مراجعة بوتاجاز يونيون إير غاز أي شيف ٥ شعلة بمروحة
كتبت: يارا الحميلي
من أهم الأجهزة في المطبخ البوتاجاز، اللي من خلاله بنقدر نبدع ونطلع أشهى الوصفات. وكل ما البوتاجاز كانت إمكانياته مناسبة كل ما ساعدك أكتر في العزومات والمناسبات الكبيرة، وكمان ساعدك في الاستعمال اليومي.
ولإننا في ياقوطة يهمنا إنك على طول تبقى على علم بأفضل الموديلات لكل الأجهزة، هنعرض عليك مراجعة كاملة لبوتاجاز يونيون إير أي شيف الـ ٥ شعلات، وفيها هنتعرف على أهم مميزاته وعيوبه وسعره في السوق، ولو عجبك ممكن تشتريه من خلال ياقوطة وهيكون عندك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| الموديل | C6090GS-AC-383-IDSH-S |
| الماركة | يونيون إير |
| الخامة | الألومنيوم |
| عدد الشعلات | ٥ |
| الأبعاد (العرض × الارتفاع × العمق) | ٦٠ × ٨٥ × ٩٠ سم |
| الوزن | ٦٥ كيلو |
| نوع الحوامل | حوامل ظهر |
| مروحة | نعم |
المزايا
- البوتاجاز مزود بخاصية الشواء، يعني هتقدر تستخدمه كفرن وشواية في وقت واحد. وده هيوفر عليك إنك تشتري شواية.
- تقدر تسترد فلوسك أو تبدله خلال ١٤ يوم وكمان ضمانه ٥ سنين ضد عيوب الصناعة.
- الجهاز بييجي بخاصية الأمان الكامل.
- مفاتيح الجهاز بتشتغل بخاصية التاتش اللي بتعتبر أريح شوية في الاستخدام.
- مع خاصية الإشعال الذاتي مش هتحتاج إنك تشتري كبريت أو ولاعة غاز عشان تستخدم البوتاجاز، وكمان الخاصية دي موجودة في الفرن.
- فيه إمكانية إنك تشغل الفرن والشواية مع بعض، وده بيوفر في الوقت.
- هتقدر تعرف الأكل استوي ولا لأ من غير ما تفتح الفرن أو تشوف الأكل على البوتاجاز كل شوية لأنه مزود بتايمر رقمي بيظهرلك الوقت اللي باقي على انتهاء مدة الطهي، ولو كنت مشغول هتسمع صوت إنذار بانتهاء مدة الطهي.
- أداؤه ممتاز.
العيوب
- البوتاجاز مزود بعدد ٥ شعلات بس وده ممكن يسبب صعوبة للناس اللي بتحتاج عدد شعلات خصوصًا مع تحضير الوجبات العائلية وللعائلات اللي عددها كبير.
- البوتاجاز تعتبر مساحته قليله وده ممكن يكون عيب خصوصًا للناس اللي عندها مطابخ كبيرة، عشان شكل البوتاجاز مش بيكون مناسب لحجم المطبخ الكبير.
- الفرن مزود بمروحة بتساعد على توزيع الحرارة عشان توصل الحرارة لجميع الأجزاء وبرأيي إن الخاصية دي مش ضرورية، أحيانًا بتكتر البخار اللي ممكن زيادته تبوظ بعض الأكل وخاصة النواشف.
- البوتاجاز مزود بخاصية التاتش أو اللمس على الرغم من أهمية الخاصية دي، فبتتعرض للتلف بسهوله مع الاستعمال المتكرر، حساسية التاتش بتاعته مش قوية.
خدمات ما بعد البيع
خدمة العملاء: تقدر تتواصل مع خدمة العملاء في أي وقت خلال اليوم لأي استفسار عن نوع الجهاز أو منافذ البيع القريبة منك.
الصيانة: تقدر تحصل عليها بشكل مجاني لو كان البوتاجاز لسه في فتره الضمان أو تبديل الجهاز لو فيه أي عيوب فنية.
قطع الغيار: هتقدر تحصل على قطع غيار البوتاجاز الأصلية من مراكز البيع الخاصة بالشركة ولكن بسعر أعلى.
في المجمل خدمة العملاء وصيانة ما بعد البيع مش الأحسن في السوق، وكتير من العملاء اشتكى إن العيب ظهر تاني بعد الصيانة، وكتير بيدوا مواعيد للعملاء ومش بيلتزموا بيها.
شوف بوتاجاز يونيون إير أي شبف الغاز ٥ شعلة من هنا.
لو اشتريت البوتاجاز ماتنساش تقولنا رأيك عنه في كومنت.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال