حضر ألذ وأخف سحور مع ياقوطة

كتبت: منى عوض

أيام قليلة بتفصلنا عن شهر رمضان، شهر الخير والبركة ولمة الفطار، وكمان السحور وجبة مهمة جدًا لإنها بتساعدنا على احتمال صوم يوم طويل ومرهق. وهو الأساس عشان تقدر تحافظ على قوتك طول فترة الصيام.

وياقوطة هتقدملك مجموعة نصائح لسحور خفيف وصحي، وكمان أهم الأدواني والأدوات اللي ممكن تحتاجها لتحضير السحور، ولو حبيت تشتري أي حاجة من خلالنا تقدر تعرف أحسن أسعارها وتقدر تطلبها كمان من خلالنا وهتوصلك في أقرب وقت.

بنفكرك إنك ممكن تشتري لوازم رمضان من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح ياقوطة لسحور صحي وصيام مريح

  • حاول تأخر وقت السحور على قدر المستطاع بحيث إنك تاكل وجبة خفيفة وقيمتها الغذائية عالية وتديك طاقة على مدار اليوم، بس مش معنى ده إنك تتسحر وتنام بل يفضل تتسحر وتصلي الفجر وتقعد شوية بعد الصلاة بحيث إن الأكل ميتعبكش وإنت نايم ولا هيحصلك ارتجاع.
  • تجنب الموالح والأكل الحار سواء في الإفطار أو السحور لأنها بتسبب شعور شديد بالعطش وهتتعب فعليًا أثناء الصيام.
  • تجنب تناول الحلويات والسكر في السحور لأنها بتسبب العطش أيضًا.
  • تجنب الأكل الدسم في السحور لأنه مش هيديك إحساس بالشبع على مدار اليوم دا غير إنه مش هيسببلك غير عسر هضم إحساس حموضة وانتفاخ.
  • شرب قدر كافي من الماء مهم جدًا في الفترة بين الإفطار إلى الإمساك عشان تعوض المياه اللي بيحتاجها جسمك على مدار اليوم وتحافظ على رطوبته طول فترة الصيام.
  • تجنب شرب كمية كبيرة من الماء مرة واحدة بل تدريجيًا عشان ميسببش عسر هضم وانتفاخ، وكمان تجنب شرب الماء الساقع بمعنى أصح لأنه بيتعب المعدة خلال فترات الصيام.
  • الخضروات والفاكهة الغنية بالألياف والبيض المسلوق والزبادي ومنتجات الألبان عمومًا من الأكلات المناسبة جدًا لوقت السحور لأنها خفيفة وبتشبع وبتاخد وقت على ما بتتهضم وبالتالي مش هتحس بالجوع ولا العطش طول فترة الصيام.
  • ممكن تاكل فول فهو بيُعتبر وجبة الطاقة.
  • ممكن تاكل شوفان لأنه بيحتوي على البروتينات والكربوهيدرات اللي بيحتاجها الجسم خلال الصيام.
  • التمر من الحاجات اللي بتدي طاقة للجسم فحاول تحافظ على تناول 4 تمرات خلال السحور.
  • تجنب الزيوت الضارة واستبدلها بالزيوت الصحية خلال الوجبات زي مثلاً زيت الزيتون وزيت جوز الهند.
  • تجنب تناول كميات كبيرة من المنبهات- كفاية كوباية واحدة- لأنها بتسبب الشعور بالعطش.
  • تجنب المشروبات الغازية والعصائر المعلبة أو اللي فيها مواد حافظة سواء في الإفطار أو السحور لأنها بتزود العطش، وممكن تستبدلها بالعصائر الطبيعية.

أدوات لتحضير سحور صحي

دماسة فول ألمونيوم من نوفال

معروف أن الفول طبق السعادة لاحتوائه على عناصر غذائية عالية جدًا بتشحن طاقة الجسم وبتخليه يكمل اليوم بنشاط وحيوية، بس مفيش أحلى ولا أنضف من فول البيت واللي عشان تعمله هتحتاج دماسة فول عظيمة زي بتاعة نوفال مثلاً اللي تقدر تسيبها على النار أو حتى سخان الكهرباء وهي هتطلعلك في الآخر شوية فول ليهم العجب.

تقدر تشوف دماسة فول ألمونيوم من نوفال من هنا.

سخان دماسه كهربائي من ميانتا HP41325A

سخان الكهرباء مش هيخليك تدمس الفول وبس، لأ إنت ممكن تستخدمه كمان في تسخين الأكل أو عمل المشروبات الساخنة زي القهوة وشاي لو الأنبوبة خلصت وحبيت تستخدمه حاجة تسعفك.

وسخان ميانتا مميز فهو بيجي بقدرة 500 وات اللي هتساعدك في إتمام المهمة في وقت قياسي، وكمان حجمه صغير ووزنه خفيف وبالتالي تقدر تتنقل بيه من مكان لآخر وتقدر تشيله بكل سهولة، وكمان من السهل تنظيفه. السخان بيجي بترموستات قابلة للتعديل مع مؤشر مضيء عشان يوضحلك هو شغال ولا فصل.

تقدر تشوف سخان دماسه كهربائي من ميانتا HP41325A من هنا.

ماكينة صنع الزبادي من زهران YG6003EG

الزبادي مهم جدًا في السحور فهو بيحتوي على فيتامينات وعناصر غذائية تعمل على تعزيز صحة الجسم وترطيبه طول فترة الصيام، ونرجع نقول مفيش أجمل من صنع البيت عشان كدا اختارنلكم ماكينة صنع الزبادي من زهران اللي هتخليك تحضر لحد 8 أكواب زبادي في نفس الوقت.

الماكينة سهلة الاستخدام واقتصادية كل اللي عليك إنك تضيف اللبن مع كوباية زبادي في أكواب الماكينة وتسيبها لحد ما تحس إن الزبادي بقى جاهز وهنا بيجي دورك لإنك لازم تفصلها بنفسك لأنها مش بتفصل بشكل أتوماتيكي بمجرد الإنتهاء من إعداد الزبادي.

الماكينة بتيجي بلمبة صغيرة تضيء عند الاستخدام وفيها مساحة لتخزين السلك، لكنها مفيهاش تايمر تقدر تظبطه وهي تفصل لوحدها بعد انتهاء المدة المحددة.

تقدر تشوف ماكينة صنع الزبادي من زهران YG6003EG من هنا.

عصارة كهربائية محمولة NG-01

مفيش أحلى من العصير الفريش فهو هيروي عطشك ويخليك تكمل صيام اليوم وإنت عندك طاقة وحيوية ومن غير ما يخليك تعطش، ودلوقتي اخترعوا عصارة كهربائية على قد كوبايه وتقدر كمان تستخدمها زي الكوباية وتتنقل بيها وتشرب منها على طول.

العصارة بتتميز بشفراتها الحادة وقوتها وسرعتها ودقتها وسهولة استخدامها، كمان تقدر تعيد شحنها مرة تانية من خلال كابل USB.

تقدر تشوف عصارة كهربائية محمولة NG-01 من هنا.

لبانة أستانلس ستيل من زينوكس

كوبايه اللبن الدافئ في السحور مهمة جدًا لصحتك وصحة أسرتك فهي مش بتحافظ على الكالسيوم في الجسم وبس، لأ دي كمان هتديك إحساس شبع وعدم شعور بعطش لأطول فترة ممكنة خلال فترة الصيام، وبالتالي تيجي أهمية اللبانة اللي هتخليك تسخن كمية اللبن اللي إنت عايزها بكل سهولة.

تقدر تشوف لبانة أستانلس ستيل من زينوكس من هنا.

مضرب يدوي مولينكس ABM11A30

المضرب اليدوي من مولينكس خفيف وسريع وسهل الاستخدام فهو بيجي بماتور بقوة 150 وات وبيُعتبر مثالي للخلط والخفق وتحضير أي خليط إنت عايزه، وكمان حجمه صغير وبالتالي من السهل تخزينه. المضرب بيتميز بسهولة تنظيفه سواء تحت الماء الجاري أو من خلال وضع بعض الأجزاء في غسالة الأطباق.

تقدر تشوف مضرب يدوي مولينكس ABM11A30 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *