إزاي تعمل صيانة الدفاية بنفسك مع ياقوطة

كتبت: منى عوض

صيانة الدفاية وتنظيفها شيء ضروري ومهم جدًا قبل بداية الشتاء لكنها خطوة محتاجة حذر كبير جدًا خصوصًا إن الغلطة فيها ممكن تضيع أو تبوظ جهاز وجوده مهم جدًا ومعظم الناس بتعتبره في العادة زي الأكل والمياه.

وإحنا في ياقوطة هنساعدك تعمل الخطوة دي بنفسك في البيت وبكل سهولة وأمان عشان تستمتع بشتاء هادئ ودافئ، وكمان هنقولك إزاي تستخدم الدفاية بشكل صحيح وأمن. وفي العموم لو حبيت تشتري دفاية جديدة ومناسبة فممكن تشوف عروض الدفايات على موقعنا وتقدر تطلب اللي إنت عايزه من خلالنا وهيوصلك في أسرع وقت.

بنفكرك إنك ممكن تشتري الدفاية من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح لتنظيف وصيانة آمنة للدفاية

  • دايمًا أول خطوة تفكر فيها قبل ما تبدأ صيانة الدفاية وتنظيفها هي فصل فيشة الكهرباء تمامًا.
  • لو كنت مشغل الدفاية قبل ما تبدأ في تنظيفها وصيانتها فلازم تتأكد من أنها بردت تمامًا الأول.
  • استخدم قماش مايكروفايبر أو قطعة قماش مبلولة بشكل خفيف جدًا جدًا في تنظيف السطح الخارجي للدفاية وممكن تستخدم فرشاة أسنان في تنظيف أركان الدفاية.
  • لو الدفاية بتاعتك هالوجين أو من النوع اللي ليه شبكة فممكن تفك الشبكة دي وتغسلها بالماء كويس وتسيبها تنشف، وبعدين تجيب البلاور أو تشغل المكنسة الكهربائية على خاصية الطرد بحيث إنك تطرد أي أتربة موجودة بداخلها وممكن تمسح الجزء الداخلي والخارجي كمان بقطعة قماش مايكروفايبر ناشفة تمامًا وبعدين تركب الشبكة وتستنى شوية قبل ما توصل الكهرباء وتشغل الدفاية.
  • لو كانت الدفاية من نوع الدفايات الزيت أو الدفايات الكهربائية العادية فيفضل طبعًا إنك تسيبها لمدة يوم كامل لحد ما تجف وكل حاجة ترجع فيها طبيعية وبعدين تشغلها.
  • لو كانت الدفاية الزيت مش بتشتغل بكفاءة عالية بعد التنظيف أو بتطلع روائح أو لاحظت تسرب في الزيت ضروري جدًا تلجأ للتوكيل أو شخص متخصص ومتحاولش تاخد أي خطوات فيها بنفسك.

نصائح لاستخدام الدفاية بأمان تام

  • بعد صيانة الدفاية، حاول بقدر الإمكان إنك متشغلهاش مباشرة بعد إتمام المهمة خاصة لو كانت دفاية زيت ولا تشغلها حتى بعد تحريكها بشكل عنيف أو قلبها بحيث تضمن إن الزيت يرجع يستقر في الجزء السفلي ويكون الوضع أمن تمامًا لتشغيلها.
  • تجنب تمامًا تشغيل الدفاية جنب المفروشات أو المواد القابلة للاشتعال ولا حتى في مكان فيه أطفال أو حيوانات أليفة عشان تبقى مطمن تجاه عدم حدوث أي كوارث.
  • يفضل توصيل فيشة الدفاية بالكهرباء مباشرة ومن غير استخدام أي وصلات كهربائية ولو كنت مضطر إنك تستخدم مشترك يبقى لازم تتأكد كويس جدًا إنه هيستحمل الجهد الكهربائي للدفاية ومش هتسيح بمرور الوقت أو مع الاستخدام الطويل.
  • حاول متسيبش الدفاية شغالة وإنت نايم في مكان مغلق حفاظًا على صحتك وعشان متتخنقش وإنت نايم لأن الدفايات الغاز والهالوجين بترفع نسبة ثاني أكسيد الكربون وأول أكسيد الكربون السام في الجو.
  • متخرجش وتسيب الدفاية شغالة عشان مترجعش البيت تلاقي كارثة.
  • ماتسيبش الدفاية شغالة لفترات طويلة وإنت قاعد حفاظًا على صحتك وتجنبك لتعرضك لنزلات شعبية أو أنفلونزا أو أي نوع من أنواع الحساسية.
  • لو ناوي تخرج من البيت في جو الشتاء البارد فيفضل طبعًا إنك تقفل الدفاية قبل ما تخرج بنص ساعة عشان صحتك ماتتعبش.
  • وإنت بتشتري الدفاية يفضل إنك تختار نوعية الدفايات اللي بتفصل بمجرد تحريكها أو قلبها أو وقوعها من مكانها عشان تضمن سلامتك وسلامة أسرتك.

شوف عروض الدفايات المختلفة المتوفرة على ياقوطة من هنا.

لو عايز تشتري دفاية مناسبة يبقى ممكن تقرأ دليل ياقوطة لشراء الدفايات الكهربائية.

اعرف كمان الاختلافات بين أنواع الدفايات المختلفة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *