إزاي تختار التوستر المناسب، وأشهر أنواعه على ياقوطة
كتبت: منى عوض
ناس كتير بتحب تفطر الصبح خبز توست محمص مع جبنة أو مربى أو زبدة أو أي حاجة مفيدة وتدي طاقة، وبالتالي هيكون وجود التوستر شيء مهم في البيوت وكمان المكاتب. بس السوق ماليان أشكال وألوان من التوستر ده وفيه ناس كتير بتحتار في عملية الاختيار.
عشان كده هنتعرف النهارده من خلال ياقوطة على دليل شامل لاختيار التوستر المناسب، وكمان هنوضح أكتر موديلات التوستر شهرة على الموقع، ولو عجبك أي حاجة من اللي هنستعرضها في مقالنا وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أنواع التوستر
التوستر الرأسي
التوستر الرأسي بيمتاز بتصميمه البسيط وسهولة استخدامه وحجمه الصغير لأنك كل اللي هتعمله هو إنك تحط شريحتين أو أربع شرائح من التوستر- عدد الشرائح بيتوقف على نوع التوستر ثنائي ولا رباعي- وتحدد درجة التحميص أو التسخين اللي إنت عايزها وتشغل الجهاز واستمتع بعدها بالتوست المحمص الشهي.
صانع السندوتشات
صانع السندوتشات مريح جدًا في استخدامه وسريع، فهو قادر على تسخين وتحميص الخبز وتقدر كمان تضيف للخبز أي حشوة إنت عايزها خلال عملية التحميص أو التسخين، ده بجانب أن الجهاز ده ممكن استخدامه في عمليات شوي اللحوم أو الخضروات أو الأكلات البسيطة دي.
توستر ملحق بفرن أو ميكروويف
الجهاز ده بيبقى عبارة عن فرن أو ميكروويف وفيه جزء مخصص لتحميص وتسخين للخبز وده بيكون شكل درج أو رف صغير، وبالتالي فهو قادر على تسخين وتسوية الأطعمة المختلفة بجانب المهام بتاعة تحميص وتسخين الخبز.
معايير اختيار التوستر
حجم التوستر
حجم التوستر بيتحدد بناءً على عدد شرائح الخبز اللي هيتم تسخينها أو تحميصها في المرة الواحدة، بمعنى إنك لو اختارت التوستر الرأسي، على سبيل المثال، فلازم تحدد إنت محتاج تسخن شريحتين خبز في المرة الواحدة ولا أربع شرائح وهكذا.
المادة المصنوع منها التوستر
السوق مليان أشكال وألوان من أجهزة التوستر يعني هتلاقي أجهزة مصنوعة من مادة الاستانلس ستيل وأجهزة مصنوعة من مادة الكروم وفيه أجهزة تانية مصنوعة من البلاستيك القوي المقاوم للكهرباء ودرجات الحرارة العالية.
الميزانية
الميزانية اللي إنت محددها عامل مهم جدًا في اختيار التوستر، يعني ماينفعش أكون حاطط ميزانية 300 جنيه واروح اختار توستر بـ 1000 جنيه وهكذا.
معايير أخرى
يفضل دايمًا اللجوء لأجهزة التوستر اللي بتتميز بوجود لمبة صغيرة بتُعتبر مؤشر على ما إذا كان الجهاز ده شغال أو لأ، وكمان الأجهزة اللي بتمتاز بوجود تايمر يساعدك في الوصول لدرجة التحميص أو التسخين اللي أنت عايزها وهكذا.
موديلات التوستر الأكثر شهرة على ياقوطة
توستر بلاك آند ديكر ET122-B5
المواصفات
- مادة صنع التوستر: الأستانلس ستيل المقاوم للصدأ.
- القدرة الكهربائية: 800 وات.
- عدد شرائح الخبز: شريحتين.
- مستويات التسخين والتحميص: 7 مستويات.
المميزات
- هيكل التوستر مزود بخاصية كول تتش cool touch اللي بتخليه آمن تماما للاستخدام المنزلي وآمن على الأطفال.
- من السهل تنظيف التوستر لأنه بيحتوي على صينية مخصصة لجمع فتات الخبز وبالتالي تنظيفها بسهولة.
- من السهل تخزين التوستر لأنه بيجي بحجم مضغوط ومش بيشغل مساحة كبيرة.
- التوستر مزود بإمكانية التحكم الإلكتروني بالتحميص والتسخين وإزالة الصقيع عن الخبز وكمان إلغاء المهام.
- نظام الدفع الأوتوماتيكي اللي بيعمل على إخراج الخبز بمجرد الانتهاء من المهمة المطلوبة يعني سواء تحميص أو تسخين.
العيوب
- التوستر بيفتقر لوجود تايمر عشان تقدر تحدد مدة التسخين أو التحميص اللي إنت عايزها.
ممكن تشوف توستر بلاك أند ديكر ET122-B5 من هنا.
توستر ميانتا TO21409A
المواصفات
- مادة صنع التوستر: الأستانلس ستيل المقاوم للصدأ بجانب البلاستيك المقاوم للحرارة.
- القدرة الكهربائية: 800 وات.
- عدد شرائح الخبز: شريحتين.
- مستويات التسخين والتحميص: 7 مستويات.
المميزات
- من السهل تنظيف التوستر نظرًا لاحتوائه على صينية لجمع فتات الخبز.
- التوستر بيشغل مساحة تخزينية صغيرة جدًا.
- التوستر مزود بإمكانية التحكم الإلكتروني بالتحميص والتسخين وإزالة الصقيع وإلغاء المهام.
- نظام الدفع الأوتوماتيكي لإخراج الخبز بمجرد انتهاء المهمة المطلوبة.
- التوستر مزود بمؤشر LED.
العيوب
- التوستر مفيهوش تايمر.
ممكن تشوف توستر ميانتا TO21409A من هنا.
صانع السندوتشات من ميانتا SM27409A
المواصفات
- مادة صنع الجهاز: الاستانلس ستيل المقاوم للصدأ والحرارة.
- القدرة الكهربائية: 750 وات.
- عدد الشرائح: 3 شرائح.
المميزات
- من السهل تنظيف صانع السندوتشات من خلال فرشاه ناعمة أو قطعة قماش مبلولة ويفضل الابتعاد تمامًا عن سلك المواعين أو أي مواد خشنة عشان ماتتسببش في خدش الجهاز.
- الجهاز سريع جدًا في تحضير السندوتشات والتوست والفينو وما إلى ذلك.
- الجهاز حجمه مناسب ومش بيشغل مساحة كبيرة أثناء تخزينه.
- الجهاز مزود بلمبة إشعارات LED لتوضيح ما إذا كان الجهاز واصل بكهرباء أو لأ.
العيوب
- الجهاز مش مزود بتايمر ولا شاشة عرض لمعرفة درجة حرارته أو فاضل قد إيه على انتهاء المهمة المطلوبة.
- الجهاز مش بيفصل بشكل أوتوماتيكي بمجرد الانتهاء من إعداد السندوتشات.
ممكن تشوف صانع السندوتشات من ميانتا SM27409A من هنا.
صانع السندوتشات من فيرست WDS101B
المواصفات
- مادة صنع الجهاز: الاستانلس ستيل المقاوم للصدأ والحرارة.
- القدرة الكهربائية: 640 وات.
- عدد الشرائح: 3 شرائح.
المميزات
- من السهل تنظيف الجهاز وتخزينه كمان لأنه مش بيشغل مساحة كبيرة أثناء تخزينه.
- الجهاز سريع جدًا في تحضير السندوتشات والتوست والفينو وما إلى ذلك.
- الجهاز مزود بلمبة إشعارات LED.
العيوب
- الجهاز مش مزود بتايمر ولا شاشة عرض.
- الجهاز مش بيفصل بشكل أوتوماتيكي بمجرد الإنتهاء من إعداد السندوتشات.
ممكن تشوف صانع السندوتشات من فيرست WDS101B من هنا.
اعرف مع ياقوطة تاريخ التوستر ما بين الماضي والحاضر.
ممكن تشوف مقال بيضم نصائح ومهارات عشان تخلي الأجهزة بتاعتك تعيش فترة أطول.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.