اعرف مع ياقوطة الفرق بين السخان الغاز والسخان الكهرباء

كتبت: منى عوض

سخان غاز ولا كهرباء؟… دا أول سؤال بنسأله لنفسنا أول ما بنيجي ناخد خطوة شراء سخان جديد وماينفعش نتجاهل السؤال دا عشان منلبسش في حيط أو بمعنى أصح منشتريش حاجة مش متوافقة مع احتياجاتنا وإمكانياتنا.

ولأننا يهمنا راحتكم وسلامتكم، ياقوطة هتقولك في المقال تفاصيل أكتر بتوضح الفرق بين السخان الغاز و السخان الكهرباء عشان تختار الأنسب ليك وتبقى مرتاح البال على طول، ولو حبيت تشتري سخان جديد تقدر تختار وتطلب اللي إنت عايزه من خلال موقعنا وهيوصلك لحد المكان اللي إنت عايزه في أسرع وقت ممكن.

بنفكرك إنك ممكن تشتري السخان الغاز والسخان الكهرباء من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

سخان الغاز

  • سخانات الغاز مفيهاش خزان مياه وبتعتمد على فكرة تسخين المياه بشكل فوري يعني أول ما تفتح الحنفية هتلاقي مياه سخنة نازلة على طول.
  • درجة سخونة المياه في سخانات الغاز بتتأثر بضغط المياه، وبالتالي إذا كان ضغط المياه ضعيف هتلاقي أن درجة سخونتها قليلة أو ممكن السخان ميشتغلش أصلاً، وعلى العكس لو قوي هتلاقيها سخنة جدًا.
  • فيه بعض سخانات الغاز بيقولك أن سعتها 10 لتر مثلاً دا مش معناه إنها فيها خزان والمياه بتسخن جواه لأ دا معناه إنه بيسخن 10 لتر من المياه في الدقيقة الواحدة مثلاً وإنك تقدر تستخدمه براحتك.
  • سخانات الغاز موفرة لأن استخدامها بيعتمد على الغاز سواء الطبيعي أو الأنبوبة، على عكس سخانات الكهرباء اللي بتشفط الكهرباء وبتعلي الفواتير.
  • سخانات الغاز بيكون ليها شوية تحضيرات قبل تركيبها زي مثلاً ضرورة تركيب مدخنة معاه ولو عندك غاز يبقى هيركب في مكان معين وبشكل معين ولو هتوصله بأنبوبة كذلك.
  • السخان الغاز حجمه صغير ومش بياخد حيز كبير مقارنة بالسخانات الكهرباء.
  • تكاليف تركيب سخانات الغاز بتكون عالية مقارنة بالسخانات الكهرباء.

تقدر تختار سخان الغاز الأنسب ليك من هنا.

سخان الكهرباء

  • سخان الكهرباء بيعتمد في الغالب على وجود خزان داخلي للمياه وليه نظام تسخين وثرموستات بتعمل على التسخين وتثبيت درجة حرارة المياه بعد التسخين.
  • خزان المياه بتاع سخان الكهرباء ليه سعة محددة لازم تختارها وفقاً لاحتياجاتك وعدد أفراد أسرتك، ولازم تعرف أن الخزان بمجرد ما يفضى هتحتاج تسيبه لفترة من الوقت لحد ما يسخن المياه تاني.
  • سخانات الكهرباء مش بتعتمد على ضغط المياه بمعنى أنك هتقدر تستمتع بمياه ساخنة سواء كان ضغط المياه ضعيف أو قوي.
  • سخان الكهرباء بيستهلك كميات كبيرة من الكهرباء بتزداد أو تقل وفقاً لسعته بس في العموم هتدفع فواتير عالية طول ما إنت عندك النوع دا من السخانات.
  • سخانات الكهرباء سهلة التركيب كل اللي هتحتاجه بس وصلة كهرباء ومفتاح لتشغيلها.
  • سخانات الكهرباء حجمها كبير سواء كانت سعتها اللترية كبيرة أو صغيرة فهي بتشغل حيز كبير.
  • تكاليف تركيب سخانات الكهرباء كويسة يعني مش هتكلفك كتير.

تقدر تختار سخان الكهرباء الأنسب ليك من هنا.

أيهما أفضل سخان الغاز ولا سخان الكهرباء؟

محدش يقدر يقولك اختار دا وسيب دا إنت الوحيد اللي تقدر تحدد أنهي أنسب ليك، بس في العموم خلينا نقول شوية حاجات ممكن تفيدك في الاختيار:

  • لو عدد أفراد أسرتك كبير فيفضل إنك تشتري سخان غاز لأن المياه السخنة الصادر من السخان الكهربائي في الحالة دي ممكن ميكفيش كل أفراد الأسرة وهتضطروا تستنوا وقت طويل لحد ما المياه تسخن من جديد.
  • لو إنت من الناس اللي بتخاف من فواتير الكهرباء العالية يبقى السخان الكهرباء مش أفضل منتج بالنسبالك لأن الغاز عادة وسيلة أرخص وأسهل من الكهرباء.
  • لو إنت من الناس اللي عايشة في أماكن ضغط المياه فيها ضعيف يبقى السخان الكهرباء أفضل بالنسبة ليك، لأن شعلة سخان الغاز مش بتشتغل عادة لو كان ضغط المياة ضعيف.
  • لو إنت من الناس اللي بتخاف على البيئة وبتهتم بنضافتها وأمور الاستدامة وما إلى ذلك يبقى طبيعي إن السخان الكهرباء يكون أنسب ليك من سخان الغاز اللي ممكن يصدر عنها غازات ملوثة للبيئة المحيطة.
  • كلا السخانين درجة الأمان بتاعتهم عالية طالما اتبعت التعليمات الصح في تركيبهم، بس دا مايمنعش إن درجة أمان سخان الكهرباء أعلى.
  • سخان الغاز بيحتاج مدخنة لإخراج العادم خارج الحمام اللي بيُعتبر مكان مغلق وعند الاستخدام بيبدأ السخان في استهلاك الأكسجين الموجود بالمكان ويطلع ثاني أكسيد الكربون كبديل له وبالتالي ممكن يسبب اختناق لو الشخص فضل قاعد فترة طويلة في الحمام، لو إنت مش عايز الدوشة دي كلها يبقى السخان الكهرباء أفضل بالنسبة ليك.
  • طبعًا ماتنساش الصيانه الدورية سواء كان سخانك بيعمل بالغاز أو الكهرباء عشان تضمن طول عمره الافتراضي وتضمن كمان إنه هيفضل يشتغل بكفاءة عالية لأطول فترة ممكنة، بس صيانة سخان الكهرباء يفضل تكون سنوية بالكتير، أما صيانة سخان الغاز ممكن تقعد فترة أطول شوية لحد ما تقرر تاخد الخطوة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *