دليلك لاختيار كبايات لطفلك الرضيع

دليل كامل لأنواع الكبايات المختلفة الموجودة في السوق و مميزاتها و عيوبها و سعرها

كتبت: يارا الحميلي

بعد ما الأم بتخلص من حيرة اختيار الببرونات وبمجرد ما الطفل يتم ٦ شهور ويبدأ يدخله الأكل، بتبدأ الأم تحتار تاني في اختيار الكباية المناسبة للطفل لشرب المياه.. وأهمية الكباية بالنسبة للبيبي مش بس لشرب المياه، ولكن الأكاديمية الأمريكية لطب الأطفال بتنصح بوقف استخدام الببرونات بعد عمر ٦ شهور عشان ده العمر اللي السنان بتبدأ تطلع فيه، والاستمرار في استخدام الببرونة في الوقت ده ممكن يؤدي لتسوس الأسنان عند الرضع. كمان الدراسات أثبتت إن الآباء اللي استنوا لبعد السن ده عشان يحاولوا يخلوا أطفالهم يبطلوا الببرونات كانت نسبة نجاحهم أقل من اللي بطلوها عند سن ٦ شهور وكانت العملية أصعب بكتير في الوقت ده.
وعشان أهمية الكباية بالنسبة لطفلك وعشان الكبايات زي بقية مستلزمات الأطفال ليها أشكال وأنواع كتير ياقوطة قررت إنها النهارده تقدملك دليل كامل لأنواع الكبايات المختلفة الموجودة في السوق، وأشكالها، وماركاتها، وكمان هتقولك مواصفات، ومزايا، وعيوب كل نوع منها، لو عجبك حاجة منهم وعايز تشتريها، تقدر تعرف سعرها، وتقدر كمان تطلبها من خلال موقعنا وهتوصلك لحد البيت في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الكوب ذو الفوهة المرنة Sippy Cup

الكبايات دي أكتر الخيارات شعبية للأمهات اللي عايزين يبطلوا لولادهم الببرونة في سن صغير زي ما قلنا من أول 6 شهور بس طبعًا الأطفال مختلفين وفي بعض الأطفال مش بيقدروا على الخطوة دي قبل سن سنة ودي حاجة مقبولة عشان دايمًا الاختلافات الفردية موجودة بين الأطفال. النوع ده من الكبايات بيبقى بلاستيك وعنده حلمة سيليكون عشان تبقى قريبة من الببرونة شوية. الغطاء بتاعها مصمم بطريقة تحمي السائل اللي جواها من إنه يتدلق. 
وفي حين إن بعض الخبراء بيحذروا من إن النوع ده من الكبايات ممكن يأخر التلائم الحركي للطفل لإنه مش بيدربه على إنه يحط لسانه في الوضع السليم للشرب، فيه أمهات كتير جربوه ولقوا إن مفيش مشاكل حصلت لأطفالهم. النوع ده ممكن الطفل يستخدمه من عمر 6 شهور ولحد ما يبقى مستعد للكباية اللي بشفاطة وبينصح إن المرحلة دي متستمرش فترة طويلة عشان ماتعرقلش تطور الطفل، المفروض إن الآباء يحاولوا وقف استخدام النوع ده من الكبايات عند سن سنة.

كباية نوبي 9648

المواصفات المزايا العيوب
  • خالي من البيسفينول أ.
  • الكباية بتشيل لحد ٢٩٥ مللي.
  • مصممة بحجم قبضة إيد الطفل عشان يبقى أسهل في المسك.
  • الوزن: ٢٥٠ جرام.
  • سهلة جدًا في تنضيفها، وممكن تتحط في غسالة تنضيف الأطباق بأمان.
  • سهلة في تركيبها.
  • سهل الطفل يمسكها.
  • بتساعد جدًا الطفل على عملية الانتقال من الببرونة للكباية.
  • تصميمها جذاب.
  • لازم تتأكد إن الغطا متثبت في مكانه لو ده محصلش هتبدء تنقط.
  • عمرها قصير.
  • الخامات جودتها محدودة.
  • سعرها غالي شوية بالنسبة لإمكانياتها.

شوف كباية نوبي من هنا.

الكوب بشفاطة

نظريًا الطفل ممكن يستخدم الكباية دي من عمر سنة، بس بتحتاج شوية صبر وتدريب.الأنواع دي أحسن عشان تعلم الطفل طريقة الشرب الصحيحة، بس بتحتاج شوية مهارات متقدمة.

كباية فيليبس أفنت

المواصفات المزايا العيوب
  • بتشيل لحد ٢٦٠ مللي.
  • مناسبة من أول سن سنة.
  • بتحتفظ بحرارة السوائل الباردة.
  • خالي من البيسيفينول أ.
  • شفاطة ناعمة وصمام مضاد للتسرب.
  • الأجزاء بتاعتها متطابقة مع كل خطوط إنتاج أفنت، فممكن تستخدم أجزاء أي منتج تاني مماثل من أفنت ليها.
  • الوزن: ١٨٠ جرام..
  • سهلة في تنضيفها.
  • بتعيش سنين طويلة.
  • صعب جدًا إن السائل يتدلق منها.
  • المياه بتنزل بسهولة لما الطفل يشفط.
  • مصممة للمياه واللبن فقط وغير مصممة للعصير
  • قفل أمان الأطفال اللي هي مزودة بيه صعب استخدامه شوية، هيحتاج تضغط عليه بقوة عشان تفتحها.
  • مش مصممة عشان تستحمل المية المغلية، ولو حطيت فيها مية مغلية شكلها ممكن يتغير، وده بيخلي تعقيمها صعب.
  • جودة الخامات الداخلية مش كويسة قوي.

شوف كباية فيليبس افنت هنا، من هنا.

زمزميات الأطفال

الزمزميات دي ممكن الطفل يستخدمها من عمر ٣ سنين.

زمزمية تابروير للأطفال

المواصفات المزايا العيوب
  • اللون: أصفر.
  • الخامة: Polypropylene
  • سعرها معقول.
  • عمرها طويل.
  • بتحافظ على السائل اللي جواها وممكن استخدامها لحفظ العصير.
  • صحية جدًا.
  • ساعات بتنقط.

ممكن تشوف زمزمية تابروير للأطفال من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.

Leave a Reply

Your email address will not be published. Required fields are marked *