مراجعة 2 iPad air: أنحف تابلت في العالم

مميزات وعيوب و سعر و تقييم أنحف تابلت في العالم أبل آيباد إير 2

كتبت: منى عوض

التابلت انتشر بشكل كبير جدًا بين الناس لأنه سهل الاستخدام وممكن إنك تخلص أي شغل خاص بيك أو تشوف أفلامك المفضلة عليه وتسجل لحظاتك المميزة من خلال الكاميرا بتاعته وغيرها من الاستخدامات الكتيرة جدًا، عشان كده إحنا في ياقوطة هنعرض عليك أبل آيباد إير 2، واحد من أفضل الأجهزة المتاحة على موقعنا.

ومن خلال الريفيو ده هنتعرف أكتر على مواصفات ومميزات وعيوب التابلت ده، ولو عجبك تقدر من خلال ياقوطة تعرف أحسن الأسعار ليه وتقارن بينهم، وممكن كمان تطلبه من خلالنا وهيوصل لغاية عندك وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

الشاشة البروسيسور الرام الكاميرا الميموري البطارية نظام التشغيل
٩.٧ بوصة ثلاثي النواة ٢ جيجابايت ٨ ميجابكسل ١٦ جيجابايت ٣٠٠٠ مللي أمبير IOS 8

وصف التابلت

  • الجهة الأمامية من الموبايل فيها الشاشة وفوقها سماعه المكالمات والكاميرا الأمامية وتحت الشاشة هتلاقي الزرار الرئيسي المدمج فيه مستشعر بصمة الإصبع.
  • الجهة الخلفية للموبايل فيها الكاميرا الخلفية وميكرفون خارجي وشعار شركة أبل في النص وكلمة ipad في أسفل ظهر الموبايل.
  • الجهة اليمنى فيها أزرار التحكم فى مستوى الصوت ومنفذ الشريحة وميكرفون خارجي.
  • الجهة العليا للموبايل بتحتوي على مدخل سماعة الرأس الهاند فري وزرار الباور.
  • الجهة السلفية للموبايل فيها سماعات التابلت الخارجية ومنفذ الـUSB المخصص للشحن.

التصميم

المزايا

  • التابلت مصنوع من الألمونيوم.
  • أبعاد التابلت: ٢٤٠ × ١٦٩٫٥ × ٦٫١ مم.
  • بيدعم وجود مستشعر بصمة الإصبع Touch ID المدمج مع زر القائمة الرئيسية.

العيوب

  • وزن التابلت تقيل بيوصل لحد ٤٣٦ جرام.
  • تصميمه غير مقاوم للماء.

تجربة المستخدم

  • التابلت أقل سمكًا وأخف وزنًا من الإصدار القديم آيباد إير وجودة وخامات تصنيعه عالية، ده بجانب إن تصميمه جميل وهيحتاج منك إنك تستخدم إيديك الاتنين عشان تقدر تمسكه وتتحكم فيه بشكل كويس.
  • الآيباد بيتميز بتقنية البصمة سريعة الاستجابة عشان يمنحك أقوى نظام أمان وحماية على الإطلاق.

الشاشة

المزايا

  • شاشة IPS من النوع ريتنا بحجم ٩٫٧ بوصة بدقة ١٥٣٦ × ٢٠٤٨ بكسل ومعدل كثافة ٢٦٤ بكسل لكل بوصة.
  • أبل أضافت طبقات عديدة للشاشة للحد من الانعكاسات وكمان دمجت الطبقات دي في طبقة واحدة عشان تقلل حجم الشاشة وتساعد في تنحيف سمك التابلت عشان يبقى أنحف تابلت في العالم.
  • الشاشة بتدعم خاصية اللمس المتعدد.

العيوب

  • كثافة بكسلات الشاشة قليلة على حجم الشاشة..

تجربة المستخدم

  • التابلت بيتميز باحتوائه على شاشة ريتنا ذات ألوان رائعة ونابضة بالحياة وجودة صورتها العالية وبتتميز بتباين عالي، وكمان من السهل استخدامها تحت أشعة الشمس لاحتوائها على طبقة بتعكس إشاعة الشمس.

