أشيك الساعات الحريمي لعيد الأم عند ياقوطة
كتب: خالد عاصم
الساعات الحريمي من أبرز وأهم الهدايا اللي بتحبها البنات والسيدات في العالم، ودايمًا بتكون هدية قيمة وبتوضح مدى الاهتمام بالشخص اللي بتهديهاله، وبالنسبة للسيدات، فالساعة قطعة مهمة جدًا في أناقتهم وشياكتهم، وطبعًا ده بينطبق على أمهاتنا اللي أكيد هيفرحوا بهدية زي دي موجهه ليهم أكتر بكتير من هدية للمطبخ مثلًا.
وفي المقال ده هنتكلم عن مجموعة من أشيك وأفضل الساعات الحريمي لمناسبة كهدية لعيد لأم وهنراعي إننا نتكلم عن ساعات في فئات سعرية مختلفة.
ولو أي ساعة من اللي هنتكلم عنهم عجبتك هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مجموعة من أشيك الساعات الحريمي لعيد الأم
ساعة حريمي ستانلس ستيل ذهبي وردي من Reys
بتوفر علامة Reys التجارية مجموعة متنوعة من الساعات الحريمي اللي بتتميز بعنصرين أساسيين، الأول هو الشياكة اللي بتوفرها كل موديلات العلامة دي واللي بتحاول ترضي أذواق الجميع، أما الحاجة التانية فهي اعتماد الساعات دي على الستانليس ستيل عشان تعيش عمر طويل من غير أي مشكلة ممكنة، كمان الساعات دي سعرها معقول جدًا ومناسب لكتير من فئات المستخدمين، ودي مجموعة تانية من ساعات Ryes المتوفرة على ياقوطة.
اتعرف على عروض أسعار ساعات Reys الحريمي على ياقوطة من هنا.
ساعة يد حريمي مع حزام قابل للتغيير من أوريفليم
شركة أوريفليم المشهورة جدًا في عالم أدوات التجميل بتقدم كمان مجموعة من الساعات الحريمي الممتازة والمناسبة جدًا إنها تكون هدية في عيد الأم بفضل شياكتها وسعرها المناسب، الساعة دائرية التصميم بقطر ٣٥ ميللي ميتر وبتعتمد على حركة كوارتز الدقيقة، والساعة بتصميم أنالوج بتعتمد على سوار أساسي من الجلد، والسوار قابل للتغيير بسهولة بأنواع مختلفة من الجلد أو القماش وبتصاميم وألوان مختلفة يعني كأنك جبت كذا ساعة مش ساعة واحدة.
اتعرف على عروض أسعار ساعة اليد الحريمي من أوريفليم من هنا.
ساعة يد حريمي رسمية أنالوج من ميني فوكس
ساعة بحركة كوارتز بتصميم رسمي مناسبة للمناسبات الرسمية والشغل والمناسبات العائلية، الساعة بتعتمد على تصميم دائري أنالوج عقارب وبقطر ٣٠ مم، والساعة مصنوعة من الستانليس ستيل سواء على مستوى الساعة أو السوار.
والشركة كمان بتوفر مجموعة متنوعة من الساعات الحريمي اللي بتختلف من حيث التصميم والسعر زي المجموعة دي:
اتعرف على عروض أسعار ساعة اليد الحريمي من ميني فوكس من هنا.
ساعة يد حريمي أنالوج من إيبسو
ساعة بتتميز بإنها بتقدم أكبر دليل على إن البساطة هي دايمًا الأجمل، فالساعة دي من Ibso تصميمها بسيط جدًا سواء على مستوى هيكل الساعة أو السوار، وواضح جدًا رغم البساطة دي الاهتمام الكبير بالتفاصيل والأهم إن كل ده بيقدم تصميم شيك جدًا وأنيق جدًا وكمان مناسب لكتير من المناسبات، الساعة بتصميم دائري بحركة كوارتز وطبعًا أنالوج بعقارب، وبتتوفر بتصميم تاني باللون الكشمير اللي بيلاقي شعبية كبيرة جدًا حاليًا، ده غير تصاميم تانية مختلفة بألوان متنوعة.
اتعرف على عروض أسعار الساعات الحريمي من إيبسو من هنا.
ساعة حريمي رياضية أنالوج من ألبا
شركة ألبا واحدة من أقدم وأشهر شركات الساعات اللي شغالة في مصر من سنين طويلة، ولسا قادرة الشركة دي تقدم موديلات حديثة وعصرية وقادرة تنافس بقوة بمجموعة مختلفة من الساعات اللي اخترنا منهم الساعة دي اللي بتصميم مختلف عن التصميم الكلاسيكي اللي اتكلمنا عنه كتير في الساعات اللي فاتت.
الساعة دي من Alba بتصميم رياضي دائري بعقارب عريضة بتصميم رياضية شبيه بالساعات الرياضية المختلفة اللي بتقدمها أشهر الشركات العالمية، الساعة بتيجي بمقاس ٣٦ مم وفيها عداد للأيام ومؤشر للدقايق حوالين الإطار الخارجي، والساعة بتتميز بهيكل من الستانليس ستيل وبتعتمد على مسامير لإحكام غلق الضهر وده بيخليها مقاومة للمياه لحد عمق ١٠٠ متر، أما السوار فمصنوع من السليكون.
اتعرف على عروض أسعار ساعة ألبا الحريمي الرياضية من هنا.
ساعة جيميني المطرزة بالكريستال من جيس
شركة Guess الشهيرة في عالم بيوت الأزياء واللي بتتضمن صناعة الساعات الحريمي اللي بتمتاز بشياكة استثنائية وبتركز جدًا على إرضاء ذوق السيدات اللي بيسعوا للتميز والتألق والتفرد كمان، والساعة دي تحديدًا من أبرز ساعات جيس واللي بتتوفر بسعر ممتاز كمان، الساعة دائرية مصنوعة من الستانليس ومطرزة بالكريستال وفيها تلات عدادات مختلفة لوظايف مختلفة، وبتعتمد على سوار من الستانليس ستيل كمان.
اتعرف على عروض أسعار ساعة جيميني من جيس من هنا.
ساعة يد حريمي من الستانليس ستيل من بيير كاردان
ساعة في قمة الشياكة والأناقة من بيير كاردان وهتخلي ست الحبايب مبسوطة لحد السنة اللي بعدها، الساعة بتصميم دائري بقطر ٣٤ مم بحركة كوارتز وبتعتمد على عقارب أنالوج، هيكل الساعة مصنوع من الستانليس ستيل والسوار مصنوع من المعدن، والساعة بتتميز بتصميم بسيط جدًا وجذب جدًا في نفس الوقت وبتتوفر بألوان كتير مختلفة كلها مقاومة للمياه وللضغط وكمان معاها ضمان لمدة ٢٤ شهر كاملين.
اتعرف على عروض أسعار ساعة يد حريمي بيير كاردان من هنا.
اتعرف على عروض أسعار مختلف الساعات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.