دليلك لأكثر أجهزة مراقبة الطفل شعبية: المواصفات والمزايا والعيوب

مواصفات ومميزات وعيوب وأسعار أجهزة مراقبة الطفل شعبية

كتبت: يارا الحميلي

اليومين دول الأعباء بتزيد على الأب و الأم، من الشغل للبيت للالتزامات التانية. وعشان ضغوطات الحياة دي بيزودها كمان وجود طفل في البيت، وجود جهاز لمراقبة الطفل بقى حاجة مهمة وضرورية؛ وده لإنه بيوفر كتير قوي من الوقت والمجهود اللي بيضيع في إنهم يتأكدوا إن الطفل كويس أو نايم في الوضع الصحيح. الدراسات أثبتت إن في الوقت اللي الطفل بيتم فيه سنة، الأب والأم بيكون ضاعت عليهم ١٨٣٦ ساعة نوم، الرقم اللي بيعادل تقريبًا ٧٧ يوم.

تجنبًا للموضوع ده بيبقى الجهاز ده أساسي لسلامة الطفل وراحة بال الأب والأم. جهاز المراقبة بيدي فرصة للأهل إنهم يناموا من غير ما يضطروا كل شوية يقلقوا ويقوموا يشوفوا الطفل كويس ولا لأ، بيعيط ولا لأ، لإنهم هيبقوا دايمًا شايفينه أو على الأقل سامعين صوته. الجهاز ده كمان مفيد جدًا للأمهات اللي عندهم مربيات، لإنه بيسمح للأم إنها تطمن على الطفل وهو مع المربية طول الوقت.

ولإن فيه منه أنواع وأشكال وأسعار كتير، ياقوطة جمعتلك أهم الأنواع اللي موجودة في السوق، وفي المقال ده هنتعرف على مزايا وعيوب كل منتج وتجارب المستخدمين ليه وأفضل أسعاره. كمان هتقولك إيه الحاجات اللي لازم تفكر فيها قبل ما تشتري جهاز مراقبة البيبي. لو عجبك أي منتج ممكن تشوف أفضل الأسعار ليه على ياقوطة وتطلبه واحنا هنوصله لحد عندك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

إيه الحاجات اللي لازم تفكر فيها قبل ما تشتري؟

الأمان

أجهزة المراقبة الأنالوج عادة بتكون أرخص من الأجهزة الرقمية، بس المشكلة إن إي حد ممكن يسمع اللي بترسله أجهزة مراقبة الأنالوج.  الأجهزة الرقمية بتكون أكتر أمنًا من الأجهزة الأنالوج عشان بيشفر الموجات اللي بيرسلها.

عايز تسمع البيبي ولا تشوفه كمان؟

لازم تحدد إنت عايز ايه من جهاز المرقبة، هل عايز جهاز يعرفك لما الطفل يعيط فقط و لا محتاج كمان تكون شايف الطفل؟ طبعًا فوايد جهاز التحكم الصوت فقط إنه بيكون أرخص من الصوت و الصورة و بياخد مساحة أقل. أجهزة المراقبة الصوت و الصورة بيكون ليهم أشكال ومميزات مختلفة. في منهم بيشتغلوا في الضلمة وفي منهم تقدر تشوف الطفل وإنت في الشغل حتى.

التردد

التردد بتاع الجهاز اللي انت محتاجه هيعتمد على المسافة اللي بينك و بين الطفل، لو المسافة طويلة هتحتاج جهاز يكون التردد بتاعه عالي و لكن لو البيبي في الأوضة اللي جنبك أو البيت مساحته مش كبيرة مش هتبقى محتاج الخيار ده.

الحجم

كل ما كان أصغر كل ما كان أحسن طبعًا و أسهل في النقل، لو النقطة دي مهمة جدًا بالنسبالك في أجهزة بتشتغل على التليفون بتاعك دون الحاجة لوحدة تانية لنقل الصوت أو الصورة أو الاتنين.

مؤشر قرب نفاذ البطارية

في أجهزة معينة بيكون فيها مؤشر بينبهك إن البطارية قربت تفضى وده طبعًا خيار كويس.

أجهزة إرسال متعددة

لو عندك أكتر من طفل و قاعدين في كذا غرفة، ممكن تكون محتاج للميزة دي و اللي هتخليك تشوف أكتر من أوضة في نفس الوقت.

