أفضل ساعات اليد الرجالي والحريمي على ياقوطة
كتب: خالد عاصم
في المقال ده هنتعرف على مجموعة من أشيك وأروع الساعات للرجال والنساء واللي بتتميز بروعة التصميمات وكمان بتتميز بتوافرها في فئات سعرية مختلفة ومتنوعة، كل الساعات اللي هنتكلم عنها في المقال ده هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مجموعة من أشيك ساعات الرجال المتوفرة على ياقوطة
ساعة Emporio Armani للرجال موديل AR2460
زي ما ارماني نموذج للشياكة في الملابس فأكيد هي كمان نموذج للشياكة في الساعات، ومن بين موديلاتها الممتاز للرجال الساعة دي وهي ساعة انالوج بتصميم كاجوال، الساعة بتعتمد على الستانليس ستيل في صناعة الهيكل والسوار، بيبلغ قطر الهيكل نفسه ٤٦ ملم بسمك ١٢ ملم أما سمك السوار فبيبلغ ٢٤ ملم والميناء لونها اسود بزجاج معدني وبتتميز الساعة بمقاومتها للمياه لحد ٥٠ متر عمق.
اتعرف على عروض أسعار ساعة امبوريو ارماني موديل AR2460 من هنا.
ساعة Tissot T-Touch II للرجال
من أروع وأشيك واقوى الساعات الرجالي اللي ممكن اقتنائها، الساعة بتجمع بين قوة التيتانيوم اللي مستخدم في صناعة الهيكل وفي صناعة السوار وبين الشياكة اللي بيتميز بيها تصميم الساعة على مستوى الألوان وبين العملية اللي بتميزها لأنها بتجمع بين الاستخدام الرقمي واستخدام الأنالوج ده كما غير إن الساعة بتقدر تتحمل المياه لحد ١٠٠ متر عمق.
اتعرف على عروض أسعار ساعة Tissot T-Touch II من هنا.
ساعة Invicta 11704 Venom للرجال
جمعت انفيكتا بين كل العناصر اللي ممكن تجذب المستخدم للساعة الشيك والعملية واللي بتوحي بقوة مش بس على مستوى صناعتها لا ده كمان على مستوى الإحساس اللي بتديهولك أول ما تلبسها، الساعة انالوج بتتميز بتصميم قوي والسوار بتاعها بيجمع بين راحة المطاط وبين التصميم المستوحى من شياكة السوار المعدني.
اتعرف على عروض أسعار ساعة Invecta 11704 للرجال من هنا.
ساعة Swiss Military أنالوج بسوار سيليكون للرجال
بتقدم سويس ميليتزي مجموعة من الساعات السويسرية اللي بتتميز كلها بانها بتجمع بين قوة التصميم وقوة الأداء، ومن بينهم اخترنا واحدة من أفضل الساعات دي واللي بتتميز بإنها بتجمع بين الاستخدام الانالوج بالعقارب وبين الاستخدام الرقمي، والساعة بتتميز بهيكل من الستانليس ستيل وسوار من السليكون يعني راحة وقوة وكمان بتتحمل المياه في حالة استخدامها في السباحة ده غير مميزات تانية كتير ومتعددة.
اتعرف على عروض أسعار مختلف ساعات Swiss Military من هنا.
مجموعة من أشيك ساعات السيدات المتوفرة على ياقوطة
ساعة مايكل كورس رسمية للنساء موديل MK5354
بتقدم شركة مايكل كورس مجموعة من أشيك الساعات المخصصة للسيدات واللي ممكن تحتاج لمقال كامل عشان نتكلم عنها، بس اخترنا منها الساعة دي اللي بتتميز بشياكة وتأنق في كل خطوط تصميمها وخصوصًا مع انعكاسات لونها الذهبي على الستانليس ستيل المصنوعة منه، الساعة أنالوج وبتعرض التاريخ وبتتحمل الاستخدام تحت المياه لحد ٥٠ متر عمق.
اتعرف على عروض أسعار ساعات مايكل كورس للسيدات من هنا.
ساعة Casio Baby-G للنساء
لو عايزه ساعة بتجمع بين الانطلاق والشياكة والقوة وتليق على كل حاجة، يبقى لام تكون ساعة Baby-G من بين اختياراتك، الساعة بتتميز بعملية جمعها بين الاستخدام الأنالوج ولديجيتال وبتتميز بسوار سيليكون مريح جدًا ده غير خطوط تصميمها اللي بتجمع بين قوة الساعات الرياضية وأناقة ألوان الساعات الخفيفة.
اتعرف على عروض أسعار ساعة Casio Baby-G للنساء من هنا.
ساعة Tommy Hilfiger رسمية للنساء
ساعة ممتازة من تومي هيلفجر بتتميز بإن كلها مصنوعة من الستانليس ستيل يعني تعيش لسنين طويلة من غير ما تتعرض لأي تغير في اللون أو صدأ أو غيره، الساعة أنالوج بتعتمد على العقارب ولونها دهبي وبتتميز بخصوص تصميم في غاية الشياكة.
اتعرف على عروض أسعار ساعات Tommy Hilfiger للنساء من هنا.
ساعة Calvin Klein رسمية للنساء
بتختلف الساعة دي عن غيرها من ساعات كتير بإنها بتجمع بين تصميم الساعة واستخدامها وبين تصميم الأسورة، الساعة على تصميم أسورة فضية مصنوعة من الستانليس ستيل وحجم الهيكل صغير جدًا قطرة ٢٠ مم وسمكه ٨ مم بس وعرض السوار نفسه ٢٠ مم.
اتعرف على عروض أسعار ساعات Calvin Klein للنساء من هنا.
اتعرف على عروض أسعار مختلف الساعات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.