كتب: فريق الموقع

كتير من المستخدمين شايفين ان الباند الرياضي هو الحل الأمثل، للناس اللي عاوزة بعض مميزات الساعات الذكية، مع أفضلية فيما يتعلق بالتمارين الرياضية، وفي نفس الوقت مش عاوزه تشيل على ايدها ساعة بحجم ووزن تقيل، ولا ترهق ميزانيتها بالسعر المرتفع للساعة الذكية. وهنا تيجي أهمية السوار الرياضي وعلى رأسهم Samsung Galaxy Fit 2   اللي سامسونج عالجت فيه كتير من المشاكل اللي كانت في الجيل الأول، وقدمت كتير من المميزات – وماقدرتش تتجنب بعض العيوب- زي ما هانشوف في مقالنا عن السوار. اللي هانلاقي فيه أن سامسونج دعمت سوارها بالقدرة على متابعة تمارين كتير، وبطارية قوية جدا بتدوم لأيام وأيام. كل ده مع شاشة ساطعه ودعم كامل للغة العربية وتوصيل سهل بالموبايل وفي نفس الوقت بسعر مناسب يقع في المنتصف بين الساعة الذكية وبين الأجهزة المقلدة الغير مضمونة الجودة أو الضمان أو خدمة بعد البيع

هانتعرف مع ياقوطة على أهم المواصفات الفنية للسوار وأهم مميزاته وعيوبه ولو السوار عجبك هتقدر تطلبه من خلالنا في ياقوطة ودلوقتي مع شهري، تقدر تشتري أي ساعة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات Samsung Galaxy Fit 2

• إصدار البلوتوث: بلوتوث الإصدار 5.1
• حجم الشاشة: ‎١.١ بوصة.
• عمق ألوان الشاشة: 16 مليون لون.
• المستشعرات: مقياس التسارع، مستشعر الجيروسكوب، مستشعر معدل ضربات القلب البصري.
• الوزن: ٢١ جرام.
• نظام التشغيل: FreeRTOS
• نوع الشاشة: AMOLED
• الذاكرة: ٣٢ جيجا بايت مع ٢ جيجا بايت رامات.
• البطارية: 159 مللي أمبير.
• وقت الاستخدام المعتاد: ١٥ يوم تقريبا.
• وقت الاستخدام في وضع الاستعداد: ٢١ يوم تقريبا.

مميزات Samsung Galaxy Fit 2

• تصميم السوار شيك وعملي وجميل. ووزنه خفيف.
• المواد المصنوع منها السوار قوية ومتينة وشكلها جميل.
• اكسسوارات السوار متوافرة طول الوقت وله مجموعة كبيرة من الأحزمة بألوان وتصميمات مختلفة.
• متوفر عدد ضخم جدا من وجوه السوار ممكن تحميلها اونلاين.
• استخدام السوار سهل وسريع ومش محتاج خطوات كتير.
• خدمات ما بعد البيع والصيانة والاستبدال متاحة من سامسونج المشهور عنها دقتها وقوتها في الموضوع ده.
• بطارية أكثر من رائعة بتدوم لأيام وأيام بشحنة واحدة. سواء مع الاستخدام العادي أو في وضع الاستعداد.
• السوار فيه خاصية التذكير بغسيل الايدين للحفاظ على الصحة العامة.
• السوار بيدعم أنماط رياضية كتير جدا. مهما كانت رياضتك هاتلاقي السوار بيدعمها.
• مراقبة النوم وإعطاء معلومات مهمة عن مدى عمق النوم والطريقة اللي بينام بيها المستخدم وكيفية تحسينها.
• مراقبة واستشعار مستوى التوتر وبالتالي تنبيه المستخدم لتدريبات التنفس لو زاد معدل القلق عنده عن الحد الطبيعي.
• كقيمة مقابل مال يعتبر السوار اكتر من رائع. وينفع يكون هدية رائعة لأي شخص بيحاول يحافظ على نمط حياه صحي.
• درجة سطوع الشاشة ممتازة وتقدر تشتغل بكفاءة تحت اشعة الشمس المباشرة.
• طريقة عرض النص العربي على السوار كويسة جدا ومريحة للعين.

عيوب Samsung Galaxy Fit 2

• بالنسبة لشركات تانيه بتعمل سوارات ذكية. يعتبر Samsung Galaxy Fit 2 غالي نسبيا.
• السوار Samsung Galaxy Fit 2 مش بيقبل تركيب شريحة هواتف محموله فيه.
• ماينفعش تعمل مكالمات من السوار أو ترد على التليفون منه.
• علشان تشغل السوار على جهاز تاني غير اجهزة سامسونج محتاح تنزل اكتر من تطبيق وده ممكن يشغل مساحة تخزين كبيرة على موبايلك.
• بعض اشكال واجهات الاستخدام متشابهة جدا وحسينا انها موجودة بس لزيادة عدد اشكال الواجهات مش اكتر.
• شاشة السوار صغيرة نسبيا.
• مافيش مستشعرات حديثة زي قياس مستوى التشبع بالاكسجين.
• في وقت قصير لازم تحدث تليفونك علشان تستفيد بكل خصائص السوار. مش كل التليفونات -خاصة القديمة- مدعومة من Samsung Galaxy Fit 2
• بعض المستخدمين اشتكوا من صعوبة في ربط السوار بالتليفون خاصة في المرة الأولى.
• السوار Samsung Galaxy Fit 2 مش بيدعم التوصيل بأجهزة التابلت.
• بعض المستخدمين اشتكوا من صعوبة ربط السوار بهواتف الأيفون.
• أكتر من مستخدم اشتكوا من أن ألوان الحزام الاحمر للسوار بتصبح باهته خلال وقت قصير نسبيا من الاستخدام.

اتعرف على عروض أسعار Samsung Galaxy Fit 2 من هنا.

اتعرف على عروض أسعار مختلف ساعات Samsung المتوفرة على ياقوطة من هنا.

اتعرف على عروض أسعار مختلف أسعار الساعات الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.