إيه هو أفضل تكييف: شارب ولا كارير ولا إل جي؟
كتبت: منى عوض
الصيف قرّب وحر الصيف بدأ يهجم علينا وكتير مننا مش بيقدر يستحمل الحر وبيحس إنه هيسيح خلاص، وبالتالي كتير من الناس بيقرر إنه يشتري تكييف، ولكن تبدأ الحيرة هنا بقى أي نوع تكييف أحسن وأي تكييف هيبقى أنسب وعملي، وعشان كده إحنا في ياقوطة هنتكلم النهارده عن أحسن تلات موديلات في السوق وهم (تكييف شارب، وكارير، وإل جي) وهنعرف من خلال المقال ده الفرق بينهم وكل التفاصيل الخاصة بيهم.
المواصفات
- خاصية التشغيل التلقائي. بالنسبة لتكييف شارب، إذا انقطعت الكهرباء ورجعت مرة تانية التكييف بيرجع يشتغل من تلقاء نفسه، وكمان كارير طورت التقنية دي مؤخرًا، أما إل جي فطورت التقنية دي كمان، ولكن عملتلها زرار مخصوص عشان يتم تفعليها أو ممكن إيقاف الخاصية لو مش عايزها.
- الوحدتين الخارجية والداخلية في التكييف. عادة بتقوم شركات صناعة التكييفات بشكل عام بطلاء الوحدات دي بدهانات مقاومة للتآكل والصدأ عشان تحافظ على شكل التكييف وتطول عمره.
- فلاتر التنقية البلازما. البلازما كلاستر بتعتبر واحدة من أهم العناصر الموجودة في أي تكييف، لأنها بتنقي الهواء وتخلصه من الأتربة والفيروسات وبالتالي توفير هواء صحي، وبالفعل التلات شركات بتوفر الميزة دي في تكيفاتها بشكل فعال وجودة عالية، ولكن إل جي عاملة النظام باسم نيو بلازما وعاملة مصفاة مضادة للفيروسات.
- مستوى الصوت. عادة تكييفات شارب وإل جي بتكون مزود بخاصية كتم الصوت عشان تساعدك في الشعور بالراحة وهدوء خلال تشغيل التكييف، وده على عكس تكييف كارير اللي بيصدر صوت عالي أثناء التشغيل.
- التنظيف الذاتي. التنظيف الذاتي بيتم عن طريق أيونات البلازما اللى بتدخل للوحدة الداخلية وتحميها من تكوين الفطريات جواها وبالتالي زيادة كفاءة التكييف، ودي خاصية موجودة في التلات تكييفات وبتشتغل بكفاءة كويسة فيهم خصوصا تكييفات شارب.
- استهلاك الكهرباء. في ظل غلاء الأسعار اللي بقينا عايشين فيه هتلاقي إن الناس دايمًا أول حاجة بتدور عليها هي التكييفات الموفرة في استهلاك الكهرباء وده اللي دعمته شركات كتير في إصدارات التكييفات بتاعتها يعني مثلا شارب وأل جي وكاريير زودت أجهزتها بتقنية جديدة أسمها inverter دي بتعمل على توفير استهلاك الكهرباء بنسبة ٤٠٪.
- التشغيل عن بعد. سواء تكييف كارير أو شارب أو إل جي هتلاقي إنها مزودة بجهاز تحكم عن بعد (ريموت كنترول) اللي بيتيح استخدام كل وظائف الجهاز عن بعد، وكمان تقدر تتحكم في تكييف شارب-بجانب الريموت كنترول-عن طريق لوحة التحكم الموجودة فيه.
- خاصية التربوكول التبريد فائق السرعة. الخاصية بتقوم بتغير درجة حرارة الأوضة من شديدة الحرارة إلى باردة في أقل وقت ممكن وهي موجودة بكفاءة في كل التكييفات، خاصة شارب وإل جي اللي الأجهزة بتاعتهم عادة بتعرف تتعامل بشكل كويس مع حالات الطقس المتقلبة.
- التشغيل أثناء النوم. تقريبا كاريير وشارب الوحيدين اللي بينفردوا بالميزة دي، اللي بتسمحلك أنك تسيب التكييف شغال وإنت نايم وهو هيفصل تلقائيًا بمجرد وصول الأوضة لدرجة تبريد مناسبة.
- خدمات ما بعد البيع. شارب بتقدم خدمات مميزة لمرحلة ما بعد البيع وضمان غير مشروط لمدة خمس سنين على تكيفاتها على عكس إل جي وكارير اللي بيقدموا ضمان مشروط. يعني شارب مش بتحط شروط عشان يسري الضمان على تكييفاتها زي مثلًا لو التكييف باظ بسبب انقطاع الكهرباء ورجوعها مرة تانية هتلاقي أن ضمان شركات إل جي وكارير بيبقى لاغي على عكس شارب.
رأي الخبراء
عشان نقدر نقيم التكييفات دي بشكل أكبر ونحدد أفضلهم، قررنا أننا نسأل الخبراء اللي شغالين في التكييفات أو في منافذ بيعها، وكان أول واحد توجهنا ليه هو المهندس مصطفى مجدي، وكان رده كالآتي:
- عمومًا نظام التكيفات بيبقى ماشي على حسب اللي كل واحد عايز يدفعه، ولو جينا قارنا بين تكييفات السخن والبارد في الثلاث شركات قدرة الـ ١٫٥ حصان، على سبيل المثال، هنلاقي إن LG سعره أغلى ولكنه أفضل نوع لأنه مابيعطلش كتير بس رغم كده هتلاقي إن الـ options اللي فيه مش كتير ومش متناسبة مع ارتفاع سعره، وكمان مش موفر في استهلاك الكهرباء بالشكل الكبير، أما تكييف كارير فبيُعتبر موفر بشكل أكبر في الكهرباء وبيتميز بمميزات أكتر ولكنه بيسرب الفريون وكمان صوته عالي وكمان بيعطل بشكل أسرع وأكتر من LG، نيجي بقى لتكييف شارب فهو سعره مناسب وقريب من سعر كارير ولكنه أفضل بكتير من كارير وأعطاله قليلة واستهلاكه للكهرباء أقل من الباقيين.
- ورغم إن الفكرة دايمًا بتدور حولين الشركة المصنعة للتكييف وتمييزها في أنهي فئة من فئات التكييف، إلا أنه لازم برضه المستهلك يحط في باله، وهو بيشتري التكييف، هو عايز يحطه فين ومساحة المكان اللي عاوز تبريده، ودرجة نقاء الهواء وكمان يشوف استهلاك التكييف للكهرباء وهل الشخص ده محتاج سخن وبارد ولا بارد بس. لأن كل ما المميزات اللي في التكييف بتقل كل ما حجم الأعطال اللي ممكن يتعرضلها التكييف تقل وسعر التكييف كمان بيقل.
- عادة بيكون السبب الرئيسى لأعطال التكييفات هو طريقة الاستخدام، يعني بعض المستهلكين مش بياخدوا بالهم إنهم لازم يقفلوا المكان أثناء تشغيل التكيف، فالتكييف بالتالي بيشتغل بأقصى قدر من الطاقة عشان يوصل الهواء اللي في المكان لدرجة الحرارة المطلوبة وده بدوره بيؤدي لضغط عالى على الكباس (compressor) وبالتالي تسريب الفريون واستهلاك طاقة أكبر، وكمان أحيانًا بيكون التكيف محتاج يشحن فريون والناس تشغله عادي وبالتالي تحصل مشاكل فى دورة التكيف أو الكباس يتحرق وده سبب تاني لعطل التكييفات، أما أهم مشكلة هي أن يكون المكان كبير على كمية الهواء اللي التكييف بيخرجها وبالتالي التكييف يشتغل زيادة، وده بيؤدي لرفع استهلاك التكييف والكهرباء وتعرض التكييف لأعطال أكتر.
ولما سألنا الأستاذ محمد فرماوي، موظف المبيعات في أحد فروع بي تك، قال إن الثلاث تكييفات عموما كويسين، بس شارب زودت تكييفاتها بتقنية جديدة أسمها (inverter) اللي بتعمل على توفير ٤٠٪ من الطاقة الكهربائية على عكس التكييفات التانية، ده غير إنها بتتميز بضمانها ضمان العربي، وخدمات ما بعد البيع المميزة ده غير كمان قطع الغيار المتوفرة بشكل مجاني طول فترة الضمان لو كان المنتج فيه عيب صناعة وكمان ممكن تستبدل المنتج لو المشكلة اللي فيه اتكررت.
- وأضاف أن أكتر حاجة الناس بتركز عليها عند شراء التكييف هي استهلاك الكهرباء وخدمة ما بعد البيع لأن التكييفات معرضة لأنها ماتشتغلش فترة طويلة (يعني بتشتغل ٣ شهور الصيف وتتقفل ٧ شهور) فبتحتاج دايمًا لصيانه أو أنها تتشحن فريون كل فترة، وقال كمان أن الناس دايما بتقيم LG وشارب على إنهم أقوى اتنين في خدمه ما بعد البيع ده غير إن ٩٠٪ من الناس دلوقتي بتروح لتكييفات شارب.
شوف أكتر ٧ تكييفات شهرة على ياقوطة في عام ٢٠١٧ من هنا.
لو عايز تعرف إزاي تختار التكييف المناسب يبقى ده دليل الأمثل.
وكمان ممكن تشوف الدليل ده لاختيار التكييف.
أما لو عايز تواجه حرارة الصيف من غير تكييف يبقى لازم تقرأ الحلول المبتكرة الموجودة في المقال ده.
وشوف أنواع التكييفات المتاحة في السوق من هنا.
لو جربت تكييف شارب أو إل جي أو كاريير هنستناك تحكيلنا تجربتك في كومنت.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
بكل تاكيد وعن تجربه..شارب
عاوز اشتري تكييف ٢.٢٥ انفرتر لغرفه ١٦ متر شارب ولا ال جي
خيارين ممتازين يا افندم
شوف السعر اللي حضرتك محدده واختار على أساسه
وهل محتاج إنفرتر ولا لأ
انا محتاجه اعرف المواسير بتاعت تكييف شارب المونيوم ولا نحاس؟
لان كتير بيقولنا ان الالمونيوم مش حلو وانا محتاره ف اي نوع افضل
أهلًا يا إسراء 🙂
الأفضل تتواصلي مع توكيل شارب، المعلومة عنده هتكون أكيدة
ايهما افضل شارب ولا تورنيدو من الناحية الفنية
شارب يا افندن أفضل من تورنيدو
في تكييفات شارب بالمواسير الالمونيوم بس للأسف معدن ضعيف واي حاجة هتأثر فيه
لكن ككفاءة فهو الافضل
تكييف شارب اللي فيه المواسير ضعيفه ، ده المستورد او اللي بيتم تجميعه في مصر
تكييفات شارب الموجودة في السوق المصري بيتم تجميعها هنا، في مصانع العربي 🙂
لكن لا تنصح بشراء تورنيدو رغم انهم يقولون نفس كباس شارب لانهم الاتنين شركة العربى
تم الرد
فعلا ألمونيوم و عمرها قصير بس بدي سرعة تبريد و لاكن لو حصل تأكل أو تسريب مش ينفع يتصلح
تكييف شارب 1.5 حصان بارد ساخن ديجيتال بلازما المواسير بتاعه نحاس
تم الرد بالكومنتات السابقة يا افندم
والله انا عندي تكييف باور
بطلع عينه
محبتش اشتري شارب او كاريير خصوصا انه مزعج وعالي ومكنش ساعتها اعرف ان في تكييفات ال جي الكلام دا من ٢٠١٣
ومكنش ظهر الانفرتر
عموما احب اقول رسالة
التكييفات كلها زي بعض مفيش فرق
وكلهم هيواجهوا مشكلة فالاجواء الشديدة لان كفاءة التبريد متوقفة على الهوا الخارجي وكمان الكباس لو الكباس سخن هيفصل اي كان نوعه
انا مبسوط جدا بباور وانصح بيه وانا عايز اجرب الانفرتر بس للاسف باور مبتصنعش التكييف دا
وانا بنصح بالانفرتر لانه هيريحك فالفاتورة عن العادي
وصدقني التكييفات كلها محصلة بعض بس ياريت تخلي يونيون اير اخر اختيارك لانها اكتر تكييفات شوفتها بتتغير وبتتصلح
هو مين توكيل ال جي في مصر؟ انا كنت هجيب التكييف بتاعهم بس ناس حذروني انه مالوش توكيل و هتبهدل مع مراكز الصيانة، عكس شارب اللي معروف توكيلة العربي، حد يقدر يفيدني لو سمحتم؟
أهلًا بيك يا أحمد 🙂
مين قال كده بس، شركة LG موجودة في مصر ل
وليها توكيلات في أكتر من مكان
عمومًا تقدر تتواصل مع الخط الساخن بتاعهم وتبلغهم بعنوانك، وهتعرف منهم أقرب موزه معتمد ووكيل ليك
وممكن كمان تتواصل معاهم عن طريق الـ Chat من على الموقع الرسمي ليهم
ومبروك مقدمًا 😀
شارب افضل بكثير
ممكن تكلمنا عن تجربتكم أكتر معاه 🙂
فين باقى مواصفات ال جى
نسيت ال DUAL COMPRESSOR
ضمان عشرة سنوات كاملة بيوفر 60% من الكهربا
أهلا أبو آدم
كلامك سليم، الفكرة إن وقت كتابة المقال (أكتر من سنة) كانت إل جي ما نزلتش تقنية الـ DUAL COMPRESSOR
وتابعنا هتلاقي كل جديد في عالم التكييفات على ياقوطة
وقريب قوي هتلاقي مقالات عن كيفية شراء تكييف مثالي 🙂
ممكن أعرف أحسن تكييف يتحمل وموفر في الكهرباء وأحسن تكنولوجيا دلوقتي في شهر مايو 2019
معظم الموديلات اللي في السوق ممتازة يا افندم.. ممكن حضرتك تشوف المساحة اللي عندك، وتختارمن الموديلات المختلفة وكمان التقنيات المتعددة زي الإنفرترت (مع إنه غالي شوية) أو البلازما، وحتى فيه موديلات تقدر تتحكم في فتح وغلق التكييف عن طريق الموبايل
وقريب قوي هتلاقي مقارنة مفصلة من خلالنا بين أقوى التكييفات في مصر
هل تكنولوجيا DUAL COMPRESSOR اللي موجودة في LG أفضل من تكييفات SHARP دلوقتي.
أهلًا بيك يا افندم
تقنية الـ Dual Inverter Compressor متاحة بالفعل في أكتر من موديل لإل جي
هل فعلاً أجهزة كاريير هي بس اللي المواسير فيه نحاس مش ألومنيوم زي باقي الموديلات حالياً
لا يا افندم.. فيه انواع تانية
لكن فيه مشكلة لاحظنا تكرار الشكوى منها وفي اكتر من منكقة ومن اكتر من مستخدم، وهي تسريب الفريون.. عادة الفريون بيتسرب في اول سنة او ستة ونص وبيتم شحنه على حسابك الخاص
da takyeef sharp ely fe elmmoshkela d ?
أنهي مشكلة يا افندم؟؟
ايهما افضل توفيرا للكهرباء و خدمة الضمان بعد البيع بالاسكندرية شارب ام LG?
على حسب الموديل اللي حضرتك هتشتريه يا افندم شواء انفرت أو عادي، اما بخصوص خدمة ما بعد البيع فللأسف من فترة وفيه شكاوى متكررة من خدمة ما بعد البيع لتشويبا العربي مقارنة بإل جي
عايز نصيحة اجيب تكييف انفرتر واحد ونص حصان شارب ولا انفرتر واحد ونص حصان ال جى
واية النوع ساخن بارد ولا بارد فقط والنوع لان فيه موديلات فى ال جى
وهل صناعة ال جى مازالت تركية
ساخن بارد، أو ساخن بس دي ترجع لاختيارك يا أ. أحمد
الماركتين مميزتين فعلًا، وإن كان فيه تفوق نسبي لإل جي كقوة ومتانة وخدمة ما بعد البيع
إل جي منتجاتها عمومًا مش بتكون من بلد واحدة.. على حسب المنتج بتكون بلد صناعته
خدمة الضمان بالنسبة لتوشيبا وال جى ايهم افضل
حاليًا فيه مشاكل من خدمة ما بعد البيع لتوشيبا العربي، وتأخير دائم في الاستجابة للأعطال
انا عايزه اشترى تكييف يوفر الكهربا …بالقنيه الحديثه ..،1,5 حصان … بارد .. بالبلازما …
شارب، أو إل جي يا افندم
لكن شارب خدمة ما بعد البيع ليه الفترة الاخيرة مش بالقوة الكافية
استاذ محمد عبد الرحمن ايه افضل تكييف في الاصناف دي و يكون موفر للكهرباء و مفيش اعطال و مواسيره نحاس (جري انفرتر بايونيير /ال جي داول كمبروسر بيوفر 60%كهرباء /كاريير انفرتر توفير 50% كهرباء/زانوسي الجديد 2019تركي /ايس بيرج انفرتر التركي /ايرا بالطاقه الشمسيه و تكنولوجيا الهايبرد بيوفر 60% كهرباء/شارب انفرتر و هل هو المونيا و لا نحاس /دايا /وايت ويل 2019/بريفيكس/سامسونج انفرتر بيوفر 40%كهرباء/بوش الالماني صيني /ترين ) انا رايحه اشتري بكره فلازم ترد علي لاني باثق في حضرتك??
يا افندم دي ثقة كبيرة ويا رب أكون قدها
شارب فعلًا المواسير بتاعته ألومنيوم، ولو اتخرمت صعب تتصلح، لكن ده لو اتخرمت، ومن خلال متابعتنا لكتير من تجارب المستخدمين ماسمعناش عن ماسورة اتخرمت، الميزة الأكتر للنحاس هي (سرعة التبريد نسبيا عن الألومنيوم)
عموما الاهم من انهي نوع هي دمة الصيانة وما بعد البيع لانها بتفرق جدا جدا فعلا
افضل نوعين في المعروضين من حضرتك هم إل جي، ويليه سامسونج.. وفيه كمان كرافت.. كرافت تكييف قوي ومحترم وفيه أكتر من مشروع بيعتمد عليه في تبريد سيرفرات أجهزته، أو حتى الكباين اللي بتتعمل للفنيين والمهندسين في المواقع ودي بتكون مواد تصينعها غير عازلة للحرارة قوي، وتبريده ليها قوي جدًا، ومفيش شكاوى ملموسة منه
ال جي ميزتها غير قوة اجهزتها خدمة ما بعد بيع مميزة واعطال اجهزتها عموما قليلة. يعيبها بس السعر الغالي شويتين
سامسونج اسم تقيل وان كان الاقبال على تكييفاته اقل شوية من غير سبب معروف
طبعا شارب كويس وقوي وبيعيش بالرغم من تدني خدمة ما بعد البيع ليه في الفترة الاخيرة بشكل قوي
كارير كويس لكن فيه اكتر من شكوى من تسريب الفريون ليه خلال السنة الاولى ورغم ان الشركة بتنفي ده وبتتهم الفني اللي ركب لكن المشكلة ملموسة وفي اكتر من منطقة
وده رد مش إعلان طبعا لاي شركة 😀
ومبروك مقدما
متشكر جداً لكم على تواصلكم وسعة صدركم …
أنا مقبل على شراء تكييف، وعاوز أستفسر عن كم نقطة من فضلكم:
1. هل المستعمل استعمال خارج كله بيكون سيء؟ ولو هشتري واحد مستعمل أفتش فيه عن ايه ؟
2. ايه تقييم شركة تي سي ال؟
3. شركة فريش؛ ايه أكتر المشاكل اللي فيها حالياً ؟
4. ايه أفضل تكييف في موديلات الـ1.5 حصان؟
5. قدامي عرض تقسيط نصف السعر على 6 شهور بدون فوائد على تي سي ال وفريش ويونيون اير، ايه أفضلهم؟
وشاكر جداً لكم مرة تانية
مش هقدر أفيدك يا افندم كفاية في المستعمل..
شركة تي سي إل مالهاش سمعة قوية في الأسواق وعند المستخدمين
شركة فريش طورت من نفسها الفترة الأخيرة وتلاشت عيوب كانت واضحة في موديلاتها اللي فاتت.. لكن عمومًا هي لسه التقفيل بتاع منتجاتها مش قوي كفاية يعني نفس المنتج ممكن يكون متقفل كويس عندك وعند غيرك لأ. والفنيين بتوعهم مستواهم مش قوي ودي تجربة أكتر من مستخدم، والفريون بتاعه بيهرب
أفضل موديلات الـ 1ز5 حصان هتلاقيها في الرد السابق، وع الموقع فيه اكتر من ريفيو تقدر تدخل وتشوف وتقارن الانسب ليك
ابعد عن يونيون إير تماما
و مكيفات تـــريــن رأيك فيها ايه ؟
في الأصل هو صناعة أمريكي، خدمة ما بعد البيع كويسة، والفنيين شطار.. مالوش شهرة كبيرة في الأسواق عمومًا، وجت منه شكاوى من تهريب فريون لكن مش بشكل واسع
في المجمل هو كويس
تمام شكرا جزيلا لك
العفو
ايه رايك في تكييفات جري و أي موديل منه أفضل
تكييفات كويسة يا افندم، ومن الشركات اللي بتعمل تكييفات من اول واحد وربع حصان كمان
اسعارها معقولة وفي منها موديلات بالانفرتر، ومميز كمان بتبريد تربو
تختار حسب مساحة المكان اللي انت فيه
هل هي موجودة في السوق
هي إيه يا افندم
لو سمحت استاذي الكريم
تواصلت مع شركة بخصوص مكيفات ال جي 3 حصان لكن اعطوني رقم موديل لم ا عثر عليه و هو
DS-W246K3A0
ممكن تفيدني هل الموديل قديم و لا جديد
و ايه عيوبه و جزاك الله كل خير
تم الرد
لو سمحت استاذي الكريم
تواصلت مع شركة بخصوص مكيفات ال جي 3 حصان لكن اعطوني رقم موديل لم ا عثر عليه و هو
DS-W246K3A0
ممكن تفيدني هل الموديل قديم و لا جديد
و ايه عيوبه و جزاك الله كل خير
بالتواصل مع الشركة مفيش موديل بالاسم ده ولكن فيه موديل اسمه
DS-W246K3A0
وده مميز جدًا
أخي الكريم هو نفس الموديل اللي انا كاتباه و اسأل عنه
ياريت لينك أو صور ليه بعد اذنك
https://www.lg.com/eg_en/split-air-conditioners/lg-DS-W246K3A0
ياريت يا افندم تراجع ردي على حضرتك قبل كده.. وده النص بتاعه
((بالتواصل مع الشركة مفيش موديل بالاسم ده ولكن فيه موديل اسمه
DS-W246K3A0
وده مميز جدًا))
حضرتك باعت لينك للمنتج اللي ذكرته ليك
🙂
ممكن رلي حضرتك في يونيون اير
ما أنصحش بيه يا افندم
انى احسن شارب ولا كرير
ممكن حضرتك تشوف الردود اللي قبل كده واللي بتتكلم عن كل نوع ده غير مواضيعنا المختلفة عن التكييفات
تكييف باور افضل و لا شارب
شارب
طب بالنسبه حضرتك للبمادل الالمونيوم فيه اي ضرر يعني لو اتخرمت المواسير مش الشركه ممكن تبدلها عادي و لا التكييف كدا خلاص ملهش لزمه؟؟!
الشركة طبعًا يا افندم بتصلح المواسير في الضمان، وبره الضمان كمان
طب بالنسبه حضرتك للبمادل الالمونيوم فيه اي ضرر يعني لو اتخرمت المواسير مش الشركه ممكن تبدلها عادي و لا التكييف كدا خلاص ملهش لزمه؟؟!
و لا اعتمد واجيب ال جي واريح دماغي..
تم الرد
مقال حضرتك افدني كتير اشكرك جدا ومستنين المزيد عن باقي الاجهزه المنزليه ومميزات وعيوب
يارب يجعله ف ميزان حسناتك
تحت أمرك يا افندم 🙂
طب ممكن اعرف لو هنقارن بين توشيبا وسامسونج وميديا اختار انهى فيهم كضمان وخدمه عملاء واداء
وشكرا
أداء.. التلاتة أدائهم كويس جدًا
لكن هنا هتلاقي اختلاف في الأسعار
أقلهم في السعر ميديا
بعد كده توشيبا وسامسونج متقاربين لكن فيه ارتفعا قليل لسامسونج
خدمة عملاء أسوأهم حاليا توشيبا بسبب تأخيرهم في الاستجابة للعملاء
متشكر جدا لرد حضرتك
بس انا محتار جدا ف حاجه
انا دور اخير والاوضه 3*4
فى ناس قالتلى هات 1.5 عادى
وناس قالتلى 2.25 عشان الاحمال
مش عارف بصراحه اختار ايه لو مش هتقل ع حضرتك
التكييف الـ 1.5 حصان بيكفي مساحة من 10 لـ 15 متر تقريبًا
لكن طالما حضرتك دور أخير يفضل يكون أكبر من كده عشان بيحتاج جهد أكبر للتبريد وده بيكون حمل كبير عليه وكمان ع الكهرباء
يفضل تجيب 2.25 حصان
انا هروح اشترى تكييف يابيشمهندس محمد بس بسال حضرتك اجيب تكييف ال جى دوال انفرتر 1.5 حصان او اجيب شارب انفرتر 1.5 حصا ن بس ياريت تقولى انتا لو رحت تشترى جهاز تكييف لبيتك هتشترى اية ؟؟
والله يا افندم لو هشتري لبيتي هكون محتار جدًا بينهم الاتنيين مميزين فعلًا
لو اخترت أي واحد فيه ممش هتندم إن شاء الله
عمومًا التقنية في الاتنيين مميزة ومفيش تفوق ملموس لأنفرتر واحد عن التاني 😀
والسعر بيحكم هنا.. حضرتك تشوف ميزانيتك وحدد على أساسها
ولو لاقيت فرق إل جي من شارب مش كبير عليك هات إل جي
لو سمحت انا عاوزه اشتري تكييف واحد ونص حصان بارد فقط ومش عارفه اختار بين ميديا وكرافت وتورنيدو ايه الاحسن فيهم من حيث الصوت والكفاءوايه فيهم
مواسير نحاس
بلاش تورنيدو
مش وحش لكن كاسم وسط اللي حضرتك مرشحهم يعتبر أقل واحد فيهم
كرافت كويس جدًا، ويليه ميديا (وخلي بالك من تسرب الفريون)
هيقولوا ده عيب اللي ركب يا باشا، ما تقلقش
لأكن تم رصد أكتر من حالة تسريب فريون خلال أول سنة ونص لتكييفات كارير (هي ميديا)
بيشحنوها على حسابهم طبعا لكن مهم تكون عارف
غير كده ميديا شغال كويس وهو نفس تكييفات كارير لكن باسم مختلف واقل سعر
طيب أيه رأي حضرتك فى تكييف Media .
هي نفس شركة كارير
تكييفات كويسة كقيمة مقابل سعر
لو هنقارن بين ال جى وسامسونج وشارب وكاريير
ممكن ترتيب من وجهه نظرك يا هندسه ؟
موجود يا افندم في الردود اللي قبل كده 😉
لو سمحت يا باشمهندس
أيهما افضل … شارب أم كارير ؟
وما هو أفضل نوع من كارير 1.5 حصان بالتقنية الحديثة ورينج السعر كام ؟
أفضل نوع من شارب 1.5 حصان بالتقنية الحديثة إسمه ايه ورينج السعر كام ؟
أشهر موديل لشارب حاليًا هو شارب بلازما اسبليت ومميز بمؤقت لغاية 12 ساعة
أما كارير 1.5 أوبتي ماكس فهو مميز برضه
لكن الاتنيين دول اسبليت، ومهم المكان اللي عندك يقبل تكييف اسبليت مش شباك
الأسعار من ياقوطة تقدر تعرف وتشوف وتقارن بين الأسعار المختلفة 🙂
انا كنت عايز اجيب ال جي انفرتر. .. وعاجبني اوي التقنية بتاعتها وانها سمارت .. ولكن كتير حذروني من خدمة ما بعد البيع وان قطع الغيار مش بتكون متوفرة بعد كده لو حصل حاجة لا قدر الله .. فايه راي حضرتك ؟
شكرا
خدمة ما بعد البيع لإل جي مميزة في أغلب أجهزتهم ومفيش شكوى متكررة منهم، وسرعة الاستجابة كويسة
أما بالنسبة لقطع الغيار فهي غالية بعد انتهاء فترة الضمان لإنها مستوردة. وهي متوفرة.
