أشهر شاشات الكمبيوتر المتاحة على ياقوطة

كتب: خالد عاصم

أجهزة الكمبيوتر المكتبية لسه ليها أهمية كبيرة عند عدد كبير من المستخدمين على الرغم من الانتشار الواسع لأجهزة اللاب توب بفئات مختلفة ونطاق أسعار واسع جدًا، وده لأسباب كتير ولقطاع كبير من المستخدمين اللي بيفضلوا النوع ده من الأجهزة، من بين الأسباب دي إنك تقدر تجمع كمبيوتر مكتبي على قد ميزانيتك وعلى قد الإمكانيات اللي إنت محتاجها بسعر أقل من اللاب توب، وده بينطبق على كل الفئات، يعني مثلًا عشاق ألعاب الفيديو المحترفين واللي بيعتمدوا على الكمبيوتر مش على منصات الألعاب، بيعتمدوا بشكل رئيسي على أجهزة الكمبيوتر المكتبية لأنها بتكون أقوى وأرخص وكمان بتتمتع بإمكانيات أفضل، ده بينطبق كمان على المطورين والمصممين والمونتيرين والمصورين كمان وغيرهم.

من أهم الأجزاء المكونة للكمبيوتر هي شاشات الكمبيوتر فعلى عكس اللابتوب واللي بيجبرك على شاشة واحدة معينة موجودة فيه، ففي حالة الكمبيوتر المكتبي بتقدر تختار الشاشة اللي انت عايزها والمناسبة لطبيعة الكمبيوتر اللي بتتوقف على طبيعة المستخدم، وده خلى شاشات الكمبيوتر بتستمر في تطورها وكمان بتختلف من حيث طبيعة الاستخدام، زي ما فيه شاشات عادية بتصلح للمستخدم العادي ففي شاشات الكمبيوتر المخصصة للألعاب وشاشات تانية بينصح باستخدامها للمطورين والمصممين والمحترفين بشكل عام.

من خلال المقال ده هنتعرف على مجموعة من أبرز شاشات الكمبيوتر المتوفرة على ياقوطة واللي بتتنوع بين الشاشات العادية والشاشات المخصصة للالعاب والتطبيقات الاحترافية، وكل شاشات الكمبيوتر اللي هنتكلم عنها هتقدروا تطلبوها من خلالنا في ياقوطة وهتوصلكم لحد باب البيت أو مكان ماتحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز شاشات الكمبيوتر المختلفة المتوفرة على ياقوطة

شاشة AOC C27G1 المنحنية بقطر ٢٧ بوصة

واحدة من أبرز شاشات الكمبيوتر المخصصة للألعاب واللي بتتميز بانحناء رائع بيخلي تحس إنك جوا اللعبة أكتر وكمان قطرها ٢٧ بوصة وده قطر كبير بالمقارنة طبعًا بالشاشات الخاصة بأجهزة لابتوب الألعاب، الشاشة بتتميز بجودة FHD وكمان بتتميز بعدد كبير من المميزات زي دعمها لتقنية AMD FreeSync اللي بتخلي الشاشة بتتمتع بقوة عالية على مستوى سرعة لاستجابة ومعدل التحديث وكمان سهولة الدعم وتوفير الطاقة، الشاشة كمان بتتميز بمعدل تحديث ١٤٤ هيرتز السريع جدًا ووقت الاستجابة ١ مللي ثانية، والشاشة كمان بتدعم مجموعة من المنافذ.

شوف عروض أسعار شاشة AOC C27G1 المنحنية بقطر 27 بوصة من هنا.

شاشة Samsung UHD المسطحة بقطر ٣٢ بوصة 

اللي عايز شاشة ألعاب ضخمة وكمان بتدعم جودة 4K يبقى أكيد الحل مع الشاشة دي من سامسونج، الشاشة قطرها الفعلي ٣٢٫٥ بوصة وهي شاشة مسطحة ومعدلها ١٦:٠٩ وبتتميز الشاشة بانها بتدعم جودة 4K UHD بدقة ٣٨٤٠ × ٢١٦٠ بيكسل وبتدعم ١٫٠٧ مليار لون، أما معدل التحديث فبيبلغ ٦٠ هيرتز، وبتتميز الشاشة بعدد كبير من لإمكانيات زي خاصية Magic Bright وخواص توفير الطاقة وحماية العين وكمان وضع الألعاب والشاشة متوافقة مع تقنية FreeSync.

شوف عروض أسعار شاشة Samsung UHD المسطحة بقطر 32 بوصة من هنا.

شاشات Asus ROG Strix المخصصة للألعاب

تعتبر شركة Asus واحدة من أبرز الشركات في عالم الأجهزة والشاشات والكروت الموجهة لعشاق ألعاب الفيديو، ومن بين الحاجات اللي بتتميز بيها اسوس في المجال ده هو شاشات الكمبيوتر المتنوعة من حيث القطر والإمكانيات ومن بينهم الشاشة اللي في الصورة فوق ودي شاشة رغم سعرها العالي إلا إنها الشاشة المثالية اللي ممكن يحلم بيها أي حد بيحب ألعاب الفيديو ومستعد يدفع الرقم ده في شاشة.

الشاشة منحنية بقطر ٣٥ بوصة وبتتمتع بإمكانيات مذهلة زي الجودة العالية جدًا ونطاقات الألوان الضخمة اللي بتدعمها ده غير معدل التحديث العالي وسرعة الاستجابة الممتازة وكمان عدد التقنيات الرائع اللي بيخلي الشاشة دي هي فعلًا الشاشة اللي لازم تستعين بيها لو تقدر على تمنها وبتحب الألعاب.

اتعرف على عروض أسعار شاشات Asus ROG Strix المخصصة للألعاب من هنا.

شاشة Dell المسطحة المخصصة للألعاب بقطر ٢٧ بوصة

الشاشة دي بتتميز بعدد كبير جدًا من المميزات رغم أنها مسطحة وممكن ماتكونش جذابة أوي زي شاشات الكمبيوتر المنحنية إلا إنها شاشة بتتمتع بإمكانيات ممتازة أبرزها سرعة معدل التحديث ١٥٥ هيرتز ومعدل استجابة ١ مللي في الثانية، وطبعًا جودة QHD بدقة ٣٫٦٨ مليون بيكسل وكمان دعمها لتقنيات FreeSync من AMD، كل دي وحاجات تانية كتير بتخلي الشاشة دي من أبرز شاشات الكمبيوتر الخاصة بالألعاب.

شوف عروض أسعار شاشة Dell المسطحة المخصصة للألعاب بقطر 27 بوصة من هنا.

مجموعة مختلفة من أبرز شاشات الكمبيوتر العادية

بالإضافة للشاشات المخصصة للألعاب اللي اتكلمنا عنها من شوية فيه كمان مجموعة كبيرة جدًا من شاشات الكمبيوتر العادية اللي بيقدر يستخدمها أي مستخدم في أي استخدام وإن كانت مابتكونش الأفضل طبعًا في الألعاب.

شاشة Dell بقطر ١٧ بوصة

شاشة بقطر ١٧ بوصة من Dell بدقة ١٤٤٠ × ٩٠٠ بيكسل ووقت استجابة ٨ مللي ثانية وده مقبول جدًا في استخدام الشاشة في الاستخدامات المعتادة المختلفة، الشاشة بتتميز بنسبة وضوح عالية وكمان فيها تقنيات لحماية العين للي بيضطر يقعد ادام الكمبيوتر لفترات كبيرة.

شاشة HP V194 بقطر ١٨٫٥ بوصة

شاشة ممتازة من HP قطرها الفعلي ١٨٫٥ بوصة بمعدل ١٦:٩ وبدقة ١٣٦٦ × ٧٦٨ بيكسل والشاشة بتتميز بمعدل تحديث ٦٠ هيرتز معدل الاستجابة 5 مللي ثانية وده تميز في القطاع العادي من الشاشات.

شاشة Acer LED بقطر ١٩٫٥ بوصة

واحدة من أفضل الشاشات العادية واللي بتتميز بإمكانيات جيدة جدًا، الشاشة دقتها ١٦٠٠ × ٩٠٠ بيكسل بمعدل وقت استجابة ٥ ميللي ثانية والشاشة بتدعم ١٦٫٧ مليون لون.

اتعرف على عروض أسعار مختلف شاشات الكمبيوتر المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *