كتب: خالد عاصم

أول ما بنتكلم عن الأجهزة الذكية القابلة للارتداء فأول حاجة بتيجي على دماغنا الساعات الذكية أو سوار اللياقة أو حتى السماعات اللاسلكية، بس الأجهزة الذكية القابلة للارتداء أكتر من كده ومن بينها الخواتم الذكية واللي بتعتبر من أحدث الأجهزة الذكية وبتتميز عن غيرها من الأجهزة زي الساعات والسوار إنها أخف وأصغر وكمان أشيك لان تصميمها فعلًا زي أي خاتم شيك وجذاب، وعشان كده ممكن تكون شفت الخواتم الذكية في إيدين ناس كتير من غير من تكون عرفت.

وعلى الرغم من مميزات الخواتم الكية إلا إن عدد كبير من المستخدمين لسه ميعرفوهاش ولا يعرفوا إمكانياتها وإيه اللي تقدر تعمله، وعشان كده النهارده هنعرفك إيه هي الخواتم الذكي وبتشتغل إزاي وإيه مميزاته والاختلافات ما بينها وبين الأجهزة الذكية المشابهة، وكمان هنعرف أفضل أنواعها المتوفرة على ياقوطة.

وما تنسوش إن لو أي خاتم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي الخواتم الذكية

الخواتم الذكية من حيث التصميم ماتختلفش عن أي خاتم أو دبلة زي دبل التنجستين المنتشرة حاليًا، بس الفرق إن فيها مجموعة من الإمكانيات والخصائص الإلكترونية اللي بتستجيب لإشارات معينة عشان تأدي مهام أو تنفذ أوامر معينة.

ومبدأ الخواتم الذكية مش جديد، ففي شركات ناشئة كتير من فترة زي Fin وSmartyRing وAltruis، قالت إنها تقدر تطور خواتم ذكية متطورة تقدر تحل طريقة حياتنا وتغيرها، بس المحاولات دي كلها فشلت في السابق لأسباب كتير منها التصميم والتقنيات وغيرها. في حاليًا قدرت شركات كبيرة زي Apple وAmazon وغيرها من الشركات قدرت تثبت إن بالإمكان تطوير خواتم ذكية ممتازة وممكن تكون فعلًا من الملاح الفعلية للمستقبل.

إيه مميزات الخواتم الذكية وبتقدر تعمل إيه

مميزات الخواتم الذكية كتير وقريبة جدًا من الساعات الذكية وسوار اللياقة، فالنوع ده من الأجهزة ممكن تتضمن شاشة صغيرة جدًا تعرض الإشعارات من الموبايل زي الرسائل والمكالمات وإشعارات السوشيال ميديا، وكمان مكن استخدامها في الدفع الإلكتروني أو فتح الموبايل أو فتح القفل الذكي أو فتح عربيتك مثلًا، وممكن من خلالها حفظ كلمات السر أو استخدامها في الدفع الإلكتروني.

أما على مستوى اللياقة، فممكن كمان استخدامها في حساب الخطوات وقياس معدل دقات القلب وقياس السعرات الحرارية المحروقة زيها زي الساعات الذكية وسوار اللياقة، وبفضل التعدد والتطور ده فتلاقي اللي يناسبك من الأجهزة دي وإن كان مفيش قياسات محددة أو واضحة بتقول إن كل خاتم منهم لازم يكون فيه إيه تحديدًا.

إزاي الأجهزة دي بتشتغل

عشان نقدر نفهم إزاي الخواتم الذكية بتشتغل لام نبص جواها ونعرف هي مصنوعة من إيه. وفي الحالة دي هنلاحظ إن الخاتم الواحد بيتضمن مجموعة من التقنيات المختلفة زي البلوتوث وشريحة NFC ومستشعرات مختلفة وطبعًا بطارية عشان تدعم تشغيل كل ده، وطبعًا كل ده لازم يكون في هيكل بتصميم خاتم جذاب يصلح فعلًا لإنك تلبسه من غير ما يكون شكله غريب.

وتعتبر مرحلة التصميم هي المرحلة اللي بتحصل فيها كل الصعوبات والتحديات، ومع تطور تقنيات التصنيع بقى الخاتم الذكي المثالي بيتضمن مستشعرات للحركة ومحركات لرد الفعل الاهتزازي وبطارية وشريحة NFC وهوائيات وإن كان مش كل الخواتم ليها نفس الإمكانيات وبالتالي مش بتتضمن كل المستشعرات والتقنيات دي بالكامل.

من التحديات التانية اللي بتواجه المجال ده هو إيجاد الحجم والمقاس المناسب، لأنه على عكس الساعات وسوار اللياقة مثلًا، فالخواتم مش قابلة للتعديل عشان تناسب كل إيد وبطبيعة الحال مش هتقدر تعدل من مقاسها بنفسك. وللتغلب عن المشكلة دي فبعض الشركات وفرت دليل للمقاسات عشان تتأكد إنك هتلاقي الخاتم المناسب ليه.

مزايا وعيوب الخاتم الذكية

المزايا

الخاتم الذكي هيخليك تقلل من الاعتماد على الموبايل يعني استهلاك أقل لطاقة الموبايل وكمان مش هتحتاج إن كل شوية تبص على الموبايل عشان تعرف عدد خطواتك والسعرات الحرارية وغيرها من القياسات. وعلى عكس الموبايلات والساعات الذكية اللي بعضها بيحتاج إنه يتشحن مرة كل يوم، فالخواتم الذكية بتقعد لأيام طويلة في مرة الشحن الواحدة.

يعتبر الخاتم الذكي هو الوسيلة الأفضل فعلًا للدفع اللاتلامسي مقارنة بأي نوع تاني من أنواع الدفع زي البطاقات اللاتلامسية أو الساعات الذكية أو غيرها، وكمان وسيلة مثالية لفتح عربيتك لو كانت بتدعم الخاصية دي.

العيوب

عشان تقدر تشتري الخاتم المثالي اللي بيغطي كل احتياجتك فده معناه إنك هتدفع مبلغ وده بسبب مشكلة التصميم اللي قلنا عليها اللي بخلي الخاتم الواحد ليه محدودية في عدد المستشعرات اللي بتستخدم فيه. وعلى سبيل المثال فمجموعة من الخواتم لمنتشرة اللي بتدعم تقنية NFC بتقدر تخزن بيانات أو تفتح موبايلك أو القفل الذكي دي بتتكلف عالميًا حوالي 13 دولار أمريكي، وبالسعر نفسه تقدر تشتري خاتم من Oura أو Motiv بيدعم مواصفات الساعات الذكية على سبيل المثال.

من العيوب الأساسية للخواتم الذكية هي مشكلة المقاس اللي اتكملنا عنها وإنه هيكون صعب شوية إنك تقدر تستخدم الخاتم طول اليوم وبراحة كاملة خصوصًا إنه لو كان فيه بطارية أو شاشة، ده غير إن كتير من المستخدمين بيشوفوا إن الساعات الذكية أشيك وأفضل.

مجموعة من الخواتم الذكية المتوفرة على ياقوطة

خاتم سمارت ستانليس ستيل

خاتم سمارت مناسب لكل الموبايلات وللجنسين بدون أحجار مصنوع من التسانليس ستيل.

اعرف على عروض أسعار خاتم سمارت ستانليس ستيل من هنا.

خاتم سمارت متعدد الوظائف بتقنية NFC

خاتم ذكي متعدد الوظائف مدعوم بتقنية NFC للتوصيل والدفع الإلكتروني ومتوافق مع مختلف الموبابلات.

اتعرف على عروض أسعار خاتم سمارت NFC من هنا.

خاتم ذكي لقياس درجة الحرارة

خاتم ذكي للجنسين متحصص في قياس درحة الحرارة مصنوع من الفولاذ وعليه عبارة منحوتة.

اتعرف على عروض أسعار الخاتم الذكي لقياس درجة الحرارة من هنا.

اتعرف على عروض أسعار مختلف الخواتم الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.