تشتري مكواة ملابس بالبخار، ولا مكواة ملابس تقليدية؟

كتبت: منى عوض

مظهرنا الخارجي يُعتبر جزء لا يتجزأ من شخصيتنا وواحد من العوامل اللي بتعزز ثقتنا في نفسنا، والملابس ونضافتها وخلوها التام من أي تجاعيد أو تكسير بتُعتبر من أهم الأمور اللي بتدل على المظهر الخارجي، وده شئ بيوضحلك أهمية وجود المكواة.

من كام سنة كده المكاوي الموجودة في السوق بقت أشكال وألوان وده بقى يسبب حيرة لناس كتير، عشان كده ياقوطة حبت تخصص مقال النهارده لتوضيح الفرق بين مكواة البخار والمكواة العادية عشان تقدر تختار الأنسب من بينهما.

*بنفكرك إنك ممكن تشتري المكواة الكهربائية من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مكواة البخار

المميزات

  • مكواة البخار فعالة جدًا في كي وإزالة التجاعيد من كافة أنواع الأقمشة والملابس والستائر والمفروشات.
  • مكواة البخار سريعة وبتوفر في الوقت بشكل كبير ومريحة جدًا في الاستخدام.
  • مكواة البخار مش بتسيب أي آثار أو بقع على الملابس وبتكويها وبتخليها أنيقة ومميزة جدًا.
  • معظم أنواع مكواة البخار بتكون خفيفة الوزن.

العيوب

  • مكواة البخار بإمكانها تسريب الماء.
  • مكواة البخار بتحتاج تنظيف الخزان وتنظيفها من فترة للتانية.

المكواة العادية

المميزات

  • المكواة العادية بتكون فعالة في كي كافة أنواع الأقمشة.
  • المكواة العادية سهلة التنظيف والصيانة.
  • المكواة العادية مش بتسبب أي آثار على الأقمشة.

العيوب

  • المكواة العادية بتفتقر لوظيفة رش الماء والبخار.
  • المكواة العادية بتكون تقيلة الحجم شوية.
  • سهولة خربشة السطح المعدني للمكواة.
  • وزنها عادية بيكون تقيل شوية ومرهق في استعمالها في كي ملابس كتيرة.

المقارنة بين مكواة البخار والمكواة العادية

الأداء

مكواة البخار بتتميز بكونها أكثر سهولة ودقتها أعلى وأكثر أمانًا أيضًا في كي كافة أنواع الأقمشة والمفروشات والستائر، وده مش معناه إن المكواة العادية فيها عيوب بل بالعكس تمامًا هي كويسة وأدائها كويس جدًا ولكنها مش بنفس فعالية وسرعة وكفاءة مكواة البخار وكمان ممكن متبقاش مناسبة لبعض أنواع المفروشات والستائر.

وفي العموم مكواة البخار بتيجي بثلاث أنواع أساسية، وهي مكواة البخار ذات القاعدة المعدنية الصلبة ومكواة البخار العمودية ومكواة البخار المحمولة.

خزان الماء

مكواة البخار بتحتوي عادة على خزان مياه- ربما يكون قابلاً للإزالة أو غير قابل للإزالة- عشان تقدر تنتج البخار بالقدر اللي أنت عايزه أو حتى ترش مياه على الملابس أثناء عملية الكي، وده على عكس المكواة العادية اللي عادة مش بيكون مدمج فيها خزان مياه.

بخار الماء

مكواة البخار عادة بيكون فيها فتحات مخصصة لإخراج بخار الماء، عشان تقدر تتم عملية الكي بفعالية أكبر، بس لازم تاخد بالك من ضرورة تنظيف المكواة بشكل منتظم عشان الفتحات دي ماتتسدش، أما المكواة العادية فهي بتفتقر لوجود فتحات البخار وقاعدتها عادة بتكون مسطحة وسلسة.

والجدير بالذكر أنه كلما زاد ضغط بخار الماء كلما كانت فعالية المكواة أكبر في الكي وأكثر سهولة وسرعة.

قاعدة المكواة

المكواة الجافة بتيجي بقاعدة مسطحة، وبالتالي فهي سهلة الاستخدام والتنظيف، أما مكواة البخار فهي بتتميز بقاعدة فيها فتحات بخار كتير وبالتالي ممكن تواجه شوية تعب وصعوبة أثناء تنظيفها لأنك هتحتاج أن كل فتحة من الفتحات دي بقى نظيف بشكل كويس جدًا عشان مايسببش أي علامات أو رواسب على الملابس أثناء الكي.

تنظيف المكواة

تنظيف مكواة البخار بيُعتبر أكثر تعقيدًا من تنظيف المكواة العادية، فهي بتحتاج تنظيف مستمر بشكل دوري وده لأن الماء المستخدم فيها بيكون رواسب وكلس بيتسبب بدوره في حدوث بقع على الملابس أثناء الكي إن لم يتم التخلص منها.

ممكن تختار مكواة الملابس الأنسب ليك من هنا.

اعرف مع ياقوطة إزاي تختار المكواة الكهربائية المناسبة.

ممكن تشوف تشكيلة مختلفة من المكواة البخارية من هنا.

وممكن كمان تشوف تشكيلة تانية من مكواة الملابس العادية من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *