استمتع بتجربة تليفزيون ATA ٢٤ بوصة HD الاقتصادي

كتبت: أمنية عزمي

أكتر حاجة بتميز شاشات ATA هو سعرها التنافسي جدًا واللي بيخليك تقدر تشتري شاشات بحجم كبير في سعر الشاشات الصغيرة في الأنواع التانية، بالإضافة لتعدد مواصفاتها ونقاء صوتها وجودتها العالية مقارنة بسعرها، وبتوفر جميع الأحجام بداية من 24 بوصة ل 55 بوصة، ATA بتوفر كمان نوعين من الشاشات.. سمارت وعادي وده بيديك فرصة كبيرة للاختيار، وعندهم مراكز صيانة متعددة على مستوى الجمهورية، وكل الأوصاف دي بتخليها اختيار مناسب للمستهلك لأنها بتجمع بين الجودة والسعر المنافس.

هنتكلم في المراجعة دي مع ياقوطة عن تليفزيون ATA 24 بوصة- ليد- HD وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: HD|LED
  • بلد المنشأ: مصر.
  • اللون: أسود.
  • الكود التعريفي للمنتج: AT933EL19E880NAFAMZ
  • الاتصال: VGA|HDMI|USB 2.0
  • فترة الضمان: 1 سنة.
  • موديل: LED
  • حجم الشاشة بالبوصة: 24.

المميزات

  • الشاشة مصممة بحواف رفيعة وشكل جميل، وحجمها مناسب لدقتها الإتش دي اللي وضوحها بيكون بدقة 1366× 720 بكسل بيظهرجمال الصورة والألوان.
  • شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
  • التليفزيون مزود بمنفذ HMDI علشان يسهل توصيلها بأي أجهزة تانية زي الألعاب وتستمتع بها على شاشة بحجم أكبر ةكمان بتتمكن من تشغيل الأصوات ومقاطع الفيديو وبتدعم إشارات الفيديو عالي الوضوح وإشارات الصوت متعددة القنوات.
  • مزود بمنفذ VGA بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
  • مزود بمدخل يو اس بي اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها.
  • مصمم بقاعدة تصميمها عريض وبزوايا تحافظ على ثبات الشاشة بشكل جيد في حالة الصدمات.
  • سمك الشاشة رفيع جدا ودي ميزة تساعدك انك تعلقه على الحائط وبالتالي تستغل مساحة المكان بشكل أفضل.
  • مزود بريموت كنترول بتتحكم فيه عن طريقه من بعد وانت في كامل استرخائك وراحتك.
  • سعرها مميز جدا ومنافس بقوة مقارنة بالأنواع التانية وعليها ضمان لمدة سنة.

العيوب

  • لا يحتوي على منفذ RF الخاص بالإيريال الأرضي.
  • دقة الشاشة متوسطة بالنسبة للشاشات الأعلى منها في السعر.
  • فترة الضمان سنة واحد ودي فترة قليلة جدا على ضمان التليفزيونات مفروض أقل مدة 3 سنوات.
  • مستوى الصيانة سيء.

خدمة العملاء

  • مراكزهم متوفرة في جميع أنحاء الجمهورية.
  • الناس بتشتكي من مستوى سوء الصيانة وضعف استجابتهم وسوء المعاملة وتدني مستوى الإصلاح وإن الأجهزة بتروح وترجع بنفس العيب أكتر من مرة.

تجربة المستخدم

  • في آراء كتير قالت ان الحركة بتكون بطيئة نوعا ما وبتكون محسوسة في القنوات الرياضية والأفلام، الصورة مش بتتحرك بنعومة زي الأنواع التانية، بالإضافة ان ألوانها مش الأروع بين الشاشات، ومع الوقت بيظهر في الشاشة بيكسلات وبتكون واضحة في بعض الألوان أكتر من غيرها زي الأحمر.
  • كان في شكوي تانية ان الشاشة بتفصل أو تتحرق بعد فترة قصيرة واوقات بتشتغل صوت فقط بدون صورة، والصورة بيظهر فيها بقع بيضاء ودا عيب صناعة في الليد بيظهر بقوة في الشاشات الرخيصة بسبب ان الليد بيتركب فيها على عدد من المساطر وبتكون متوصلة ببعضها مش كل لمبة لوحدها وبالتالي لو فصل واحد الكل بيفصل، وبيشتكوا ان التصليح بيتم على حسابهم حتى وهم في الضمان.

شوف تليفزيون ATA 24 بوصة- ليد- HD من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *