الفرق بين السشوار ومكواة الشعر

كتبت: منى عوض

اختار السشوار ولا مكواة الشعر؟ دا سؤال بيسبب حيرة لناس كتير خصوصًا أن نتائج الجهازين متشابهة وفئة كبيرة من الناس مفكرة إن الأتنين زي بعض أو متعرفش الاختلافات الموجودة بينهما.

لو عايز تعرف الفرق بين السشوار و مكواة الشعر، يبقي اقرأ المقال ده كويس لأننا مش هنوضحلك الفرق بين الجهازين وبس. لأ، إحنا هنستعرض كمان أشهر أجهزة السشوار ومكواة الشعر على ياقوطة، وتقدر تطلب اللي تعجبك منهم من خلالنا وهتوصلك في أقرب وقت.

بنفكرك إنك ممكن تشتري السيشوار ومكواة الشعر من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الفرق بين السشوار ومكواة الشعر

السشوار

  • لو بتدور على تجفيف الشعر وتسريحه بشكل خفيف يبقى السشوار- أو ما يُعرف أيضًا باسم مجفف الشعر- مناسب جدًا فهو بيصدر هواء ساخن أو بارد بيساعد في إتمام المهمة المطلوبة بكفاءة عالية وبسرعة أيضًا.
  • خلينا متفقين أن تعرض الشعر للحرارة بشكل كبير بيتسبب في تلفه وتقصفه، لكن حرارة السشوار أخف وضرارها أقل وأهون من مكواة الشعر، وأحيانًا بالاهتمام بالشعر مش هتلاحظ معاناة الشعر من أي ضرر.
  • السشوار بيجفف شعرك وبيفرده أحيانًا ولكنه مش بيدي الشعر مظهر لامع.
  • السشوار مناسب بشكل أكبر مع الشعر الضعيف والناعم والخفيف.
  • السشوار بيكون معاه كذا ملحقات تانية زي الرأس المخصصة لإخراج الهواء الساخن وفرشاة لتسريح وفرد الشعر وأحيانًا بيكون معاه فرشاة للشعر الكيرلي أو فرشاة دواره وهكذا.

مكواة الشعر

  • مكواة الشعر مش هتجفف شعرك من المياه ولكنك تقدر تستخدمها في فرد الشعر أو تمويجه أو تخليه كيرلي أو بمعنى أصح تقدر تعمل من خلالها أي تسريحة شعر إنت عايزها.
  • بمرور الوقت وكثرة استخدام المكواة، ممكن تلاحظ إن شعرك بدأ يعاني من تقصف وهيشان.
  • المكواة بتدي للشعر مظهر لامع وجذاب لأن فيها أيونات بتساعد في دا جدًا.
  • مكواة الشعر بتكون مناسبة بشكل أكبر مع الشعر التقيل والجاف والكيرلي وما إلى ذلك.
  • مكواة الشعر عادة مبيكونش معاها أي ملحقات لأنها مجرد سطح أملس بتمشيه على الشعر.

أشهر أجهزة السشوار ومكواة الشعر على ياقوطة

مجفف الشعر من فيليبس HP8216

مجفف الشعر من فيليبس حجمه صغير ووزنه خفيف وتقدر تتنقل بيه براحتك، وبيجي بقوة 1600 وات. الجهاز عملي في الاستخدام فهو بيجي بمنفذ هواء فريد ومغلف بالكيراتين عشان تضمن توزيع الحرارة بالتساوي في كافة أنحاء الشعر، دا بجانب إنه بيحمي الشعراية بشكل كبير من التلف وبيحافظ على لمعان الشعر وصحته.

وكمان بيجي بـ 3 إعدادت مختلفة للحرارة عشان تختار درجة الحرارة المناسبة لشعرك، لكنه غير مزود بأي ملحقات وبالتالي لو حبيت تعمل أي تسريحة باستخدامه هتحتاج تشتري فرشة أو أي معدات إنت محتاجها وتستخدمه معاها.

تقدر تشوف مجفف الشعر من فيلبس HP8216 من هنا.

مجفف الشعر راش براش 2300 وات

السشوار دا عظيم جدًا في تجفيف وتصفيف الشعر هو بيجي بقوة 2300 وات لإتمام المهمة المطلوبة بفعالية وكفاءة عالية، وبيجي بسرعتين وثلاث مستويات حرارة لاختيار الأنسب لشعرك.

الجهاز بيجي بتقنية بتُعرف باسم مستشعر درجة الحرارة الذكي ودي تقنية بتساعد في مراقبة وتعديل درجة الحرارة بشكل أوتوماتيكي مع حماية الشعر من الحرارة والحفاظ على رطوبته، وكمان بيجي بموزع هواء.

وبيجي أيضًا بفوهتين لتركيز الهواء بشكل أكبر وبالتالي فرد الشعر والاستمتاع بمظهر ناعم.

تقدر تشوف مجفف الشعر راش براش 2300 وات من هنا.

مجفف شعر برو فاشون من بيبي ليس 2000 وات

مجفف الشعر من بيبي ليس هيخليك تجفف شعرك وتسرحه بشكل رائع بفضل قوته اللي بتبلغ 2000 وات، واحتوائه على سرعتين مختلفتين وثلاث مستويات للحرارة عشان تقدر تتحكم في قوة الجهاز وإمكانية استخدامه بشكل مناسب ليك ولشعرك.

الجهاز بيجي بقطعة لتوزيع الهواء الساخن بشكل متساوي في جميع أنحاء الشعر وبالتالي تصفيف أو تجفيف الشعر بكفاءة عالية وفي مدة زمنية أقل.

تقدر تشوف مجفف شعر برو فاشون من بيبي ليس 6604RPE من هنا.

مكواة شعر من تورنيدو TSL-ANG

مكواه فرد الشعر مزودة بألواح مرنة بزيت الأفوكادو لتصفيف وتنعيم الشعر والحفاظ على مظهره الصحي واللامع، وبتيجي بشاشة رقمية لعرض درجات حرارة واللي تقدر تختار الأنسب لشعرك من بين 120 إلى 230 درجة.

المكواة بتسحن بسرعة وبتحتفظ بدرجة حرارتها لفترة كويسة وكمان بتقفل بشكل تلقائي للأمان بعد 60 دقيقة عشان تبقى مطمن وإنت بتستخدمها.

تقدر تشوف مكواة شعر من تورنيدو TSL-ANG من هنا.

مكواة الشعر من بيبي ليس ST430E

مكواة الشعر بيبي ليس بتيجي بألواح مصنوعة من السيراميك وبتيجي بمستويات مختلفة لدرجة الحرارة عشان تختار الأنسب لشعرك، وعادةً بيكون الحد الأدنى لدرجة الحرارة هو 180 درجة أما الحد الأقصى فبيعادل 235 درجة.

ألواح السيراميك كويسة جدًا في تصفيف الشعر وفيه بعض الناس بتعرف تعمل شعرها كيرلي خفيف بالمكواة دي.

تقدر تشوف مكواة الشعر من بيبي ليس ST430E من هنا.

تقدر تختار السشوار الأنسب ليك من هنا.

تقدر تختار مكواة الشعر الأنسب ليك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *