إزاي تعيش في بيت صديق للبيئة وتوفر كمان؟

04

كتبت: شذا وليد ودينا أمير

المحافظة على البيئة ما بقتش ظاهرة عالمية للمناقشة في المؤتمرات وبس لكن كمان بقت موضوع الناس بتتكلم فيه في الشارع، وده لإن مستقبل الأرض موضوع مهم لكل واحد فينا. المشكلة الحالية هي إن رغم التقدم التكنولوجي الكبير اللي وصلنا له والنظريات العملية اللي بتُكتشف يوم ورا يوم، كل ده ما قلّلش من التلوث والضرر اللي بنسببه للبيئة. من أهم وأخطر المشاكل دي الاحتباس الحراري، ثقب الأوزون ونقص المياه وتلوثها اللي زاد لدرجة إن كتير مننا ومهما كان مكان معيشته ما بيآمنش يشرب مية من الحنفية إلا لو كان عنده فلتر أكتر من مرحلة.

على الرغم من كل المشاكل دي، لسه عندنا فرص نحل ونقلّل من المشاكل دي بخطوات بسيطة نبدأ بيها من بيوتنا عشان نخليها صديقة للبيئة.  يمكن تفتكر إن الأفكار دي ضعيفة ومش هتأثر لكن الحقيقة إننا لو اهتمينا بيها وطبقناها في بيوتنا هنحس بتأثيرها الجميل على حياتنا وحياة القريبين مننا وخلال فترة قصيرة هنشوف نتيجة الحفاظ على البيئة قدام عنينا.

احنا هنا في ياقوطة وعن طريق مجموعة من النصايح والمنتجات، هنساعدكم بشكل كبير إنكم تعيشوا في بيت صديق للبيئة.

أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

الأجهزة بتمثل 30% من استخدام الطاقة المنزلية، ومع زيادة اعتمادنا على الأجهزة وكمان أسعار الطاقة اللي في ارتفاع مستمر، أصبح اختيار الأجهزة الموفرة للطاقة مهم أكتر، وده لإن استبدال الأجهزة العادية بأجهزة أكتر كفاءة هيوفرلك في الطاقة والفلوس كمان. بس الموضوع مش بس إنك تشتري الأجهزة المناسبة، الموضوع ليه علاقة بإزاي تستخدم الأجهزة دي، يعني مثلًا غسل الملابس بالمياه الباردة ممكن يوفرلك خمس أضعاف مقدار الطاقة المستخدمة عند الغسل بمياه سُخنة.

طيب وانت بتشتري أي جهاز، لازم تاخد بالك من إيه؟

اشتري جهاز بحجم مناسب لاحتياجاتك، وده عشان ما تبقاش بتدفع كهربا انت مش محتاج ليها. وخد بالك من ملصق تصنيف الطاقة على الجهاز (كل ما كانت النجوم أكتر، زادت كفاءة الجهاز)، في مواقع لتقييم الطاقة زي موقع Energy Rating، وده عن طريقه تقدر تلاقي كل الأجهزة و تقارن بينهم. يستحسن كمان تفكر في بدايل للأجهزة الكهربائية، زي الغاز مثلاً.

وتقييم الأجهزة الكهربائية نرمز له بالرموز (A, B, C, D) فالجهاز الكهربائي في الرمز A يعتبر الأعلى كفاءة والأقل في استهلاك الكهرباء، يليه الجهاز الكهربائي في الرمز B ويليه الجهاز الكهربائي C وننتهي بالرمز D والذي يعد الأعلى في استهلاك الكهرباء.

عشان كده لازم ناخد بالنا من استلاك الأجهزة الكهربائية للكهرباء وما نتسرعش ونشتري جهاز كهربائي لمجرد إن سعره رخيص لإنه وارد جدًا يكون استهلاكه للكهربا عالي وبكده مش هيكون موفر ليك، والعكس ممكن أشتري جهاز كهربائي بسعر غالي شوية لكنه هيوفر لي في الكهربا على المدى الطويل.

نصايح لما تيجي تشتري بعض الأجهزة

التلاجات والمجمدات

refrigerator

  • التلاجات وأجهزة التجميد، وخصوصًا الأنواع القديمة، بتستهلك طاقة أكتر من أي أجهزة تانية، وده لأن الأجهزة دي تقريبًا شغالة طول الوقت.
  • لو بتشتري تلاجة جديدة، حاول تشتري نوع أكتر كفاءة.
  • اشتري الحجم المناسب على حسب احتياجاتك. لو أكبر من اللازم، فانت بتستهلك طاقه على تلاجة هتبقي فاضية. ولو أصغر من اللازم، فمش هتتسع لكل أكلك وهينتهي بيك الأمر إنك تضطر تشتري واحدة تانية، وده معناه استهلاك أكبر للطاقة.
  • اتأكد من وجود مساحة كافية للتلاجة قبل ما تشتريها، واتأكد إن الموديل اللي هتختاره مناسب للمساحة المتاحة ليه في شقتك، وده عشان التهوية على أجناب وفوق التلاجة.

شوف تشكيلة متنوعة من التلاجات، بسعر يبدأ من ٤٤٧٥ جنيه مصري.

غسالة الاطباق

dishwaher

  • وانت بتشتري غسالة أطباق دوّر على موديل متعدد البرامج، ده هيخليك تقدر تحدد البرنامج ذو الأداء المناسب على حسب احتياجات الغسيل عندك.
  • اختار الحجم المناسب. غسالات الصحون القديمة الصغيرة اللي بتحتوي على أقل من ١٢-١٤ مكان للأطباق بتستهلك مياه وطاقة أكتر. عشان كده من الأفضل إنك تشتري غسالة كاملة الحجم (١٢-١٤ مكان للأطباق) واملاها مرة واحدة في اليوم.
  • استخدم موقع تقييم الطاقة لمقارنة كفاءة استخدام الطاقة في غسالات الصحون.

شوف تشكيلة من غسالات الأطباق، بسعر يبدأ من ٣٢٠٠ جنيه مصري.

غسالة الملابس

washing machine

في أنواع كتير من الغسالات بتختلف عن بعضها من حيث استهلاك الطاقة، استهلاك المياه أو تكاليف التشغيل، عشان كده وانت بتشتري غسالة لازم تراعي كذا حاجه:

  • عادة بتكون الغسالات اللي بفتحة أمامية أكتر كفاءة من الغسالات اللي بفتحة علوية وبتستهلك منظفات أقل.
  • اختار حجم يناسب احتياجاتك، ممكن ما تحتاجش دايمًا تبقى الغسلة كبيرة، عشان كده الأفضل تشتري غسالة ممكن تغسل كل الأحمال صغيرة وكبيرة.
  • دوّر على غسالة بدورة ماء بارد، واغسل بالماء البارد قدر الإمكان.
  • استخدم موقع تقييم الطاقة لمقارنة كفاءة استخدام الطاقة لكل أنواع الغسالات.

شوف تشكيلة متنوعة من غسالات الملابس، بسعر يبدأ من ١٠٣٥ جنيه مصري.

مجفف الملابس

dryer

مجففات الملابس بتستهلك كتير جدًا من الطاقة. مجفف الملابس الكهربائي العادي ممكن يطلع منه ٣ كيلوجرام من الغاز في البيئة المحيطة بيه، وده في كل غسلة واحدة. عشان كده لازم تاخد بالك من كام حاجة وانت بتشتري المجفف:

  • مجففات الغاز أغلى في السعر والتركيب، بس أرخص وأوفر في التشغيل.
  • الأفضل إنك تجيب المجفف اللي بيحتوي على جهاز استشعار الرطوبة بدلًا من المؤقت، فيه كمان أنواع  بتوقف الحرارة عند نهاية الدورة وبعدين تبدأ التجفيف عن طريق الحرارة المتبقية.
  • استخدم موقع تقييم الطاقة لمقارنة كفاءة استخدام الطاقة في مجففات الملابس المختلفة.

شوف تشكيلة متنوعة من مجففات الملابس، بسعر يبدأ من ٦٩٩٩ جنيه مصري.

اختار نوع إضاءة موفّر

كتير بنسمع من أصحابنا وأهالينا إننا لازم نغيّر اللمبات اللى بنستخدمها واللى فى الأغلب بتكون اللبمات الحمرا «تنجستن» عشان بتدفّى وإضاءتها بتدّي جو جميل وبتخلى ألوان البيت والديكور بتاعه يظهروا بشكل أجمل. المشكلة إن النوع ده بيستهلك كمية كبيرة جدًا من الكهرباء وبنحتاج نغيرهم باستمرار خصوصًا إن أعمارهم بتكون مش طويلة وده بيزود الأعباء على ميزانية كل بيت كمان.  مع إن اللمبات الفلورست أو اللى بيسميها ناس كتير اللمبات الموفرة بقت اختيار ناس كتيرة قوى لإنها ببساطة بتستهلك ٧٠٪ أقل من اللمبات التنجستن الحمرا، ده غير إنك مش بتحتاج تغيرهم كل شوية. وميزتهم كمان في الشكل الحلزونى وده بيخليهم ينشروا الإضاءة في كل الاتجاهات وفيه أنواع منهم مغلفة ببلاستيك لاحتواء الزئبق اللى جواهم في حالة الكسر. ومع إن سعر اللمبات الموفرة عادةً بتكون أغلى لكنهم موفرين في الكهرباء وبيعيشوا مدة أطول.

طريقة جديدة كمان لتوفير الطاقة هي إنك تركب جهاز استشعار الحركة وده شغلته إنه ينور في المكان لما يحس بدخول حد أو وجود حركة في الأوضة ويقفل الإضاءة لما ما يكونش فيه حركة في الأوضة. عشان تحصل على أقصى استفادة من الجهاز ركّبه في مكان فيه نسبة الحركة من قليل لمتوسط زي الحمام أو الصالون والسفرة لأن وجود الجهاز ده فى مكان فيه حركة كتيرة زي غرفة المعيشة مش هيخلي الجهاز يقفل الإضاءة وهيكون زي عدمه. وممكن تستخدم الجهاز ده في أماكن برة البيت زي الجنينة.

شوف لمبات موفرة من هنا، بسعر يبدأ من ٤٠ جنيه مصري.

وممكن كمان تشوف جهاز استشعار الحركة من هنا، بسعر يبدأ من ٤٠ جنيه مصري.

افصل الأجهزة غير المستخدمة

أغلب بيوتنا واحنا مش فيها بنكون سايبين التلفزيون والغسالة والتوستر والمروحة والدفاية والخلاط وأجهزة كتيرة متوصلة بالكهرباء ٢٤ ساعة يوميًا، واحنا مش بنستخدمها في الوقت ده وده بيمثل ٥-١٠٪ من استهلاكنا للكهرباء اللي بيزوّد من فاتورتك الشهرية من غير فايدة. الأجهزة اللى بتستهلك طاقة كتير وهي متوصلة بالكهرباء (الغسالة والتلفزيون والتوستر والأباجورات والكمبيوتر وماكينات إعداد القهوة). لو عندك أجهزة بيكون توصيلها وفصلها صعب (زي إن فيشة الكهربا في مكان ضيق وصعب الوصول ليه كل شوية) ممكن توصلها بمشترك عشان تتحكم في إمكانية توصيل الكهرباء للجهاز أو لأ عن طريق مفتاح المشترك. لو تقدر اشتري أجهزة فيها خاصية توفير الطاقة ودي متوفرة في أجهزة كتيرة حاليًا.

استخدم طرق مناسبة وموفّرة للطبخ

لإننا بنقضي وقت كتير قوى في المطبخ، لازم نوفر من استهلاكه للطاقة. فمثلًا من أخطائنا المنتشرة هي إننا بنفتح الفرن وهو شغال عشان نشوف الأكل استوى ولا لسه وده بيطلع حرارة كتيرة لحظة الفتح، وعلشان يرجع تاني لنفس درجة الحرارة بيستهلك كهربا أو غاز بشكل أكبر. وعلشان نقلل من الاستهلاك ده بنفتح لمبة الفرن عشان نشوف الأكل بدل ما نفتح عليه.

نصايح عامة

  • لما تستخدم الفرن حاول يكون حجم الحلة على قد العين اللى هتستخدمها عشان لو الحلة أصغر ده معناه أن فيه طاقة مهدرة مش بتستفيد بيها.
  • غطي الأكل وقت تسويته علشان يستوي بشكل أسرع ويحتفظ بالحرارة جواه بدل ما تتنقل للهوا وده هيوفرلك طاقة ويقلل من وقت تسوية الأكل.
  • استخدم أوانى سيراميك أو زجاج عشان تطبخ أسرع وبطاقة أقل.
  • لو بتسخن أكل استخدم الميكرويف عشان توفر ٥٠٪ من الطاقة مقارنة باستخدامك للفرن.
  • لو بتحضر مشروب دافى استخدم كوبايتك أو مج علشان تغلي مياه على قد استخدامك وده كمان هيقلل في الوقت اللي المياه هتغلي فيه وكمان هيوفرلك في الكهرباء.

شوف موديلات أفران كتيرة من هنا، بأسعار تبدأ من ٣٠٩ جنيه مصري.

وممكن تشوف أنواع غلايات Kettles من هنا، بأسعار تبدأ من ١٧٥ جنيه مصري.

وممكن كمان تشوف أطقم أواني سيراميك من هنا، بأسعر تبدأ من ٣٩٩ جنيه مصري.

وفّر في استهلاك المياه

المياه من الموارد الطبيعية اللى بتقل مع الوقت لو ماعرفناش نحافظ عليها إزاي مع مراعاة استهلاكنا المتزايد ليها. دي مجموعة من النصايح اللي ممكن نحسّها مكررة لكنها فعلًًا مهمة جدًا:

  • اقفل الحنفية واحنا بتغسل أسنانك.
  • استخدم كوباية مياه وقت حلاقتك لدقنك بدل ما تسيب الحنفية شغالة وقت كتير.
  • صلًح أي تسريب لمحابس المياه أول بأول.
  • اشتري تواليت low flush وده بيقلل من المياه المهدرة ٢ لتر لكل مرة بتدخل فيها الحمام.
  • استخدم مياه باردة في غسيل الملابس بيحافظ على ٨٥% من استهلاك الطاقة مقارنة باستخدام المياه السُخنة في الغسيل.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *