أهم الفروق بين الغسالة الكومبو، والغسالة، والمجفف المنفصلين

اليكم أهم الفروق بين الغسالة الكومبو، والغسالة، والمجفف

كتبت: مي سرور

الشمس والهوا عندنا طول السنة بس التغيير والتطور له أحكامه، عشان كده فيه ناس بتفضل تجيب مجفف للملابس لأنها شايفة إن ده التطور الطبيعي لعملية نشر الغسيل على الحبل. وعلى الأساس ده فيه قوانين في كتير من مدن العالم بتمنع نشر الغسيل في الشرفات لأنه مظهر غير حضاري (منها دول عربية وبعض دول الخليج). وطبعًا إحنا عارفين إن في بلدنا لك الاختيار إنك نتشر بره على الحبل أو تستعمل المجفف. ده هيخلينا نسأل هل نجيب مجفف ولا ننشر على الحبل؟ والموضوع ده هيودينا لسؤال تاني: نجيب مجفف لوحده ولا غسالة فيها مجفف (كومبو)؟

ياقوطة أكيد مش هتسيبك لوحدك في المشكلة دي، هنعرض كل وجهات النظر بخصوص ميزات وعيوب المجفف، ونجيبه كومبو (غسالة بمجفف) ولا الأحسن كل جهاز لوحده. وهنعرض كمان موديلات مختلفة ليهم، وتقدر من خلالنا تعرف أحسن الأسعار وتقارن بينهم وتطلبهم كمان وهيوصلوا لغاية عندك في أسرع وقت.

* أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أولًا: إيه هو المجفف والفكرة اللي بيشتغل بيها وإيه هي أنواعه؟

المجفف بيكمّل اللي بدأته غسالة الملابس بأنه بيكمّل تجفيف الملابس اللي تم غسلها. علشان كده هو بيحتوي المجفف على وعاء دوار (الحلة الداخلية) بيتم تمرير الهواء الساخن داخلها لتبخير الرطوبة من الملابس ويتم تدوير الحلة الداخلية للحفاظ على وجود هواء بين الملابس المحملة جواها.

أنواع المجففات

  • المجففات التقليدية: بتعمل على السحب المستمر للهواء الجاف من حواليها ثم تسخين الهواء جواها ثم تصريف الهواء الساخن الرطب خارجها، والنوع ده غير صديق بالبيئة لكنه سهل الاستخدام ولسه مستخدم.
  • المجففات الدوارة: وهي تعمل بدون تهوية وتعمل على تدوير الحلة الداخلية بها بسرعة أكبر من سرعة الغسالات العادية لطرد المياه الزائدة من الملابس وتتم الدورة الواحدة في دقيقتين. وعلشان كده هو موفر للطاقة. لكنه مش بيقوم بالتجفيف الكامل للملابس.
  • المجففات بالتكثيف: تقوم بتمرير الهواء الساخن داخل الملابس. وبدل ما بتخرج الهوا ده، بتقوم بتبريده وتكثيف بخار الماء وتصريفه في أنبوب صرف، أو خزان تجميع. وبيتم استخدام نفس الهواء المجفف ده خلال دورة التجفيف. والنوع ده موفر للطاقة وهو أحدث من النوعين السابقين وأكثر انتشارًا.
  • مجففات بالمضخة الحرارية: وفيها يتم التخلص من رطوبة الهواء باستخدام مضخة حرارية ذات دائرة مغلقة تمرر الهواء الساخن الرطب الناتج من الحلة الدوارة داخل تلك المضخة، ويتم الاحتفاظ بالحرارة داخل المجفف وإعادة تدوير الهواء الساخن، ولهذا هي أكتر توفيرا للطاقة (فئة A) عن المجففات بالتكثيف.
  • مجففات بضغط البخار الميكانيكي: وهي أحدث تطور للمجففات بعد مجففات المضخة الحرارية. وبتستخدم المياه المستخلصة من الملابس وتحولها لبخار غازي مضغوط وهذه الحرارة هي ما تجفف الملابس. المجففات دي موفرة للوقت والطاقة.

إزاي تختار المجفف المناسب؟ ده بيعتمد على نوع وكمية الغسيل. عشان كده ناخد بالنا من

  • سعة المجفف: حسب عدد أفراد الأسرة وعدد مرات الغسيل المطلوبة في الأسبوع يعني من ٤-٦ مرات يكون مجفف ٧ كيلو مناسب، أما لو أكتر من ٦ مرات يكون المجفف سعة ٩ كيلو هو الأنسب.
  • نوع الأقمشة الأكثر استخدامًا: الأقطان والأصواف يناسبهما مجفف المضخة الحرارية، أما الأقمشة الرقيقة فيناسبها مجفف بخيارات درجة الحرارة المنخفضة.
  • مدي الاحتياج للكي: احتفاظ الملابس ببعض الرطوبة بعد التجفيف يسهل عملية الكي، المجفف ذاتي التحكم هو الذي يوفر هذه الخاصية لأنك تقدر تظبطه للحصول على ملابس رطبة شوية أو جافة لو مش هتحتاج تكويها.
  • الأكثر توفيرًا للطاقة: لأنها بتوفر الفلوس على المدى الطويل، وكمان بتكون صديقة للبيئة. الفئة A هي الأفضل.

مميزات وعيوب مجفف الملابس

المميزات العيوب
تخرج الملابس منه أنعم خاصة الفوط بتكون fluffy. مع بعض المجففات تخرج الملابس مكرمشة وريحتها مش منعشة.
مع التجفيف بالهواء الساخن مش هتحتاج لكي الملابس. مهم نتأكد إن المجفف يحتوي على مدخنة، أو ترك باب غرفة الغسيل مفتوح عند التشغيل، لأن كمية الرطوبة اللي بتنتج عن عملية التجفيف ممكن تبوظ الحائط.
تجفيف الملابس في أي وقت وبعيد عن التلوث (سواء مطر – تراب). استهلاك إضافي للكهرباء.
توفير لجهد النشر اليدوي وكمان لمكان منشر الغسيل في البلكونة أو الشباك. ضرورة توافر مساحة إضافية جنب الغسالة لوضع المجفف.
احتفاظ الملابس بألوانها لعدم تعرضها لأشعة الشمس القوية. الهدوم ممكن تبوظ لو ما تمش الانتباه كويس لتعليمات تشغيل التجفيف حسب نوع القماش.
مواكبة للتطور وشكل حضاري للمكان. الصوت المزعج الصادر وقت تشغيله.
  ضرورة تنظيف الفلتر باستمرار
  سعره غالي.

مجفف ملابس تحميل أمامي انديست، سعة ٧ كيلو، أبيض – IDV75EU

المواصفات

  • ماركة انديست موديل IDV75EU.
  • تحميل أمامي سعة ٧ كيلو.
  • نوع التجفيف: بالتهوية مع عنصر تدفئة.
  • به تحكم في الوقت تايمر.
  • فئة كفاءة الطاقة: B
  • مستوى الضجيج: ٦٩ ديسيبل.
  • الأبعاد: ٨٥ × ٥٩٫٥ × ٥٨٫٤ سم.
  • أهم مميزاته: خاصية الهواء المنعش ولا تشابك ولا كرمشة.

تقدر تشوف مجموعة المجففات هنا.

طيب يا ترى الغسالة بالمجفف (الكومبو) أحسن؟ ولا الغسالة والمجفف (القطعتين)؟

مميزات الكومبو عيوب الكومبو مميزات القطعتين عيوب القطعتين
تحتاج لمساحة أقل (تقريبًا نصف مساحة للقطعتين) عملية التجفيف بتاخد وقت أطول وده بيجهد الغسالة عامة. المجفف أسرع. تحتاج لوجود مساحة (مساحة مماثلة للمساحة اللازمة للغسالة).
أقل سعر شوية من سعر القطعتين يجب تخفيف كمية الغسيل للنص قبل بدء عملية التجفيف لأنها مش بتجفف كل الحمولة مرة واحدة. يتم تجفيف كمية الغسيل كلها مرة واحدة حسب حمل المجفف. أغلى في السعر (ثمن جهازين).
  مش موفرة للطاقة. موفر للطاقة.  
  المجفف الملحق بالغسالة مش بكفاءة المجفف المنفصل. المجفف أكثر كفاءة لأنه متخصص للقيام بوظيفته منفصلًا عن الغسالة.  
  يجب انتظار انتهاء دورة التجفيف قبل وضع حمولة غسيل تانية، وده يعني إجهاد للغسالة وتشغيلها لمدة طويلة. مفيش داعلي للانتظار لأن عمليتي الغسيل والتجفيف منفصلتين. وده بيوفر الوقت.  
  في حالة أي العطل تتوقف الوظيفتين. عطل أي قطعة مش معناه تعطل القطعة التانية.  

واضح إن القطعتين المنفصلتين (غسالة ومجفف) هم الأفضل، بس في حالة لم تتوافر عندك المساحة الكافية أو الميزانية ما تسمحش بشراء القطعتين وكنت في حاجة كبيرة لوظيفة التجفيف بتكون الغسالة الكومبو هي خيارك الأفضل.

غسالة ملابس زانوسي تحميل أمامي ديجيتال بمجفف، سعة ٩ كيلو، فضي – ZWD9166W

المواصفات

  • ماركة: زانوسي موديل ZWD9166W
  • أقصى تحميل للمجفف: ٦ كيلو.
  • أقصى تحميل للغسالة :٩ كيلو.
  • عدد اللفات: ١٦٠٠ لفة في الدقيقة.
  • موتور: inventor
  • كفاءة استهلاك الطاقة: فئة A.
  • الأبعاد: ٨٥ × ٦٠ × ٦٠٫٦ سم.
  • أهم المميزات: نظام مراقبة المياه – خيار تأخير بدأ التشغيل – شاشة عرض رقمية –  أقل ضجيج.

تقدر تشوف مجموعة من الغسالات اللي بالمجفف هنا.

 * قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 

One thought on “أهم الفروق بين الغسالة الكومبو، والغسالة، والمجفف المنفصلين”

  1. عبد الله says:

    شكرا

Leave a Reply

Your email address will not be published. Required fields are marked *