مجموعة من أفضل بدائل منتجات أبل من الملحقات المعتمدة على ياقوطة
كتب: خالد عاصم
زي ما كل منتجات أبل بتكون غالية بشكل واضح حتى لما نقارنها باللي زيها من منتجات تانية، فكمان الملحقات الرسمية المختلفة من ابل غالية وأحيانًا بتكون غالية أوي بشكل مبالغ فيه، والملحقات هنا مقصود بيها الكابلات والشواحن من مختلف الأنواع والمحولات والساعات الذكية والسماعات اللاسلكية وغيرها.
الفكرة إن مش بس ملحقات أجهزة ابل غالية لا أبل نفسها كمان دايمًا بتنصح باستخدام الملحقات الأصلية، وده اللي أغلبنا بيشوفه على علبة أو دليل استخدام أي جهاز أو حتى مواقع ابل الرسمية، بس اللي بناخدش بالنا منه إن ابل كمان بتسمح باستخدام بدايل معتمدة من شركات معروفة معتمدة من ابل، وده معناه إن فيه بدائل منتجات ابل معتمدة ورسمية ومضمونة وكمان أرخص بشكل ملحوظ من منتجات الشركة نفسها.
وبالاعتماد على بدائل منتجات ابل بتكبر قائمة الملحقات والاكسسوارات اللي ممكن تستخدمها مع تليفونك أو الايباد أو الكمبيوتر أو غيرهم من المنتجات اللي بتقدمها ابل، يعني الاختيار مش بيقتصر على الكم منتج اللي قلناهم بس لا كمان بيشمل نطاق أكبر من المحولات وكمان بنوك الطاقة أو الباور بنك وغيرها من الأجهزة.
هنا بقى بتيجي حيرة تانية وهي إيه بدائل منتجات ابل المعتمدة أو المضمونة أو الآمنة على جهازك، والحيرة دي احنا هنحلهالك النهاردة لأننا هنتكلم عن أفضل البدائل دي من مختلف الملحقات اللي ممكن تحتاج لأجهزة ابل اللي بتمتلكها.
وطبعًا لو أي من بدائل منتجات ابل اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز بدائل منتجات ابل من ياقوطة
البدائل من منتجات شركة Belkin
مشترك Lightning للصوت والشحن RockStar من Belkin
من أبرز مشكلات موبايلات ايفون إن مفيهاش منفذ مخصص للسماعات السلكية وهنا بييجي دور الملحق ده من بيلكين واللي بيشتغل زي المشترك اللي بيوفر إمكانية شحن الموبايل أو الجهاز اللي بيعتمد على منفذ Lightning وتوصيل السماعات في الوقت نفسه، والشاحن بيتميز بإنه بيدعم أعلى جودة صوت ممكنة في موبايلات ايفون المختلفة وطبعًا بيتميز بجودة عالية على كل المستويات زي مختلف ملحقات بيلكين.
اتعرف على عروض أسعار مشترك Rockstar من بيلكين من هنا.
كابل BoostCharge من Lightning إلى USB-A من بيلكين
كابل لشحن أجهزة ابل اللي بتعتمد على منفذ Lightning وبيدعم نقل البيانات المختلفة ما بين موبايلك أو التابلت وبين جهاز الكمبيوتر، والكابل متوفر بأكتر من طول وأكثر من لون وبيعتمد على طرف Lightning وطرف USB-A، وتم اختبار الكابل عشان يتحمل أكتر من ٨٠٠٠ مرة التواء.
اتعرف على عروض أسعار كابل BoostCharge من بيلكين من هنا.
شاحن السيارة بكابل USB-C وLightning من بيلكين
شاحن للسيارة متوافق مع أجهزة ابل بيعتمد على منفذ داخلي USB-C وبييجي معاه كابل للتحويل ما بين منفذ Lightning ومنفذ USB Type-C، والشاحن بقوة ٢٠ وات لدعم الشحن السريع.
اتعرف على عروض أسعار شاحن السيارة من بيلكين من هنا.
حامل هاتف بخاصية تتبع الوجه متوافق مع تقنية MagSafe من بيلكين
القطعة السحرية لصناع المحتوى من المبدعين المعتمدين على موبايلات ايفون، الحامل ده بيدعم خاصية تتبع الوجه وبيقدر يتحرك بزاوية ٣٦٠ درجة أفقي ويطلق من زاوية ١٥ درجة لحد ٣٠ درجة، واستخدام الحامل سهل جدًا لأنه متوافق مع تقنية MagSafe اللي بتعتمد على توصيل الموبايل من خلال المغناطيس، والحامل توافق مع موبايلات IPhone 12 وiPhone 13.
اتعرف على عروض أسعار حامل الهاتف بخاصية تتبع الوجه من بيلكين.
سماعة أذن سلكية بمنفذ Lightning من بيلكين
السماعة لسلكية المثالية البديلة لسماعات ابل السلكية، وبتتمتع السماعة بجودة صوت عالية وتصميم مريح ده غير إنها مقاومة للمياه وعازلة للضوضاء، والسماعة بتيجي مع مجموعة من قطع الأذن عشان تناسب كل المستخدمين.
اتعرف على عروض أسعار سماعة الأذن السلكية بمنفذ Lightning من بيلكين من هنا.
حامل قطعة AirTag بميدالية مفاتيح
حافظ على قطعة AirTag الخاصة بيك مع الحامل ده اللي يقدر يخليك تعلق القطعة في ميدالية مفاتيحك وتحفظ عليها معاك دايمًا في أي وقت وأي مكان، والحامل متوفرة بمجموعة كبيرة من الألوان.
اتعرف على عروض أسعار حامل AirTag من بيلكين من هنا.
اتعرف على عروض أسعار مختلف منتجات Belkin على ياقوطة من هنا.
البدائل من منتجات شركة Anker
باور بنك PowerCore III Sense سعة ١٠٠٠٠ ميللي أمبير من Anker
واحد من أفضل أجهزة الباور بنك المتوفرة في السوق من أنكر واللي بيدعم أغلب تقنيات الشحن السريع وبيتميز بأعلى معدلات الأمات لحماية بطارية موبايلك، والبور بنك متوافق مع أجهزة ايفون باستخدام الكابل المناسب.
اتعرف على عروض أسعار باور بنك PowerCore III Sense من انكر من هنا.
كابل PowerLine+ III من Lightning إلى USB-C من Anker
كابل الشحن المعتمد PowerLink+ III بطول ٢ متر واللي بيتكون من طرف Lightning وطرف USB-C وتقدر من خلاله تشحن موبايلك بالشواحن أو أجهزة الكمبيوتر اللي بتتضمن المنفذ ده للشحن، والكابل معتمد وحصل على أغلب تراخيص الحماية والأمان المعروفة لكابلات الشحن.
اتعرف على عروض أسعار كابل PowerLine+ III من أنكر من هنا.
المحول متعدد الاستخدامات Power Expand Direct لأجهزة ايباد برو من Anker
محول Power Expand Direct من أنكر مخصص لأجهزة iPad Pro ومهمته هي تحويل جهازك لمنصة متكاملة من التوصيلات لانه بيتضمن منفذ USB-C مع توصيل الطاقة بقوة ٦٠ واط ومنفذ HDMI بيدعم جودة 4K عند ٦٠ هيرتز ومنفذ ٣٫٥ مم للسماعات ومنافذ SD وUSB-A.
تعرف على عروض أسعار محول Power Expand Direct من أنكر من هنا.
الشاحن الحائطي PowerPort 4 بأربع مداخل من Anker
الشاحن الحائطي المتميز PowerPort 4 من انكر اللي بيعتمد على أرب منافذ تقدر تشحن بيه أجهزة ايفون وأجهزة ايباد وكمان بعض أجهزة سامسونج والشاحن قابل للتحول ما بين القابس البريطاني والقابس الأوروبي والشاحن بيدعم تقنية الشحن السريع وتقنية iQ اللي بتقدر تتعرف على الجهاز اللي اتوصل بيه لوحدها عشان تحدد أسلوب وقوة الشحن المناسبة أوتوماتيكيًا.
اتعرف على عروض أسعار الشاحن الحائطي PowerPort 4 من انكر من هنا.
اتعرف على عروض أسعار مختلف منتجات Anker المتوفرة على ياقوطة من هنا.
اتعرف على عروض أسعار كل ما يتعلق بمنتجات ابل من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.