تجربة Gamer  محترف في عالم ألعاب الفيديو .. صعب أن تفوتها!

b3epcgamers

كتب عبدالله عباس «يوتشيها بودا»

البداية في أي مجال غالبًا  بتكون متواضعة لحد ما توصل لمستوى احترافي، الكلام دا ممكن نمشيه على الشغل والدراسة وكمان اللعب! تعالوا نشوف تجربة لاعب محترف -Gamer- له خبرة كبيرة مع أغلب أجهزة ألعاب الفيديو ولعب عشرات الألعاب  وعيلته كلها Gamers عشان كدا هو فاهم أوي مشاكل ومعاناة الـ Gamers!  ياقوطة بتقدم لكم تجربة عبد الله اللي من كتر حبه في اللعب شهرته بقت «يوتشيها بودا»!

البداية مع جهاز فاميلي

قبل ما أكون لاعب محترف -Gamer – كنت بستمتع جدًا بلعبة الطيارات علي جهاز اسمه «فاميلي» وكانت الطيارة مرسومة وتطلع لفوق وتمشي في مسارات وبتضرب نار، والغريب إني كنت ببقى مستمتع جدًا لما كنت بوصل فيها لمراحل عالية.

ماريو لعبة هزت عالم الألعاب

  • اتطور الموضوع ونزل «جهاز فاميلي» الاصدار الجديد.. وكانت المفاجأة الكبيرة!!
  • لأنه كان ألوان كتير مش لونين وبس، ونزلت معاه «لعبة ماريو».
  • أكيد كتير منكم فاكرين لعبة ماريو اللي هزت عرش عالم الألعاب.
  • في رأي كل حاجة في الدنيا اتغيرت بعد لعبة ماريو، لدرجة إن «جهاز فاميلي» اتعرف بإسم «ماريو»!
  • رغم إن اللعبة تصميمها بسيط جدًا، مجرد واحد بيعدي مراحل عشان ينقذ الأميرة! ولكن كانت ماريو اللعبة اللي أغلبنا اتفتن بيها واتقناها لحد الجنون!
  • على أثرها نزلت ألعاب تانية زي «كونتر» و«نينجا ترتلز» و«ألعاب الذكاء المتفاوتة» في فاميلي.

جهاز فاميلي خَرجنا منه إلى طفرة أكبر اسمها ألعاب سيجا!

  • جهاز«سيجا» كان جهاز جديد وأحدث من «فاميلي» وكانت فيه الألعاب مجسمة أكتر.
  • لعبة «مورتال كومبات» أيامها كسرت الدنيا والناس تقريبًا أدمنتها.
  • تخيلوا إن «مورتال كومبات» بينزلها تحديثات لحد دلوقتي بجرافيك عالي جدًا!

طبعاً كل اللي فات ده كان استمتاع بشيء جديد في حياتنا، ودايمًا في عالم الـ Games كان فيه مفاجآت!

ألعاب ويندوز وتجميع الكمبيوتر

  • جدير بالذكر إن وقتها أجهزة الكمبيوتر الشخصية الـ PC نزل لها ألعاب على الويندوز زي «Fifa».
  • لعبة «Fifa» كنا بنلعبها زوجي بلوحة المفاتيح – keyboard – أو كيبورد وماوس.
  • لعبة «دووم» مكناش بنقدر ننام بسببها بالليل من الرعب وطبعًا بيت الرعب.
  • اللعب على الكمبيوتر كان متعة كبيرة وكمان كان أسهل وريحنا كتير من الأتاري.

لعبة Need for speed وضجة لن أنساها!

  • نزلت Need for speed وكانت مذهلة في كل حاجة وهي تقريبًا من أول ألعابي المفضلة.
  • Need for speed من أول الألعاب اللي الجرافيك بتاعها كان عالي جدًا.
  • كنا بنتعب قوي عشان نجمع لها جهاز تشتغل عليه بدون تعليق أو توقف.
  • مر وقت طويل وجربت ألعاب كثير على الكمبيوتر الشخصي PC وأدمنت أغلبها.

أجهزة بلاي ستيشن وزمن الـ Gamer

  • مع بداية تطور أجهزة بلاي ستيشن، وخصوصًا أول ما نزل PS3 بدأت ابقي Gamer بجد!
  • ظهور أجزة متعددة لألعاب الفيديو زي ( PS4 ، Xbox One ، Xbox 360..) كانوا أشبه بمعجزة وزي ما دايمًا بقول هم عملوا طفرة جديدة في اللعب؛ ودا كان بسبب ظهور أدوات متطورة زي Camera Games و PlayStation Eye و Kinect Sensor بتزود متعة اللعب.

ألعابي المفضلة

  • بالنسبة لأكتر ألعاب استمتعت بيهم هم ثلاث ألعاب من ضمن عشرات الألعاب اللي لعبتها.
  • نصيحة لكل لاعب مبتدىء… هيفوتك نص عمرك لو مش ناوي تلعب Assassin’s Creed و Watch Dogs  روعتهم مش ممكن تتخليها!
  • في ألعاب كثير متميزة ممكن تجربها زي (Dying light, FIFA, PES, WWE, The Sims, Watch Dogs, Call of Duty, Green Lantern, Mortal Kombat.. )

ثلاثة ألعاب هم الأفضل بالنسبة لي

Assassin’s Creed

  • لعبة Assassin’s Creed روعة في الجرافيك.
  • دقة وضوح – Resolution – مذهلة.
  • موسيقى تصويرية وإخراج تحس معاهم كأنك بتتفرج على فيلم.
  • قصتها الجبارة اللي جذبت أي حد لعبها!
  • روعة الحركات ودقتها واستايل Assassin اللي فـي جميع الأجزاء جننت اللاعبين  ( Gamers).

Naruto

  • في سر وراء اختياري للعبة دي، مش لأنها مجرد لعبة عظيمة! أنا عاشق للأنمي – أوتاكو- وتقريبًا شفت أكثر من 83 أنمي من جميع التصنيفات، عشان كدا شيء طبيعي أني أرشح لكم لعبة Naruto على قمة ألعابي المفضلة.
  • القصة اللي بكون حافظها وبعيدها تاني ودي بتكون أكبر متعة ممكن أحس بيها وأنا بلعب Storyboard للأنمي.
  • بالتأكيد في أسباب تانية مهمة في أي لعبة زي روعة الجرافيك مع سلاسة الحركات.
  • في كمان ألعاب أنمي ممتازة زي One Piece و Hunter.

One Piece

  • لعبة One Piece من أحسن الألعاب عندي تقريبًا لنفس أسباب عشقي للعبة ناروتو.. وعشقي للأنمي!

مشاكل تواجهني كـ Gamer

العشق الزايد للألعاب

  • أكبر مشكلة ممكن تواجهني هي العشق الزايد للألعاب؛ بسببها ممكن تسهر وتطبق أيام لمجرد إنها بتتحداك وبتكون مش عايز تقوم غير لما تخلصها.
  • مثلًا: لعبة The Amazing Spider Man، كانت سبب أني مقدرتش أنام يومين متواصلين، عشان حاجة تافهة جدًا للأسف ما كنتش واخد بالي منها.

سعر الألعاب

  • سعر الألعاب غالية قوي فوق الـ 500 جنيه مصري.
  • أنا كنت محظوظ جدًا بين أخواتي اللي كلهم جيمرز واوتاكو زي؛ لأننا بنجمع فلوس كل أسبوع ونشتري لعبة جديدة لجهاز Xbox كل واحد فينا يقفل اللعبة مرة.

تجربة اوتاجيمرز الخاصة

  • عشقي للألعاب مش من فراغ ويمكن بقول رأي بثقة لأني عايش وسط عيلة كلها Gamers وعشاق لمشاهدة أنمي وبنلعب ألعاب مختلفة ومتنوعة.
  • بلعب الألعاب على Xbox one و Xbox 360.
  • كمان في تجربة مهمة ليه في عالم الألعاب، عندي أخ مصمم جرافيك – فين الحدث !- هقولكم، هو بيحتاج في شغله جهاز كمبيوتر له مواصفات عالية عشان يقدر يشتغل باحترافية، فهو زي مصممين جرافيك كتير مجمع جهاز كمبيوترللألعاب مواصفاته مذهلة (رامات أكثر من 20 جيجابايت وهاردين بمساحة 2 تيرابايت غير هارد ديسك خارجي 1 تيرا بايت وطبعًا بروسيسور عالي جداً جداً).
  • الأهم إن الجهاز ده ممكن نلعب عليه أي لعبة بأعلي دقة وضوح –  Resolution- وما تعلقش اللعبة ولا توقف.

متنساش إن من خلال Yaoota.com ممكن تدوّر وتقارن وتشتري اللي نفسك فيه من بين أكثر من 100 محل أونلاين في مصر.

عن كاتب المقال:

عبد الله عباس لاعب محترف – Gamer – وبيحب ألعاب الفيديو لدرجة الإدمان، هو من متابعين ياقوطة لما لاقينا إن خبرته كبيرة  في ألعاب الفيديو حبينا نستعين بخبرته و طلبنا منه يكتب المقال دا اللي نتمنى يفيدكم.

Leave a Reply

Your email address will not be published. Required fields are marked *