تفتكروا شم النسيم احتفال فرعوني ولا لأ؟
كتب صفاء مجدي
مفيش شك أن العالم كله بيحتفل ببداية السنة الجديدة وكل واحد على حسب التقويم اللي تابع له، أما في شم النسيم احنا المصريين بنحتفل ببداية خلق الحياة كلها، لكن تفتكروا احنا بس اللي بنحتفل بالربيع! ياقوطة بتفكرك أن السنة دي شم النسيم يوم 2 من شهر مايو- شهر 5- كل سنة وأنتم طيبين.
تاريخ الاحتفال بشم النسيم في مصر
لو كنت فاكر أنك عارف كل حاجة عن شم النسيم فاحنا هنخليك تفكر تاني! في رأيين فيما يتعلق بتاريخ شم النسيم في مصر
(1) الرأي الأكثر انتشارًا هو أن عيد شم النسيم عيد فرعوني قديم
بدأ الاحتفال بيه سنة 2700 قبل الميلاد، واسمه مشتق من كلمة «شمو» وهي كلمة هيروغليفية بمعنى بداية الحياة، اسم العيد هنا بيشير إلى إنه احتفال ببداية الحياة لأن في الوقت ده من السنة الورود بتفتح والجناين بتخضر والجو بيكون لطيف.
على حسب الرواية دي عيد شم النسيم كان بييجي يوم الاعتدال الربيعي واللي فيه بيتساوى عدد ساعات الليل مع عدد ساعات النهار في «التقويم الفرعوني» الناس كانت بتحتفل في اليوم ده بالخروج للفرجة على غروب الشمس.
معاد شم النسيم دلوقتي مختلف عن معاده حسب التقويم الفرعوني
السبب ورا الموضوع ده يرجع لوقت دخول الديانة المسيحية مصر، كان دايمًا عيد شم النسيم بييجي في وسط أيام الصيام عند المصريين المسيحيين وبالتالي مكنوش بيعرفوا يحتفلوا بتناول الطعام زي ما كانت العادة.. وقتها قرر المصريون أنهم يأجلوا الاحتفال بشم النسيم فيكون اليوم التالي لـ «عيد القيامة المجيد» بحيث يكون الصيام انتهى ويقدر المصريين الاحتفال بتناول السمك وغيره.
(2) فيه رأي تاني بخصوص أصل عيد شم النسيم
وزير الآثار «د.ممدوح الدماطي» قال إن عيد شم النسيم أو عيد الربيع بلا شك له أصول مصرية، لكن الفراعنة محتفلوش بما يعرف بعيد شم النسيم! مفاجأة مش كده
«د.ممدوح الدماطي» أضاف في مقال كتبه في المصري اليوم أن المصري القديم كان عنده طول السنة أعياد كتير أوي بس مش من بينها عيد اسمه «شم النسيم» ولا «شمو» لكن العيد المقارب عند قدماء المصريين لعيد «شم النسيم» الحالي كان «عيد الربيع» ومظاهر الاحتفال بالعيد ده اتغيرت واتطورت من وقتها لحد ما وصلنا للشكل اللي احنا بنحتفل بيه في كل سنة.
عيد الربيع في أنحاء العالم
كتير من دول العالم بتحتفل بقدوم الربيع وتوديع الشتاء، بيحتفلوا بطرق مرحة وفي منها طرق عجيبة لاستقبال الربيع.. بس عمومًا البهجة بتسيطر على أغلب احتفالات الربيع سواء مصر أو في أنحاء العالم.
في الهند
- في احتفال هناك اسمه «مهرجان الألوان» أو «هولي» فكرته أنه احتفال بانتصار الخير على الشر وبيكون في أواخر فبراير أو أوائل مارس مع بداية دخول موسم الربيع، بتتجمع الجماهير في الشوارع ويرموا مساحيق مصبوغة على بعض وبيكون احتفال مرح جدًا وكله صخب، أصوله تعود إلى تقليد من تقاليد الديانة الهندوسية ولكنه الآن أصبح مظهر بيتشارك فيه ناس كتير من مختلف أنحاء العالم.