أجهزة استقبال متعددة

لو كذا شخص بيشاركوا في رعاية الطفل، النوع ده من الأجهزة بيبعت إشارات لكذا واحد في نفس الوقت.

جهاز مراقبة الطفل من فيليبس أفنت – أنالوج

المواصفات

  • الضوابط قابلة  لتعديل القنوات للقضاء على تداخل الصوت.
  • تحكم  عالي في الصوت عشان تقدر تسمع أي همسة.
  • وحدة إضافية للأباء للتنقل السهل.
  • أصوات مضيئة عشان تخليك دايمَا منتبه لصوت الطفل.
  • أضواء و أصوات بسيطة عشان تتأكد على طول إنك على اتصال.
  • وحدة أنيقة ترددها بيصل إلى ١٥٠ متر.
  • الأبعاد: ٢٠×١٠×٣٠ سم.
  • الوزن: ٤٠٠ جرام.
  • وحدة أباء إضافية.
  • وقت التشغيل بالبطارية: ٦ ساعات.
  • الطاقة: ١١٠-٢٤٠ فولت.
  • نطاق التردد: ٤٠ ميجاهرتز أنالوج.
  • عدد القنوات: ٢.
  • مؤشر عند قرب نفاد البطارية.
  • السن المستخدم: من ٠-٦ شهور.

المزايا

  • سعره مناسب.
  • سهل في استخدامه.
  • صوته واضح جدًا وعالي.
  • عملي وتصميمه بسيط.
  • سهل تظبيط الاعدادات.
  • مرن.

العيوب

  • مفيش صورة، صوت بس.

تجارب المستخدم

  • مفيد و بيخلي الأم تقدر تتطمن على الطفل وهي بتشتغل.
  • جودته كويسة جدًا وبيعيش سنين طويلة.

ممكن تشوف جهاز مراقبة فيليبس أفنت أنالوج من هنا.

جهاز مراقبة فيليبس أفنت DECT

المواصفات

  • ١٠٠٪ خصوصية في الاتصال.
  • ضوء و موسيقى ليلية.
  • خاصية إعادة التحدث.
  • خاصية متابعة درجة حرارة الغرفة.
  • تردد يصل إلى ٣٣٠ متر في الخارج و ٥٠ متر في الداخل.
  • وجود تقنية الاتصالات اللاسلكية المحسنة و اللي بتخلي الصوت واضح.
  • وحدة الأباء قابلة للشحن.
  • مدة التشغيل: حتى ١٨ ساعة.
  • الطاقة: ١٢٠ فولت.
  • وقت الشحن: ١٠ ساعات.
  • اختيار تلقائي للمحطة.
  • مؤشر لقرب نفاذ البطارية.
  • مؤشر تلقائي عند قرب الخروج من منطقة التغطية.
  • السن: من ٠-٦ شهور.
  • شاشة LCD.
  • وضع هزاز.

المزايا

  • تغطية عالية.
  • الأغاني اللي عليه بتساعد الطفل عشان ينام.
  • صوته واضح.
  • مفيش تشويش على الصوت.
  • عمر البطارية طويل.
  • فيه منبه لما تفقد الاتصال بالجهاز.

العيوب

  • غالي شوية.
  • مفيش كليبس أو حزام فيه عشان تقدر توصله بهدومك وهتضطر تفضل شايله في إيدك.
  • مفيش وحدة آباء إضافية.
  • الصوت محتاج يعلى شوية

تجارب المستخدم

  • صوته واضح جدًا ومش هتلاقي أي صعوبة إنك تسمع صوت الطفل أو إن الطفل يسمعك بفضل تقنية الاتصالات اللاسلكية المحسنة.
  • كمان اّمن جدًا ومش هتشيل هم إن حد يسمع صوتك من برة البيت معاه، و ده لإن شبكة الاتصال مشفرة.
  • سهل تركيبه واستخدامه لكن لونه وتصميمه شكلهم مش شرط يعجب كل الناس.

ممكن تشوف جهاز مراقبة فيليبس أفنت بخاصية الاتصالات اللاسلكية المحسنة من هنا.

جهاز متابعة شيكو – توب ديجيتال

المواصفات

  • الوزن: ١٦٣ جرام.
  • الأبعاد: ٣×٦×١١ سم.
  • نوع الطاقة: بطاريات.
  • وحدة متابعة البيبي.
  • وحدة متابعة للأم.
  • ٢ أدابتر.
  • ١ كابل mp3.
  • سماعات.
  • بطاريات مدمجة قابلة للشحن.
  • كتالوج.

المزايا

  • خفيف ومدمج.
  • ممكن استخدام البطاريات فيه فسهل في السفر.
  • وحدة الأم بتستمر ١٢ ساعة.
  • بيوري الوقت والتاريخ.

العيوب

  • الكتالوج الكلام فيه صغير جدًا.
  • الصوت واطي شوية.
  • مش معاه ريموت كنترول.

تجارب المستخدم

  • الجهاز كويس جدًا، لو ماعندكش مشكلة إنك تقرا الخط الصغير اللي في الكتالوج، اللي ممكن يكون صعب جدًا إنه يتقري حتى بالنضارة المكبرة، زائد إن الكتالوج فيه صفح ناقصة ومش في مكانها.
  • غالي شوية لكن إمكانياته هايلة.

ممكن تشوف جهاز مراقبة الطفل من شيكو من هنا.

جهاز مراقبة شيكو الصوتي الكلاسيكي

المواصفات

  • وحدتين بيشتغلو ببطاريات قابلة للشحن أو أدابتر.
  • التردد: حوالي ١٥٠ متر.
  • خاصية تنشيط الصوت.

المزايا

  • واضح جدًا ومفيش نشويش.
  • بيغطي مسافة كبيرة.

العيوب

  • القاعدة بتاعته صغيرة قوي فممكن يقع من عليها بسهولة.
  • مفيهوش صورة صوت بس.

تجارب المستخدم

  • من أحسن الأنواع اللي موجودة في السوق، وماعندوش التشويش اللي موجود في كتير من الأجهزة لما تبقى جنب الراديو أو التليفزيون.

ممكن تشوف جهاز مراقبة الطفل الصوتي من شيكو من هنا

جهاز مراقبة انفانت اوبتيكس مع العدسة المتبادلة

المواصفات

  • أول جهاز يطلع يبقى فيه شاشة مع خاصية العدسة المتبادلة ، واللي بتسمحلك تظبط زوايا الرؤية وتكّبر وتصغّر الصورة.
  • شاشة كبيرة ٣٫٥ بوصة، LCD و كاملة الألوان.
  • ريموت كنترول وخاصية تكبير وتصغير الصورة.
  • عمر البطارية: ١٠ ساعات في  وضع توفير الطاقة و ٦ ساعات و الشاشة شغالة.
  • اللون: أبيض.

المزايا

  • صورة الكاميرا واضحة و حلوة جدًا حتى بالليل.
  • الصوت واضح جدًا.
  • التركيب سهل جدًا.
  • الكاميرا خفيفة جدًا.

العيوب

  • الزراير ساعات بتعلق.
  • مش بيغطي مساحة كبيرة خالص

تجارب المستخدمين

  • الرؤية ممتازة في كل الظروف حتى بالليل في الضلمة و فيه خاصية إنك ترسل للأوضة اللي فيها البيبي و ده بيخليك تقدر تكلمه وتطمنه إنك جايله أول ما يعيط.
  • التحكم في الصورة رائع، ممكن تتحكم في الزاوية والحجم و كمان الصوت، الوحدة بتشتغل من غير سلك و ده معناه إنك ممكن تشيلها معاك وإنت بتعمل أي أعمال منزلية.
  • الميكروفون حساس جدًا وبيلقط أقل صوت وده ممكن يكون ميزة للبعض و عيب للبعض اللي بيضطروا يصحوا كتير بسبب إنه بيلقط أصوات البيبي وهو بيتنفس أو وهو بيتقلب.
  • غالي شوية لكن ده عادي بالنسبة لإمكانياته وبالنسبة للجودة اللي بيقدمها.
  • ساعات الزراير بتعلق، وفي الوقت ده هتضطر تقفل الجهاز وتفتحه من الأول.

ممكن تشوف جهاز مراقبة انفانت اوبتيكس مع العدسة المتبادلة من هنا.

كمان ممكن تشوف مجموعة أكبر من أجهزة مراقبة الطفل من هنا.

ده كان شرح مفصل لمزايا وعيوب ومواصفات كل جهاز من أجهزة مراقبة الطفل، لو عايز تشوف مجموعة أكبر من دي ممكن تشوفها من هنا.

لو ليك تجربة مع أي جهاز مراقبة، قولنا رأيك فيه عن طريق تعليق.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.

Leave a Reply

Your email address will not be published. Required fields are marked *