كتب: خالد عاصم

التلاجات من الأجهزة اللي بتستخدم في اليوم مرات كتير جدًا مابين فتح وقفل ووضع أكل وشيل أكل واستخدام للفريزر وغيرها من الاستخدامات اللي رغم من إن التلاجات من لأجهزة المعمرة إلا إنها بتتأثر بشكل كبير مع الوقت، عشان كده لما تيجي شتري تلاجة جديدة لازم تختار تلاجة من شركة معروفة مش بس بإمكانيات أجهزتها، لا كمان بخدمات ما بعد البيع وتميز الصيانة، ومن بين الشركات المعروفة جدًا في مصر لسنين كتير فاتت تلاجات كريازي.

ومن بين تلاجات كريازي المتوفرة في السوق المصري واللي بتتميز بسعر مقبول وإمكانيات كويسة في فئتها، تلاجة كريازي نوفروست ٣٧٠ لتر موديل KH371NV-2 ودي التلاجة اللي هنتكلم عنها النهاردة لاكتر من سبب.

من بين الأسباب اللي هتخلينا نتكلم عن تلاجة كريازي نوفروست ٣٧٠ لتر الارتفاع الكبير في الأسعار اللي خلى إنك تلاقي تلاجة كويسة بسعر مقبول مسألة صعبة جدًا، وعشان كده اخترنا تلاجة بسعر مش قليل بس مقبول جدًا بالنسبة لإمكانياتها اللي بتخليها تاخد مكانة كويسة ما بين المنافسين، من الأسباب التانية إنها نوفروست وإن إمكانياتها كويسة وسعتها كبيرة نسبيًا، والأهم إنها من شركة كريازي اللي المصريين يعرفوها كويس جدًا ولسنين كتير كانت تلاجات كريازي موجودة تقريبًا في كل بيت مصري.

في السطور الجاية من المقال ده هنعمل مراجعة كاملة لتلاجة كريازي نوفروست ٣٧٠ لتر KH371NV-2 وهنتعرف على مواصفاتها ومميزاتها وعيوبها وكمان متوسط سعرها في السوق المصري.

ولو أي تلاجة من اللي هنتكلم عنهم عجبتك هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تلاجة كريازي نوفروست ٣٧٠ لتر KH371NV-2

المواصفات

• أبعاد التلاجة: عمق ٦٥٫٥ مم × عرض ٦٦ مم × ارتفاع ١٦٨٫٤ مم
• نوع التلاجة: نوفروست
• السعة: ٣٧٠ لتر – ١٣ قدم مكعب
• التصميم: بابين واحد للتلاجة والتاني للفريزر الخارجي
• عدد الأرفف الداخلية: ٣ أرفف
• رف صناعة التلج: متوفر
• العمر الافتراضي: ١٥ سنة
• الضمان: ١٠ سنين
• الموديل: KH371NV-2

مزايا وعيوب تلاجة كريازي نوفروست ٣٧٠ لتر

مزايا تلاجة كريازي نوفروست ٣٧٠ لتر

• التلاجة بتقنية نوفروست يعني أفضل سبل التعامل مع التلج لأنها ماتبعملش تلج أصلًا مش زي تلاجات ديفروست اللي بتعمل تلك بس بتقدر تذيبه من نفسها وده معناه الحفاظ على الفريزر لأطول فترة ممكنة
• سعة التلاجة مقبولة للبيوت اللي بأعداد متوسطة يعني سعة ١٣ قدم مقبولة جدًا
• التلاجة مصنوعة من مواد كويسة جدًا وقادرة على تحمل العمل لسنين
• موتور قوي للتبريد والتجميد بسرعة
• جسم التلاجة مصمم للحفاظ على درجة الحرارة المنخفضة لفترة مش قليلة حتى لو انقطع التيار الكهربائي
• أرفف قابلة للتعديل
• رفم مخصص لعمل التلج داخل الفريزر بيعمل ١٢ مكعب تلج في المرة الواحدة
• تحكم منفصل في درجة حرارة التلاجة والفريزر مع تحكم في التلاجة بدرجات من واحد لخمسة، ودرجات للتحكم في الفريزر من صفر لخمسة
• أبعاد التلاجة مقبولة مش ضخمة خالص ومش هتاخد مساحة زيادة من المطبخ وده بيخليها مناسبة للمطابخ الصغيرة والمتوسطة
• إضاءة داخلية قوية بتعيش لسنين من الاستخدام المستمر
• عمر افتراضي طويل جدًا
• ضمان عشر سنين من شركة بتتميز بخدمة عملاء ممتازة

عيوب تلاجة كريازي نوفروست ٣٧٠ لتر

• التلاجة مش مناسبة للعائلات الكبيرة
• أرفف تنظيم باب التلاجة مش متقسمة ومش عملية أوي وارتفاع رف الزجاجات السفلي عالي جدًا بدون مبرر
• الدرج السفلي لحفظ الخضروات والفاكهة مش كبير
• مفيش درج مخصص للحفاظ على درجة حرارة اللحوم والفراخ بره الفريزر
• التلاجة مفيهاش تقنيات للحفاظ على الطعام ولا فلتر للراويح مثلًا
• تصميم التلاجة قديم شوية وكلاسيكي زيادة عن اللزوم

اتعرف على عروض أسعار تلاجة كريازي نوفروست ٣٧٠ لتر من هنا.

اتعرف على عروض أسعار مختلف تلاجات كريازي على ياقوطة من هنا.

اتعرف على عروض أسعار مختلف التلاجات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.