في بولندا
- في اليوم الأول من فصل الربيع، بيحتفلوا بطريقة دراماتيكية بيرمي الناس دمية مصنوعة يدويًا في الأنهار والجداول إشارة إلى نهاية فصل الشتاء. ويرجع التقليد دا للقرن الـ 16 وعادة الدمية دي بتكون مصنوعة من القش وبيرمز بيها للبرد والشتاء الكئيب، وبرمي الدمية في المياه دا عندهم رمز لنهاية غضب الشتاء.
في اليابان
تشتهر اليابان عالميًا بمشهد أزهار الكرز المزدهرة في بداية الربيع، يحتفل اليابانيون بالربيع بإقامة الحفلات بجانب الأشجار وهو تقليد قديم منذ قرون.
في البوسنة
- الآلاف يتجمعون في البوسنة بالتحديد في زينيكا، من أجل «مهرجان البيض المخفوق» كل مارس مع بدء فصل الربيع وينصب التركيز على البيض كرمز للحياة الجديدة. مع بداية الموسم الجديد، يتم طهي كميات ضخمة من البيض في أواني ضخمة ثم توزع مجانًا. بيحتفلوا بالشكل دا من مئات السنين ويجذب الاحتفال الزوار من جميع أنحاء البلاد.
مظاهر الاحتفال بعيد شم النسيم في مصر
- أكل السمك المملح زي الرنجة والفسيخ وغيرها لأن السمك عند المصري القديم كان رمز الرزق لأنه جاي من النيل فكان أكل السمك تعبير عن الشكر للنيل مانح الحياة عند المصري القديم.
اوعى تفتكر انك صعب تشتري الرنجة أو السمك من على ياقوطة !
شوف أسعارالسمك كله من هنا، يبدأ السعر من 9 جنيه مصري.
وشوف أسعار الرنجة تحديدا هنا.، يبدأ السعر من 24.25 جنيه مصري.
- أكل البصل الأخضر لأن المصري القديم كان شايف البصل الأخضر طارد للأرواح الشريرة وهو يا جماعة لا طارد ولا حاجة ولكنهم كانوا بيعجبوا بقدرتها على التخلص من الأمراض زي البرد والانفلوانزا ودي حاجة لسه فعالة لحد وقتنا دلوقتي.
إن كنت لاقيت الرنجة والسمك على ياقوطة ، فمعقول مش هتلاقي حاجة بسيطة زي البصل الأخضر؟
اشتري أحسن حزمة بصل أخضر من هنا ، يبدأ السعر من 4 جنيه مصري.
- أكل البيض لأن البيض بيمثل للمصري بداية الحياة، تلوين البيض شكل متطور من عادة المصريين زمان في كتابة الأدعية والتهاني على البيض متمنيين حياة سعيدة ورزق وفير.
شوف أسعار البيض على ياقوطة (10 بيضات) السعر يبدأ من 18 جنيه مصري.
وكمان متنساش تشتري ألوان لتزيين البيض من هنا. يبدأ السعر 10.50 من جنيه مصري.
- غير كده فيه عندك أكل الخس والحمص والملانة واللي هي نبات زي الحمص شوية ولكنه أخضر والسبب وراء الموضوع ده مش واضح أوي لكن بنرجح أننا بناكله في الوقت ده في السنة لأنه هو ده الموسم بتاعهم بالفعل أو جايز عشان يساعدنا ناكل السمك والفسيخ والرنجة.
وأخيراً سواء كان شم النسيم عيد فرعوني أو لأ فده مش هيبطلنا نحتفل بيه بالشكل اللي نحبه، وسواء كنت هتاكل رنجة أو كيلو سمك مشوي أو حتى سيمون فيميه فهتلاقي كل مكونات احتفالاتك على ياقوطة .
ياقوطة بتتمنى لكم عيد شم نسيم سعيد!
قد تنفد المنتجات من المتاجر – out of stock- في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.