أفضل أجهزة الماوس والكيبورد الوايرلس على ياقوطة

كتب: خالد عاصم

مفيش شك بإن التطور بيطول كل حاجة متعلقة بحياتنا مهما كنا بنفتكر إنها بسيطة، وأبرز التطورات دي بنلمسها في الأجهزة اللي بنستخدمها كل يوم زي الموبايلات والكمبيوتر والتليفزيون وكمان ملحقاتهم، ومن أبرز ملحقات الكمبيوتر اللي بنستخدمها بشكل مستمر، الكيبورد والماوس، واللي هما كمان مروا بتطورات كبيرة على مدى السنين اللي فاتت، أبرزها إنها بقت وايرليس وده كان ليه فوايد كتير جدًا ممكن نكون لمسينها بشكل مستمر وفعال بس من كتر ما بنتعامل معاها بشكل طبيعي مابنكونش قادرين نحددها.

أهم ميزة بتتميز بيها الكيبوردات والماوسات الوايرلس بتكمن في طبيعتها في فكرة عدم احتياجها لأي أسلاك وده بيميزها بمجموعة حاجات منها تقليل عدد الأسلاك اللي بتبقى موجودة في بيئة العمل وده بيخلي بيئة العمل أكتر سلاسة وتنظم، كمان النطاق اللي بتدعمه الكيبوردات والماوسات الوايرليس بيتيح إمكانية استخدامها من على بعد وده بيسهل استخدام الكمبيوتر وبيوفر حرية للحركة كمان.

النهارده هنخصص المقال ده عشان نتكلم عن أفضل الكيبوردات والماوسات الوايرليس المختلفة من حيث الفئة والسعر المتوفرة في السوق المصري وتقدروا تطلبوها من ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز وأهم الكيبوردات والماوسات الوايرليس المتوفرة على ياقوطة

كيبورد وماوس وايرليس Logitech MK220 من لوجيتك

بتمتاز الكيبورد دي بأنها أصغر بحوالي 36 % من أي كيبورد تانية وده بيخليها تشغل مساحة أصغر وكمان الحجم ده مش مأثر على مفاتيحها وعلى مساحة كل مفتاح وسهولة استخدامه، الكيبورد كمان بتتميز بصوت منخفض جدًا للمفاتيح، أما الماوس فممتازة من حيث الدقة ومن حيث المستشعر المتميز المستخدم، والكيبورد والماوس بيعتمدوا على اتصال لاسلكي ٢٫٤ جيجا هيرتز متطور من حيث السرعة والقوة وثبات الاتصال.

شوف كيبورد وماوس وايرليس Logitech Mk220 من هنا.

كيبورد وماوس لاسلكي KM818

على الرغم من إن المجموعة دي تعتبر من أرخص الكيبوردات والماوسات الوايرليس الموجودة في السوق إلا إنها متميزة جدًا وتعتبر اختيار نموذجي للي عايز كيبورد وماوس وايرليس إمكانياتهم كويسة وسعرهم مقبول جدًا، تصميم الكيبورد والماوس مثالي جدًا خصوصًا الكيبورد المنحنية من تحت واللي بتسهل استخدامها بشكل كبير وبيخليها مريحة للإيد وجذابه في نفس الوقت وده مايختلفش بالنسبة للماوس المريحة جدًا للاستخدام برضه.

شوف كيبورد وماوس وايرليس KM818 من هنا.

كيبورد وماوس وايرليس من مايكروسوفت

مايكروسوفت بتقدم مجموعة متنوعة وكبيرة من الكيبوردات والماوسات الوايرليس بس دي تعتبر أبرزهم وتعتبر كمان الاختيار المثالي للي عايز كيبورد وماوس قوية وتستحمل الشغل لساعات كبيرة وبطاريتها متميزة وكمان مريحة جدًا في الاستخدام ده غير إنها مضمونة من مايكروسوفت.

شوف الكيبوردات والماوسات الوايرليس  من مايكروسوفت من هنا.

كيبورد وايرليس All-In-One من مايكروسوفت

بما إننا بنتكلم عن مايكروسوفت فلازم نتكلم عن واحد من أفضل الكيبوردات الوايرليس اللي بتقدمها مايكروسوفت وهي كيبورد All-In-One اللي بتغنيك عن استخدام الماوس لو انت من المتعودين على استخدام التاتش باد بتاعة اللاب توب، الكيبورد بتتكون من لوحة مفاتيح على الشمال ولوحة لمس على اليمين في هيكل واحد وبتتميز بقوة البطارية وعمرها الطويل كمان بتطور نظام الاتصال اللي بتعتمد عليه.

شوف كيبوردات مايكروسوفت الوايرليس من هنا.

كيبورد وماوس وايرليس Rapoo X8210

كيبورد وماوس وايرليس معمولين من مواد متميزة جدًا من حيث المتانة وكمان بتتميز بتصميم بيخليها تحمي أجزاءها الداخلية في حالة انسكاب أي سوائل عليها خلال الاستخدام، ده غير إنها بتتميز بنام توفير طاقة بيخليها تقدر تشتغل لحد ١٢ شهر كاملين من غير انقطاع.

شوف كيبور وماوس وايرليس من Rapoo من هنا.

ماوس وايرليس Microsoft GMF-00294

ماوس وايرليس ممتاز من مايكروسوفت بيتميز بإمكانيات كتير جدًا زي تقنية التتيع المتميزة اللي بيوفرها مستشعر الليزر المتقدم كمان التصميم المريح جدًا للأيد واللي بيخليك قادر تستخدمها لساعات من غير ما تحس بأي تعب بالإضافة لخاصية الحفاظ على البطارية اللي بتخليها تعيش كتير.

شوف ماوس وايرليس Microsoft GMF-00294 من هنا.

ماوس وايرليس Logitech M720 من لوجيتك

بتعتبر لوجيتك واحدة من أبرز الشركات في تصنيع ملحقات الكمبيوتر واللي من بينها الماوسات، ومن بين الماوسات المتميزة اللي بتعتبر اختيار مثالي في الشغل والاستخدام العادي للكمبيوتر وبتمتاز الماوس باتصال لاسلكي قوي وكمان بتمتاز بتصميم مريح جدًا وبعدد من الأزرار اللي ممكن تخصيصها عشان تلائم استخدامك.

شوف  ماوس وايرليس Logitech M720 من هنا.

ماوس وايرليس Logitech G602 من لوجيتك

مش هننسى عشاق الألعاب عشان كده جبنالهم واحدة من أفضل ماوسات الألعاب في الفئة السعرية دي وهي ماوس لوجيتك G602 اللي بتتميز ببناء قوي وتصميم أكتر من متميز سواء على مستوى الراحة أو القوة أو عدد الأزرار اللي ممكن تخصيصها عشان تستخدمها بالشكل اللي يساعدك توصل لأفضل مستوى من التحكم في الألعاب.

شوف ماوس وايرليس Logitech G602 من هنا.

شوف مختلف أنواع الكيبوردات والماوسات الوايرليس من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *