أهم الأدوات التي تصلح للاستخدام بالفرن والميكروويف

أهم الأدوات التي تصلح للاستخدام بالفرن و الميكروويف

كتبت: منى عوض

الفرن الكهربائي، أو الميكروويف من أكتر الأجهزة اللي كتير مننا بيعتمد على وجوده في المطابخ. عشان كده هتلاقي إن فيه بعض أنواع الأواني اللي ينفع استخدامها فيهم وفيه أواني تانية ماينفعش نستخدمها فيه، لأنها ممكن تبوظ أو تتسبب في حدوث ضرر لصحتك أو صحة أسرتك، زي الأواني المصنوعة من البلاستيك أو الأستانلس ستيل أو الألمونيوم.

وعشان إحنا في ياقوطة دايمًا يهمنا صحتك وصحة أسرتك، قررنا نقدملك في المقال ده أهم الأواني اللي ينفع استخدامها في الفرن أو الميكروويف، من غير ما تتسبب في ضرر لصحة الإنسان عمومًا، وكمان هنقولك الأواني اللي ماينفعش إنك تستخدمها في الفرن والميكروويف، ولو عجبك حاجة منهم وعايز تشتريه تقدر تعرف أحسن الأسعار ليها، وتقارن بينهم، وتقدر كمان تطلبها من خلالنا وهتوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أولًا: المنتجات اللي ينفع تدخل جوه الفرن

كل منتج بيكون مكتوب عليه إذا كان ينفع أو لأ، لإن ممكن حاجة معينة تنفع، وحاجة تانية لأ. وهو من مادة تصنيع مشابهة. كمان مهم نخلي بالنا إن مش كل حاجة ينفع تدخل الفرن، ممكن نستخدمها جوه الميكروويف.

١- الأواني الفخار

أواني الفخار من أفضل أنواع الأواني اللي ممكن تطبخ فيها، لأنها مش بتتفاعل على الإطلاق مع الطعام، على عكس الحلل أو الأواني المصنوعة من الألومنيوم والاستانلس ستيل اللي بتتفاعل مع الأكل، وبتأثر على صحة الإنسان بمرور الوقت، وده طبعًا حسب كلام خبراء الصحة.

بس عشان تضمن إن أواني الفخار مش هتسبب أي ضرر على صحتك أو صحة أسرتك، لازم تتأكد إن الأواني دي مصنوعة من خامات عالية الجودة ومطلية بطلاء كامل بيغطى كل أجزائها الداخلية. لأن الطلاء ده بيكون زي عازل بين الوعاء والأكل.

خد بالك كمان إنه من غير المفضل حفظ الطعام في أواني الفخار لفترات طويلة داخل الثلاجة، بس لو حبيت إنك تحط الأكل في الثلاجة لفترات طويلة يبقى أحسن حاجه إنك تنقل الأكل إلى الأواني المصنوعة من البايركس.

شوف الأواني الفخارية على ياقوطة من هنا.

٢- الأواني البايركس

أوانى البايركس آمنة للاستخدام جوه الفرن والميكروويف بس. ومش فوق البوتاجاز خالص، فمن المعروف إنها بتتحمل درجات الحرارة العالية، بس لازم تعرف لو بتنقل أواني البايركس أو بتشيلها من الفرن أو الميكروويف إنها مش بتتمسك بفوطة مبلولة، ومش بتتحط على سطح بارد أو مبلول.

شوف أواني البايركس من هنا.

٣- الأواني الصيني

شعب الصين هم أول ناس اخترعوا النوع ده من الأواني، بس هم ماكانوش بياكلوا فيه بس، لأ دول كمان كانوا بيحطوه في الفرن عشان تسوية الأكل، يعني من الآخر الصيني مش أطباق بناكل فيها بس، لأ دي ممكن نطبخ فيها كمان.

شوف أطقم شاي صيني من هنا.

٤- الأواني السيراميك

أواني السيراميك بتتحمل درجات الحرارة العالية ومش بتتفاعل مع الأطعمة وبالتالي فهي غير ضارة تمامًا بالصحة، وكمان الأواني دي بتعتبر مقاومة للصدأ والخدش والأكل مش بيلزق فيها ده غير إنه سهل تنظيفها.

شوف أطقم أواني السيراميك من هنا.

٥- الأواني البورسلين

البورسلين تقريبًا زي السيراميك. يعني بيتحمل درجات الحرارة العالية، وصديق للبيئة، وآمن على صحتك وصحة أسرتك. وكمان من السهل تنظيفه.

شوف الأواني المصنوعة من البورسلين من هنا.

٦- الأركوبال

الأركوبال زيه زي الصيني. لأنه ينفع يتقدم فيه الأكل وكمان يقدر يدخل الفرن من غير ما يصدر أي إشعاعات على الطعام تضر بصحة الإنسان، ومن غير ما يتكسر. بس خد بالك إنه ماينفعش يتحط على سطح بارد أو مبلول، عشان مايتكسرش.

شوف أطقم الأركوبال من هنا.

٧- علب الـ Tupperware

شركة tupperware عاملة مجموعة ينفع تدخل الميكروويف، ومنهم كمان حاجات بتسوي الرز والمكرونة والمشويات جوه الميكروويف.

شوف علب الـ tupperware من هنا.

أولًا: المنتجات اللي ما ينفعش تدخل جوه الفرن

 

١- الأواني المصنوعة من البلاستيك

الأواني دي ممكن تذوب أو تبوظ خلال تسخين الأكل في الفرن أو الميكروويف، وممكن كمان المواد المصنوع منها الأواني البلاستيك تختلط مع الأكل وتضر صحة الإنسان.

شوف أطقم بلاستيك من هنا.

٢- الأواني الاستانلس ستيل

الأواني المصنوعة من الاستانلس ستيل فيها مميزات كتير جدًا، زي إنها سهلة التنظيف، ومش بتصدي. بس فيه اختلافات بإنها بتتفاعل مع الأطعمة أو لأ. ولكن من المؤكد إنه ماينفعش استخدامها جوه الميكروويف لأنها ممكن تبوظه بمرور الوقت، ولأنها كمان مش بتوزع الحرارة جواه بشكل كويس والأكل بيلزق فيها.

شوف أواني استانلس ستيل من هنا.

٣- الأواني الألومنيوم

على الرغم من إن أواني الألومنيوم بتنقل الحرارة بسرعة وبتوزعها بشكل كويس، فهي ما تصلحش للاستخدام في الفرن، أو الميكروويف. لأنها بتتفاعل مع الأطعمة في المقام الأول ولأنها كمان ممكن تبوظ الجهاز.

شوف أواني ألومنيوم من هنا.

٤- الأواني التيفال

يفضل كمان عدم استخدام أواني التيفال في الفرن أو الميكروويف، لأنها مصنوعة من الألومنيوم ومطلية بمادة التيفلون المستخرجة من مشتقات البترول.

وكمان لازم تخلي بالك جدًا وإنت بتغسل أواني التيفال عشان ما يحصلش فيها أي خدش، لأنها لو اتخدشت يبقى مش هينفع تستخدمها تاني، لأن مادة التيفلون المصنوع منها الأواني ممكن تتفاعل مع الطعام.

شوف أواني تيفال من هنا.

٥- الأطباق الفويل

استخدام الفويل في الفرن مش مفضل قوي، علشان لو رفيعة ممكن تتحرق. وكمان مش دايمًا كل الأنواع بتكون صحية. وطبعًا كل أنواع الفويل ما ينفعش تدخل الميكروويف لإنه معدن وأي حاجة معدن غلط تدخل الميكروويف

شوف تشكيلة من ورق الفويل من هنا.

٦- الأطباق المصنوعة من الفلين أو الكرتون

الأطباق دي بتتفاعل مع الأطعمة، وبالتالي الإضرار بصحتك وصحة أسرتك. وممكن كمان تدوب جوه الميكروويف أو الفرن وتبوظلك الجهاز.

شوف كمان دليل ياقوطة المثالي لاختيار الحلل والأواني من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل 
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

4 thoughts on “أهم الأدوات التي تصلح للاستخدام بالفرن والميكروويف”

  1. هالة says:

    هل الطاسات او الصوانى الجرانيت تدخل الفرن

    1. Mohamed Abdelrahman says:

      أهلا يا افندم
      الطاسبة لأ.. لإن اليد بتاعتها غالبا معدن أو بلاستيك، وفيه لحام ووارد من السخونة يفك

      والجرانيت لو صينية بيدخل الفرن عادي، لو طاسة أو حلة لأ

      1. سهام says:

        الحلل الاستانلس تنفع فى فرن بوتوجاز

        1. Mohamed Abdelrahman says:

          لو المقابض حرارية عادي، لو مش حرارية ما ينفعش

Leave a Reply to Mohamed Abdelrahman Cancel reply

Your email address will not be published. Required fields are marked *