كتبت: منى عوض

تشتري كيتشن ماشين ولا تشتري خلاط وكبة لوحدهم؟؟.. كتير مننا بيفكر في السؤال ده، يعني سواء كنتِ ست بيت أو شخص قاعد لوحده ومضطر يطبخ لنفسه أو كنتوا عرسان جداد وبتجهزوا عش الزوجية أكيد السؤال دا خطر على بالكم بشكل أو بآخر.

في العموم الاختيار محير فعلاً لأن الواحد بيشتري أجهزة العمر زي ما بيقولوا أو بيحب يشتري الشئ اللي يريحه ويوفر عليه وقت ومجهود وممكن فلوس كمان، عشان كده ياقوطة حابة توضح في المقال ده الفرق بين الكيتشن ماشين وفكرة شراء كل الكبة والخلاط بشكل منفصل. وهتستعرض مزايا وعيوب كل حاجة منهم عشان تسهل عليك الاختيار شوية وتشيل من على أكتافك حمل تقيل.

بنفكرك إنك ممكن تشتري الكيتشن ماشين وأجهزة المطبخ من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أولاً: كيتشن ماشين

المزايا

• الكيتشن ماشين بيغني عن شراء أكتر من جهاز للقيام بمهام متعددة ودا لأنه قادر على إتمام وظائف أكتر من جهاز من خلال جهاز واحد، وطبعًا الوظائف دي بتتحدد حسب إمكانات الكيتشن ماشين وملحقاتها.
• فكرة دمج الأجهزة في جهاز واحد بتمنع الكركبة وهتخليك تلم الحاجات كلها في مكان واحد مش هتحس كمان بزحمة، وكمان الكيتشن ماشين بيكون شكلها حلو ومظهرها جميل في المطبخ.
• الكيتشن ماشين هيوفر عليك وقت كبير وجهد كمان لأنك عارف بالفعل إن كل الملحقات هتشتغل على موتور واحد ومش هتحتاج كل شوية تدور على بقية ملحقات الخلاط مثلاً ولا المفرمة وهكذا ولا هتحتاج تشيل فيشة الخلاط عشان تحط فيشة الكبة لأن فيشة الكيتشن ماشين واحدة وهتغني عن كل دا.
• عشان تضمن إن الجهاز هيكون عملي وفعال معاك، حاول تتأكد بقدر الإمكان من أن القدرة الكهربائية (الوات) بتاعته عالية.
• عادةً ما بيكون سعر الكيتشن ماشين أقل من فكرة شراء كل جهاز لوحده.

العيوب

• مش هتقدر تستخدم أكتر من جهاز في نفس الوقت لأنهم كلهم بيشتغلوا بنفس الجزء الموجود فيه الموتور.
• لو الموتور باظ حياتك هتكون عطلت بالمعنى الحرفي لأنك مش هتعرف تشغل أي جهاز لحد ما تصلح الموتور.
• الشغل على الموتور الواحد بيكون كبير جدًا واستهلاكه هيكون عالي وممكن بمرور الوقت يبوظ بسرعة بسبب الحمل الزائد.
• لو مطبخك صغير، الكيتشن ماشين مش هيكون عملي لأنه هياخد مساحة.

تقدر تختار الكيتشن ماشين الأنسب لاحتياجاتك من هنا.

ثانياً: خلاط وكبة

المزايا

• شراء خلاط وكبة منفصلين هيخليك تفكر كتير، وتختار أكتر حاجات بتستخدمها ومش هتجيب شيء زيادة عن حاجتك.
• الأجهزة مش بتشتغل كلها على نفس الموتور ودي ميزة مهمة جدًا، لأن لو موتور أي جهاز عطل حياتك مش هتقف وهتقدر تستخدم باقي الأجهزة وممكن تفكر برا الصندوق وتحاول تستخدم أي جهاز تاني عندك كبديل للجهاز اللي باظ زي مثلاً الخلاط ممكن تستغنى عنه وتستخدم الهاند بلندر وهكذا.
• تقدر تستخدم أكتر من جهاز في الوقت نفسه من غير ما تضيع وقت ولا تعطل نفسك عشان حاجة.
• الأجهزة المهمة بتختلف من شخص للتاني لكن فيه حاجات صعب شوية تستغنى عنها زي الخلاط والهاند بلندر والكبة والعصارة والمفرمة والمطحنة والعجان وأكيد فيه حاجات تانية طبعًا.

العيوب

• فكرة شراء خلاط وكبة منفصلين بتعمل شوية زحمة في المطبخ وهتحتاج مساحة تخزين كبيرة عشان تقدر تخزن كل الأجهزة دي وممكن كمان متعرفش تخزنهم في نفس الدلفة أو المكان بسبب كتر عددهم وكمان كبر حجمهم.
• هتحتاج تشيل فيشة الكهرباء بتاعة كل جهاز كل شوية عشان توصل فيشة جهاز تاني وهكذا.
• سعر الأجهزة المنفصلة ممكن يكون عالي في الآخر مقارنة بسعر الكيتشن ماشين، طبعًا السعر هيتوقف على الأجهزة اللي اشتريتها وماركتها وشوية حاجات تانية كتير.

تقدر تختار الأدوات المنزلية اللي إنت محتاجها من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.