دليلك الكامل لاختيار الطابعة الأنسب ليك ولاحتياجاتك

كتب: خالد عاصم

فيه أسباب كتير تخليك محتاج فيها للطابعة في بيتك ده طبعًا غير ضرورة وجودها في شغلك أو مكتبك، فناس كتير دلوقتي بقت بيوتها هي مكان شغلها، ده غير إن كتير مننا بقى بيعمل تحميل لكتب أو أوراق من على النت وبيحتاجوا لطباعتها ده كمان بينطبق على الدراسة وعلى غيرها كتير من الأسباب اللي بتخلي وجود طابعة في بيتك حاجة مهمة وضرورية في أوقات كتير.

بغض النظر عن السبب اللي عشانه هتحتاج لطابعة في بيتك، فمش من الصعب إنك تشتري طابعة جديدة فالطباعات مختلفتش كتير خلال السنين اللي فاتت واتطورت بس على مستوى السرعة والكفاءة وكمان سعرها بقى أرخص، بس السؤال دايمًا بيكون هو إيه الاختلافات بين أنواع الطابعات الموجودة في السوق وإيه الأنسب لكل مستخدم.

في المقال ده هنتكلم عن الطابعات وعن أنواعها والاختلافات ما بينها، صحيح مش هنقولك بشكل قاطع إيه الطابعة الوحيدة المناسبة ليك، بس من خلال المقال ومن خلال المعلومات اللي هتعرفها فيه هتقدر تحدد إيه هي الطابعة المناسبة ليك ولاحتياجك، ده غير إننا هنستعرض مجموعة من الطابعات الأشهر في كل نوع من الأنواع اللي هنتكلم عنها.

ولو أي طابعة عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

دليلك لاختيار الطابعة المناسبة

طابعة ليزر ولا Inkjet

أول سؤال لازم ييجي في بالك لما تفطر تشتري طابعة جديدة هو أنا مستعد أدفع فيها كام وأصرف عليها قد إيه بعد كده، وده اللي بيحدد أولًا هتختار إيه ما بين طباعات الليزر وطابعات Inkjet، والفرق ما بين الطابعتين في الأساس بيختلف من حيث طريقة عمل كل واحدة فيهم، يعني طابعة Inkjet بتعتمد على خراطيش حبر سايل سريع الجفاف، أما طابعات الليزر فبتعتمد على نوع من الحبر الباودر وجه سريع جدًا وفعال جدًا.

حاليًا الأوسع انتشار هي Inkjet وده لأنها بتقدر تطبيع أي حاجة وعلى أي نو ورق، يعني تقدر تطبع من خلالها صور وملون أو أبيض وأسود وغيرها، وكمان بقت بتتميز بإنها متعددة الوظائف ده غير إن سرعتها حاليًا بقت قريبة جدًا من سرعات طابعات الليزر.

أما طابعات الليزر فمثالية جدًا في حالة الاستخدام المكتبي خصوصًا لو الأنواع اللي بتطبع أسود بس وده لأنها سريعة جدًا في طباعة العدد الأكبر من الورق وكمان لان تكلفة طباعة الورقة الواحدة أقل من طباعة الورقة في طابعة Inkjet بس ده بيختلف في حالة طابعة الليزر اللي هي نفسها غالية جدًا وكمان تكلفة تشغيلها غالية ده غير إنها بتحتاج لموافقات كتير شان تقدر تشتريها في بعض الدول اللي بتعمل حظر على الاستخدام الشخصي للنوع ده من الطابعات.

أما الميزة التانية في طابعات الليزر إن خرطوش الحبر بيقدر يطبع حوالي ٢٠ الف ورقة، أما خرطوش الطابعة Inkjet فبيقدر يطبع ما بين ٢٠٠٠ لحد ٢٥٠٠ ورقة، ودي ميزة في حالة الاستخدام المكتبي ومش هتحسها أو هتفرق معاك في الاستخدام المنزلي.

الأنواع الفرعية للطابعات

النوع المنتشر حاليًا ومميز جدًا للاستخدام المنزلي هو الطابعة متعددة الوظائف واللي بتشتغل كطابعة وماسح ضوئي وفاكس وكمان ممكن استخدامها في تصوير المستندات، والنوع ده متوفر منه ليزر وInkjet، وبالنسبة للاستخدام المنزلي تحديدًا تعتبر الطابعات دي مثالية لأنها أرخص طبعًا من إنك تشتري طابعة لوحدها وسكانر لوحده، وكمان لأنها بتوفر مساحات كبيرة جدًا فعشان كده هي مثالية للاستخدام المنزلي بس مش هتكون الأفضل للاستخدام المكتبي المكثف لان استخدامك لعنصر من عناصرها بكثافة بيأثر على عمر عنصر تاني.

من أنواع الطابعات المنتشرة دلوقتي طابعات الصور، ودي طابعة استخدام أحادي يعني بتقدر من خلالها تطبع الصور بس ومش صالحة للاستخدام مع أي نوع طباعة تاني، فلو أنت من اهتمامك إنك تحول الصور الرقمية اللي عندك لصور ورقية فالنوع ده هو المثالي بالنسبالك.

عناصر الطابعة

فيه عناصر كتير لازم تاخد بالك منها وانت بتشتري طابعة جديدة زي السرعة والكثافة ودورة الألوان وغيرها، ومن أبرز العناصر دي عنصر بيتعرف باختصار PPM ودي اختصار Pages per Minute أو الورق في الدقيقة، ودي معناها عدد الورق اللي بتقدر الطابعة تطبعه في الدقيقة الواحدة وده دليل على سرعة البرينتر، والمعدل ده بيختلف بين طباعة الأسود وطباعة الألوان في الطابعة الواحدة، والرقم ده ممكن مايكونش مهم أوي في حالة اعتمادك على البرينتر في البيت.

أما العنصر التاني فهو DPI أو Dots per Inch يعني النقط لكل بوصة وده بيحدد كثافة الطابعة بمعني عدد نقط الحبر اللي بتضيفهم الطباعة في البوصة المربعة الواحدة من الورقة، وده بيقدر يحدد مدى دقة البرينتر وقدرتها على إنتاج تفاصيل عالية وده عنصر مهم سواء كانت الطابعة دي محتاجها منزليًا ولا في الشغل.

أما العنصر التالت فهو Duty Cycle وده معناه عدد الأوراق المتوقع للبرنتر طباعتها من غير مشاكل في الشهر الواحد، ولازم يكون عدد الورق اللي هتطبعه كل شهر أقل من رقم Duty Cycle عشان تقدر تحقق البرينتر عمرها الطبيعي من غير مشاكل ومن غير ما تحتاج توديها للصيانة كتير.

التوصيل

أنواع التوصيل اللي بتعتمد عليها الطابعات دلوقتي كتير جدًا ففي طابعات بتتوصل عن طريق USB وفيه بتدعم الواي فاي وفيه بتدعم التوصيل بكابلات إيثرنت وفيها كمان بتدعم تقنية NFC وفي طابعات بتقبل كروت الميموري وطابعات بتقبل الطباعة من على خدمات التخزين السحابية، وطبعًا في طابعات بتدعم كل ده فلازم تعرف بيئة الشغل عندك عاملة إزال وانت محتاج إيه عشان تحتار البرينتر الأنسب ليك.

أشهر وأبرز أنواع الطابعات المتوفرة على ياقوطة

Canon طابعة بيكسما MG2540S الكل فى واحد

طابعة Inkjet من فئة الكل في واحد يعني بتشتغل كطبعة وسكانر وفاكس، وبتدعم الطابعة دقة عالية، بسرعة ٨ صورة في الدقيقة أسود و٤ صورة في الدقيقة ألوان، وبتتميز الطابعة بإمكانيات ممتازة وجودة عالية جدًا.

اتعرف على عروض أسعار طابعات Canon Pixma من هنا.

HP MFP M130a طابعة ليزر جت برو – متعددة الوظائف

طابعة تانية متعدد الوظائف لكن المرة دي من نوع ليزر جيث وبتتميز بسرعة توصل لحد ٢٢ صفحة في الدقيقة بدورة عمل شهرية ضخمة بتوصل لحد 10 الاف صفح في الشهر، أما دقة الطباعة فتبلغ ٦٠٠ × ٦٠٠ نقطة بجودة ١٢٠٠ نقطة لكل بوصة.

اتعرف على عروض أسعار طابعات HP Lazerjet من هنا.

Brother طابعة الكل في واحد Inkjet متعددة الوظائف

بتتميز البرينتر دي بعدد كبير من المميزات منها إنها بتقدر تطبع لحد مقاس ورق A3 وكمان فيها طباعة تلقائية على الوجهين، وبتتميز البرينتر بسرع طباعة ٢٢ صورة في الدقيقة بالأسود و٢٠ صورة في القيقة ألوان، وكمان بتقدر تنسخ لحد ٣٠ ورقة في الدقيقة، البرينتر ممتازة للاستخدام المكتبي والمنزلي.

اتعرف على عروض أسعار طابعات Brother المتوفرة على ياقوطة من هنا.

Epson L310 Inkjet Printer – Black

من طابعات Inkjet الممتازة من ابسون واللي بتتميز بدقة طباعة ٥٧٦٠ × ١٤٤٠ DPI بسرعة ٣٣ صورة في الدقيقة أسود و١٥ صورة في الدقيقة ألوان وده بيخليها ممتازة سواء هتستخدمها استخدام منزلي أو مكتبي.

اتعرف على عروض أسعار مختلف طابعات Epson من هنا.

اتعرف على عروض أسعار مختلف الطابعات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *