تشتري تليفزيون 4K ولا HD؟ اعرف الفرق بينهم

كتبت: دينا أمير

التليفزيون أصبح جزء مهم جدًا في أي بيت، ومع ظهور اختيارات متعددة الإمكانيات بقينا بناخد وقت أكتر عشان نوصل لأفضل مميزات وموديلات تناسب احتياجاتنا.

النهارده ياقوطة بتقدملك دليل للمقارنة بين التليفزيونات الـ HD والـ 4K، وده لأن التليفزيونات الـ HD هي الأكثر رواجًا في مصر وبنلاقيها في أغلب البيوت؛ وده بيرجع لسعرها المناسب في الوقت اللي الشاشات الـ 4K بتقدم مميزات متطورة وصورة أكثر دقة لكنها مرتفعة السعر.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

وجه المقارنة HD 4K
دقة الصورة ١٩٢٠×١٠٨٠ بيكسل. ٢١٦٠×٣٨٤٠ بيكسل.
وضوح الألوان عالية. عالية جدًا.
حجم الشاشة مناسب لكل الأحجام لكن يُفضل في ما هو دون الـ ٦٥ بوصة. يُفضل في شاشات كبيرة الحجم أكبر من ٦٥ بوصة.
المسافة المناسبة للمشاهدة بين المتفرج والتليفزيون ٣×ارتفاع الشاشة. ١٫٥×ارتفاع الشاشة.
المحتوى المعروض يُناسب أغلب المحتوى. تستمتع برؤية أفضل للـ Blu-ray ومحتوى Netflix والألعاب المتطورة.
السعر متوسط إلى مرتفع. مرتفع وقد يصل إلى مرتفع جدًا.

 

 

 

 

١. دقة الصورة

دقة الصورة الفرق بين تلفزيون HD و K4

أي صورة بنشوفها على التليفزيون بتتكون من جزيئات صغيرة الحجم اسمها «بيكسل»، وبالتالي كل ما عدد البيكسلات بيزيد في الصورة هتقدر تشوف تفاصيل أكتر وصورة أوضح. الجزيئات الصغيرة بتكون مترتبة بالطول والعرض عشان تكوّن الصورة اللي بنشوفها؛ فمثلًا بالنسبة للتليفزيونات الـ HD عددهم ١٩٢٠×١٠٨٠ بيكسل بينما في التليفزيونات الـ 4K عددهم ٢١٦٠×٣٨٤٠ بيكسل. دقة الصورة بتمثل أهم نقطة مقارنة بين الـ HD والـ 4K، اللي اسمه جه من إمكانية عرضه ٤ أضعاف عدد الجزيئات مقارنةً بالـ HD، الفرق بيظهر عند الاقتراب من الشاشة، فأحيانًا ممكن تلاحظ خطوط طولية وعرضية في شاشة جودة HD عند الجلوس بالقرب الشديد منها.

LG OLED

من أفضل الموديلات الحديثة اللي بتتمتع بتقنية الـ 4K وهتوفرلك صورة نقية وتجانس في محتويات الصور المعروضة هو تليفزيون LG OLED C7 ده غير التصميم الأنيق وسهولة الاستخدام.

٢. وضوح الألوان

وضوح الالوان : الفرق بين تلفزيون HD و K4

أكيد مهم إننا زي ما نشوف صورة واضحة تكون الألوان طبيعية على قدر المستطاع، فظهر مؤخرًا تقنية تُسمى بالـ HDR متوفرة في بعض موديلات الـ 4K، التقنية دي بتعمل على زيادة جودة جزيئات العرض أو البيكسل. تقنية HDR بتحسّن من مستوى الألوان وإضاءة الصورة وبالتالي وضوحها عشان تحس إن الأبيض ناصع وواضح والأسود داكن بالقدر الكافي. التقنية الحديثة دي بتمكّن التليفزيون من عرض درجات أكتر للألوان بدقة أعلى عشان تحس إنك بتتفرج على منظر طبيعى مش عرض تليفزيوني.

تليفزيون Sony KD-65ZD9 هيوفرلك صورة غير مسبوقة لتمتعه بتقنية الـ HDR، ده غير إضاءة الشاشة اللي هتساعدك تشوف كل التفاصيل. التليفزيون متوفر بمقاسات مختلفة بتبدأ من ٦٥ بوصة لـ ١٠٠ بوصة.

برضه تليفزيون Panasonic TX-65EZ1002B مُصنف من أفضل تليفزيونات الـ 4K عالميًا من حيث جودة الصورة ودقة الألوان بدرجاتها المختلفة.

٣. حجم الشاشة 

حجم الشاشة : الفرق بين تلفزيون HD و K4

القاعدة كالآتي: كل ما زاد حجم الشاشة كل ما ظهرت خطوط الطول والعرض والفراغات اللي بين جزيئات العرض أو البيكسلات المكونة للصورة. عشان كده شاشات الـ 4K يُفضل تكون ٦٠ بوصة أو أعلى عشان تستمتع بدقة التفاصيل ووضوح الألوان، لكن بالنسبة للتليفزيونات الـHD مع الأحجام الكبيرة زي ٦٠ بوصة مثلًا هتبدأ تلاحظ الفوارق بين الخطوط الطولية والعرضية والبيكسلات هتبان خصوصًا لو قربت من الشاشة.

تليفزيون Samsung Q9F QLED TV هو مثال عملي لروعة التصميم وتقليل استخدام الكابلات إلى أقصى حد ممكن لتوفير المساحة والحفاظ على المنظر الجمالى للتصميم والمكان المحيط.

٤. المسافة بين المتفرج والتليفزيون

المسافة بين المتفرج والشاشة بالنسبة لتليفزيونات الـHD يُفضل إنها تكون ٣ أضعاف طول الشاشة، بمعنى إننا نقيس طول الشاشة بالمتر ونضربه في ٣ عشان نحدد المكان المناسب للجلوس بحيث نقدر نستمتع بأحسن رؤية. في حالة تليفزيونات الـ 4K المسافة بتكون طول الشاشة مضروب في ١٫٥ فقط وده بيرجع لوضوح تفاصيل الـ 4K اللي مش هتقدر تستمتع بيها غير عن قرب.

مثال: لو الشاشة HD وارتفاعها ٣٠ سم يبقى يفضل أن المسافة بينك وبين الشاشة يكون (٣٠×٣) يعني ٩٠ سم لأفضل رؤية، لكن لو الشاشة 4K يبقى (٣٠×١٫٥) يعنى سيب مسافة ٤٥ سم بينك وبين الشاشة لأفضل رؤية. سبب انخفاض المسافة للنص مع الشاشات الـ 4K بيرجع لجودة الصورة وتفاصيلها اللي هتقدر تستمتع بيها لما تقرب من الشاشة وهتحس بالفرق بينها وبين الـHD بجد.

من أفضل التلفزيونات في عام ٢٠١٧ هو Sony Bravia A1E OLED اللي بيقدم تجربة مشاهدة الـ 4K على أكمل وجه من حيث جودة الصورة ونقاء الصوت ووضوحه بالإضافة إلى زوايا المشاهدة الواسعة.

٥. المحتوى المعروض

طبعًا نتيجة تفاوت عدد الجزيئات أو البيكسلات فإمكانية الرؤية بتكون أوضح في الـ 4K مقارنةً بالـHD لكن بيظهر الفارق بشكل واضح عند عرض محتوى بجودة صورة عالية Blu-ray زي الأفلام على موقع Netflix أو Amazon اللي بتدعم التقنية المتطورة دي، لكن أغلب البرامج المعروضة على معظم القنوات مش هتخليك تحس بالفرق وتستمتع بيه كما يجب. مع العلم إن اشتراك نيتفلكس قد يكون مكلف للبعض لإنه شهري وبيرتفع باستمرار. تليفزيونات الـ 4K هتقدملك تجربة مميزة في مجال الألعاب مع الأجهزة، والألعاب اللي بتدعم الجودة والتقنية دي زي بلايستيشن برو 4 والألعاب الحديثة زي Fifa 2018 وبعض ألعاب الإكس بوكس.

يُعتبر تليفزيون LG E7 OLED من أفضل الأجهزة اللي هتساعدك تستمتع بالمحتوى الي بتشوفه أيًا كان؛ لأن الصورة ودرجات الألوان واضحة جدًا ودقيقة بالإضافة للصوت النقي. الموديل متوفر في مقاس ٦٥ بوصة وده بيخليه مناسب لكتير من الاستخدامات والأماكن في المنزل.

٦. فرق الأسعار

زى ما فرق البيكسل بين الـ HD والـ 4K تقريبًا ٤ أضعاف فده برضه تقريبًا فرق الأسعار. في تفاوت رهيب بين الأسعار وتليفزيونات الـ 4K ممكن يوصل سعر الواحد منها ٤ أضعاف سعر تليفزيون الـHD؛ وده نتيجة للتقنيات العالية، عشان كده يُعتبر غير ملائم ليك إذا كنت مقيّد بميزانية محدودة. السعر بيختلف سواء للـHD أو الـ 4K حسب حجم التليفزيون والموديل، لو هتشتري تليفزيون لبيت جديد يُفضل إنك تشتري الـ 4K لأنه على مدار السنوات القادمة هيبقى منتشر أكتر وكذلك الأجهزة والألعاب اللى بتدعم التقنيات المماثلة.

تليفزيون TCL 55P607 من أفضل التليفزيونات الـ 4K سواء في جودة الصورة أو السعر المناسب مقارنةً بأغلب الموديلات المنافسة.

لو بتدور على تليفزيون مناسب للميزانية وبجودة عالية هتلاقي هنا مجموعة تليفزيونات بسعر على قد الإيد.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *