افكار للجو البارد
افكار لملابس الشتاء للاطفال و السيدات والراجل
كتب: ناديه حسين
دلوقتى الجو ولا محصل برد ولا حر.. فعلا مش قادرين نتصرف! ننزل الهدوم الشتوى بس هنودى الصيفى فين.. هنلبس تقيل بنحس بالحر.. نلبس صيفي الجو ساعات بيبرد.. الحل اننا نشوف حاجة تنفع للوقت دا نلبسها وتكون نص نص.. خريفي يعنى .. على أساس اننا فى الخريف!! لو معندكش وقت تنزل تلف ممكن تشترى أونلاين.. ياقوطة وفرت لكم قايمة منتجات فيها حاجات مختلفة لكل فرد فى العيلة وفى نفس الوقت حاجات جميلة وسعرها معقول وبتليق على لبس كتير.. فتقدروا توفقوا معها اللبس الصيفي لو لسه متطلعتوش الشتوى.
الرجال
1.فيست رجالى
الفيست دا لونه كحلى .. اللون الغامق هيخليك تلبس معاه حاجات كتير .. وعموما هو خفيف فتقدر تلبس تحته أى حاجة من غير ما تضايق وتحس أن الهدوم خانقة.. خليه معاك فى المكتب أو فى العربية .. ووقت ما تمطر أو الجو يبرد شويه تقدر تلبسه عشان يدفيك.
ممكن تشتريه من يشري بـ 393جنيه مصري.
هتلاقيه هنا.
2.الحذاء
النوع دا مش شتوى ولكنه مش صيفي.. بس فى الوقت اللى بيكون برد شوية هتدفيك كويس.. وطول ما قدميك دفيانة غالبا باقى الجسم هيبقى دفيان .. وزى ما بيقولوا راحة الجسم تبدأ من القدمين. وفى منه لونين أسود وبنى .. اختار منهم على حسب اللون اللى انت بتفضله و يليق مع لبسك أكتر.
ممكن تشتريه من يشري 593 جنيه مصري.
هتلاقيه هنا.
3.سكارف
السكارف دا لونه مع تصميمه بيخلي شكله جذاب جدا.. وممكن تستخدمه فى وقت الجو البرد أو المطر ..هيدفى رقبتك جدا.. وهو شكله شيك ودا بيكون اضافة مميزة لمظهرك. وينفع تلبسه مع الوان لبس مختلفة.
ممكن تشتريه من جوميا 49 جنيه مصري.
هتلاقيه هنا.
للسيدات
4.جاكت اسود
الجاكت دا لونه أسود وبكدا تضمن أنه هيليق على معظم اللبس.. ولأن الجاكت جينز فبيدفى شوية.. ممكن كل خروجة تبدلى البدى أو البلوزة اللى هتلبسيها تحته ..ألوان مختلفة هتحسسك بأنك لابسة حاجة جديدة كل مرة.. بالليل ممكن تستخدمى معه اكسسوارات مناسبة هتلاقى شكلك اتغير كتير.
ممكن تشتريه من يشري بـ 459 جنيه مصري.
هتلاقيه هنا.
5.الحذاء
الفترة دى متوقع أن المطر بيعمل طينة فى الأرض ودى حاجة بتضايق أى حد.. لأن شكل الجزمة مش بيكون كويس وهو ملطش من الطينة ومهما حاولنا ننضفه مش بينضف كويس.. طيب هنكمل اليوم ازاى بالمنظر دا!!
الجزمة دى تنفع تحطيها تحت الميه فى دقايق وتكون نضفت تماما.. ولونها الأسود بيخليها تليق على أى لبس. وهى عبارة عن بووت قصير ومش بيحرر.. بعد كدا ممكن تستخدميه عشان طوارىء المطرة فى أي وقت.. حطيه معاكى فى مكتب فى الشغل أو فى شنطة العربية لو مطرت، بدليه مع الجزمة اللى لبساها عشان تضمنى أنك هتعرفى تنضفيه على طول.. وهتحافظى على الجزمة الأولانية نضيفة.
ممكن تشتريه من جوميا بـ 269 جنيه مصري.
هتلاقيه هنا.
6.سكارف
السكارف اللى اخترناها ملونة كذا لون فممكن تتلبس مع أى حاجة سادة هتخلى شكلها شيك.. ممكن تتلبس بأى شكل.. تربطيه أو تفرديه وعلى أي حال هتدفي رقبتك فى وقت البرد وهتضيف أناقة لمظهرك. والسكارف خفيف وممكن تحطيه فى الشنطة أو فى العربية عشان وقت ما تحتاجيه تلاقيه بسرعة.
ممكن تشتريه من جوميا بـ39 جنيه مصري.
هتلاقيه هنا.
الأولاد
7.جاكت
الجاكت دا مناسب جدا فى الوقت دا.. وبكُم ومش تقيل أوى عشان كدا يقدر الولد يلبس تحته أى حاجة من غير ما يحس أنه زهقان لأنه هيدفيه فمش لازم يتقل حاجات كتير خصوصا فى الوقت الحالى .. ولونه أسود يعنى بيليق مع كل الوان اللبس التانية. ويقدر يلبسه مع بنطلون جينز هيبقى شكله شيك.
ممكن تشتريه من يشري بـ 304 جنيه مصري.
هتلاقيه هنا.
8.حذاء سبايدر مان
الحذاء دا مطاطى وسهل التنضيف يعنى يتغسل تحت الميه وينضف فى دقايق.. دا لأن الأولاد كتير بيحبوا يلعبوا ومع المطر بيكون فى طينة فى الأرض .. فالولد هيحتاج جزمة زى دى سهل تنضف بسرعة ويلعب براحته من غير ما يقلق من شكله بعد ما يخلص لعب.. والحذاء على شكل سبايدر مان فبيكون شكله جذاب للأولاد فى السن دا.
ممكن تشتريه من يشري بـ 379 جنيه مصري.
هتلاقيه هنا.
الأطفال حديثى الولادة
9.كوفيرال
الأطفال حديثى الولادة أكتر حد فى البيت محتاج يتدفى كويس لأنه بيتأثر بسرعة بأي انخفاض فى درجة الحرارة.. كوفيرال دا مناسب جدا بكُم والرجلين مقفولين يعنى حتى وهو نايم مش هتتفك الرجل أو تترفع فيحس بالبرد.. وقماشها قطن يعنى مضمون أنه مش هيعمل مشكلة للأطفال خصوصا أن السن دا افضل له القطن لأن الصوف بيسبب لهم حساسية… ومعاه بطانية كمان عشان لازم يتدفى كويس وتكونوا مطمنين عليه. مهم جدا إن الهدوم الملامسة لبشرة الأطفال تكون قطن وبعد كدا لبسيه اللى انتي عايزه.
ممكن تشتريه من يشري بـ 313 جنيه مصري.
هتلاقيه هنا.
10.بطانية
الطفل محتاج بطانية دايما يتلف بيها . وهو فى السرير نايم أو انتم خارجين .. وانتم عند حد بتزروا. وبسبب كدا ممكن تتنسى البطانية فى أي مكان .. وممكن يقع عليها لبن مثلا ..فكل شوية هتبقى محتاجة بطانية .. يعنى وجود اكتر من بطانية معاكى شىء أساسي …. سواء هتحتاجيها فجأة لو البطانية بتاعته مبقتش نضيفة، يبقى معاكى واحدة احتياطى أو لو الجو كان كويس وبرد مرة واحدة واحتاجتى بطانية وانتى بره برضه تكون معاكى واحدة فى الشنطة بتاعة البيبى أو تحطيها فى العربية دايما للطوارئ. وسعرها بيزود اعجابنا بيها وهخليها تبقى احتياطى فى أي وقت.
ممكن تشتريه من ذا مكان بـ 72 جنيه مصري.
هتلاقيها هنا.
البنات
11.طقم أسود بكُم
شكله لطيف ومناسب للوقت اللى احنا فيه ومش هتلفى كتير تدورى ممكن تشتريه أونلاين وهيوصلك بسرعة. ميزة الطقم دا إن قماشته مش هتضايق البنت وهى لابساه وناعم بحيث متبقاش حركتها مقيدة.. وله ميزة تانية أنه ممكن تتلبس بلوزته مع بنطلون جينز مثلا يبقى طقم تانى وبرضه البنطلون ممكن مع أى تى شيرت أو بلوزة تانية وهيبقى شكله مختلف.
ممكن تشتريه من يشري بـ 193 جنيه مصري.
هتلاقيه هنا.
12.الحذاء
البووت دا رائع جدا لأنه الجزء العلوى منه معمول من الفرو ودا بيدفى جدا فى الشتاء.. يعنى وقت المطر والبرد، البنت وهى لابساه مش هتحس بأنها بردانة.. دى ممكن فى جو زى اللى احنا فيه دلوقتى يحررها عشان كدا لو الجو لسه مش مظبوط يبقى تلبسه بالليل احسن عشان متضايقش منه لأن بالليل درجة الحرارة كدا كدا بتقل وبيكون فى لسعة برد خفيفة.
ممكن تشتريه من جوميا بـ 79 جنيه مصري.
هتلاقيه هنا.
نتمنى القايمة بتاعتنا تساعدكم.. خلونا نفكركم انكم ممكن تدوروا و تقارنوا الأسعار وتشتروا من خلال ياقوطة.كوم.. أحلى حاجة فى الشراء أونلاين إن كل حاجة هتوصل لحد باب البيت من غير ما نضطر ننزل فى الجو البرد.. نتمنى لكم تسوق أون لاين سعيد!