أفضل المراوح المتاحة على ياقوطة

كتبت: منى عوض

ملامح الصيف ظهرت خلاص والجو بدأ يبقى فيه حر ودي حاجة بتدفع شريحة كبيرة من الناس أنها تبدأ تشغل المراوح، لإنها في ظل غلاء الأسعار وارتفاع فواتير الكهرباء المراوح بقت هي الحل الأمثل، عشان كده مقالنا النهارده في ياقوطة هيستعرض أكثر المراوح مبيعًا على ياقوطة.

لو لاقيت المروحة اللي بتدور عليها واللي بتتناسب مع احتياجاتك وتوقعاتك تمامًا، تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مروحة ستاند من بلاك أند ديكر FS1620-B5

  • تصميم المروحة بسيط ومريح جدًا وهتوفر راحة ومظهر كويس‏.‏
  • المروحة حجمها مناسب فهي بتيجي بحجم 16 بوصة.
  • المروحة بتتميز بموتور قوته 60 وات عشان يقدم كفاءة عالية في استخدام المروحة.
  • المروحة مزودة بـ 5 ريشة بلاستيك قوي لتوزيع الهواء بشكل أقوى وأفضل في أيام الصيف شديدة الحرارة.
  • المروحة بتيجي بـ 3 سرعات مختلفة لاختيار الأنسب من بينها.
  • المروحة مش بتسبب أي إزعاج على الإطلاق وهي شغالة.
  • من الممكن تعديل ارتفاع المروحة عشان تبقى مناسبة للوضع اللي أنت قاعد فيه أو وفقًا لاحتياجاتك.
  • المروحة مش مزودة بريموت كنترول.

ممكن تشوف مروحة ستاند من بلاك أند ديكر FS1620-B5 من هنا.

مروحة ستاند ميانتا SF35119A

  • المروحة بتيجي بحجم 16 بوصة عشان توزع الهواء بشكل كويس في الغرف الكبيرة نسبيًا.
  • المروحة مدعومة بموتور قوي وكفائته عالية.
  • المروحة مزودة بـ 5 ريشة بلاستيك قادرة على توزيع الهواء بشكل كويس في جميع أنحاء الغرفة.
  • المروحة بتيجي بـ 3 سرعات مختلفة لاختيار الأنسب.
  • من الممكن تعديل ارتفاع المروحة بناءًا على احتياجاتك.
  • المروحة فيها تايمر لحد ساعتين.
  • المروحة صوتها واطي ومش بتسبب إزعاج طول ما هي شغالة.

ممكن تشوف مروحة ستاند ميانتا SF35119A من هنا.

مروحة سقف نوتيكال J-560Z1

  • مروحة سقف قادرة على توزيع الهواء بكفاءة عالية في جميع أنحاء الغرفة.
  • المروحة بتيجي بـ 5 سرعات مختلفة.
  • المروحة مدعومة بـ 3 ريش لتوزيع الهواء بشكل فعال.
  • المروحة بتفتقر لوجود ريموت كنترول.

ممكن تشوف مروحة سقف نوتيكال J-560Z1 من هنا.

مروحة حائط فريش شبح – GWFP

  • المروحة بتيجي بحجم 20 بوصة عشان تناسب الأماكن الكبيرة وتقدر توزع الهواء بشكل كويس.
  • المروحة بتيجي بـ 3 ريش رفيعة لتوزيع الهواء بشكل قوي وفعال.
  • المروحة بتيجي بـ 3 سرعات مختلفة للاختيار بينها.
  • المروحة مش بتسبب أي ضوضاء طول ما هي شغالة.
  • ممكن تواجه صعوبة شوية في تنظيف المروحة لأنها معلقة على الحائط بس لو فكتها ونضفتها هتلاقي الدنيا سهلة وهتقدر تركبها تاني بسهولة.
  • المروحة مش بتيجي بريموت كنترول ولا فيها تايمر.

ممكن تشوف مروحة حائط فريش شبح – GWFP من هنا.

مروحة سقف أوشا 1370B

  • المروحة بتوزع الهواء بكفاءة عالية في جميع أنحاء الغرفة لأنها مروحة سقف.
  • المروحة بتيجي بـ 4 ريش لتوزيع الهواء بشكل كويس.
  • المروحة مدعومة بـ 4 سرعات مختلفة.
  • المروحة ممكن تسبب إزعاج بسيط وهي شغالة على السرعات العالية.
  • المروحة بتفتقر لوجود ريموت كنترول.
  • المروحة مزودة بمصابيح مميزة ممكن استخدامها بدل النجفة.
  • من السهل تركيب وفك المروحة ولو حبيت تغلفها وهي متركبة في أوقات الشتاء هتقدر تعمل ده بكل سهولة.

ممكن تشوف مروحة سقف أوشا 1370B من هنا.

مروحة سقف من يونيون إير – UFC56-W

  • المروحة سقف وحجمها كبير بيصل إلى 56 بوصة ودي عوامل بتخليها قادرة على توزيع الهواء بشكل كويس في جميع أنحاء الغرفة.
  • المروحة بتتميز بموتور قوي قادر على العمل بكفاءة في أيام الصيف شديدة الحرارة.
  • المروحة بتيجي بـ 3 سرعات مختلفة وبـ 3 ريش قادرين على توزيع الهواء بكفاءة.
  • المروحة بتيجي بدون وجود ريموت كنترول ولا تايمر.
  • من السهل تركيب وفك المروحة ولو حبيت تغلفها وهي متركبة في أوقات الشتاء هتقدر تعمل ده بكل سهولة.

ممكن تشوف مروحة سقف من يونيون إير – UFC56-W من هنا.

مروحه ستاند ماجيك من فريش

  • المروحة حجمها مناسب فهو بيصل إلى 14 بوصة وبتيجي على حامل معدني عشان تقدر تثبتها في أي مكان براحتك أو تتنقل بيها لو عايز.
  • المروحة مثبتة على قاعدة أرضية بس للأسف القاعدة دي غير ثابتة وده بيؤدي إلى اهتزازها طول ما هي شغالة.
  • المروحة مزودة بشبكة خارجية قابلة للدوران لتوزيع الهواء بشكل متساوي في جميع أنحاء الغرفة.
  • المروحة مزودة بمحرك قوي لتوفير تهوية جيدة.
  • المروحة هتسمحلك بتغيير ارتفاعها عشان تتناسب تمامًا مع احتياجاتك وكمان تقدر تغير زوايا ميل المروحة يعني لو عايز توجهها للحائط أو للسقف أو للأرض براحتك تمامًا.
  • المروحة مزودة بـ 3 ريش لتحقيق تدفق مثالي للهواء.
  • صوت المروحة عالي ومزعج.

ممكن تشوف مروحه ستاند ماجيك من فريش من هنا.

مروحة ستاند من برافو – DF650-4

  • المروحة حجمها كبير فهي بتيجي بـ 26 بوصة عشان تقدر توزع الهواء بشكل كويس وقوي جدًا وكمان تنفع للأماكن الشاسعة المساحة، فهي بتلف 1300 لفة في الدقيقة.
  • المروحة بتيجي بـ 3 ريش مصنوعة من الألمونيوم لتوزيع الهواء بشكل فعال.
  • المروحة مزودة بـ 3 سرعات مختلفة للاختيار بينها.
  • المروحة بتيجي بقاعدة معدنية بارتفاع قابل للضبط بالكامل.
  • المروحة صوتها عالي جدًا وهي شغالة وبالتالي ممكن تسبب إزعاج بالنسبة للناس اللي بتحب الهدوء على وجه الخصوص.

ممكن تشوف مروحة ستاند من برافو – DF650-4 من هنا.

الصيف بدأ ومحتار في شراء المروحة، يبقى اقرأ دليل ياقوطة لشراء مروحة الصيف.

وممكن تقرأ كمان قائمة بأهم مواصفات ومعايير اختيار مروحة الصيف.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

5 thoughts on “أفضل المراوح المتاحة على ياقوطة”

  1. folan el folany says:

    السلام عليكم طبعا شكرا لجهد حضرتك اللى استفدت بيه لما كنت محتار فى التكييف وعرفت منكم التكييف المناسب ليا وكان ال جى
    دلوقتى محتار فى مروحه سقف ومش لاقي غيركم بامانه
    محتاج مروحه سقف محترمه لغرفه 4*4 بدون نجف او اى شي مروحه سقف عاديه بس تكون بجوده محترمه وقليله المشاكل ومعمرة وطبعا يهمنى الصوت الهادي مهما كانت سرعه المروحه ومن غير تزيق
    وشكرا لسعه رحب صدركم وفى انتظار الرد

    1. Mohamed Abdelrahman says:

      مروحتين السقف اللي في المقال خيار مناسب يا افندم
      وممكن تشوف تورنيدو أو فريش كمان، والمزيانية تحكم طبعًا
      وفيه عموما ماركات كتيرة لمراوح السقف وكفاءتها في المجمل كويسة

      1. folan el folany says:

        طيب يعني لو الاختيار بين
        توشيبا
        تورنيدو
        فريش
        يبقي انهى الافضل
        ولو فيه حاجه افضل منهم فى الفئه السعريه ديه ياريت لا تبخل علينا
        وتقريبا الفئه المتوسطه تترواح بين 300 الى 500

        1. Mohamed Abdelrahman says:

          الكفاءة متقاربة جدًا، ودي حقيقة والاختيار بينهم يرجع حسب تفضيلك لماركة منهم عن التانية، وفي العموم، توشيبا وفريش كويسين، تليهم تورنيدو
          وياريت تكون عارف طول عامود المروحة اللي بيركب في السقف، عشان وارد يحتاج يتقص منه جزء حسب طول السقف عند حضرتك في البيت

          1. omneya azmy says:

            اسمحولي اقول ان في المراوح فريش بيكون الاختيار الأول عن تجربة خاصة مع المراوح الاستاند لأن التورنيدو لما جيت أجربها لقيتها مش ثابتة في مكانها يعني العمود بيميل مع التشغيل بالإضافة ان صوتها عالي والريش أضعف، ونفي الفكرة في السقف ثبات التورنيدو مش قوي يعني العمود بيلف مع المروحة لكن فريش ثابتة، فا ممكن تكون المقارنة بين فريش وتوشيبا لأني مجربتش توشيبا لكن بحب اشوف عالطبيعة وبالتوفيق.

Leave a Reply

Your email address will not be published. Required fields are marked *