أفضل SmartWatch وأقلها أسعارًا على ياقوطة
كتب: خالد عاصم
مش لازم تدفع آلاف الجنيهات عشان تشتري واحدة من الساعات الذكية المتميزة، فالسوق مليان ساعات ذكية بتقدم إمكانيات ممتازة جدًا وسعرها أرخص كتير من اللي بتقدمها شركات زي ابل أو سامسونج أو هواوي، والمقال ده بيركز على الفئة دي من الساعات الذكية اللي بتتميز بإمكانيات جيدة جدًا وسعر منخفض بشكل ملحوظ عن الساعات التانية.
في المقال ده هنستعرض مجموعة من أبرز الساعات الذكية اللي بتتوفر فيه مجموعة كبيرة من المميزات الموجودة في الساعات الغالية بس بسعر منخفض، ولو عجبتكم أي ساعة من الساعات اللي هنتكلم عنها في المقال ده هتققدروا تطلبوها من خلالنا في ياقوطة وتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز الساعات الذكية منخفضة السعر المتوفرة على ياقوطة
ساعة Lenovo Watch 9
بتقدم لينوفو واحدة من أبرز الساعات الذكية منخفضة السعر بالمقارنة بالساعات الذكية اللي بتقدمها الشركات التانية المعروفة، الساعة قطرها ١٫٥ بوصة وشاشتها LCD وهيكلها معمول من الستانليس ستيل والحزام معمول من السليكون، إمكانيات الساعة ممتازة وخصوصًا على مستوى المعلومات الصحية اللي بيحتاجها المستخدم، فالساعة بتقدر تعرض المعلومات الصحية والرياضية مباشرة زي الخطوات والمسافة المقطوعة والسعرات الحرارية في حالة الجري أو المشي وكمان بتقدر تعرف معلومات الرياضية اللي بتمارسها وتنقلها على موبايلك مباشرة وكمان معلومات النوم وغيرها.
الساعة طبعًا بتعرض الوقت والتاريخ وكمان فيها خاصية الاهتزاز للتنبيه للمنبهات ولتنبيهك للمكالمات أو رسايل SMS وتقدر كمان من خلالها إنها تشغل كاميرا الموبايل وتقدر تلاقي موبايلك من خلالها في حالة لو كنت مش لاقيه جنبك، وبتعتمد الساعة على تقنية الاتصال بلوتوث في الاتصال بالموبايل.
شوف ساعة Lenovo Watch 9 من هنا.
ساعة Wonlex EW100s
ممكن نعتبر الساعة دي هي الأبرز من بين الساعات الذكية اللي في الفئة السعرية دي، الساعة فيها مميزات كتير جدًا بتعرضها على شاشتها اللي قطرها ١٫٣ بوصة وجودتها ممتازة، الساعة فيها إمكانيات تحديد المواقع GPS بأكتر من تقنية وكمان فيها حماية ضد الغبار والغمر في المياه بترخيص IP67، الساعة بتمتاز بإنها بتقبل كروت الاتصال SIM وده بيفتح إمكانيات كتير من بينها تخزين قوائم الاتصال وإجراء الاتصالات وفيها تطبيق للخرايط وخاصية التنبيه للمكالمات وللرسائل وإمكانيات تانية كتير.
الساعة كمان بتدعم عدد من الخصائص المتعلقة بالرياضة والصحة، كل ده في هيكل صغير وحجم مدمج وبطارية قوية جدًا بتقدر تشتغل في وضع الاستعداد لحد ١٠٠ ساعة كاملة.
شوف ساعة Wonlex EW100s من هنا.
ساعة TF8 الذكية
رغم سعرها المنخفض إلا إنها واحدة من أفضل الساعات الذكية المتوفرة في السوق وده لأسباب كتير زي إن قطر شاشتها ١٫٥٤ بوصة بدقة ٢٤٠ بيكسل اللي تعتبر ممتازة بالنسبة للساعات الذكية، الساعة فيها إمكانيات كتير جدًا زي إنها بتقبل بطاقات الاتصال SIM وكروت الميموري لحد ٣٢ جيجابايت يعني تقدر تخزن عليها حاجات كتير.
إمكانيات الساعة متعددة وماتختلفش كتير عن كبير من الساعات الذكية الأغلى زي إمكانية إجراء المكالمات من خلال الساعة مباشرة أو من خلال التليفون عن طريق الساعة، وكمان فيها خصائص الرياضة والصحة المعرفة زي عداد الخطوات ومقياس النوم وعداد حرق السعرات الحرارية وغيرها، وكمان فيها إمكانية التحكم في كاميرا الموبايل وتشغيل الموسيقى وتسجيل المكرات الصوتية وإمكانيات تانية كتير مدعومة ببطارية قوية.
ساعة SW-08 الذكية
واحدة من أرخص الساعات الذكية وأبرزها في الفئة السعرية دي لأنها بتقدم إمكانيات كتير جدًا بفضل دعمها لبطاقات الاتصال وكمان الخصائص الكتير اللي بتتميز بيها، الساعة بتقدر تعمل مكالمات وتصور وتتحكم من خلالها في الموبايل وكمان فيها وضع الرياضة وتنبيهات ومراقبة النوم والتنبيه للجلوس لفترات طويلة وعداد خطوات وعداد حرق السعرات الحرارية وغيرها كتير من الإمكانيات الممتازة اللي بتتقدم بسعر منخفض جدًا.
ساعة B02 الذكية
ممكن تكون الساعة دي أقرب للسوار الذكي أكتر من الساعات الذكية لكن ده مايمنعش إننا نتكلم عنها لإن إمكانياتها ماتختلفش عن الساعات الذكية اللي تصميمها أقرب للساعة، الساعة بتتميز من خلال الاتصال ببلوتوث بدمج إمكانياتها بإمكانيات الموبايل، يعني بتقدر تنبهك للمكالمات والرسائل النصية وإشعارات عدد كبير من مواقع التواصل الاجتماعي وكمان عرض بيانات التنبيهات والإشعارات دي.
الساعة كمان بتقدر تنقل بيانات ممارسة الرياضة بشكل مباشر للموبايل، والساعة كمان فيها عداد خطوات وعداد حرق السعرات الحرارية ومقياس نبض القلب وضغط الدم وقياس المسافات خلال ممارسة رياضة الجري ده غير مراقب النوم والتنبيه للجلوس لفترات طويلة، كل ده وكمان الساعة محمية ضد الغبار والمياه.
شوف مختلف الساعات الذكية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.