أشهر الساعات السكيمي على ياقوطة

كتب: خالد عاصم

في وقت قصير جدًا قدرت ساعات سكيمي الجديدة إنها تحقق نجاح كبير واستثنائي في السوق المصري وبقى عليها إقبال كبير جدًا من مختلف المستهلكين، ولده أسباب كتير جدًا، أولها إن سوق الساعات الرقمية والرياضية شهد ارتفاع كبير جدًا في أسعاره، ففي ساعات على سبيل المثال بعد ما كان سعرها بيوصل بالكتير لحد ٧٠٠ جنيه بقى دلوقتي يعدي ٢٥٠٠ جنيه، ده غير ارتفاع أسعار الساعات اللي كانت أصلاً غالية، تاني حاجة إن الساعات الرخيصة اللي مانت متوفرة في السوق كانت إما ساعات مقلدة أو ساعات ملهاش علامة تجارية محددة أو معروفة، وهي دي الأسباب اللي خلت ساعات سكيمي تحقق النجاح ده في الفترة القياسية دي.

ساعات سكيمي قدرت توجد بديل متميز للساعات الرياضية الرقمية، قدمت تنوع كبير في الموديلات والتصميم وكمان قدمت صناعة قوية بشكل واضح والأهم من كل ده إنها قدمت سعر منافس جدًا فقدرت إنها تملى فراغ كبير في سوق الساعات ماكانش فيه شركة قادرة إنها تستغل فراغه بسبب ارتفاع أسعار الساعات المعروفة وضعف إمكانيات الساعات الرخيصة.

من خلال المقال ده هنتعرف على مجموعة من ساعات سكيمي المتوفرة في السوق المصري واللي قدرت تحقق نجاحات كبير جدًا في الفترة القصيرة اللي مرت على ظهورها، وطبعًا لو عجبتكم أي ساعة من ساعات سكيمي الموجودة في المقال، هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

مجموعة من أبرز ساعات سكيمي في السوق المصري

ساعة سكيمي ١٠١٦ رجالي ديجيتال انالوج

أول ساعة من ساعات سكيمي اللي هنتكلم عنها واللي كانت من أهم أسباب نجاحها الحالي في مصر هي ساعة سكيمي موديل ١٠١٦ الرجالي واللي بتجمع بين النظام الرقمي (الديجيتال) والنظام الأنالوج (العقارب). الساعة معمولة من الإكريليك وقطرها 4.4 سم، أما الاستيك فمعمول من المطاط بطول ٢٥ سم وعرض من ٢٠ إلى ٢٩ مم. بتتميز الساعة بمقاومتها للماء لحد عمق 50 متر وفيه إمكانيات رقمية كتير جدًا.

شوف ساعة سكيمي موديل ١٠١٦ من هنا.

ساعة سكيمي موديل ١٠٢٥ للغواصين والسباحين

ساعة من أميز ساعات سكيمي الموجه لعشاق الرياضات المائية زي السباحة والغطس وده لأنها مقاومة للمياه لحد عمق ٥٠ متر وكمان بتقدر تشتغل في درجة حرارة من صفر لحد ٤٠ درجة مئوية، الساعة وزنها خفيف بيبلغ ٥٧ جرام بس وأبعادها ٤ × ٣٫٧ سم بسمك ١٫٤ سم، أما حزام الساعة القابل للتعديل فمعمول من البولي يوريتان، الساعة ديجيتال كليًا وبتعرض التاريخ والوقت والمنبه والميقاتي، وبتتميز الساعة ببطارية تقدر تشتغل لحد ١٨ ساعة من الاستخدام في الظروف الطبيعية.

شوف  ساعة سكيمي موديل ١٠٢٥ الموجه للغواصين والسباحين من هنا.

ساعة سكيمي موديل ١٣٣٥ مربعة رقمية رجالي

ساعة جذابة جدًا بترضي بيها ساعات سكيمي عشاق الساعات المربعة اللي بتجمع بين الشكل الجذاب وبين الإمكانيات الرقمية في نفس الوقت، الساعة مقاس ٤٠-٤٨ مم بأسورة معمولة من الستانليس ستيل وبتتميز بوظائف متعددة ومختلفة زي الميقاتي والعرض المزدوج للتوقيت وغيرها كتير من الوظائف الرقمية المتميزة.

شوف ساعة سكيمي موديل ١٣٣٥ من هنا.

ساعة سكيمي الرياضية موديل ١٢٨٤

ساعة رياضية قوية ومتميزة جدًا على مستوى التصميم بتحاكي بيها ساعات سكيمي نفس تصميم أفضل الساعات الرياضية في العالم بنفس الوظائف والإمكانيات وبسعر أقل بكتير، الساعة نظامها أنالوج ديجيتال، وبتتميز بوظائف كتير جدا زي النتيجة وعرض الأسبوع والكورنوجراف ونطاقات الوقت المتعددة وطبعًا المنبه والميقاتي وغيرها، الساعة مقاومة للصدمات ومقاومة لزخات المياه مش للغمر فيها، حزام الساعة معمول من السليكون القوي والخفيف.

شوف ساعة سكيمي الرياضة موديل ١٢٨٤ من هنا.

ساعة سكيمي الرقمية موديل ١٢٣٧

ساعة رقمية بالكامل بتجمع بين التصميم الجميل وخفة وزن البلاستيك وكمان الوظائف المتعددة، فالساعة فيها عرض النتيجة الكاملة وعرض الأسبوع ونطاقات الوقت المتعددة والكورنوجراف والمنبه والميقاتي وكمان فيها إضاءة خلفية لتوضيح البيانات في الإضاءة المنخفضة، الساعة مقاومة لقطرات المياه مش للغمر ولا السباحة وبتتميز بتصميم رياضي وخفة وزن ملحوظة جدا بسبب استخدام البلاستيك في صناعتها.

شوف ساعة سكيمي ١٢٣٧ الرياضية من هنا.

ساعة سكيمي ٩٠٧٥ كاجوال أنالوج للنساء

بتقدم ساعات سكيمي ساعة حريمي متميزة جدا من حيث التصميم اللي بيجمع بين الرقة والعملية والشلك الجذاب وكمان الدقة، الساعة معمولة من الاستانليس بقطر ٣٫٥ سم أما الحزام فمن الجلد بعرض ٢٠ إلى ٢٩ مم، الساعة مقاومة للصدمات ومقاومة للمايه لحد ٣٠ متر ونظام حركتها كوارتز.

شوف ساعة سكيمي للنساء موديل ٩٠٧٥ من هنا.

اتعرف على مختلف ساعات سكيمي المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *