتين نيون ملونين باللون الأزرق المايل للبنفسجي اللي بدورهم بيصدروا أشعة فوق بنفسجية.

الصاعق بيتكون أيضًا من شبكة كهربائية مزدوجة لصعق كل أنواع الحشرات وكمان فيه جزء سفلي في الصاعق عشان يجمع الناموس والحشرات المصعوقة وبيحاوط كل ده غلاف بلاستيكي خارجي قوي.

الأضواء الموجودة داخل الصاعق الكهربائي بتعمل علي جذب الناموس والحشرات الطائرة تجاه الصاعق اللي بدوره بيصدر صوت خلال عملية الصعق وبيخلص البيت تماما منهم.

الجدير بالذكر كمان إن الصاعق ده من السهل فكه وتنظيفه وتركيبه وتشغيله وبيعتبر آمن تمامًا على الأطفال وعلى صحة كل الموجودين في البيت. لأنه مش بيصدر أي موجات أو روائح تضر البيئة أو الصحة.

نصائح ما قبل الشراء

دايمًا لما نيجي نشتري أي جهاز لازم يكون فيه شوية حاجات بناخد بالنا منها، عشان كدا هنستعرض دلوقتي شوية نقاط بسيطة لازم ناخد بالنا منها وأحنا بنختار صاعق الناموس الكهربائي:

أولًا: المكان

واحنا بنشتري صاعق الناموس الكهربائي لازم نكون محددين إحنا هنستخدمه جوه مكان مغلق، ولا في مكان مفتوح، ولا في الحالتين. ده لأن كل نوع فيهم بيقدر يغطي لحد مساحة معينة.

ثانيًا: لمبة الإضاءة

معروف إن صواعق الناموس الكهربائية بتحتوي على لمبات بتصدر أشعة فوق بنفسجية لجذب الناموس ليها وبعدين صعقه بالتيار الكهربائي. ولكن فيه بعض الأنواع من الصواعق بتكون مغشوشة يعني بيكون فيها لمبة مطلية باللون الأزرق المائل للبنفسجي والأشعة اللي بتصدرها مش أشعة فوق بنفسجية. وبالتالي لازم نفحص الجهاز كويس الأول قبل شرائه.

ثالثًا: الأمان

كل صاعق ناموس كهربائي بيحتوي على شبكة كهربائية حواليها غلاف بلاستيكي خارجي عشان يوفر درجة أمان كبيرة تبعد الأيادي من الوصول إلى الشبكة الكهربائية، عشان كده لازم ناخد بالنا من مدى جودة وقوة البلاستيك المصنوع منه الغلاف ده، ولازم يكون عازل كهربائي كويس وكمان مش بيسيح من التعرض لدرجات الحرارة العالية.

رابعًا: الحجم

حجم الصاعق الكهربائي بيؤثر في مدى فعاليته. يعني لو هتسخدم الجهاز في أماكن مغلقة مش هيفرق حجم الجهاز كتير إلا لو كانت المساحة كبيرة. أما لو هتستخدمه في الأماكن المفتوحة فيفضل أن حجم الجهاز يكون أكبر.

خامسًا: النظافة

لازم تاخد بالك من مدى سهولة فك الصاعق أو إزالة الدرج السفلي الموجود في الصاعق لتنظيفه كل فترة من بقايا الحشرات والناموس المصعوق جواه وعشان تضمن إنه هيفضل يشتغل بكفاءة لأطول فترة زمنية ممكنة. كمان مهم تنضف حواليه دايمًا، لغن كتير الحشرات والناموس بيموت حوالين الجهاز، واللي بدوره بيجمّع حواليه نمل واللي بيكون مؤذي لكل الموجودين في المكان.

سادسًا: الضمان وخدمات ما بعد البيع

لازم تاخد بالك من وجود ضمان على الجهاز ومدة الضمان واللي غالبًا بتكون سنة وكمان مراكز خدمة ما بعد البيع ومدى كفائتها. عشان لو واجهت أي مشكلة في الجهاز تقدر تحلها بكل سهولة وبأقل جهد.

من الممكن تشوف وتختار من بين العديد من أنواع صواعق الناموس من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.