كتب: فريق الموقع

مع انتشار التليفزيونات والشاشات المسطحة في كل بيت، أصبح من العادي أننا نشوف أكثر من شاشة في نفس المنزل. علشان الناس اللي بتتنقل من غرفة للتانية، أو عاوزه شاشة في المطبخ أو في مكان مخصص للضيوف للمزيد من الرفاهية. لكن هل تعني مزيد من الرفاهية أننا ندفع مبلغ محترم في كل شاشة نجيبها؟ تليفزيون جاك 32 بوصة LED HD  يعتبر الحل المثالي للمواقف اللي زي دي. لأنه بييجي بسعر من أرخص اسعار الشاشات اللي شوفناها مؤخرا. والغريب أنه رغم انخفاض السعر، موصفاته الفنية تعتبر مقبولة ومافيهاش تنازلات كتير.. 

معناه ايه كلامنا ده؟ معناه أننا بالفعل مضطرين – علشان ناخد شاشة محترمة بالسعر ده- نتنازل عن مميزات اساسية زي عدد المداخل اللي بنوصل بيها أجهزة تخزين خارجية. محتاجين نتنازل عن سرعة معينة في الأداء، محتاجين نتنازل عن مستوى معين في جودة الصورة. 

لكن في المقابل فيه حاجات تانيه هنحصل عليها زي مستوى السطوع العالي، وأن جودة الشاشة متناسبة مع السعر. التصميم الحديث والسمك الرفيع ومساحة الحواف القليلة بشكل كبير.

هانتعرف مع ياقوطة على أهم المواصفات الفنية للشاشة وأهم مميزاتها وعيوبها ولو الشاشة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي شاشة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات تليفزيون جاك 32 بوصة HD

• مقاس الشاشة: 32 بوصة
• الدقة: HD عالي الدقة 768× 1366
• التباين: تباين كبير للشاشة لتحسين سطوع الألوان
• العلامة التجارية: جاك
• نوع الشاشة LED، HD عالي الدقة: 32 بوصة
• دقة الوضوح: HD عالي الدقة 768× 1366
  السطوع سي/اس 2: تباين 250 درجة: تباين كبيرة،
• زاوية المشاهدة: 178،
• نسبة الارتفاع إلى العرض: 16:09
• المدخلات: USB: الصور والفيديو ومدخلات تنسيق ام بي 3: مدخل الفيديو: 1
• مدخل المكونات: 2 مدخل
• منفذ HDMI : ١ مدخل
• منفذ USB  : ١ مدخل 
• الأبعاد (ملم) العرض × الارتفاع × العمق: بدون حامل: 80 × 432 × 732 ملم مع الحامل:  60 × 480 × 732 ملم

مميزات تليفزيون جاك 32 بوصة HD

• كسعر مقابل قيمة، يعتبر تليفزيون جاك 32 بوصة عالي الدقة أل اي دي صفقة ممتازة لا يمكن التنازل عنها خاصة للتليفزيونات الاضافية في المنزل زي ما قولنا
• التليفزيون يعتبر مثالي كتليفزيون اضافي في غرفة زيادة في المنزل أو في المطبخ أو حتى للضيوف
• تصميم التليفزيون حديث وعملي ومساحة الحواف فيه قليلة جدا مقارنة بباقي مواصفاته وسعره
• دقة الصورة وجودة الالوان جيدة مقارنة بالسعر
• حجم الشاشة مناسب للغرف الصغيرة نسبيا زي غرفة الاطفال
• التليفزيون يعتبر جيد جدا لتوصيل الاجهزة الحديثة زي chromecast مثلا وتوصيل الفلاشات واجهزة الهارد ديسك الخارجي
• زاوية الشاشة بتسمح للمشاهد أنه يتابع المحتوى من أي مكان في الغرفة

عيوب تليفزيون جاك 32 بوصة HD

• على الرغم من وجود موقع رسمي لشركة جاك لكن مش عليه أي بيانات دقيقة أو دعم فني اونلاين زي مواقع شركات تانيه
• خدمات الدعم والصيانة وخدمات ما بعد البيع من جاك مش أفضل حاجه وجاك محتاجين يحسنوا نظام الصيانة عندهم
• خامات التليفزيون ضعيفة نسبيا وممكن تخليه اكتر عرضة للخدش والكسر لو لم يتم التعامل معاه بعنايه اثناء النقل
• العمر الافتراضي للتليفزيون مش طويل ويستحسن المستخدم مايضعش في حسبانه استمرار التليفزيون في العمل لفترة طويلة نسبيا
• الشاشة مش بتدعم اوضاع خاصة لمحبي الالعاب زي زيادة معدل التحديث في حالة تشغيل الالعاب
• استهلاك الطاقة مش أحسن حاجه للشاشة. ولازم المستخدم يفعل خصائص الحفاظ على الطاقة باستمرار
• كنا محتاجين فتحات توصيل أكتر من اللي موجودة في الشاشة لتوصيل أكتر من جهاز في نفس الوقت
• لا يمكن استخدام تليفزيون جاك 32 بوصة عالي الدقة أل اي دي كتليفزيون أساسي لأن جودته مش هاتعجب معظم المستخدمين
• مافيش أوضاع مخصصة لمشاهدة محتوى معين زي ماتشات كرة القدم أو الوضع السينمائي أو الأوضاع الخاصة بالجيمرز اللي بتسهل عليهم ممارسة العابهم على أجهزة زي بلاي ستيشن أو أكس بوكس وغيرهم

اتعرف على عروض أسعار تليفزيون جاك 32 بوصة HD من هنا.

اتعرف على عروض أسعار مختلف تليفزيونات JAC المتوفرة على ياقوطة من هنا.

اتعرف على عروض أسعار مختلف أسعار التليفزيونات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.