ترشيحات ياقوطة لأحسن وأفضل أنواع الأجهزة الكهربائية في مصر في 2016

app

كتب: ميشيل رمسيس

بما إن في ناس كتير وأسئلة كتير بتجيلنا عن إيه أفضل الأنوع للأجهزة الكهربائية قررنا إننا نكلمكم شوية عن الموضوع. وفي المقال ده هنتكلم على أساس إن الأنواع دي هي الأفضل من حيث الصناعة والسعر قدام الجودة وكمان خدمات ما بعد البيع والصيانة.

المقال ده كتبناه بناءً على رأي كمال سمير وهو تاجر أجهزه كهربائية وعنده خبرة في الموضوع من سنين ممكن تتفق أو تختلف مع رأيه على حسب تجربتك الشخصية.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

ندخل في الموضوع وهنتكلم أول حاجه عن الجهاز اللي ميخلاش منه أي بيت وهو البوتاجاز ودي أفضل الأنواع اللي بننصح بيها بالترتيب:

النوع التعليق السعر
زانوسي وخاصة موديل الأمان الكامل أو السيفتي ماكس. السيفتي ماكس مميز جداً مثلاً فيه مروحة بتضمنلك إن الأبواب ولوحة التحكم دايماً باردين. ممكن تشوف من هنا بوتاجازات زانوسي بسعر يبدأ من 3294 جنيه مصري.
يونيفرسال وخاصهً موديل إيليجانت برضه متاح فيها موديلات الأمان الكامل وأسعارها كويسة بالنسبه للمنتج. ممكن تشوف من هنا بوتاجازات يونيفرسال بسعر يبدأ من 2350 جنيه مصري. 

و ممكن تشوف من هنا بوتاجاز يونيفرسال إيليجانت بسعر 5350 جنيه مصري.

كريازي ممكن تشوف من هنا بوتاجاز كريازي بسعر يبدأ من 3250 جنيه مصري.
تيكنوجاز مش متاح من خلالنا حالياً

تاني جهاز هنتكلم عنه هو التلاجة ودي أفضل الأنواع اللي بننصح بيها بالترتيب: 

النوع التعليق السعر
LG للأسف هي مش متاحة كتير ولو هتلاقيها هتلاقيها بأسعار مبالغ فيها شوية. مش متاحة حالياً من خلالنا.
وايت ويل هي برضه للأسف مش متاحة كتير لأن زيها زي الـLG استيراد ودخولهم حالياً بيكون قليل.. مش متاحة حالياً من خلالنا.
سامسونج ودي لازم تتأكد إنك بتجيبها من وكيل معتمد أو من عند تاجر جايبها من الوكيل المعتمد زي (راية -منصور- رزق الله) ولو مش هتشتريها منهم مباشرةً لازم يكون في استيكر على كرتونة التلاجة عشان تقدر بعد كده تدخلها صيانة وتتمتع بخدمات ما بعد البيع بتاعته.
مش متاحة حالياً من خلالنا
هيتاشي زيهم بالظبط مش متاحة كتير بس هي ماركة محترمة جداً في التلاجات و دورة تبريدها ممتازة. مش متاحة حالياً من خلالنا.
شارب من منتجات شركة العربي ودي من الشركات العريقة في مجال الأجهزة الكهربائية. ممكن تشوف من هنا تلاجة شارب 14 قدم  بسعر 6260 جنيه مصري.
توشيبا من التلاجات اللي دورة تبريدها وصيانتها وقطع غيارها متوفرة وفي نفس الوقت سعرها كويس من الآخر معادلة كسبانة. ممكن تشوف من هنا تلاجات توشيبا بأحجام مختلفة بأسعار تبدأ من 5200 جنيه مصري.
كريازي ناس بتقلق منها شوية عشان هي صناعة مصرية بنسبة كبيرة بس هي أثبتت جدارة من زمان من الآخر حمالة قاسية. ممكن تشوف من هنا تلاجات كريازي بأحجام مختلفة بأسعار تبدأ من 3955 جنيه مصري.

أما عن الغسالات هدوم وأطباق فنبدأ بالهدوم ودي الأفضل فيها بالترتيب:

النوع التعليق السعر
LG وينطبق عليها نفس الكلام اللي عن تلاجاتها مش متاحة كتيير ولو هتلاقيها هتلاقيها بأسعار مبالغ فيها شوية. ممكن تشوف من هنا غسالة LG 7 كيلو بسعر 9990 جنيه مصري.
وايت ويل هي برضه للأسف مش متاحة كتير لأن زيها زي الـLG استيراد ودخولهم حالياً بيكون قليل. مش متاحة حالياً من خلالنا.
سامسونج ونفس الكلام اللي انطبق على التلاجات هينطبق عليها لازم تتأكد إنك بتجيبها من وكيل معتمد أو من عند تاجر جايبها من الوكيل المعتمد زي (راية – منصور- رزق الله) ولو مش هتشتريها منهم مباشرةً لازم يكون في استيكر على الكرتونة عشان تقدر بعد كده تدخلها صيانة وتتمتع بخدمات ما بعد البيع بتاعتها. ممكن تشوف من هنا غسالات سامسونج بأحجام مختلفة بسعر يبدأ من 8029 جنيه مصري.
هوفر مش متاحة من خلالنا حالياً للأسف.
زانوسي ناس كتيير أوي عندها من سنين ولسه شغالة معاها كويس جداً الانتاج الحديث اه مش زي الأول بس لسه برضه كويس مقارنةً بسعره. ممكن تشوف من هنا غسالات زانوسي بأحجام مختلفة بسعر يبدأ من 4927 جنيه مصري.
توشيبا من أكتر الغسالات اللي الناس بتسألنا عليها وبيفضلوها خاصة الموديلات الفول أوتوماتيك. ممكن تشوف من هنا غسالات توشيبا بأحجام مختلفة بسعر يبدأ من  2050 جنيه مصري.

وغسالات الأطباق نمشي كالعادة بالترتيب:

النوع التعليق السعر
LG ونفس الكلام اللي كتبناه عن الـLG في التلاجات وغسالات الهدوم هينطبق على دي برضه. ممكن تشوف من هنا غسالات LG كبيرة 14 فرد بسعر يبدأ من 16984 جنيه مصري.
وايت ويل نفس الكلام برضه زيها زي الـLG استيراد وقليلة نسبياً. مش متاحة حالياً من خلالنا.
زانوسي مش متاحة حالياً من خلالنا.
فريش و هي غسالة عملية بسعر كويس مقارنة بباقي الأنواع ومشاكلها مش كتيرة. ممكن تشوفها من هنا بأحجام مختلفة بسعر يبدأ من 3700 جنيه مصري.

و من أكتر الأجهزة اللي كنا بنتسأل عليها الفترة اللي فاتت هو الديب فريزر ودي أفضل الأنواع ليه بالترتيب:

النوع التعليق السعر
LG وينطبق عليه نفس الكلام على أي حاجة LG فوق. مش متاح من خلالنا حالياً
توشيبا من منتجات العربي وهي من الشركات العريقة بخدمة ما بعد البيع محترمة ومنتجات مميزة بالنسبة للسعر. ممكن تشوف من هنا ديب فريزر توشيبا بأحجام مختلفة بسعر يبدأ من 5425 جنيه مصري.
كريازي الناس بتقلق منها شوية عشان هي صناعة مصرية بنسبة كبيرة بس هي في نفس الوقت اللي استخدموها بيشكروا فيها والتجار بينصحوا بيها لأن سعرها كويس وفي نفس الوقت أدائها. ممكن تشوف من هنا ديب فريزر كريازي بأحجام مختلفة بسعر يبدأ من 6345 جنيه مصري.
الاسكا مش متاحة من خلالنا حالياً.

شاركونا بأكتر أنواع بترتاحوا إنكم تجيبوها في الأجهزه الكهربائية وبقالها عندكم قد إيه بدون مشاكل.

*قد تنفد المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.

 

2 thoughts on “ترشيحات ياقوطة لأحسن وأفضل أنواع الأجهزة الكهربائية في مصر في 2016”

  1. سماح الديب says:

    انا عايزه بتوجاز ايديال الامان الكامل

  2. moh says:

    Ariston is an ideal choice in my opinion in dishes and laundry washing machine but i do not know about after sale services and maintenance

Leave a Reply

Your email address will not be published. Required fields are marked *