تشتري توستر ولا صانع سندوتشات؟

كتبت: منى عوض

التوستر وصانع السندوتشات أجهزة بقى ليها شعبية كبيرة جدًا وناس كتير بدأت تدور عليها وتشتريها بس فيه فئة مش بتبقى محتارة ومش تختار توستر ولا صانع سندوتشات خصوصًا أن الاختلافات مش كبيرة قوي بين كلا الجهازين.

ولأننا يهمنا دايمًا راحتك، ياقوطة هنتعرف النهارده الفرق بين التوستر وصانع السندوتشات عشان تحدد الأنسب ليك ولاستخداماتك واستخدامات أسرتك وتشتريه بكل سهولة.

بنفكرك إنك ممكن تشتري المنتج اللي أنت عايزه من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مزايا وعيوب التوستر وصانع السندوتشات

التوستر

المزايا

  • التوستر سريع وفعال جدًا في تحضير وتسخين وتحميص الخبز.
  • التوستر آمن جدًا ومش بيسبب أي حروق.
  • تقدر تحضر أكتر من قطعة خبز في الوقت نفسه وده طبعًا بناء على اختيارك للتوست وعدد الفتحات بتاعته.
  • التوستر بيتميز بحجمه المناسب لأنه جهاز رأسي وبالتالي الحيز اللي بياخده أثناء الاستخدام أو في التخزين صغير جدًا.

العيوب

  • لو التوستر يدوية ممكن تواجه مشكلة في استخدامه وممكن الخبز يتحرق لو مبتعرفش تظطبط درجات الحرارة بتاعة الجهاز.

صانع السندوتشات

المزايا

  • صانع السندوتشات سريع جدًا في إتمام المهام المطلوبة منه وفي أي وقت إنت عايزه وكمان من السهل استخدمه وتنظيفه.
  • صانع السندوتشات فيه ميزات إضافية لتسهيل طهي أنواع مختلفة من الطعام زي السمك والفطائر وغيرها من الأطباق.
  • صانع السندوتشات فيه ميزة الحماية من الحرارة الزائدة اللي بتسهل تحضير السندويشات من غير ما تعرضها للحرق.

العيوب

  • ممكن تواجه مشكلة مع الباب الخاص ببعض موديلات صانع السندوتشات لأنه في بعض الأوقات مابيقفلش لو المكونات الموجودة جوه السندوتش كتير وعامله طبقة كبيرة.
  • صانع السندوتشات بيحتاج مساحة بالعرض أثناء استخدامه وتخزينه.

أوجه الاختلاف بين التوستر وصانع السندوتشات

الاستخدام

صانع الساندوتشات بيُعتبر متعدد الاستخدامات بمعنى أنه هيوفرلك قدرة على تسخين وتحميص الخبز وكمان تقدر تضيف كل الحشوات اللي إنت عايزها للسندوتش والجهاز شغال وتقدر تحضر الشطائر بأنواعها المختلفة والبسكويت، وكمان تقدر تسوي فيه اللحوم وتشويها وتحضر البيض وما إلى ذلك، على عكس التوستر اللي بيكون عبارة عن جهاز رأسي بسيط مش بيعمل أي حاجة غير تسخين وتحميص الخبز وبس.

الفعالية والكفاءة

صانع السندوتشات بيبقى مكون من حاجة اسمها حجرات، ودي الأماكن المخصصة لوضع السندوتشات وتجهيزها، وفي العموم ممكن تلاقي صانع السندوتشات مكون من حجرتين و4 حجرات وهكذا عشان تقدر تحضر أكتر من سندوتش في نفس الوقت، أما التوستر فممكن ييجي بـ 6 فتحات ودي حاجة لطيفة جدًا وهتخليك تعمل 6 سندوتشات أو قطع خبز في نفس الوقت.

الحجم

التوستر مش بياخد حيز كبير في المكان اللي هتحطه فيه لأنه عبارة عن جهاز صغير رأسي على عكس صانع السندوتشات اللي هيحتاج مساحة أكبر شوية لأنه جهاز أفقي بيتفتح من خلال باب لفوق.

استهلاك الكهرباء

التوستر وصانع السندوتشات قريبين جدًا من بعض في كمية الطاقة الكهربائية المستهلكة، وفي العموم هما مش بيسحبوا كميات كبيرة من الكهرباء وبالتالي مش هتحتاج تقلق عشان قيمة فاتورة الكهرباء.

تقدر تختار التوستر المناسب ليك من هنا.

تقدر تختار صانع السندوتشات المناسب ليك من هنا.

اعرف مع ياقوطة إزاي تختار التوستر المناسب.

تقدر كمان تقرأ مقال بعنوان إزاي تختار المحمصة المثالية.

اعرف مع ياقوطة تاريخ التوستر ما بين الماضي والحاضر.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *