كتبت: منى عوض

الأفران الكهربائية، وأجهزة الميكروويف. الاتنين دول من أكتر الأجهزة اللي كتير من الناس بيحتاروا عند شرهم، وفيه كمان اللي بيفاضل ويقارن بينهم. وعاوز يعرف أنهي جهاز فيهم اللي ممكن يكتفي بيه في مطبخه.

ولإننا في ياقوطة بنهتم براحتكم هنتكلم في مقال النهارده عن مقارنة شاملة بين الفرن الكهربائي والميكروويف عشان تقدروا تحددوا أيهما أفضل وأنسب لاحتياجاتكم.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الفرن الكهربائي

• الفرن وظيفته الأساسية هي طهي الطعام وتسخينه، وده بيتم من خلال توهج ملفات التسخين الموجودة جواه واللي بتصدر حرارة ساخنة بعد وتبدأ تنقل الحرارة دي للأكل عشان تخليه يسخن أو يستوي.
• الفرن الكهربائي قادر على تسوية المخبوزات والمعجنات وأنواع كتير من الأطعمة بشكل أفضل من الميكروويف وده لأنه بيقدر يوزع الحرارة بشكل أفضل بكتير من الميكروويف.
• الفرن آمن جدًا على صحة الإنسان لأنه مش بيصدر أي نوع من أنواع الإشعاعات طوال فترة تشغيله.
• الفرن بيستهلك كهرباء عالية جدًا.
• الفرن بيفقد حرارته بسهولة يعني لو قفلته وسبته شوية أو لو فتحت الباب وقفلته أثناء فترة التشغيل هتلاقي الفرن فقد حرارته وبيبدأ يستهلك طاقة أكبر عشان يقدر يسخن لدرجة الحرراة المطلوبة تاني.
• الفرن بيتسبب في تسخين الأطباق أو الحلل اللي الأكل بيكون موجود فيها.
• الفرن مش عملي على الإطلاق في إذابة الأطعمة المجمدة وبيستهلك وقت وطاقة كبيرة جدًا عشان يقدر يقوم بالمهمة دي.

شوف أكتر السخانات الكهربائية شهرة على ياقوطة من هنا.

الميكروويف

• الميكروويف ليه ديناميكية خاصة بيه في طهي أو تسخين الأكل فهو بيصدر موجات كهرومغناطيسية بتخترق الأكل وبتعمل على اهتزاز جزيئات الماء والبروتين اللي موجودة جوه الأكل ودي عملية بتولد حرارة ينتج عنها تسوية أو تسخين الأكل.
• الميكروويف بيقدر يسخن الأكل أو يخليه يستوى في مدة زمنية أقل وبمجهود أقل، ولكن خلينا نوضح أنه مش من المفضل طهي الطعام بصفة مستمرة في الميكروويف بسبب الإشعاع اللي بيصدره.
• الميكروويف بيقدر على إذابة الأطعمة المجمدة وممكن يخليها تستوي أو تسخن كمان لو عايز.
• الميكروويف بيوفر في الطاقة الكهربائية بشكل أكبر من الفرن.
• الميكروويف مش بيتسبب على الإطلاق في تسخين الأطباق أو الحلل اللي الأكل موجود فيها ولكن في حال أنهم سخنوا فده بيكون ناتج عن سخونية الأكل مش بسبب الميكروويف خالص.
• الميكروويف آمن جدًا في الاستخدام لأن الباب بتاعه بيبقى مقفول ومش بيفتح طول ما هو شغال على عكس الفرن الكهربائي اللي بتقدر تفتحه في أي وقت.

شوف أكتر أجهزة الميكررويف شهرة على ياقوطة من هنا.

ممكن تقرأ دليل ياقوطة لاختيار وشراء الميكروويف المناسب من هنا.

ممكن تقرأ كمان قائمة بأهم المواصفات اللي لازم تاخد بالك منها وإنت بتشتري أي ميكروويف.

وبالنسبة للمقال ده فهو بيضم أهم الأدوات التي تصلح للاستخدام بالفرن والميكروويف.

ياقوطة قدمت في المقال ده مقارنة بين الفرن الغاز والفرن الكهرباء.

ياقوطة في المقال ده هتعرفكم أسرار تنظيف الأجهزة الكهربائية المنزلية المختلفة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.