ولو مش متاحة عندهم بيبعتوا يجيبوها فعلًا ومفيش أي تسويف
فى الاول عايز اشكر حضرتك جدا على مجهودك معانا انتا انسان محترم يامهندس محمد وممكن اعرف من حضرتك انا هشترى تكييف ال جى بس فى نوعين فى السوق دوال انفرتر وسمارت انفرتر اية الفرق اللى بينهم وتنصحنى اشترى اية فيهم؟؟؟
ه
شكرا لذوقك يا أفندم
الاسمارت بيتيح ليك ربط الجهاز بالموبايل الخص بيك، وتقدر تتحكم في فتح وقفل الجهاز والتحكم في درجة الحرارة من موبايلك
يعني لو انت بره البيت وقربت منه تقدر تدي أمر التكييف يشتغل قبل ما توصل ولما توصل تلاثي المكان درجة حرارته كويسة بدل انتظار التبريد
ودي أهم نقطة في الاختلافات
وكارير كمان بتدقم التقنية دي مع جهاز منفصل بيتوصل بالتكييف تمنه تقريبا جنيه
ماذا عن تكييف وايت ويل
٥ حصان
و خدمة ما بعد البيع
وايت ويل عمومًا منتجاتها مميزة وصعب يحصل فيها مشكلة.. وخدمة ما بعد البيع شطار وفاهمين.. حتى لو موديل قديم شوية
انا سمعت أن تسريب الغريون فى كارير كان فى موديل ٢,٢٥ حصان
الكلام ده مظبوط ولا التسريب ده فى كل الموديلات
هل شارب مواسيره الالمنيوم متنزلش من جودته
ايه رايك فى تكيف جرى من حيث المكونات وسهولة صيانته
مشكلة تسريب الفريون تمت ملاحظتها في أكتر من موديل بسعات مختلفة
نظريًا المواسير دي مش بتبرد كفاية، لكن عمليًا مفيش شكواى واضحة ومحددة بخصوص الموضوع ده
جرب تكييفاتها كويسة، لوحظ وجود بعض المشاكل من بعض المستخدمين، لكن السمة العامة القوة في الأداء
كان معايا كاريير ١.٥ولا زال من ١٠سنين ومن أول ما اسدشتريته وهو بيسرب فريون ببطء يعني بشحنه مرتين في الصيف وكل مرة فني الضمان يقول إنه مش هيسرب تاني لحد ما خلص الضمان وكان سنة فقط في ذلك الوقت وفضلت أشحن فيه وجبت كذا فني يصلح لحد فني بن حلال غير مواسير الوحدة الخارجية اللي كان فيها كسر صغير بيكون تلج ورغم اني اشتريته ب٢٦٥٠ج في ذلك الوقت ودفعت فيه تغيير فريون ومحاولات تصليح وغيرت الكباس نفسه واللي غالبا باظ من كثر الإستخدام بسبب تسريب الفريون لكن الحمد لله التكييف ليه ٤سنين سنين شغال زي الفل وسبحان الله و من ساعتها وأنا رافض أشتري كارير تاني
اولا الف شكرا علي سرعة الرد ايفادة كل الناس بمنتهى الأمانة
لأن دة دلوقت للاسف عملة نادرة حضرتك انا اشتريت تكيف شارب انفرتر من شهر وللاسف التبريد ضعيف والصيانةبتقول
دة تبريد كويس فا كنت عايز اشتري تكيف كويس مش انفرتر لان اكتشفت ان الانفرتر دة نصب وملوش اي لازمة اهم حاجة التبريد يكون عالي والجهاز يعيش لأن مش كل
شوية هجيب تكيف حضرتك تنصحني اشتري اية افضل تكيف في التبريد
العفو يا افندم
حضرتك متأكد إن سعة التكييف مناسبة لمساحة المكان اللي حضرتك فيه، ولما بتشغل التكييف مهم جدًا مع الحر اللي احنا بنمر بيه، تقفل كويس قوي أي منفذ يخرج منه الهوا لإن الرطوبة بتؤثر بشكل كبير على التكييف .. ممكن تجرب تسد تحت الباب بأي حاجة، وكمان التكييف يفضل ما يكونش في وش باب أوضة مثلا
إل جي مميز جدًا جدًا، وكرافت كويسة ولو كان عدم انتشارها في مصر بيخلي بعض الناس ما ترشحهاش
لو عاوز تدلع نفسك بقى كارير عملت تكييفات سكارت بتتوصل بالموبايل، تتحكم فيه وانت بره البيت لكن الوحدة الاسمارت دي تمنها اكتر من 1500 جنيه 🙂
مع ملاحظة مشكلة تسرب الفريون طبعا
اولا الف شكرا علي سرعة الرد ايفادة كل الناس بمنتهى الأمانة
لأن دة دلوقت للاسف عملة نادرة حضرتك انا اشتريت تكيف شارب انفرتر من شهر وللاسف التبريد ضعيف والصيانةبتقول
دة تبريد كويس فا كنت عايز اشتري تكيف كويس مش انفرتر لان اكتشفت ان الانفرتر دة نصب وملوش اي لازمة اهم حاجة التبريد يكون عالي والجهاز يعيش لأن مش كل
شوية هجيب تكيف حضرتك تنصحني اشتري اية افضل تكيف
تم الرد يا افندم
السلام عليكم
يا هندسه انا ناوي اشتري تكييف سامسونج 2.25 الموديل دا ( AR18JCFTPWQNBT ) و قلقان لاني مش لاقي اي مراجعات او اراء عنه فانتا ايه رايك و خدمه ما بعد البيع لسامسونج في التكييفات اخبارها ايه و هل مواسيير التكييف دا نحاس فعلا و الكباس كوري من تصنيع سامسونج نفسها ولا تجميع ؟؟ انا حاولت ادور علي ايجابات للسؤال فوق مالقتش فهتعبك معايا معلش 🙂
بالتواصل مع خدمة عملاء سامسونج أفادوا بإن المواسير نحاس، والكمبريسور من تصنيع سامسونج يا افندم
ومفيش تعب خالص
السلام عليكم ورحمة الله وبركاته
المهندس محمدعبدالرحمن انا عرفت اسمك من تعليقك ورد على كل الناس
لدرجة انى ماشى مع الموضوع من أوله كما لو كنت بتفرج على قعدة دردشة واحد يسأل وانت ترد عليه وهكذا… الحمد انا ان شاء الله اختار ال جى عشان كلامك وتوضيح كلامك واضح انه امين رغم ان الموضوع مكتوب من سنة تقريبا لكن تعليقات الناس مستمرة بسبب اجاباتك الجميلة الواضحة الصريحة
من المنوفية تحياتى لك ربيع عزب
شكرا جدا
انا هركب ان شاء الله تكييف 2.25
والعداد بتاعى 10 امبير هو دا ينفع ولا مينفعش
الأفضل يتغير يا افندم، لإن وارد وطبيعي جدًا يشتغل معاه أجهزة كهربائية تانية بتسحب كهربا. ولو فيه تكييف تاني يبقى وارد جدا تحصل قفلة لا قدر الله
لو سمحت يا باشمهندس انا كنت عايز اشتري تكيف ٢.٢٥لأن
عندي مشكلة في الغدة ودائما بشتكي من الحرارة المرتفعة
دلوقتي انا محتار بين كارير اوبتي ماكس وال جي وأنواع أخرى زي جري وفري اير بصراحة الموضع كبير اوي ومحير والاختيار صعب لو حضرتك هتشتري في عز الزحمة بين المكيفات دي هتختار اية
إل جي كويس، وكارير بيطور من نفسه من فترة.. لكن المشكلة دلوقتي إن الأسعار رفعت جدًا جدًا.. ربنا يعينك وألف سلامة يا افندم
جري كويس، لكن مالوش اسم قوي
فري إير ما انصحش بيه
شكرا جزيلا يا بشمهندس محمد على تجاوبك وافادتك للجميع ..
وكان عندي سؤال لو سمحت ..
التكييف عندي شارب ١.٥ الكومبرسور صوته عالي وبيعمل اهتزاز جامد .. وبيفصل قليل اوي ..
سالت الشركة اللي جايبه منها قالولي انه بسبب ضغف الكهرباء ..
(١٩٠ v)
فهل صحيح ان ضعف الكهرباء ممكن ياثر على اداء التكييف وتبريده ؟
طالما بيفصل قليل يبقى درجة حرارة المكان بتسخن بشكل قوي، ووارد يكون بسبب عدم قدرة التكييف على التبريد بشكل قوي.. طيب هل مساحة التكييف عندك متناسبة مع مساحة المكان؟؟
لو القدرة متناسبة مع مساحة الشقة يبقى فعلًا الكهربا عليها عامل قوي ومهم، وياريت حضرتك تشتري مثبت كهربا علشان يقدر يحافظ على التكييف بتاعك وما يحثلش ليه مشكلة
وربنا يسترها عليك وعلى التكييف
شكرا جزيلا يا بشمهندس محمد على تجاوبك وافادتك للجميع ..
وكان عندي سؤال لو سمحت ..
التكييف عندي شارب ١.٥ الكومبرسور صوته عالي وبيعمل اهتزاز جامد .. وبيفصل قليل اوي ..
سالت الشركة اللي جايبه منها قالولي انه بسبب ضغف الكهرباء ..
(١٩٠ v)
فهل صحيح ان ضعف الكهرباء ممكن ياثر على اداء التكييف وتبريده ؟
تم الرد
لو سمحت ياهندسة انا استفدت كتير من التعليقات السابقة بس ارجو من حضرتك تفيدنى فى تكييف يكون فية كل المزايا قوى ويوفر كهرباوجيد فى خدمة مابعد البيع (كارير ام شارب ام ال جى)
ارب خدمة ما بعد البيع مش زي زمان للأسف
كارير بتطور من خدمة ما البيع من فترة، وإل جي مميزة طبعا بخدمة ما بعد البيع وأجهزتها القوية المعمرة
شكرا لذوقك
بالنسبة للتكييف اللي سالت حضرتك عليه ومشكلة الكهربا .. هو ١.٥ شارب في مساحة ٤ * ٤
مش اخر دور .. بس الواجهة غربي
واللي جه ركبه ركبه ف اقصى جانب الغرفة .. في الركن وقاللي عادي
..
فهل دا مناسب ؟
مع العلم انه مع درجة حرارة ٢٥ مش بيفصل اطلاقا
شكرا جدا
التكييف الـ 1.5 حصان بيكفي مساحة من 10 لـ 15 متر بالكتير
ومساحة حضرتك بتحتاج طاقة وجهد أكبر من اللي بيغطيها وده سبب انه مش بيفصل او فصلانه قليل
لو سمحت اي رائ حضرتك ف تكييفات يونويفرسيال كاداء تبريد و هل هي عمليه و م فيش اي مشاكل فيها و ف اخر حاجه ليها ال هي تقريبا خاصيه الواي فاي والتتبع ال فيها..ممك تفيدني لاني محتار جدا والله حتي لو اي نوع غير يونويفرسال يكون افضل حاجه طبعا..وبعتذر للاطاله..
صراحة يا افندم اي حاجة من شركات يونيون ومشتاقاتها مش برشحها نهائي
الواي فاي خيار يناسب ناس وناس لأ
عموما هو بيسمحلك انك تتحكم في فتح وغلق ودرجة حرارة التكييف وانت بره البيت وقبل الوصول
ترشيحات الاجهزة هتلاقيها في ردودي ع القراء المحترمين هنا او من خلال اكتر من مقال ع المجلة
وتحت امرك
لو سمحت هى الانابيب فى ال جى نحاس زى كارير
ايوة
حضرتك انا الصاله عندى٣٪٤اخر دور عاوز تكيف كويس بالنسبه لاستهلاك الكهرباء وميكنش ليه صوت عالى طبعا فى ناس بتقولى ل ج وشارب وجرى وانا مليش خبره فى التكيفات ترشحلى اجيب ايه ويكون طمانه بدون شروط
حضرتك ممكن تتابع الردود اللي فاتت يا افندم وهتلاقي جواب حضرتك فيهم
اولا بشكر حضرتك جدا انا روحت اشترى تكييف شارب ١ ونصف انفرتر فملقتش انفرتر فاقنعنى اخد البلازما وقلى طالما الغرفه مغلقة كويس مش حيسحب كهربا كتير هل كلامه صح ومش حسحب كهربا كتير
كلامه حق يراد باطل 🙂
مهما وفر فمش هيقدر يوفر ليك كهربا زي تقنية الإنفرتر، وكلامي هنا مش عن شارب بس، لكن عن باقي الموديلات اللي بتدعم تقنية الإنفرتر..
اولا بشكر حضرتك جدا انا روحت اشترى تكييف شارب ١ ونصف انفرتر فملقتش انفرتر فاقنعنى اخد البلازما وقلى طالما الغرفه مغلقة كويس مش حيسحب كهربا كتير هل كلامه صح ومش حسحب كهربا كتير لو سمحت ترد عليا ضرورى قبل ما استلمه
تم الرد
عاوز ترتيب لدول عشان انا محتار فى الجوده والأداء والصيانه كرافت ولا جرى ولا فريش والميديا ولا وايت ويل
والله يا افندم صعب جدا يبقى فيهم واحد متفوق في كل حاجة.. فيه جانب تفوق لكل واحد عن التاني.. لكن عموما في المراكز الاخيرة فريش 😀
لو سمحت انا عايزك تفيدني انا هشتري تكييف ومش عارف اجيب ايه هل الكارير حصان ونص اوبتي ماكس أفضل ولا لا ال جي الافضل وسعر ال جي حاليا كام واحد ونص وايه أفضل نوع اشتريه فيه
إل جي يليه كارير
وتقدر تعرف الأسعار من خلال ياقوطة
اولا شكرا جدا استاذ محمد على سيل المعلومات فى كل الردود السابقه
حاليا انا فى حيره ما بين جهاز ال جي انفرتر 1.5 حصان و جهاز جري انفرتر 1.5
حضرتك ترشح الافضل فيهم من حيث درجه هدوء الوحده الخارجيه بالتحديد . و خدمه ما بعد البيع فى الشركتين
. و جوده الصناعه و التقفيل و اكيد حضرتك عارف ان ال جي تركي و جري صينى تقفيل مصري و دي مخوفانى شوى بس كميه الناس الى بتشكر فيه رهيبه و فى نفس الوقت ال جي سمعه كبيره بس فى جروب على الفيس اسمه dont shop here معظم مشاكل التكيفات من ال جي و يونيون اير
صعبه صح ؟ 🙂
عارف الجروب ده
ولو بصيت عليه كويس هتلاقي كل البراندات فيها مشاكل عليه كمان
كل واحد بيحكي تجربته من وجهة نظره
جرب كويس ويوم ورا يوم بيثبت نفسه
لكن وعن طريق متابعة اكتر من مستخدم على ارض الواقع ال جي خدمة ما بعد البيع كويسة في اكتر من منتج تبعها
واعطالهم قليلة فعلا
شكرا استاذ محمد على الرد … بالفعل انا عينى على ال جي اكتر بصراحه .. لان عندى فى البيت اكتر من جهاز منهم و ممتاز
بس ياريت حضرتك تقولي هل صوت الوحده الخارجيه عالي و مسموع ؟؟ لان حا يتحط فى مكان قريب من الشباك عندى و فجنب الجيران .. فطبعا موضوع الصوت ده مهم
الموضوع ده نسبي في العموم
وسُمك الحائط اللي عندك ليه عامل مهم، كمان الشباك بتاع حضرتك .. لإن فيه كتير الاهتزاز البسيط للوحدة الخارجية بيؤثر على الزجاج بتاع الشباك فتسمه صوت زنة رخمة فعلا
كمان قرب الوحدة من الشباك بيكون ليه عامل
وكل النقط دي تأصيرها مش قوي برضه لإن
معظم الموديلات المختلفة من كل الشركات مش بيكون صوتها عالي قوي
شكرا استاذ محمد على مجهودك
اخدت بنصيحتك و الحمد لله اشتريت جهاز ال جي انفرتر واحد و نص حصان
بقاله معايا تقريبا 4 ايام …
الجهاز ما شاء الله جميل … التبريد الحمد لله كويس و لكن ليس بقوه الاجهزه الى فيها فريون 22 فعلا .. لكن درجه حرارته جميله
بالنسبه للصوت الوحده الداخليه صوتها شبه مش مسموع الى على اعلى سرعه للمروحه .. الوحده الخارجيه الصوت مش عالى اوي و لكن مش بهدوء شارب مثلا
لحد دلوقت الحمد لله مش ندمان انى جبته …
شكرا لحضرتك على جهودك معانا
العفو يا افندم
وبالنسبة لصوت شارب فالموضوع أرزاق
عند صديق لي الوحدة صوتها مسموع لدرجة بتهز قزاز الشباك اللي راكب جنبه
وعند حضرتك العكس 🙂
شكرًا ليك
السلام عليكم
اذا سمحت انا عندى مساحة تقريبا ١٦ متر اخر دور لكن هى مساحهمش مربعه يعنى الجزء الكبير تقريبا ١٢ متر فى النص ومتفرع منهم طرقتين اتنين متر عاليمين وزيهم عالشمال ومكان المكيف بوسط الجزء الاكبر فهل يكفى ١.٥ حصان
وأى كمبريسور او كباس حضرتك بتفضله بين ال جى وشارب وكارير
وهل خاصية الانفرتر بتفرق فى قوة التبريد
مشكور جزاك الله خيرا
للأسف يا افندم.. التكييف الـ 1.5 حصان مش هيكون مناسب لإنه مش بيقدر يغطي المساحة دي عمومًا. وكمان الدور الأخير بيكون له حسابات تانية
تقنية الإنفرتر بتفرق في فاتورة الكهربا بس
التلاتة مميزين والله.. وإن كان فيه شكاوى متكررة في شارب الفترة الأخيرة وكارير بتثبت نفسها الصيف ده وعاملة شغل كويس وأسعار كويسة
اي اختيار من التلاتة مناسب ليك والاهم السعر.. الأسعار ارتفعت بشكل كبير قوي الاسبايع الاخيرة
ربنا يوفقك ويعينك 🙂
شكرا يا استاذ محمد علي مجهودك معانا وربنا بكتبهولك في ميزان حسناتك عايز اعرف الكارير البارد والساخن اعطاله اكتر من أنه يكون بارد فقط ولا انت ايه رايك
لا يا افندم مفيش الكلام ده خالص
وربنا يجازيك كل خير
لو سمحت انا أمامي تكيفات جري و كارير وناس بالشكر في
جري اوي وناس بتشكر في كرير فلو ممكن تقولي اختار اية
وانا هعمل بالنصيحة علي طول ولك جزيل الشكر
تم الرد يا افندم
هل أسعار التكييفات بترخص فى فصل الشتاء
أيوة يا افندم
لكن مش النزول الضخم
يفضل على شهر 12 أو شهر يناير وفبراير.. من اول مارس بتبتدي ترفع شوية
ارجو الافاده
غرفه ١٦ متر دور اخير قبلى شرقى
شركه كاريير رفضت تركبلى تكيف ٢.٢٥
وقلتلى انت محتاج ٣حصان
شركه lGقلتلىممكن تركب ٢.٢٥
وشارب قلولى ممكن ٢.٢٥
اركب ايه ارجو الافاده
أهلًا بسك بيك يا افندم
في الحقيقة موضوع الدور الاخير ده عادة بيحتاج تكييف بقوة أكبر من العادي
التكييف سعة 2.25 حصان ده بيكفي مساحة من 16 لـ 25 متر تقريبًا
تقل شوية لكن ده المعقول بتاعها
في تقديري إن اللي رفض يركب لحضرتك لإنه شايف إن الدور عند حضرتك أخير ونمكشوف من كل الجوانب وعاوز يزود في أمان التكييف عشان خدمة ما بعد البيع ليك والصيانة وعاوز يقلل من استهلاك الكهربا ليك فاقترح 3 حصان
واللي قال 2.25 حصان شايف انه كفاية
الرد التاني صح
والاول تجاري اكتر وعاوز يريح دماغه
شارب 2.25 حصان بيكفي لغاية 25 متر مربع
توكل على الله وهات 2.25 حصان
هل الانفرتر ليه توفير واضح فالكهربا ولا لا
و ايه راي حضرتك ف gree جلوري و جري عموما من حيث خدمة ما بعد البيع والفرق بينه وبين شارب او ال جي
الانفرتر بيوفر وممكن حضرتك تبص على نفس النوع من غير انفرتر وتشوف استهلاك الطاقة في الورقة اللي ملزوقة على احد جوانب اي جهاز كهربائي مش التكييف بس
جري كويسة
الفروق مش بتكون واضحة في المواصفات لان كل الشركات حاليا بتقدم نفس المواصفات
الفرق في مواد التصنيع والتقفيل
شارب وال جي كويسين طبعا
لكن شارب فيه شكاوى متكررة مؤخرا من خدمة ما بعد البيع عموما
السلام عليكم ورحمة الله
اولا بشكر حضرتك علي المجهود ده
عاوز اجيب تكييف ٣ حصان ومحتار جدا مابين الشارب والكاريير
انا فعلا مجرب الشارب كويس جدا بس خايف فغلا حلاليا في شكاوي كتير من خدمة مابعد البيع
والشركة اللي باجيب منها كانتوكيل شلرب وسابته وبترشحلي كاريراو ميدياتنصحني بأيه
كارير هو هو ميديا
فرق اسم وسعر طبعا
شارب فعلا فيه شكاوى متكررة من خدمة ما بعد البيع
ومن بداية الصيف ده وكاير عاملة شغل كويس في اكتر من منطقة
وفيه اكتر من مستخدم بيشكر فيهم الصيف ده
قارن الاسعار ولو اخترت كاير مش هتندم ان شاء الله
بس أكد على جزء تسريب الفريون بعد مدة يا افندم
ومبروك مقدما
السلام عليكم ورحمة الله وبركاته
جزاك اله خيرا علي الردود والهتمام
سمعت ان تكييف ال جي لو احتاج قطع غيار لازم نستني فتره طويله علي ما تتوفر في مركز الصيانه وبتكون غاليه جدا
هل ده صحيح ؟
ولو عايزه اشتري ، ايه الاماكن المضمونه اللي ممكن اشتري منها
والف شكر لحضرتك
الكلام ده يا افندم بيتردد على كل وأي جهزا كهربي مستورد.. وهي في الحقيقة ساعات بتكون صح.. يعني مش دايمًا
لكن وللأمانة إل جي بتوفر قطع الغيار وفي أسرع وقت
ممكن حضرتك تشوف أسعاره المختلفة من خلال ياقوطة
وكل المتاجر اللي عندنا موثوق فيها ومتجربة
ومبروك مقدما 🙂
السلام عليكم لو سمحت ممكن اعرف افضل تفاصيل مميزه للتكيف يعني يكون بلازما ديجيتال وانفرتر وايه كمان
وهل فعلا التكيف لو بارد ساخن ده بيقلل من كفائتها
وايه الفرق مابين سمارت و ايه معنى كلمة ديوال اللي
حضرتك قلت عليها
وممكن حضرتك تنصحني ممكن اجيب مين كارير ولا ال جي أفضل
الاتنين مميزين يا افندم وان شاء الله مش هتندم على أي واحد فيهم
شوف المواصفات واختار الانسب ليك في الاسعار
وعليكم السلام
البلازما لتنقية الهواء من الشوائب والاتربة والدخان
الانفرتر ده بيقلل من استهلاك الطاقة
الباقي اعدادات زي شاشة، يشتغل تاني لو الكهربا قطعت ورجعت.. تشخصيص اعطال.. حاجات كده
مفيش اي معلومة بتقول ان السخن بس بيقلل الكفاءة
الاسمارت ده تقدر تتحكم فيه من خلال موبايلك زي انك تشغله قبل ما توصل البيت بفترة
الـ DUAL INVERTER COMPRESSOR نوع الكمبريسور
ايه رائيك ف ميديا وايت ويل
تكييف ميديا من انتاج شركة كارير، ومالوش علاقة بشركة وايت ويل
السلام عليكم ورحمه الله وبركاته
أولا جزاك الله خيرا علي ردود حضرتك وإفادة الناس من خبراتك الوفيرة وإن شاء الله يجعله في ميزان حسناتك
ثانيا عندي تكييف شارب 2.25 حصان جي تك انفرتر المستورد جهاز خيالي ومحترم وتوفيره في الكهرباء عالي جدا كنت حابب اجيب واحد تاني 3 حصان وطبعا النوع ده أتوقف استيراده والمتاح المصري فقط اللي بيوفر 40% فخايف اجيبه أحس بقرق كبير واندم عليه فهوه ولا lg وخاصة برضه سمعت تعليقات سلبية كتيرة من lg وشكرا مقدما
طيب لو مفيش غير المصري؟؟
هتشتري من بره واحد، أكيد لأ
شارب وإل جي مميزين، وممكن حضرتك لو دورت على كارير السنة دي هتلاقي مواصفات كويسة لانه كارير شادد حيله السنة دي
ايه رائيك ف وايت وايل
تكييف معقول جدًا يا افندم
السلام عليكم
لو سمحت عايز اعرف رايكم بسرعة في تكييف زانوسي
وعليه ضمان 5 سنوات شاملة الجهاز سمعت انه صناعة تركي و علية عرض تقسيط االايام دي
و لكم جزيل الشكر
وعليكم السلام
خدمة ما بعد البيع عندهم ومستوى الصيانة عندهم مش افضل حلجة
منتجاتهم محملا كويسة، مش الافضل لكن كويسة
استاذ محمد حضرتك ماشاء الله صرح معلوماتي رهييب عن التكييفات وانواعها وطرق عملها
انا بسأل سؤال متأخر شويه بس محتاج افهم
انا جبت ٣ تكييفات يونيون اير artify
سخن وبارد
٢ منهم ٢.٥ حصان وواحد ١.٥ حصان
كنت اتمني اسمع تعليقك علي الموديل ده تحديدا من يونيون اير
لان قبل ما اشتري كل الناس قالولي لو هتجيب يونيون اير يبقا تجيب ارتيفاي لانه الوحيد اللي تصدير في يونيون اير واعطاله قليله وكومبروسر نضيف وبيستحمل درجات حراره عاليه
بس بلاحظ كل الناس مبترشحش يونيون اير نهائي
فمحتاج اعرف من حضرتك الاسباب الفنيه والتقنيه لده
لاني حاليا محتاج تكييف كمان ١.٥ حصان ولو مكنتش
قريت كل ردودك هنا كنت غالبا هجيب ارتيفاي تاني
خصوصا ان مقابلتنيش فيه مشكله غير مره الكهربا جات عاليه فحرقتلي الكارت بتاعت المكيف والضمان غيرها
وبس
اسف جدا علي الاطاله بس مفيش حد عنده علم اسأله الاسئله دي والاقي اجابه شافيه
شكرا لذوقك يا أ. محمد
شركة يونيون إير (عموما) هي الأسوأ في خجمة العملاء وما بعد البيع.
دي نقطة مهم تخليها في بالك، ولو لاحظت من ريفيوهات المجلة في كل منتج من منتجات الشركة مش التكييفات بس دي تجربة اللي استعمل منتجاتهم.. العيوب ونقاط الضعف دي في كل الشركات طبعا. لكن يونيون إير طمعت في نصيب الأسد 😀
ربنا يبارك ليك في تكييفاتك
وطالما انت مرتاح معاهم مفيش حد يقدر يقولك دول وحشين لإنهم معاك تمام
لكن وللأمنة أعطالهم كتيرة، وبتظهر مع الوقت. وارد جدا منتج حضرتك يكون كويس ويكمل ويعيش وان شاء الله يكون كده فعلًا.. لكن (عموما) منتجاتهم سيئة وخدمة ما بعد البيع والصيانة عندهم وحشة.. فعلا وحشة
ده مش نقد ولا بسود عليك اللي جاي.. ان شاء الله ما تحتاجش منهم أي حاجة.. لكن ده مجرد رد على سؤال حضرتك
بصراحه حضرتك افدتنى جداا يا بشمهندس وانا قريت الموضوع كله كامل
بس حضرتك مكلمتش خاالص عن تكيفات زى
York
Samsung
ايه رايك فيهم وافضلهم عن شارب وال جى
ولا هما الأفضل فى السوق فعلا
وشكرا لمعلوماتك الرائعه
سامسونج في التكييفات (تقيلة شوية) في بيعها.. وده لإن أسعارها عادة بتكون أكتر من المنافسين، ولما حد بيبقى عاوز تكييف كتير بيفضل إل جي عن سامسونج لإنه كاسم في التكييفات بياع وسمعتهم كويسة وأسعارهم أفضل شوية من سامسونج.. لكن ده ما يقللش من قوة وكفاءة تكييفات سامسونج. كمان لإنها مش منتشرة قوي عن التجار مش الموزعين وزي ما وضحت ليك إن تسعيرهم بيكون عالي شوية
—-
يورك
مش مشهورة كفاية، ومفيش إقبال عليها زي باقي الموديلات. ورغم كده تلاقي على ريفيوهات المجلة أكتر من ريفيو بيتكلم عن منتجاتهم وعيوبها كمان
طبعًا شارب وإل جي أفضل منه..
وانا بميل لyork
وأعتقد أنه أمريكى بس انا معرفش معلومات عنه كتير وهل هو افضل من شارب أو ال جى
ولا اجيب شارب وخلاص
تم الرد
يعنى اية بريميوم بلاس ديجيتال
واية الفرق بينة وبين الديجيتال ؟
ويعنى اية استاندر ؟
شكرا
موديلات يا افندم وبتفرق في بعض الكماليات والاضافات
استاذ محمد بالنسبه للأنفرتر شارب لو استهلاك
تكييف عادي ٢،٢٥ حصان في الشهر ١٥٠ جنيه
و هو حيوفرلي ٤٠ في الميه
يعني ٦٠ جنيه * ٤ شهور صيف يعني ٢٤٠ جنيه في السنه.
هل تستحق ادفع تقريبا ٢٥٠٠ زياده الانفرتر
و هل حسبتي صح أساسا ؟
والله يا افندم مع الكهربا مفيش حد يقدر يفيدك ولو من قريب 🙂
الفكرة ان الكهربا ليها شرايح ولو دخلت في شريحة اعلى تكلفة وحساب الكيلو وات بيختلف وبيزيد
اللي اقدر اقوه ليك ان الانفرتر بيوفر فعلا
لكن للاسف ازاي الكهربا تتحسب ما اقدرش افيدك فيها بالظبط
حضرتك ممكن تشوف بطاقة كفاءة الطاقة الي على أي جهاز وهتقولك الجهاز بيستهلك كام في الشهر
سؤال اخر
المساحه عندي غرفتين باجمالي ١٨ متر مربع
دور مش اخير
الوجهه قبلي غربي يعني شمس ضاربه طول اليوم في الشباك و البكونه
هل يكفي شارب ٢،٢٥ حصان ؟
يكفي يا افندم بشكل كويس
ومبروك مقدما
أيهما أفضل شارب أم تورنيدوا في تكييف 1.5 حصان
شارب
ارجو الرد علي الخاص
لاهتمامي بشراء تكييف 1.5-حصان
ولثقتي في حضرتك جدا جدا
شكرا لذوقك
ايه الاستفسار؟؟
اشكرك على ردك الحيادى بس اشترى تورنيدو ولا بلاش
ماهى عيوب تورنيدو رغم انه اوفر 1000 ج عن شارب ونفس الشركة
بليز لانى هاشترى غدا
اختلاف مواصفات ومكونات داخلية يا افندم (وده رد مسئولي شارب نفسهم) وما وضحوش أكتر من كده
لكن كل وأي منتج لشارب أفضل من تورنيدو.. تورنيدو منتجات متوسطة الجودة وتقدم منتج معقول كقيمة مقابل سعر لكن للأسف فيه منتجات ليهم في السوق مشاكلها كتيرة وفني صيانة الشركة مش بيقدروا يحلوها
شارب أفضل
حبيت بس اقول بسم الله ما شاء الله حضرتك جهبز وكنت عاوز اسال سؤال لله الحمد اشتريت شارب انفرتر 3 حصان بارد ساخن هل المكثف نحاس ولا المونيوم ومتشكر لحضرتك
شكرا لذوقك يا افندم.. ألف شكر
موديلات التكييف البارد ساخن المبادل الحرارى نحاس
السلام عليكم ورحمه الله كنت بسال سوال واحد اشتري ال جي ولا شارب
الاتنين كويسين يا افندم
شوف السعر اللفضل ليك
السلام عليكم
انا عندى الصاله 4.5×5 وهاجيب ان شاء الله LG فا حاضرتك ترشحلى اجيب تكيف كام حصان 2.25 ولا 3 حصان مع العلم انا دور أخير
وشكرآ للافاده
٣ حصان يا افندم
شكرا لحضرتك استاذ محمد إنا نشتري شارب 2.25 بارد بس التوكيل بيقولي السربنتينه بتاعته الومنيوم هل دا عيب ولا الأفضل اجيب بارد ساخن السربنتينه بتاعته نحاس
شكرا لحضرتك
الالومنيوم ممكن يتخرم بشكل أسرع من النحاس، وقدرته ع التبريد مش سريعة قوي زي النحاس
ده الكلام اللي هتسمعه، لكن مفيش شكوى ملحوظة جت من النقطة دي خالص
جبت تورنيدو واستبدلته بشارب طلع فيهم نفس العيب وهو صوت طقطقه فى البلاستيك وقالوا ده مكتوب فى الكتالوج على انه تمدد البلاستيك..فهل ده طبيعى يبقى فيه صوت مزعج؟..لذالك قررت اشترى جرى ! شىء عجيب
صباح الخير
تكييف كرافت شركة ايه ؟ وهل مثل ال جي ؟ ماذا تفضل شكرا
ممكن تراجع الردود اللي فاتت يا افندم، وهتلاقي الرد
ان شاء الله سأشترى تكييف هذا الشهر أو الشهر القادم حيث تكون التكيفات رخيصة نوعا ما وقرأت جميع التعليقات والردود ولكن عندى اسئلة عن تكيفات اسبليت لا توجد لها ردود سابقة وهى :
1 – ما معنى خاصية التبريد فائق السرعة ؟
2 – هل خاصية التبريد فائق السرعة . تغنى عن خاصية الأنفرتر؟
3 – ما معنى خاصية التبريد التربو ؟
4 – ما معنى نظام منفصل ؟
أهلا يا افندم
التبرد فائق السرعة دي بتعمل على تبريد المكان بسرعة كبيرة، للوصول لدرجة الحرارة المرغوبة في وقت قليل. 1
2. لا تغني عن تقنية الإنفرتر.
3. بتختفظ بدرجة حرارة معينة في ميموري التكييف، زي وضع مفضل ليك، وبتوصل ليه في أي وقت. كمان بيوصلك لدرجة الحرارة المطلوبة بأقل ضغط كهربي ممكن.
4. تكييفات الهواء الاسبليت.
على مدار ثلاثة أيام فى البحث فى الأنترنت والأتصالات التليفونية عن تكييف 1.5 حصان بارد فقط خرجت بالآتى :
شارب : بناء على أحدى ردودك ( شارب فعلًا المواسير بتاعته ألومنيوم )
وتم التأكد بذلك بالتليفون من التوكيل الرسمى
كارير : بناء على أحدى ردودك ( تسريب الفريون.. عادة الفريون بيتسرب في اول سنة او سنة ونص
جري : تجميع صيني و” الكمبروسر” تايلندي واحتواءه على اجزاء داخلية في تصميمه الداخلي صينية الصنع والتي سرعان ما يطالها العطب والتلف . وتسريب للمياه المعدة بعملية التكييف عن الحجم الطبيعي . وعدم كفاءة نظام التبريد في موجات الحر
و بناء على على كلام أحد المحلات التجارية فى البيع والتركيب بأتعامل معه منذ 15 سنة
بأن مواسير تكييفات ال جي بتاعته ألومنيوم
ولكن كارير المواسير والسربنتينه نحاس ولا يوجد به تسريب الفريون وقال لى أجيبلك كارير 1.5 حصان بارد فقط موديل
KHCT12
وأفتحه أمامك قبل الشراء لتتأكد بأن جميع المواسير والسربنتينه نحاس وأنا مركب واحد نفس الموديل منذ 7 سبعة سنوات ولم يحدث بة تسريب كم يقال
الخلاصة من ذلك : أنا حاليا أستقريت على الموديل الذى ذكره لى البائع
هل فعلا تكييف كارير لا يوجد به تسريب فريون كما قال لى الفنى اللى بأتعامل معه ؟
أهلا يا افندم
في الحقيقة تسريب الفريون ده واللي تم ذكره في الردود وكمان الريفيوهات اللي ع الموقع هي تسجيل لمجموعة شكاوى حصلت واتكررت فعلا، مش هي القاعدة لكن حدوثها اتكرر وفي أكتر من مكان وبتغيير الفنيين، والاكيد ومن خلال متابعاتنا لنفس الأشخاص المشكلة بعد الشحن ما اتكررتش، لكنها حصلت
والقرار في النهاية ليك
ومبروك مقدما
جزيل الشكر لك ولهذا الموقع الذى نفعنى كثيرا
تم شراء تكييف كاريير كريستال بلاس سبليت 1.5 حصان 53KHFT-12 – بارد
http://bluetech-eg.com/crystal-plus-53KHFT-12.html
وبالفعل التكييف جميع المواسير والسربنتينه نحاس وأعتقد والله أعلم أن المعلومات عن كاريير هنا تبدأ من منتصف عام 2018 لكن التكييف الذى أشتريتة موديل عام 2016 وحسب قول البائع أن عنده جهازين منذ سنوات من نفس النوع والموديل ولا يوجد لهم مثيل لهم فى الوقت الحالى حيث أن جميع الأنواع فى السوق حاليا من الألمنيوم
وبعد تركيب الجهاز عندى وتشغيلة صوت الوحدة الداخلية والخارجية صوت ضعيف جدا
الحمد لله أن تكييف كاريير كريستال بلاس سبليت بارد 1.5 حصان 53KHFT-12 ممتاز جدا
وشكرا مره أحرى لهذا الموقع الذى نفعنى كثيرا
العفو يا افندم
ألف مبروك وتحت أمرك وكل زوار الموقع
مهندس محمد السلام عليكم عايز اشكر حضرتك في الاول لان استفدت جدا من المعلومات اللي حضرتك بتفدينا بيها
انا شقتي دور اخير ومساحتها 4.10*3.5
وفهمت من حضرتك ان حاليا افضل نوعين هما ال ال جي و كاريير تمام
ايه افضلهم مقارنة للسعر هل موضوع الانفلتر دي بيوفر فعلا في الكهربا 40% زي ما ممكتوب ولا اي كلام
وايه انواع كارير وال جي اللي مواسيرها نحاس
وهل 2.25 حصان مناسب للشقة
وتنصحني بارد وسحن ولا بارد بس
شكرا لحضرتك
شكرا يا افندم
وشارب كمان يا افندم
والإنفترتر فعلا بتوفر في الكهربا
التكييف الـ 2.25 حصان بيكفي لغاية 22 متر تقريبًا
بالنسبة للبارد أو بارد ساخن حسب احتياجك والسعر طبعًا، لكن لو بارد ساخن هتستغنى عن الدفاية في الشتا 🙂
السلام عليكم و رحمه الله و بركاته
اولا أحب أشكر حضرتك مهندس محمد على اهتمامك و سرعة استجابتك للأسألة بارك الله فيك و جعله في ميزان حسناتك
كنت عايز أشتري تكييف انفرتر 2.25 حصان و كنت مقتنع جدا ب إل جي انفرتر خصوصا ان الكمبريسور عليه ضمان 10 سنين بس بعد متابعتي لصفحة إل جي مصر الرسمية على فيسبوك لقيت كل الناس بتشتكي في خدمة ما بعد البيع عندهم في الاجهزة الكهربائية عامة و التكييفات بشكل خاص و ان الفنيين بتوعم مش بيعروا يتعاملوا مع التكييف بتاعهم الانفرتر الجديد فالكلام ده قلقني جدا من إال جي … فإيه رأيك في الكلام ده هل تنصحني بإال جي انفرتر ولا تكييف تاني يكون انفرتر كويس زي شارب لنفرتر او كاريير انفرتر (مع اني قلقان من ضمان كاريير لانه تقريبا سنة بس على كامل الجهاز ) او ميديا انفرتر او جرس بيونير انفرتر او نوع تاني؟
و كنت عايز هل زي ما بعض الناس بتقول الانفرتر بيكون تبريده ضعيف مقارنة بالتكييف العادي من نقس القوة ولا الكلام ده كش صحيح ؟
لأسف جدا للإطالة بس كنت عايز أخد رأي حضرتك لاني عايز أشتري تكييف الفترة دي
شكرًا يا افندم
الإنفرتر موفر في الكهربا، ومفيش صحة إن التبريد بتاعه أقلمن التكييفات العادية؟
بالنسبة لكارير ففعلًا الضمان سنة واحدة بس، وحتى لما تكون في الضمان وفيه مشكلة بيتم تصليحها على حساب الشركة لكن حضرتك بتفدع فلوس نظير مجهود الفني وبيتم تبليغك بالقيمة قبلها كمان، ده غير رسوم الزيارة واللي بتكون في حدود 150 جنيه أيًا كان فيه عطل او مفيش.. فمهم تكون عارف النقطة دي
بالنسبة للفنيين ومستواهم، فبمنتهى الأمانة كل المشاكل دي بتحصل في كل الشركات، ودي في النهاية مشاكل فردية تزيد أو تقل من شركة للتانية وأحيانا الوضع بيكون غير محتمل زي يوينيون إير
إنام إل جي من الشركات اللي مشاكل أجهزتها بوجه عام أقل من منافسيها.. لكن مش هقدر أقول لو حصل المشكلة الفني اللي من نصيبك هيبقى مستواه إيه.. لكن من أكتر من تجربة هم شطار ومحترمين جدًا
ومبروك مقدمًا
اطلب النصيحة عاوز اشتري تكييف بس محتار بين شارب وكاريير
اشتري وشارب بس انا مل جيراني مجربين شارب ايه رأي حضرتك اشتري شارب انفجار او كاريير
تم الرد في البوست نفسه يا افندم اكثر من مرة وباستفاضة كاملة، ممكن تراجع الردود وتقرر
وألف مبروك
السلام عليكم. كيف أعرف خاصية انفلتر. وهل كل نوع مكتوب عليها.
طبعًا يا افندم تقنية الإنفرتر بتكون موضحة ع المنتج بشكل واضح جدًا وكمان فرق السعر بين الموديلات الإنفرتر والموديلات العادية كبير شوية
لو سمحت ميديا ولا وايت ويل افضل حضرتك من حيث الكفاءة وخدمة مابعد البيع
تم الرد بالفعل يا افندم على المقارانات بين كل الموديلات بشكل مفصل في الردود اللي فاتت
يشرفنا إن حضرتك تتابعها 🙂
إل جي هو الافضل
السلام عليكم يا بشمهندس
شكرا لاهتمام حضرتك بالموضوع
أنا شايف إن تكييف فريش انفرتر هو أفضل تكييف في استهلاك الكهرباء وبطاقة كفاءة الطاقة بتاعته بتقول إنه بيستهلك 186 كيلووات في السنة مش في الشهر زي باقي الشركات حتى الانفرتر منها فبالتالي بفكر إن اشتري فريش انفرتر قريب بإذن الله. ممكن حضرتك تأكدلي المعلومة لو عندك علم بيها؟
شكرا مقدما
مبروك مقدمًا يا افندم
طيب حضرتك ما حددش هتجيب التكييف كام حصان
وعمومًا الإنفرتر بيوفر في الكهربا لغاية 40%
مفيش حاجة اسمها استهلاك بطاقة الطاقة واحدة لكل الشركات وهي 300 ساعة الي تقريبا استهلاك شهري اما بخصوص الاداء بللاسف مش هفتي بس افضل جهازين انفرتر في 2020 حاليا ال جي وشاب
هل تكييف شارب انفرتر السربنتينة في البارد الومنيوم انما البارد والساخن نحاس
لا يا افندم، مفيش اختلاف
سؤال ومحتاج جواب قاطع بعيدا عن خدمة ما بعد البيع ايهما افضل ال جي انفرتر ام شارب انفرتر ١.٥ حصان بارد فقط
تمت الإجابة بشكل مفصل عن كل الفروق بين الموديلين موضع سؤالك يا افندم .. شرفنا وراجع الردود 🙂
شركة كرافت ليها توكيل في مصر و لا لا … واية رايك في خدمة مابعد البيع و انا مش عارف أوصل
لرقم خدمة عملاء ليهم ولا موقع الكتروني
طبعًا ي افندن ليها تكييف في مصر
خدمة الصيانة كويسة، والشاكوى منها قلية
وده الموقع الرسمي ليهم، وهتلاقي فيه كل وسائل التواصل
شكرًا
https://crafft-air.helper-center.com/
انا تقريبا متابع الردود بتاعة حضرتك يا بشمهندس من السنة الي فاتت بس حابب اسمع رأيك مجددا في تكييف ال جي وخصوصا الموديلات الي نزلت في يناير وكمان مارس السنادي وهل هما افضل ولا شارب وشكرا
الاتنيين ممتازين يا افندم
الفيصل السعر الأنسب ليك
عايز اقولك ان تكييف ال جي 1.5 حصان انفرتر بطاقة كفائة الطاقة بتاعته علي A+ , وتكييف شارب A++++ اعتقد الافضلية من حيث كفائة الطاقة لشارب والله اعلم
شكرا لمجهودتك في الردود
1.5 انا عندي جهاز شارب
وحجيب جهاز تانى
بس بعد ما قريت اراء حضرتك عندى اتجاه انى اجرب ال ال جى
خصوصا في خدمة الصيانة لانى في مشكلة فعلا في الصيانات الخاصة بشارب
اهمها ان دائما الفنى اللي بييجي مش بيكون اساسا من الشركة بيكون شغال فى كل التوكيلات فبالتالى مفيش تخصص
ودائما العطل ما بيتحلش خصوصا لو العطل محتاجة تجربة لفترة بعد الصيانة
فكان عندى سؤالين
اولا بخصوص الصوت
ايهما افضل فى عدم الازعاج
شارب ولا ال جى
وسؤال تانى بخصوص ضمان ال 10 سنين بتاع ال جى
هل هو ضمان شامل زى ال 5 سنين بتاع شارب ولا لا
وهل فى رسوم زيارة
وشكراا
لا يا افندم مفيش رسوم زيارة
الضمان لإل جي 10 سنين
بالنسبة للصوت فالأمر نسبي في العموم وليها علاقة بالشبابيك اللي عندك في البيت لو خشب أو ألوميتال. وعمومًا صوت تكييفات إل جي مش مسوع تقريبًا
ومبروك مقدمًا 🙂
لو سمحت يا بشمهندس عندي سؤال انا لسة هركب تكييف ال جي 1.5 حصان انفرتر والسلك الداخلي عندي 2 مم فعايز اعرف هيستحمل ولا جهده قليل
حضرتك شركة التكييفات نفسها هتركب ليك التكييف ولو شايفين إن السلك مش هيتحمل هيعملوا ليك تجربة إنه شغال ويطلبوا منك التغيير
وفيه بعض الناس هتقولك مفيش مشكلة، لكن الأأمن ليك ولأسرتك مع تشغيله لوقت طويل إنه يكون محمل أكتر من كده
السلام عليكم
ما شاء الله على ردود حضرتك
بسال حضرتك على تكييف coolex الكويتى ايه راى حضرتك فية
وهل ايهما افضل تكييف ال جى ام تكييف coolex
وجزاك الله خيرا
إل جي يا افندم
حقيقي ان شارب حصان ونص بارد ساخن مواسيره نحاس؟
وتنصحني بايه حاليا كاريير حصان ونص بارد سخن ولا شارب بارد سخن من حيث الجودة وقوة التبريد والتدفئة والصوت .ارجو الافادة وشكرا جزيلا لحضراتكم
تمت الإجابة بالتفصيل في الردود السابقة يا افندم
شرفنا بنظرة سريعة 🙂
السلام عليكم
أنا بفكر اشترى تكييف جرى جلورى فى ناس كتير بتشكر فيه من حيث قوة التبريد صوت الوحدة الخارجية على حضرتك يابشمهندس تقدر تفدنى وتنصحنى بالجهاز ولا لا نظر لان سعرة كويس جدا على امكانياته
تكييف كويس يا افندم
مبروك مقدمًا
كنت عايز اعر بلد الصنع لتكييف شارب وال جى
وكمان نوع المواسير فى كل واحد منهم نحاس ولا الومنيوم
تم الرد مسبقًا يا افندم
يرجى مراجعة الردود السابقة
السلام عليكم وكل عام وحضرتك بخير , بمشيئة الله باشتري تكييف 1.5 حصان انفرتر , وباختار بين ال جي وشارب, سعر ال جي اقل ب 300 جنيه من سعر الشارب لكن ليس به بلازما وشارب يزيد عنه هذا المبلغ لان به بلازما , شارب تصنيع مصري وال جي كوري تقفيل تركي , السؤال هل الخاصية (البلازما) مهمه جدا لاعتبارها فى السعر وماهي خواصها , نقطة ثانيه هل مكيف ال جي يضعف مع االوقت ولا دي اشاعات , وبشكل عام هل هناك اختلافات فنية بين ال جي وشارب من ناحية قدرة التبريد لنفس الفئة 1.5 . شكرا جزيلا
للتوضيح المعروض ال جي بارد ساخن بلازما وشارب بارد فقط
دي مجرد صور للمنتجات عمومًا يا افندم
وهتلاحظ حضرتك إن المقال بيتكلم عن النصائح بكشل عام وحضرتك تختار الأنسب ليك
البلازما بتنقي الهواء من الشوائب والأاتربة والأهم الروائح الغير محببة
مفيش شكوى جت من ضعف أو أجهزة تكييف إل جي بعد مدة
على حسب الموديل اللي حضرتك بتختاره، وغالبا الفروق بتكون في كماليات مش أساسيات.
السلام عليكم ياهندسة اولا جازاك الله خيرا على ردودك واهتمامك وانا قريت التعليقات كلها من اول الموضوع
وعندي سؤال لانك اكيد عارف وفقا لتاكيدات الفنين ان الشركات المتوفرة بالسوق تختلف جودتها وخاماتها من سنة لاخرى
مثلا وفقا لتاكديات كثيرا من الفنين ان عام 2020 شركة كارير دخلت بقوة للسوق مع تراجع شركة جري مثلا .
انا عاوز منك سؤال محدد عندي رسيبشن مسطتيل مساحته 50 مترتقريبا محتاج اركب مكيف يكون تبريدة ممتاز جدا ودفع الهواء فيه وتوزيعة قوي مع العلم ان عندي راكب جري 3 حصان وادائة ليس مرضي بياخد وقت كبير جدا ، مع مقارنة عند زميلي شارب ديجتال بلازما تقريبا نفس المساحة وافضل بمراحل
عاوز منك نصيحة بخصوص هذا الموضوع
وعاوز منك شرح بخصوص موضوع T1-T2-T3
وشكرا لوقتك ومجهودك وكل عام وانت بخير
المساحة دي يا افندم هتحتاج تكييفين مع بعض، عشان كل واحد يبرد جزء بالتبادل مع الجهاز التاني، وعشان يريحوا بعض وما يبقاش فيه حمل كبير على جهاز منهم
الـ 3 حصان بيغطي مساحة لغاية 30 متر مربع بالكتير
الرموز
T1
درجة الحرارة في الأجواء العادية
T2
درجة الحرارة في الأجواء المعتدلة
T3
درجة الحرارة في الأجواء شديدة الحرارة
تحت أمرك 🙂
بعد اذنك استاذ محمد
كنت عايزة اعرف الفرق بين الموديلين دول من مكيفات ال جي S4NW12JARZA
S4-W12JA3AA
ومين احسن في الكفأة وتوفير الكهرباء وليه
لخيارين ممتازين يا افندم في كل حاجة. كفاءة وتبريد وعمر افتراضي وكمان توفير طاقة، وإن كان موديل S4NW12JARZA
موفر أكتر من موديل S4-W12JA3AA
متشكر جدا لاهتمامك وردك
طيب لو بختار بين شارب ديجتال بلازما وبين كارير ابتوماكس 3 حصان ايهما افضل من ناحية دفع الهواء وقوة التبريد
وهل تنصح بالانفرتر في المساحات الكبيرة ؟
وكل عام وانت بخير
كارير ضمان سنتين على عيوب الصناعة وزيادة عليهم 3 سنين لقطع الغيار، وبتدفع رسوم زيارة لو فيه مشكلة، ولسه فيه بعض الشكاوى من تسريب الفريون لأجهزتهم
شارب ضمان 5 سنين شامل كل حاجة
الإنفرتر موفر فعلًا، سواء مساحة صغيرة أو كبيرة لكن فرق السعر والمزيانية لحضرتك هي اللي بتحدد في النهاية
شكرًا
شكرا لحضرتك جدا
السلام عليكم و رحمه الله
حضرتك بشترى مكيف شارب و لا ال جى و لا كايير الافضل فى الصيانه و استهلاك الكهرباء و لو حضرتك عدك وجهه نظر مختلفه
يرجى مراجعة الردود السابقة 🙂
السلام عليكم لو سمحت ايه الفرق بين تكييف ارت كول وs+تكييف dual inverterمن lg وهل فرق السعر يستاهل وهل فعلا كلهم متقفلين فى تركيا ولا فى أنواع منهم متقفله فى مصر
وعليكم السلام
إل جي أفضل يا افندم 🙂
معلش انا اسف واضح ان حضرتك مفهمتنيش كل الأجهزة اللى انا كاتبها lg انا بسأل اى الفرق بينهم عشان فى فرق كبير فى السعر بين artcool وs+
فرق السعر يا افندم ده بسبب تكنولوجيا الديوار إنفرتر، ودي بتوفر فعلًا في الكرهبا، وعدة السعر بيكون غالي عن الموتور الإنفترت والعادي.. بسبب توفير الكهربا على المدى الطويل، والاختيارين ممتازين جدًا،و الميزانية تحكم عندك
الف شكر تعبتك
من فضلك انا عندي تكييف يونيون اير بيوريفاي بقاله حوالي ٨ سنين التكيف عندي الوحده الخارجية كان ليها صوت بشع غيرت متور المروحه وبردوا صوت الكباس عالي جدا جدا لدرجة الازعاج .. فقررت اغيره … ونصحوني ب شارب ١.٥ حصان بارد ديجيتال بلازما … فهل ده منتج جيد وصوته هادي وجودته كويسه ولا في شي: افضل ؟؟ وشكرا مقدما عاي معلوماتك
شارب اختيار كويس جدًا يا افندم، وهتلاحظ فرق بينه وبين يونيون إير في حاجات كتير
وهل موضوع المواسير الالمونيوم ده مشكله .. لان في الشركه قالولي البارد ساخن نحاس فاحسن .. بس انا مش بستخدم الساخن خالص
المواسير نحاس، او ألومنيوم
أكتر سؤال بييجي الفترة الأخيرة، في الحقيقة يا افندم أحد أسباب تفضيل نوع عن التاني حسب ما يتم الاعلان عنه (من الشركة أو مندوبيها) هما سرعة التبريد، وسهولة اللحام في حالة حدوث فتح في الماسورة دي
يعني الاتنيين بيبردوا كويس، وإن كان فيه سرعة بسيطة في وقت التبريد كبداية للنحاس، لكن الألمونيوم لو حصل فيه ثقب صعب يتلحم عكس النحاس، والمعلومة الأخيرة دي حسب رأي بعض لمندوبين لكن عملية اللحام نفسها وهل ممكنة ولا لأ تقدر ترجع فيها للمندوب وقت التركيب
هو فعلا ال جى بيبقى ليه صوت عالى ولا لأ
لا يا افندم
انا شريت قبل شهرين تكييف شارب انتفرتر 2وربع مساحه الغرفه 18 متر اعلى فئه
شريتوا من العربي
التبريد جدا سيئ وكلمت الدعم ورسلولي الصيانه وما حلش المشكله بيقولي هوا كدا تبريدوا وعشانو انفرتر بيوفر كهرباء ف تبريدو بيكون قليل
بالمختصر المكيف مخلي جو الفرفه مش سخن بس مش بيخليها بارد زي ما هوا مفترض يعمل
ودلوقتي عايز اشتري مكيف تاني لغرفه نفس المساحه
هل تنصحني بشارب انفرتر 2 وربع ؟؟
وهل هيبرد واحس فعلا انوا مكيف شغال ولا هيكون نفس تبريد شارب ضعيف ؟
متأسف قصدي هل تنصحني ب ال جي 2 وربع ؟
خيار كويس جدًا يا افندم
ومفيش حاجة اسمها إنفرتر فبيبرد قليل، الإنفرتر بيوفر في الكهربا، مش بيقلل من قوة التبريد
اطلب الصيانة تاني.. موظفي الصيانة كفاءات ووارد جدًا اللي جه لحضرتك يكون مستواه مش كويس كفاية
تم الرد يا افندم
معلش كنت هسال حضرتك هو لو هجيب تكيف ٣ حصان انفرتر
الافضل شارب انفرتر ولا lg dual inverter plus
و هل فعلا ده بيوفر ٤٠% و ال ال جي بيوفر ٦٠% و ترشح ايه فيهم بعيدا عن السعر
وشكرا مقدما
الاتنيين من أفضل الموديلات والأنواع في السوق فعلًا، وصعب تفضيل واحد عن التاني
أي جهاز هتشتريه منهم هترتاح معاه إن شاء الله
طيب بالنسبة للتوفير هل شارب ٤٠% و ده ٦٠ % فعلا و لا الاتنين زي بعض
حسب تعريف شركة شارب تكييفها موفر للكهرباء حتى 40%
وإل جي موفر للكهرباء حتى 60%
بالنسبة لتكييف فريش هل هو جيد ام يفضل اشتري شارب
شارب أفضل
موضوع مفيد مميز وافي رد بشكل احترافي موضوع شيق مجهود جبار على مدار عامين من الردود لذلك وجب الشكر
العفو يا افندم، ده من ذوقك 🙂
نشكر حضرتك يا مهندس محمد على المجهود الرائع ربنا يجعله فى ميزان حسناتك
معلش متاسف كان عندى سوال؟
انا فى الدور الاخير وعندى غرفه على الشارع فى حدود 4*3 والحمد لله رزقت بمولود محتاج اجيب تكييف علشا البيبي مش هيستحمل درجة الحرارة لانها بتقا عالية جدا
فحضرتك تنصحنى بأية ..انا محتاج اجيب حاجه انفرتر موفرة فعليا فى الفاتورة ةتكون اداء كويس يعنى تعييش وخدمة ما بعد البيع والصيانه تكون تمام
على العلم المبلغ المتوفر من ال9 /10 الالف
ارجوا الرد وشكرا تانى مرة لسعة صدركم
ربنا يحميه ويحفظه ويباركلكم فيه، ويقر عينكم بيه طول العمر
حضرتك في العادي تكييف 1.5 حصان كويس معاك، لكن ده أخر دور فـ(الأفضل) تجيب تكييف 2.25 حصان
للأسف تقنية الإنفرتر بترفع من سعر التكييفات، ومفيش منتج إنفرتر في حدود السعر اللي متوفر معاك
المقالة والردود مفيدة جدا . ربنا يجزيك خير .سؤالي بالنسبة لخدمة ما بعد البيع حاليا . شارب أفضل أم ال جي في الوقت الحالي . ولو امكن ايه هي ارقام صيانة وضمان ال جي
؟ المعتمدة لاني مش لاقي حاجة واضحة على الانترنت
في العادي يا افندم هتلاقي اللي بيشتكي من كل شركة، وعلى حسب الفني اللي تواصل معاه
وللأمانة هم من أكبر الشركات وأكثرها احتراما للعميل.
وده رقم واتساب إل جي
01229307777
في الأسواق المصرية طبعًا
مشكور كتير علي المجهود الرائع دا يا هندسه
معلش عندى استفسار انهى افضل من ناحية التوفير في الكهرباء والجودة والصيانه خدمة ما بعد البيع
جرى ولا ال جي ولا شارب
معلش ارجوا تحديد منتج واحد وهذا لثقتي في حضرتك
وهل لو دور اخير مكشوف من جميع الجهات في غرفه 3*4 لازم اجيب ال2.25 حصان
اسف علي الاطاله بس محتاج تحديد افضل واحد علشان هنزل اشترى بكرا وظا بناء علي خبرة حضرتك
وشكرا
شارب وال جي كويسين
الاختيار حسب السعر اللي مناسب ليك
الافضل تكييف ٢.٢٥ حصان عشان يكون مرتاح معاك في الشغل والتبريد يكون في وقت اقل واللي هينعكس على فاتورة الكهربا وعمره الافتراضي طبعا
لو قدامي كاريير وميديا اجيب ايه افضل ؟
ولو شارب احسن منهم قولي
شارب
كارير
ميديا
بس حضرتك ذكرت في كذا موضع ان شارب في خدمة ما بعد الببع مش كويسه وبيتأخروا وأيضا ال جي اوقات كتير القطع الغيار لو مش موجودة بيتاخروا في الرد وبتاخد وقت ولو خلص الضمان الصيانه بتبقا باسعار خرافية وقطع الغيار برا الضمان 90 بالمية مش بتتوفر وبيقا مستحيل تيجيبها
معلش طولت علي حضرتك انهى الافضل في خدمة ما بعد البيع
شارب ولا ال جى واهم حاجه مين يكون ضمانع غير مشروط ضمان مطلق
وتسلم يا هندسه
الصيف ده يا افندم الشكاوى منهم قلت، وفيه حالة رضا بين كتير من العملاء عنهم
جزاك الله خيرا يا هندسة
حضرتك ايه الفرق بين
ستاندرد
تربو
بريميوم بلاس
لان فى فرق سعر بينهم من ٥٠٠ الى ١٠٠٠ جنيه
وانا عايز استرى التربو لانه اقل سعر تنصحنى به ولا لاء
واسف على الاطالة
طبعا حضرتك عارف ان التلات انواع فى تكييف شارب
البريميم بلاس بيكون معاه تقنية البلازما كلاستر، المنقية للهواء من الأتربة
الإنفرتر بيكون معاه البريميم بلاس، مش العكس 🙂
التربو دي تقنية بتعمل على التبريد أو التسخين بسرعة كبيرة، عن المعتاد
الاستاندرد. تكييف عادي جدًا مفيهوش تفنيات الإنفرتر ولا البلازمات كلاستر لكن الاستاندر بيكون معاه تقنية التبريد السريع والتسخين السريع، وما سمعتش عن تكييف تربو بس.. بيكون استاندر مع تقنية التربو أو التبريد والتسخين السريع
وعمومًا يا افندم الموديلات المباعة واللي بتخرج من شركة شارب مش بتخرج عن الإنفرتر، والاستاندر، والبريميم بلاس
لو سمحت انا نويت اشتري تكييف ال جي 3 حصان
انا مساحه الغرفه عندي حوالي 16 متر ارتفاع السقف 3
الناس بتقول لي ان كده كثير على مساحه الغرفه
بس انا كنت بافكر ان ده افضل واوفر بحيث ان هو يبرد الغرفه بشكل اسرع
هل صح ولا غلط
وهل ال جي دوال انفرتر احسن من شارب?
شكرا جدا لك
مساحة الحجرة عند حضرتك يكفيها تكييف بسعة 2.25 حصان
تفكير حضرتك سليم، ولان قدرة التكييف اعلى من الحجرة فمدة التبريد هتتم في وقت قليل وبالتالي التكييف هيفصل في وقت اقل وهيوفر كهربا
عمومًا لو حضرتك مش دور اخير فالتكييف 2.25 حصان هيكون كافي برضه ومش هياخد وقت لإن قدرته أكبر من مساحة الحجرة عندك
الخيارين كويسين يا افندم والسعر وميزانية حضرتك هي الفيصل
الصيانه فى شارب سيئة للغايه وسوء معامله اى رد ليهم يقولك اشتكى فى حمايه مستهلك….يعنى انا شارى جهاز يعنى ايه يتلف بسرعه
لو الجهاز لسه في الضمان ممكن حضرتك تصعد المشكلة مع العربي يا افندم
وممكن تكلم جهلز حماية حقوق المستهلك وتديه بيانات المنتج والمشكلة بتتحل ان شاء الله
جزاك الله خير .. شرحت فأوفيت
ايهم افضل شارب ولا كاريير ولا ال جى
مكتوب في المقال يا افندم مزايا كل شركة
لو سمحت إيه أفضل تكييف من حيث صوت الوحدة الخارجية ولو حضرتك عندك مقارنة الدسيبل لكل نوع
يونيون اير
ال جي
شارب
صوت الوحدة الخارجية بيختلف يا افندم حسب القرب من الشباك ولو الشباك كان خشب أو ألوميتال، وعمومًا بلاش يونيون إير
مش فاهم إيه العلاقة بخامة الشباك و القرب من الوحدة الخارجية
ممكن تشرحلي بعد اذنك
الخشب عمومًا يا افندم بيوصل الاسوات الخارجية، وحسب التقفيل بتاع النجار، والإزار نفسه لو بتاع الشباك لو فيه مسافة كبيرة بيعمل رجة وصوت عند تشغيل الوحدة الخارجية. ولو كل ده تمام الصوت بيبقى معدوم، ولو موجود بتسمع صوت الرجة البسيطة دي
الألوميتال بيكون عازل للصوت بشكل أفضل
أشكرك جدا
العفو
السلام عليكم ورحمه الله وبركاته
انا اشتريت تكييف شارب 3 حصان و 1.5 حصان انفرتر بارد ساخن بس لسة ماستلمتش الأجهزة هل
ممكن ماستلمش وارجع الأجهزة لأن من خلال مراجعة الردود السابقة استنتجت أن ال جي أفضل من شارب وتقريبا نفس السعر او فرق بسيط وحضرتك قولت أن مواسير الشارب بارد ساخن المونيوم
وال جي نحاس
وأن ال جي أقوي في التبريد عن شارب
حضرتك تقدر تتواصل مع البائع يا افندم، هو عندهع معلومة
السلام عليكم
انا عندي تكيييف فريش في الدور الاخير بس بيفصل مرة واحده وهو شغال لما لتكون درجة الحرارة عاليه ومبيبردش كويس ليه الكباس بيفصل
لو سمحت تنصحني بنوع ايه من شارب ولا كارير
مين فيهم يستحمل درجة حرارة عاليه من غير ما الكباس يفصل
شارب أفضل، ومدة ضمانه أطول
لكن للأمانة كارير مش بيفصل برضه
حضرتك الفصلان ده وارد يكون ضعف كهربا عمومي، وبيأثر ع التكييف وفيه موديلات كتيرة مش بتقدر تقوم بكهربا ضعيفة
الأفضل تكلم خدمة الصيانة الأول قبل ما تاخد قرار الشرا
السلام عليكم
بارك الله فيكم على الافادة الفنية .. بعد اذن حضرتك ايهما افضل تكييف دايكن ولا تكييف ال جى…ولكم جزيل الشكر
إل جي
شكرًا لذوقك
م محمد سؤال بعد اذنك
بنسبه كبيره ان شاء الله هشتري تكييف ال جي3 حصان هل حضرتك تنصح بيه ؟ اولا
خصوصا اني مش لاقي غير موديل STD بارد ساخن
من غير بلازما
ف هل البلازما خاصيه مهمه وفعاله في التكييف ام يمكن الاستغناء عنها
ثانيا لو المكان كبير نسبيا على قدره التكييف التكييف ممكن ميقدرش يوصل لدرجه الحراره المطلوبه ف هيشتغل بطاقه كهربائيه كبيره وبالتالي هتصبح خاصيه الانفرتر دون جدوى؟
وهل فعلا التكييفات الانفرتر تبريدها ضعيف؟
مبروك يا افندم
خيار كويس جدا
البلازما تقنية كويسة فعلًا، واطمن ليها لازمة
لو مساحة المكان اكبر من قدرة التكييف هيكون فيه استهلاك للموتور على المجدى الطويل لكن في كل الاحوار تقنية الانفرتر هتوفر في الكهربا
مفيش الكلام ده
ما رايك في التكييف ايسبيرج يا باشمهندس
وهل الافضل اشتري 2 مكيف 2.25
حصان ولا واحد مكيف 4 حصان
بالنسبه لاستهلاك الكهرباء تجاري
وهل تكييف بكمبروسر عادي بغاز 410 يعتبر اقوى
وارخص ومقارب في توفير استهلاك الكهرباء من الانفرتر
ولكم جزيل الشكر يا باشمهندس
و رايك في تكييف جنرال اليكتريك يا باشمهندس من فضلك
واسف على الاطاله جزاك الله كل خير
النوعين مفيش انتشار ليهم كفاية في السوق المصري، والداتا عنهم وتجارب ما بعد البيع والصيانة قليلة جدًا
استهلاك الكهربا مالوش علاقة بالفريون أو الغاز له علاقة بنوع المعالج، وحاليًُا أنواع كتير من التكييفات اللي في السوق استهلاكاه أفضل من تكييفات نزلت السوق من 4 سنين مصلأ فبتلاقي استهلاك الكهربا لنسبة كبيرة من الجديد
C
تقدر تشوف استهلاك الموديلات اللي حضرتك بتدور عليها وتقارنه بالإنفرتر وتحكم هل الاستهلاك قريب ولا لأ
بالنسبة لشرا تكييف واحد أو اتنيين لظروف ومكان حضرتك، أفضل شيء المعيانة ع الطبيعة من أي فني لكن للأسف صعب أي حد يفيدك وهو ما شافش المكان ولا شاف المساحة
بالتوفيق
تسلم يا باشمهندس شكرا جزيلا وجزاك الله كل خير
تسلم يا باشمهندس شكرا جزيلا وجزاك الله كل خير
ولك مثله
لو سمحت يا با شمهندس.
أنا اشتريت تكييف جينيرال ٢.٢٥من ٨سنين ومن ساعة ما اشتريته والكباس بتاعه بيفصل كثير لما درجة حراة الصيف تعلى عن ٣٧د وطبعا التبريد بيقى سيئ جدا وتقريبا بيشتغل ٣ أو ٤ ساعات متقطعين في الليل فقط معظم الصيف لكن لما بيشتغل الكباس فالتبريد بتاعه بيكون روعة.
فأنا عايز أشتري تكييف جديد ٢.٢٥ حصان يستحمل درجة الحرارة العالية اللي بتوصل عندي ٤٨د في بعض الأيام
ممكن حضرتك تبص سريعًا ع الردود هتلاقي فيهم مزايا وعيوب معظم الانواع اللي في السوق وتقدر تختار بينهم الأفضل ليك
مساء او صباح الخير
تكييف ال جي ارت كول ايه رايك ولا شارب انفرتر
طبعا من ردك السابق ال جي
بس ال جي بيقولو ما عندهاش قطع غيار
وكمان بتخرج من الضمان لو المواسير مدفونه
رايك الصح دفن المواسير او لا
ولكم الشكر
شروط الضمان وسريانه يا افندم تقدر تعرفها بشكل مفصل من خدمة العملاء للشركة
فيه ناس بتقول ان ال جي في كتير من الاحيان بيكون قطع الغيار مش موجودة وبيتم استيرادها علي حساب المشتري او بيتم استبدال الجهاز بموديل اخر ودفع سعر اضافي لاختلاف السعر وهل فعلا بيسرب الفريون بعد اول سنه او سنه ونصف وهل ده بيغطيه الضمان
قطع غيار إل جي غالية في معظم أجهزتها الكهربائية يا افندم.. طالما المنتج في الضمان المستخدم مش بيدفع تمن قطعة وطالما شروط الضمان سارية
مفيش شكاوى ملموسة من تسرب الفريون لتكييفات إل جي
اولا الف شكر م. محمد علي ردود ونفعك الله بها خيرا
انا قرات كافة التعليقات
بس كنت عايز أرتب مع حضرتك من وجهه نظرك لغرفه مساحتها 3×4 متر وليست الدور الاخير وواجهتها قبلي غربي
من حيث كفاءه
التبريد و خدمه ما بعد البيع لقطع الغيار فقط وذالك الأنواع الاتيه
1. شارب
2. كاريير
3. Gree
سعة التكييف 1.5 حصان
مع العلم أن نوعيه شارب هيكون بارد ساخن ديجيتال بلازما
نوعيه جري وكاريير ستكون بارد بلازما ديجيتال
ارجو ارد خصوصا أن الاسعار في فرق حوالي 1000 جنيه
لكل جهاز
وانا هشتري 3 اجهزه
نفس الترتيب اللي حضرتك كتبته يا افندم
الأفضلية لشارب، وكبعدها كارير، وجري
تكييف 1.5 حصان مناسب لمساحة حضرتك طالما مش آخر دور
شكرًا لذوقك، ومبروك مقدما
مين افضل
AH-XP18UHE
ولا
S4-Q18KL3AC
الموديلين ممتازين يا افندم، وأي اختيار فيهم هيكون مناسب ليك
السلام عليكم
أنا جيت عشان أشكر القائمين ع الموضوع ده على مجهودهم
العفو يا افندم
السلام عليكم
بعد اذنك يا بشمهندس
كنت عايز أسأل هل فعلا الفترة الأخيرة فيه مشكلة فى تكييف ال جى من حيث أعطاله كثيرة
وهل موضوع المروحة الذهبية ده مهم
لأن انا المكان اللى بجيب منه الموديل ال 1,5 حصان بارد ساخن اللى موجود إمكانياته قليلة
الموديل مفهوش ولا مروحة ذهبية ولا خاصية التربو ولا التشغيل الجاف هو موديل
شويةs4 nw12 ja3ae
ممكن حضرتك تنصحنى اختار تكييف 1,5 بارد ساخن ال جى ولا جرى ولا كاريير
غياب المروحة الذهبية في التكييف مش عيب جوهري يمنع الشارء خالص يا افندم
نصيحة بلاش تشتري موديل قديم.. لإنك هتواجه صعوبة في إيجاد قطع غيار ليه لو حصل حاجة قريب كمان.. الشركة بتنزل موديلات جديدة كل فترة ودي ميزة ليك كضمان أطول وتوافر قطع غيار كمان لسنين قدام
إل جي، كارير، جري
على الترتيب
السلام عليكم
مجهود اكتر من رائع يستوجب الشكر طبعا قبل اى حاجه
انا من خلال قرآتى للموضوع شبه استقريت على إل جى ديول انفرتر بس لقيت 3موديلات مش عارف الفرق بينهم ايه اللى هما:
Artcool .. s plus .. std
يا ريت تعرفنى الفرق عشان استقر على الموديل ولو عندك ترشيح افضل من ال جى فى وقتنا الحاضر
وجزاك الله كل خير على افادتك لينا
بإذن الله يا افندم فيه مقال هينزل قريب فيه مقارنة شاكلة عن المنتجات اللي حضرتك بتسأل عنها، وهيكون فيه شرح كافي ليهم ومزاياهم وكل التفاصيل
شكرًا لذوقك
شكرا لحضرتك على الرد
يا ريت بسرعة بقى عشان انا مش هشترى غير لما اقرأ المقال 😄
بإذن الله يا افندم
السلام عليكم اي افضل انواع التكييف افضل ال جي او شارب او كاريير وهل تقنيه الانفرتر مفيده في الاستخدام العادي
الانفرتر موفر في فاتورة الكهربا
لتفاصيل الأفضلية يرجى مراجعة الردود السابقة
شكرا
مساء الخير اولا شكرا لحضرتك جداا استفدت كتير..
انا عندى مساحة الاوضهة ٣.٤×٤.٦٠ قبلى بس مش دور اخير هل ال١.٥ كافى ؟!
انا محتار بين lg dual inverter و شارب انڤرتر
والاتنين بارد فهل الفرق بين مواسير الامونيوم عند شارب والنحاس عند ال جى ده هيأثر وكمان من حيث خدمة ما بعد البيع.. ومع ان التمن متوفر بس لو حضرتك هتجيب واحد من الاتنين دول هتختار مين
هيشتغل يا افندم عادي
بس هيكون حمل زيادة ع الكهربا لإنه هياخد وقت أطول شوية للتبريد.. لو فيه إمكانية لقدرة 2.25 يكون أفضل
لباقي الاستفسارت يرجة مراجعة الردود السابقة
شكرًا 🙂
سؤال تانى يا بشمهندس بعد اذنك هى المواسير اللى بتيجى مع ال جى 1,5 حصان ارت كول طولها كام
الوكيل يفيد حضرتك أفضل يا افندم
معلومات قيمة فعلا بشمهندس شكرا لحضرتك، وانا بصراحة عايز نصيحتكبخصوص فرى اير لان شايف على كلامهم حجات كويسة وسعر كويس محتار بينة وبين جرى و وايت ويل ، المشكلة انة جديد محدش عارف عنة وشكراا
فري إير شركة مصرية وجديدة في السوق ومفيش تجارب كافية لموديلاتها المختلفة.. تكييفاتها فيها معظم المواصفات والخواص المتاحة عند المنافسين
عادة ضمانهم بيكون 5 سنين ع الجهاز كامل، و10 سنين ع الكمبريسور
جري، وايت ويل
أحدث موديل LG 2.25 حصان إنفرتر بارد / ساخن هو إيه ؟
لأن جاى سعر قليل وخايف يكون موديل قديم
وأفضل جهاز إنفرتر 2.25 حصان بارد / ساخن إيه ؟
LG / SHARP / GREE
تقدر تعرف تاريخ طرح الموديل الخاص بشركة إل جي من خلال الاتصال بخدمة العملاء، وإعطائهم الرقم المسلسل بشكل كامل..
شارب وإل جي مميزين جدًا، يليهم جرب
ايهما افضل تكييف كارير او ال جي مع الشرح وشكرا
تمت الإجابة عن السؤال بشرح كافي في المقال، وفي الردود والتعليقات
يرجى مراجعتها
شكرًا
السلام عليكم
بالنسبة للتكييف الكونسيلد
ال جى افضل ام كارير
من حيث الضمان و المواسير الداخلية و كفاءة الجهاز
شكراً
كارير اختياراته أكتر من إل جي
والخيارين مميزن، وإن كان فيه أفضلية لإل جي
تكييف شارب بارد ساخن من يوم ما اتركب من سنه و3 شهور والتبريد بيضعف بالتدريج هل سرب فريون وده عيب معتاد في شرب ولا عيب من الجهاز او التركيب والشحن الفريون هيبقي تبع الضمان؟
للتفاصيل الفنية والصيانة يا افندن خدمة عملاء شارب هيفيدوك
وعمومًا تسريب الفريون مش عيب منتشر في موديلات شارب
رقم خدمة عملاء شارب
19319
السلام عليكم ورحمه الله وبركاته
ألف شكر مهندسنا الغالي علي مجهودك
S4-Q12JA3AE ايهما افضل ال جي انفرتر 1.5حصان
ولا فريش انفرتر سمارت بلس 1.5حصان
ال جي ب8700
والفريش8200
إل جي
تفضلي ايه نوع تكييف 1.5حصان انفرتر انا هركب التكييف عندي في المنور أبعاد1م*2م
الغرفه 3*4
تم الرد في البوستات السابقة على المساحات المختلفة والمناسب منها لكل مساحة
الفكرة كمان في المنور يفضل يكون مكان جيد التهوية
مفيش مكان غير المنور
ده يتطلب تكييف معين
التكييف بيركب في المنور عادي يا افندم
لكن يفضل يكون جيد التهوية مش أكتر، عشان تستمتع بيه بشكل قوي
الف شكر على المجهود الرائع
ماشاء الله تبارك الله
موضوع كامل متكامل صادق ويحمل شفافية ومصداقية وخبرة وثقافة قلما نلاقيها في ايامنا دي .. ربنا يجازيك كل خير ويرزقك من وسع
ويجعله في ميزان حسناتك
ان شاء الله نويت على تكييف LG بس لقيت الآرت كول الأسود .. والأس بلاس الأبيض وعرفت ان الفرق بينهم اللون فقط والأسود الآرت كول فيه سخن وبارد انما الإس بلاس الأبيض بارد فقط
هل دي بس الفروق بينهم ؟
يعني نفس المواسير بالكباس بقوة وسعة التبريد ونفس الشاسيه والصاج وكل شيء ؟
لأني مش بحتاج السخن نهائيا
وفرق السعر بينهم ٣ الاف
—–
ثانيا قررت اجيب شارب ١.٥ بلازما ديجيتال بارد فقط في غرفة صغيرة عندي ٣×٢.٥
واكون مسكت العصاية من النص في توكيلين مختلفين .. غير ان شارب قالو هيتم التركيب في نفس اليوم
انما إل جي قدامهم ثلاثة ايام
غير ان شارب منتشر جدا جدا هنا في المنصورة واجوارها
ومتشكر جدا مقدما لسعة صدرك استاذي الفاضل
شكرًا
التركيب خلال وقت قد إيه عادة بيتم الالتزام بيها.. لكن لو حصل تأخير؟؟ مش هيكون في إيدك شيء للأسف. حتى لو اشتكيت .. كده كده اليوم ضاع
مفيش فرق بين الموديلين غير في الساخن والسعر طبعًا..
توكل على الله وهات شارب.. طالما منتشر في منطقتك هتقدر تلاقي ليه خدمة ما بعد بيع وصيانة حتى بعد انتهاء مدة الضمان وان شاء الله ما تحتاجش ليها
ومش معنى كده إن إل جي سيء 🙂
السلام عليكم فى الوقت الحالى عاوز اشترى تكييف لغرفه 3*4 دور اخير
عاوز اشترى 1.5 حصان هل هيبقا كويس ؟
وبالنسبة للنوع اجيب ميديا ولا شارب ولا اشترى ايه لان محتار جدا فى النوع
وشكرا لحضرتك
الأفضل تزود يا افند لقدرة 2.25 حصان لإن ده دور اخير
شارب.. ميديا
حضرتك دلوقتى بعد ما دورت
استقريت ان اشترى يا اما شارب او كاريير
1.5 حصان
بارد وساخن
اسعارهم
شارب بارد وساخن AY-A12USEA
سعره 7200
كاريير بارد وساخن QHCT-53
سعره 7700
ياريت حضرتك تنصحنى اشترى ايه فيهوم مقارنه بالسعر والامكانيات
لان بجد مش عترف اقرر خالص .
وشكرا
شارب فترة ضمان أطول، شاملة.. عكس كارير
طب بالنسبة للمتانه والعمر الاكبر والامكانيات الاحدث والى بيبرد افضل انهى واحد فيهوم ؟
يرجى مراجعة التقرير مرة أخرى والردود، وستجد ردًا لاستفساراتك 🙂
مساء الخير يا هندسة..
ايه رأيك في تكييف تورنيدو TY-C18WEE
طلبته من بي تك ومحتار استلمه ولا لأ، ياريت تفيدني
وهل الاسعار ممكن تنزل الفترة اللي جاية في الشتا؟
مبروك مقدمًا يا افندم
ما عنجيش فكرة بي تك هيركبوه ولا لأ.. بس الأفضل تكون مركز معاكم عشان ما يحصلش مشكلة وقت التركيب، والتعامل مع بي تك فيما بعد البيع مش أحسن شيء
لو اللي هيركب الجهاز العربي يبقى تمام
الأسعار للأسف هترفع الفترة الجاية على حاجات كتيرة 🙁
مساء الخير يا فندم بعد اذنك كنت عايز اعرف اني افضل كشغل انفرتر شارب او كارير ولكم مني جزيل الشكر؟
سنين ضمان أكتر لشارب
موضوع رائع وشرح مبسط وجميل يستحق القراءه شكرا جداا
تكييف ال جى 1.5 سخن وبارد
ولا كاريير سخن وبارد 1.5 حصان
وياريت اعرف هل المواسير نحاس ولا الومونيوم
يرجى مراجعة الردود السابقة، وفيها ستجد أجوبة على استفسارك الحالي
شكرًا
لو سمحت انا كنت عايز اجيب تكييف 5 حصان وقرأت كل التعليقات بس مازلت محتار مابين شارب او كاريير. لو حضرتك تقدر تفيدنى بالنقاط دى, اكون شاكر جدا:
1- مين احسن فى توفير الكهرباء؟
2- مين احسن فى خدمة ما بعد البيع؟
3- هل مواسير شارب مش نحاس؟
4- مين صوته اهدى اثناء التشغيل؟
حسب الموديب اللي حضرتم هتقرر تشتريه يا افندم، والفترة الأخيرة معظم الموديلات بقت موفرة للكهرباء نسبيًا.. مش زي الموديلات اللي كانت من أكتر من خمس سنين.. وفي العموم استهلاك الكهربا نفسه بيختلف حسب مساحة الحجرة، وقدرة التكييف على التبريد وكام حصان
والجهازني ممتازين، لكن شارب ضمانه أكتر من كارير، في المجمل لإن شارب ضمان خمس سنين ع الجهاز ككل، عكس كارير اللي بيكون أقل
متشكر جدا. طيب حضرتك شايف مين فيهم الاحسن فى خدمة ما بعد البيع ومين فيهم مشاكلة اقل؟
الشركتين قريبين جدًا من بعض.. لكن فيه تميز أكتر للعربي