أهم الأدوات لإنشاء مكتب مميز على ياقوطة
كتب: خالد عاصم
حلمت إنك تعمل المكتب المنزلي اللي بتحلم بيه في بيتك؟ مش عارف ممكن تبدأ إزاي وبإيه وإيه اللي هتحتاجة في المكتب ده؟ يبقى المقال ده ليك ومهم تقراه من أوله لآخره، فمن خلال المقال ده هنشرح إزاي تقدر تكون المكتب المنزلي اللي بتحلم بيه خطوة بخطوة وهنتعرف على كل المعدات والأجهزة اللي هتحتاجها وهنختار الأنسب منها، طبعًا تقدر تطلب كل الأجهزة والمعدات اللي هتشوفها في المقال من خلالنا في ياقوطة وهتعرف كمان أحسن الأسعار ليها، وممكن كمان تطلبها وهتوصل لحد باب البيت أو مكان ما تحب بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
تجهيز المكتب المنزلي اللي بتحلم بيه خطوة بخطوة
الأثاث المكتبي
في الأول وقبل ما نبتدي نشوف هنملى المكتب بإيه من أجهزة ومعدات تعالوا الأول نتعرف على الأثاث المكتبي اللي هنستخدمه، والأثاث المكتبي أهم عنصر في كل العناصر اللي هنتكلم عنها، فلو هتقضي ساعات قاعد على كرسي قدام مكتب عشان تذاكر أو تشتغل أو حتى تلعب، لازم تكون حاسس بأقصى راحة ممكنة، وعشان كده العامل الرئيسي هيقوم عليه اختبارنا هو الراحة.
كرسي مكتب طبي Sarcomisr Mesh
طبعًا الكرسي أول حاجة هنتكلم عنها بما إننا اتكلمنا عن الراحة في المكتب المنزلي فكرسي المكتب هو أهم قطعة في المكتب كله ولازم تختارها بعناية شديدة جدًا لأن الكرسي هو اللي هيستقبلك لساعات من الشغل أو الدراسة أو حتى اللعب، عشان كده لازم يكون مريح ولازم يكون بيتمتع بتصميم صحي، وعشان كده اخترنا الكرسي ده اللي بيمتاز بتصميم طبي مريح جدًا للضهر لأنه بياخد وضع ضهرك بالظبط.
قاعدة الكرسي معمولة من القوم عالي الكثافة، أما الضهر فمعمول من قماش طبي عشان يضمنلك راحة أكتر لضهرك، كمان تقدر تعدل الكرسي على حسب احتياجك سواء حبيت تعدل ارتفاعه أو ارتفاع اليد أو مسند الرأس.
شوف كرسي Sarcomiser Mesh من هنا.
مكتب LINNMON / ALEX
المكاتب المودرن هي الصيحة الأساسية دلوقتي وده ليه أسباب كتير ممكن نبقى نتكلم عنها في مقال جاي بالتفصيل بس ممكن نلخصها دلوقتي بأنها بتتميز بإنها بتدي مساحة عمل متميزة جدًا ومساحات تخزين مختلفة وكمان من غير ما تشغل حيز كبير في أوضتك، وعشان كده اخترنا أنسب مكتب لأوضتك مهما كانت مساحتها.
مكتب Linnmon / Alex بتقدمه أيكيا المعروفة بتصاميمها الممتازة وباعتمادها على مواد تصنيع بتجمع بين الخفة والمتانة، أبعاد المكتب ٧٤ سم ارتفاع و٦٠ سم عرض و١٢٠ سم طول وبيمتاز بطبقة طلاء مط للجزء العلوي منه وده بيخليه مقاوم للخدش وفي نفس الوقت ناعم، المكتب كمان بيمتاز بوحدة أدراج مكونة من خمس أدراج مختلفة الحجم عشان تقدر تحتفظ فيها بكل اللي انت عايزة وكمان بيتميز بإن رجله قابلة للتعديل يعني حتى لو الأرض مش مستوية لأي سبب هتقدر تظبط المكتب عليها.
شوف مكتب LINNMON / Alex من أيكيا من هنا.
وحدة أدراج ALEX Drawer
لو وحدة الأدراج اللي في المكتب مش مكفية لأنك بتحتفظ بحاجات أكتر من اللي تقدر تشيلها، هتقدر تزود وحدات التخزين في المكتب المنزلي اللي بتكونه من خلال وحدة أدراج ALEX Drawer المطابقة للي موجودة في المكتب اللي فات واللي مش هيبقى شكلها مختلف وبالتالي هتكمل شياكة المكتب وتناسقه.
الوحدة مكونة من ٥ أدراج وأبعادها ٧٠ سم ارتفاع و٥٨ سم عمق و٣٦ سم عرض وبتمتاز بمواد خفيفة وقوية في نفس الوقت وكمان ثبات كبير بحيث أنها صعب تتحرك من مكانها عند استخدامها، وتقدر بفضل أبعادها إنك تحطها جنب المكتب أو حتى تحته.
شوف وحدات أدراج ALEX Drawer من هنا.
مكتبة مودرن EL Helow Style
لو معاك فلوس أكتر تقدر تستثمرها في ديكور مفيد لأوضة المكتب المنزلي اللي احنا بنكونها مع بعض النهاردة يبقى أفضل حاجة ممكن تجيبها هي المكتبة دي اللي اخترناها لأن ألوانها متوافقة مع المكتب اللي اخترناه من ناحية ولأن تصميمها شيك وجذاب جدا وكمان عليه على مستوى وحدات التخزين اللي فيها.
المكتبة مش بس للديكور زي ما هو باين في الصورة، لا دي تقدر تشيل كل الكتب اللي عندك مهما كانت أحجامها وعشان كده بتتميز المكتبة بوحدات تخزين مختلفة الحجم، والمكتبة معمولة من خشب MDF القوي وأيعادها ٤٠ × ١٦٠ × ١٦٠ سم.
شوف مكتبة مودرن El Helow Style من هنا.
شوف تشكيلة متنوعة من الأثاث المكتبي من هنا.
الأجهزة والمعدات
لاب توب Lenovo IdeaPad 320-15IKBA
دلوقتي جيه وقت اختيار القطعة الأساسية من الأجهزة والمعدات اللي هتملى بيها المكتب المنزلي اللي بتحلم بيه وهي الكمبيوتر، ولو عايز الكمبيوتر ده يكون لاب توب، اخترنالك لاب توب Lenovo IdeaPad 320-15IKBA لأننا شفنا إنه اللاب توب الأمثل لمختلف الاستخدامات، فاللاب توب بيتميز بشاشة 15.6 بوصة جودتها عالية وبيعتمد على معالج Core i7 ومدعوم برامات ٨ جيجابايت رام وفيه كارت جرافيكس سعته ٢ جيجابايت رام، أما الذاكرة الداخلية فسعتها ١ تيرابايت.
اللاب توب ده مثالي للقيام بمختلف المهام اللي هتحتاجها، صحيح ممكن مايكونش موجه للألعاب بس هتقدر من خلاله تشغل عدد كبير من الألعاب المتميزة، وكمان هتقدر من خلاله تستخدم عدد كبير من التطبيقات الاحترافية القوية زي تطبيقات المونتاج وتحرير الصور.
شوف لاب توب Lenovo IdeaPad 320-15IKBA بمختلف إصداراته من هنا.
تقدر كمان تشوف موديلات مختلفة من اللاب توب من هنا.
شاشة كمبيوتر LG LED بقطر ٢٤ بوصة
لو شاشة اللاب توب اللي قطرها ١٥ بوصة مش كافية بالنسبة لشغلك أو للألعاب اللي بتحبها فممكن تستخدم اللاب توب ككمبيوتر مكتبي بإنك توصله بشاشة خارجية، زي شاشة LG LED بقطر ٢٤ بوصة اللي تعتبر مثالية للاستخدام في المكتب المنزلي وكمان مثالية على مستوى الرؤية والتكنولوجيا المريحة لعين المستخدم.
شوف شاشة LG LED بقطر 24 بوصة من هنا.
اتعرف على أشكال وموديلات متنوعة من شاشات الكمبيوتر من هنا.
كيبورد وماوس للألعاب Gamma GKM-122
لو هتستخدم اللاب توب ككمبيوتر مكتبي ووصلته بشاشة خارجية يبقى أكيد هتحتاج لكيبورد وماوس عشان تقدر تستخدم جهازك بأقصى راحة ممكنة، لو إنت من عشاق الألعاب فدي الكيبورد والماوس الأنسب لأكتر من سبب إن فيهم إمكانيات كيبوردات وماوسات الألعاب وبسعر مقبول بشكل كبير.
شوف كيبورد وماوس للألعاب Gamma GKM-122 من هنا.
سماعات MediaTech MT-608 3.1
من عشاق الصوت القوي سواء في المزيكا أو الألعاب أو الأفلام يبقى مهم تدعم المكتب المنزلي بتاعك بنظام صوت متميز، واخترنالك دلوقتي نظام صوتي قوي وفي نفس الوقت مش مكلف أوي بالمقارنة بإمكانيته الصوتية المتميزة. النظام فئة ٣٫١ يعني بيتكون من سماعتين أساسيتين وسماعة مركزية وكمان صب ووفر، وبيتميز النظام بإنه ممكن يتوصل بالكمبيوتر أو الموبايل من خلال البلوتوث أو الكابلات وكمان بيقبل كروت الميموري والفلاشات.
شوف النظام الصوتي MediaTech MT-608 3.1 من هنا.
شوف أفضل السماعات والأنظمة الصوتية من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.