الأداء

المزايا

  • نظام تشغيل التابلت هو IOS8 وفيه معالج من نوع A8X بتردد ثلاثي النواة ١٫٥ جيجا هرتز، بجانب ذاكرة عشوائية ٢ جيجابايت.
  • ومن حيث الذاكرة الداخلية، فالموبايل متوفر بثلاث نسخ ١٦ و ٦٤ و ١٢٨ جيجابايت.
  • بيدعم الاتصال بالبلوتوث والاتصال من خلال الواي فاي اللي بقت سرعته عالية جدًا، وكمان بيتميز بخاصية MIMO- يقصد بيها multi in multi out- وبتعمل الخاصية دي على تجميع إشارة الواي فاي من أكتر من مكان في التابلت عشان ينقل البيانات بشكل أسرع حتى لو كان الراوتر موجود في مكان بعيد إلى حد ما.
  • التابلت قادر على تشغيل شريحة اتصال واحدة بتدعم شبكات الجيل الثاني والثالث والرابع.

العيوب

  • مفيش إمكانية لزيادة سعة ذاكرة التخزين بتاعة التابلت لأنه مش بيدعم إضافة كارت ميموري خارجي.

تجربة المستخدم

  • التابلت بيقدم أداء ممتاز ومش هتواجه أي بطء خلال استخدامه والتنقل بين التطبيقات أو خلال استخدام الألعاب أو مشاهدة أفلام أو فيديوهات وما إلى ذلك.
  • صوت سماعات التابلت ممتاز ونقي وعالي جدًا.

الكاميرا

المزايا

  • الكاميرا الخلفية ٨ ميجابكسل بدقة Full HD وفتحة عدستها f/2.4، وفيها Image Signal Processor وهو جزء من معالج أبل الجديد A8x بمستشعر iSight، وكمان مزودة بعدة مميزات زي تحديد الوجوه والتصوير البانورامي والتصوير البطيء.
  • الكاميرا الأمامية ١٫٢ ميجابكسل بدقة HD وفتحة عدستها f/2.2، وبتتميز بخصائص زي التصوير السريع والتصوير البانورامي وتايم لابس، وتطلق عليها آبل اسم FaceTime HD، وكمان بإمكانها تصوير فيديو بدقة ١٠٨٠ بكسل أو ٧٢٠ بكسل بواقع ١٢٠ لقطة في الثانية.

العيوب

  • الكاميرتين الخلفية والأمامية مش مزودتين بفلاش LED.

تجربة المستخدم

  • الكاميرا بتقدم أداء مميز هتخليك تلتقط صور رائعة سواء في الإضاءة العالية أو الخافتة بفضل المستشعر المتطور ومعالج الصور الأحادي والبصريات المتقدمة المدمجة في كاميرا الآيباد.
  • الكاميرا الأمامية بتقدم صور رائعة وعالية الوضوح في الإضاءة العالية وبتقل جودة الصور دي بنسبة بسيطة في الإضاءة الضعيفة.

البطارية

المزايا

  • البطارية ليثيوم أيون سعتها ٣٠٠٠ مللي أمبير.

العيوب

  • البطارية غير قابلة للإزالة.
  • البطارية بتحتاج حوالي ٣ ساعات ونص عشان تشحن شحنة كاملة.

تجربة المستخدم

  • رغم إن الجهاز بقى أقل سمكا فده ما أثرش بالسلب على البطارية، يعني ممكن تستخدم التابلت وتلعب عليه وتتصفح الإنترنت لعشر ساعات متواصلة ولو كان الاستخدام خفيف فالبطارية ممكن تصمد معاك لحد يوم كامل.

شوف أبل آيباد إير 2 من هنا.

لو بتدور على تابلت بيدعم اتصال الشريحة بشبكة الإنترنت ممكن تقرأ المقال ده.

ولو محتار تشتري تابلت ولا لابتوب يبقى شوف المعركة الملحمية بينهم من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل 
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *