مراجعة تلاجة باساب كومبي بفريزر رأسي ٤١٠ لتر- ١٥ قدم

مميزات وعيوب و سعر تلاجة باساب كومبي بفريزر رأسي ٤١٠ لتر- ١٥ قدم

كتبت: أمنية عزمي

التلاجة واحدة من أهم الأجهزة المنزلية ومهم إنك تختار تلاجة تعيش معاك سنين وطبعًا فيه منتجات كتير وموديلات كتير في السوق. وعند التفكير في شراء تلاجة جديدة فيه مجموعة أسئلة بتيجي في بالنا. هل كل التلاجات زي بعض! هل كلها بنفس الكفاءة! أكيد لأ. لكن دايمًا فيه تفاصيل لازم تاخد بالك منها لما تيجي تختار أي تلاجة زي مساحة المكان المخصص أو المتاح للتلاجة عندك، وحجم التلاجة وطاقتها الاستيعابية وأدراج التلاجة وخامتها، والإنارة داخل التلاجة، كل دي أسئلة مهم نخليها في بالنا عند الشراء.

وعلشان ياقوطة يهمها تسهل عليكم الاختيار هنتكلم النهارده عن تلاجة باساب كومبي بفريزر رأسي ٤١٠ لتر- ١٥ قدم واللي فيها مميزات كتيرة مقارنة بالمنافسين. ومن خلال الريفيو ده هنتعرف أكتر على مميزات وعيوب التلاجة ولو عجبتك وحبيت تشتريها تقدر تطلبها من ياقوطة وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

كود المنتج PA390HL1IVGFYNAFAMZ
اللون فضي.
بلد المنشأ مصر.
الموديل Combi 410 L
أبعاد المنتج: الارتفاع*العرض*العمق ١٧٥ × ٥٩ × ٦٣.
مدة الضمان سنتين.
الخامة الأساسية صاج معالج مقاوم للصدأ.
السعة ٤١٠ لتر.

المميزات

  • ثلاجة وفريزر رأسي. مثالية للمساحات الضيقة ومناسبة جدًا للأشخاص اللي بيتسوقوا ضمن ميزانية محددة أو العائلات اللي عددها متوسط، وبتعتبر أفضل للأشخاص اللي بيستخدموا التلاجة بشكل مستمر خاصة كبار السن، لأن المحتويات بتكون أقرب بالنسبة لهم ومش بيضطروا يتنوا ركبهم أو ضهرهم نظرًا لتواجد التلاجة في الأعلى والفريزر في الأسفل.
  • مزودة بخاصية ديفروست اللي بتساعدك على الاحتفاظ بالأطعمة طازة.
  • مزودة بموتور للبيئة الحارة. مناسبة للتعايش في درجات الحرارة العالية وبتتحمل وموتورها قوي.
  • موتور هادئ. بتشتغل بدون ضوضاء أو إزعاج. بس ياريت تكون حريص إنك تخلي مسافة ورا التلاجة وحواليها للتهوية علشان تحافظ على قدرة تشغيلها بنفس الكفاءة طول الوقت.
  • التلاجة سعتها اللترية ٢٤٨ لتر وفيها أربع أرفف معدنية وأربع أرفف في الباب. ومكان لزجاجات المياه ورف مخصوص للبيض والزبدة. ومزودة بدرجين تحتفظ فيهم بالخضار والفاكهة ولمبة داخلية تساعدك على رؤية ما بداخل التلاجة.
  • الفريزر سعته اللترية ١٠٢ لتر ومزود بتقنية إذابة التلج ذاتي، ودرجة تبريده بتوصل لـ ٢٨ يعني تجميد ممتاز للأطعمة.
  • الفريزر مزود بـ ٣ أدراج وده بيساعدك على تنظيم حاجتك والوصول للأطعمة بشكل سهل وسريع.
  • بتقدر تتحكم في ارتفاعات الأرفف داخل التلاجة حسب احتياجك.

العيوب

  • مفيهاش أداة صنع التلج.
  • حجمها مش مناسب مع العائلات الكبيرة.
  • الأدراج البلاستيك بتحتاج عناية خاصة في التعامل معاها علشان بتبقى قابلة للكسر خاصة في التحميل عليها بأوزان تقيلة.
  • خاصية الديفروست مش بتدوب التلج بشكل كامل زي النوفروست، ودي بتحتاج منك إنك تفصل التلاجة كل فترة علشان تدوب التلج اللي في الفريزر وتنضفها.

خدمة العملاء

  • ضمان سنتين شامل كل قطع الغيار الأصلية بالضمان. مراكز منتشرة في كل مكان. مهندسين متخصصين وخدمة مميزة واستجابة سريعة للعميل والتصليح يتم في المنزل إلا في حالات نادرة إذا احتاجت نقلها للصيانة.

تجربة المستخدم

  • ثلاجة ممتازة وبينصحوا بشرائها وخدمة العملاء تعاملاتهم محترمة.

شوف تلاجة باساب كومبي بفريزر رأسي ٤١٠ لتر  ١٥ قدم من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

4 thoughts on “مراجعة تلاجة باساب كومبي بفريزر رأسي ٤١٠ لتر- ١٥ قدم”

  1. Wesha hassan says:

    انا اشتريت تلاجه باساب وكلها مشاكل من ساعة مااشتريتها مابتفصلش الا وقت قليل جدا وبتسيح الحاجه في الفريزر وترجع تجمدها بصراحه قرفتني

  2. كابتن طيار / صلاح هلال. مصر للطيران says:

    صباح الخير
    هل مازال لديكم ثلاجه 6.قدم 2 باب نوفروست
    مع جزيل الشكر

    1. Mohamed Abdelrahman says:

      أهلا يا أفندم

      ممكن تحديد الموديل المطلوب؟

  3. Wesha Mostafa says:

    انا عندي تلاجه باساب بقالها عشر سنين قارفاني اولا بتزن طول الليل والنهار مابتفصلش الا نادرا وبتسيح الحاجه وتجمدها فتلاقي الحاجات بايظه وهي متجمده وطالع ريحه من الفريزر وبتنزل ميه من الفريزر ع الحاجات في التلاجه بصراحه مؤرفه ولا انصح بها

Leave a Reply

Your email address will not be published. Required fields are marked *