كتبت: منى عوض

معظمنا فاكر أن أي مُنظف يمكن استخدامه لإزالة أي بقع والسلام، بمعنى إنه من الممكن مثلاً استخدام أي نوع صابون في تنظيف السجاد، ولكن المعتقدات دي غلط وممكن تسبب في تلف الحاجة بسرعة.

بس عشان ياقوطة يهمها دايمًا راحتكم والحفاظ على عُمر حاجتكم وأغراضكم المنزلية، هنتعرف في مقال النهارده عن أهم طرق التنظيف السليمة والمنتجات المناسبة لكل قطعة موجودة في المنزل، ولو عجبك حاجة من المنتجات اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مراية الحمام

المرايات عادة بتكون سريعة الاتساخ، خاصة لو كانت في الحمام لأنها أكثر عرضة لبخار الماء وممكن تطاير الصابون عليها أو أي بقع في العموم، عشان كدا المرايات دي بتحتاج عناية وتنظيف خاص وبشكل يومي تقريبًا عشان تقدر تحافظ على رونقها ومظهرها الجمال وكمان المراية ماتقشرش أو ماتسودش من الأطراف أو بمعنى أصح ماتتعرضش للتلف سريعا.

لو حابب تستخدم مواد طبيعية مصنوعة في البيت لتنظيف المراية فممكن تستخدم الماء والخل الأبيض وتخلطهم على بعض في زجاجة وتبدأ ترش منهم وتنظف، أما بقى لو عايز حاجة جاهزة فدايمًا استخدم المنظفات المخصصة للزجاج والمرايات لأن تركيبتها بتكون فعالة ومناسبة ويفضل مسح رذاذ المنظف بورق جرائد أو مناديل ورقية أو فوطة نظيفة.

وممكن كمان تستخدم رغوة الحلاقة في تنظيف المرايات كل اللي عليك أنك ترش رغوة وبعدين تمسحها بقطعة قماش مرطبة.

منظف الزجاج

الملمع ده مثالي جدًا لتنظيف المرايات كل اللي عليك أنك ترش رذاذ المنظف على المراية أو الزجاج وتمسحه بورق جرايد أو قطعة قماش نظيفة.

ممكن تشوف أنواع ملمع الزجاج والمرايات المختلفة من هنا.

السجاد

السجاد دائمًا بيحتاج عناية خاصة ومستمرة يعني بجانب تنظيف السجاد بشكل يومي بالمكنسة، هتحتاج إنك تنظف السجاد مرتين في السنة بالماء وشامبو مخصص لتنظيف السجاد عشان تحافظ على لونها ورونقها وتحافظ على عمرها الافتراضي.

وفيه نوع سجاد بيبقى فرو ده بيكون ليه طريقة عناية خاصة عشان الفرو ده مايبوظش، بمعنى إنك لو عايز تغسله هتحتاج تعمل تستخدم البخار اللي بيعمل على تحريك ألياف السجاد وتفكيك الأوساخ الموجودة داخلها أو ممكن استخدام نوع شامبو خاص للسجاد.

منظف إكس لارج من ماي واي

المنظف ده عبارة عن شامبو لطيف جدًا وآمن جدًا على كافة أنواع السجاد يعني هتقدر تستخدمه من غير ما يكون فيه خوف من أن ألوان السجاد تبهت أو مظهرها الجمالي يقل، وكمان بيجي بسعة 1 لتر عشان تقدر تستخدمه لفترة طويلة.

ممكن تشوف منظف أكس لارج من ماي واي من هنا.

ممكن تختار من بين تشكيله متنوعة من منظفات السجاد من هنا.

الستائر

يفضل دايمًا غسل الستائر الثقيلة عن طريق جهاز البخار من أعلى إلى أسفل، أما لو فيه قدرة على فك الستائر فمن الممكن غسلها في الغسالة وبمسحوق الغسيل عادي جدًا بس مع مراعاة إن المياه تكون باردة عشان ماتتسببش في انكماش القماش وكمان يكون نوع قماش الستارة مناسب للغسيل داخل الغسالة يعني مثلاً متكونش الستارة فيها زخارف كتير من السهل أنها تتعرض لأي تلف داخل الغسالة.

منظف الستائر والمفروشات من ماي واي

المنظف ده فعال جدًا في تنظيف الستائر والمفروشات بكافة أنواعها وألوانها وكمان بيحافظ على مظهر ورونق الألوان بكل سهولة.

ممكن تشوف منظف الستائر والمفروشات من ماي واي من هنا.

ممكن تشوف منظفات الستائر المختلفة من هنا.

ممكن تشوف مقال بعنوان حافظ على ستاير وسجاد البيت مع ياقوطة من هنا.

الشوك والمعالق والسكاكين

المعالق والشوك والسكاكين بمرور الوقت بيظهر عليها علامات سواد أو خدوش أو لونها بيتغير وده بيفقدها رونقها ومظهرها الجمالي وممكن يخلي بعض الناس تلجأ لأنها تشتري معالق جديدة بسعر باهظ، رغم أن المشكلة دي بيكون ليها شوية حلول بسيطة جدًا.

أول حل إنك تنقع الشوك والمعالق والسكاكين مع مياه فيها ملعقة بيكربونات صوديوم وملعقة ملح وتسيبهم على النار متوسطة لمدة تصل إلى 20 دقيقة تقريبًا، وبعدها اطفي النار وسيب المياه تبرد وبعد كدا شيل منها المعالق والشوك والسكاكين واشطفها كويس بالماء وبعدين جففها وشوف الفرق.

فيه طريقة كمان لاستعادة لمعان الأدوات دي، وهي مسحها بقطعة قماش ناعمة منقوعة في محلول ماء و 10% من الأمونيا السائلة وشوف الفرق بعدها على طول.

ممكن تختار أطقم الشوك والمعالق والسكاكين اللي أنت عايزها من هنا.

الأطباق

الأطباق أسهل حاجة فعلاً في تنظيفها لأنها مش محتاجة أي ابتكار كل اللي عليك أنك تختار مسحوق مواعين مناسب وتضيف منه نقطتين على نص كوباية مياه سخنه وتقلبهم بسفنجة المواعين وتبدأ تستخدم السفنجة في التنظيف وبعدين تشطفم بالماء الجاري وبعدين تسيب الأطباق تنشف على المطبقية أو تنشفهم بقطعة قماش أو فوطة نظيفة وانتهى الأمر على كدا.

ممكن تشوف صابون غسيل المواعين من هنا.

الحلل

طريقة تنظيف الحلل بتختلف على حسب نوعية الحلل دي، بمعنى أن الحلل الاستانلس ستيل ليها طرق تنظيف مختلفة عن الحلل السيراميك وعن الحلل الجرانيت.

خلينا نبدأ كلامنا عن الحلل الاستانلس ستيل اللي هتحتاج إنك تستخدم بيكربونات الصوديوم وإسفنجة فقط في تنظيفها وتلميعها وإزالة أي آثار حروق أو تغير ألوان من عليها وبعدين تغسلها بالماء الفاتر، ومن الممكن كمان وضع الماء المغلي المذاب فيه ملح وليمون وخل أبيض في الحلل وتركه لبضع ساعات وبعدين تبدأ تدعك الحلة وتغسلها بالماء، كل دي منظفات طبيعية وأكثر فعالية.

ومن الممكن كمان استخدام طريقة تنظيف الحلل بمادة بيكربونات الصوديوم والماء مع حلل السيراميك والجرانيت أيضًا.

أما الحلل التيفال، فمن الممكن تنظيفها وتخليصها تمامًا من البقع المختلفة من خلال غسلها جيدًا بالماء الدافئ وصابون المواعين وسفنجة ناعمة، أو لو الطريقة دي مجابتش نتيجة فمن الممكن خلط نصف كوب من الخل الأبيض مع ملعقتين صغيرتين بيكينج بودر وهنحط الخليط في الحلة ونسيبه لمدة خمس دقائق وبعدين نغسل الحلة بأسفنجة ناعمة وبعدين نشطفها بالماء.

ممكن تشوف الحلل المختلفة على ياقوطة من هنا.

الأثاث الخشبي

حاول بقدر الإمكان إنك تبعد الأثاث الخشبي عن الماء عشان ماتعرضهوش للتلف أو التشقق سريعًا، خاصة لو كان الخشب ده مدهب لأن الماء ممكن يسبب تقشير الطبقة الخارجية للخشب، ولكن من الممكن تنظيف الأثاث ده من خلال غمس قطعة قماش نظيفة في كمية بسيطة من النشادر وتلميع الأثاث بقطة القماش وبعدين مسح الأثاث مرة تانية بقطعة قماش تانية نظيفة تمامًا، ومن الممكن كمان استخدام المنظفات المخصصة للأثاث الخشبي أو الأسبراي اللي بيكون مخصص لتلميع الأثاث.

ملمع أثاث خشبى من Opal

المنظف ده بيُستخدم لتلميع الأثاث الخشبي بمختلف أنواعه وأشكاله وألوانه وكمان بيقدر يزيل الأتربة والأوساخ من الخشب بكل سهولة وسرعة فائقة وبيقدر يحافظ على لمعان الخشب لفترات زمنية طويلة.

ممكن تشوف ملمع أثاث خشبي من Opal من هنا.

ممكن تشوف منظفات الأثاث الخشبي المختلفة من هنا.

الأرضيات

الباركيه أو الأرضيات الخشبية بمعنى أصح بتحتاج عناية خاصة وأكبر بالمقارنة بالأرضيات السيراميك وكمان بتحتاج منظفات خاصة ومناسبة عشان تحافظ على الباركيه لأطول فترة زمنية ممكنة.

يعني مثلاً الأرضيات الباركيه بتبوظ بسرعة لو اتعرضت لمنظفات فيها مواد كيميائية وكمان بتعاني من الانتفاخ والتعفن لو اتعرضت للماء لفترة طويلة وبالتالي من الممكن استخدام المنظفات المخصصة للباركيه مع مراعات استخدام ممسحة رطبة بشكل خفيف وكمان استخدام قماش جاف تمامًا بعد الانتهاء من عملية المسح.

أما الأرضيات السيراميك فبيكون ليها منظفات قوية وأحيانًا بتحتوي على مواد كيميائية لإزالة الرواسب والبكتريا.

سائل ومطهر ديتول

ديتول دايمًا الخيار الأفضل لتطهير الأرضيات بكافة أنواعها وأشكالها ومساحتها لأن تركيبته متميزة بتقدر تقضي على الجراثيم والبكتيريا وبينظف بفعالية وكمان بيدي رائحة حلوة جدًا للمكان.

ممكن تشوف سائل ومطهر ديتول من هنا.

ممكن تشوف المنظفات المخصصة لأرضيات الباركيه من هنا.

ممكن تشوف المنظفات المخصصة للسيراميك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.