كتبت: ميّ نور

بما إننا خلاص دخلنا في الصيف، يبقى موسم المصايف وتمارين السباحة ونزول النادي رجع، أنا شخصيًا كنت بستنى من الصيف للصيف عشان أرجع تمارين السباحة المُفضلة عندي، وكتير من الناس دلوقتي بقت بتتجه لرياضة السباحة وبتفضلها لأنها فعلًا رياضة ممتعة جدًا ومفيدة للجسم، وكمان تعتبر الرياضة الأنسب للهروب من حر الصيف بشياكة، لكن للي ناويين ينزلوا تمارين السباحة لأول مرة السنة دي سواءً رجالة أو ستات أو أطفال، النهارده هنتقدملكم مجموعة من الأدوات والمستلزمات الأساسية اللي هتحتاجوها معاكم في شنطة التمرين، خلونا نتكلم عنهم واحدة واحدة، ولو عجبك أي منتج منهم وعاوز تشتريه، تقدر من خلالنا في ياقوطة تعرف أحسن الأسعار ليه، وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

شنطة رياضية قماش مضادة للميّة

الأهم من محتويات شنطة التمرين، هي شنطة التمرين نفسها اللي هتستحمل معاك في تمارين السباحة، عشان كده اخترنا الشنطة القماس المقاومة للمية دي عشان تكون مناسبة لظروف تمارين السباحة، لأنك لما هتسيب الشنطة بره ، فهي معرضة بكل سهولة للبل، كمان عشان تقدر تنقل من خلالها الهدوم الخاصة بالتمرين وهي مبلولة من غير ما تسبب أزمة، الشنطة بتقدم مساحة كبيرة جدًا ومناسب جدًا عشان تقدر تاخد كل أدواتك للتمرين، ده غير إن شكلها شيك جدًا وعملية في الاستخدام.

شوف شنطة رياضية قماش مضادة للميّة من هنا.

Nivea كريم واق الشمس 50+ – ٢٠٠ مل

من أهم المنتجات اللي هتحتاجها لو التمرين بييجي في وقت النهار، صن بلوك للحماية من الشمس، وده اللي هيقدمه صن بلوك Nivea، فهو سريع الامتصاص وسيع المفعول، وبيقدر يحمي من درجات الحرارة لحد فوق الـ ٥٠، كمان الكريم بيضمن ترطيب البشرة وحمايتها من مخاطر الحساسية اللي ممكن تيجي نتيجة التعرض للشمس والميّة.

شوف Nivea كريم واق الشمس 50+ – ٢٠٠ مل من هنا.

Generic بشكير قطن مطبوع – ١٠٠ × ١٧٠ سم

طبعًا من أهم المنتجات اللي أي حد مهمًا كان هيحتاجها في تمرين السباحة هو البشكير، اللي هيكون ملاذك بمجرد ما تخلص الشاور، وعشان كده لازم تختار نوع كويس ومناسب لحالة البشرة في الفترة دي، واللي بتكون معرضة للإلتهاب والجفاف أكتر من أي وقت تاني، عشان كده جبنالكم بشكير قطن مطبوع بمقاسات ١٠٠ × ١٧٠ سم مع خامات قطن مصري ناعمة على البشرة.

شوف Generic بشكير قطن مطبوع – ١٠٠×١٧٠ سم من هنا.

Generic نظارة سباحة مضادة للبخار

كتير من الناس بتعاني في تمارين السباحة بسبب حساسية عينيها مع مية حمام السباحة، وعشان كده أي سبّاح لازم يكون معاه النضارة بتاعته، واللي بتساعده يفتح عينه تحت المية، مع عزل تام للمية عشان ما تدخلش في عينه، والنهارده اخترنالكم نضاره بخامات عالية الجودة مقاومة لتكوين بخار المية، ودي ميزة رائعة.

شوف Generic نظارة سباحة مضادة للبخار من هنا.

بونيه سباحة Universal WHALE

بونيه السباحة، من أهم الحاجات الأساسية للحفاظ على الشعر من التلف بسبب نزول حمام السباحة بشكل متكرر والتعرض للشمس وميّة الكلور، كمان البونيه بيتميز بخامات نضيفة في الصناعة، بتخليه مناسب لأي شخص من مختلف الأعمار.

شوف بونيه سباحة Universal WHALE من هنا.

Generic أكياس تخزين قابلة للضغط

كتير من الناس هتستغرب وجود الأكياس في قايمة مستلزمات حمام السباحة، في الحقيقة هي من أهم المنتجات فعلًا بعد التمرين، عشان تقدر من خلالها تخزن هدوم السباحة اللي كنت لابسها حتى وهي لسه مبلولة، وبكدة تكون حافظت على الشنطة وعلى الهدوم وضمنت إنه مفيش أي تسرب من ماية المايوه مثلًا هتوصل لبره الشنطة.

شوف Generic أكياس تخزين قابلة للضغط من هنا.

شاور جل ديتول الأصلي

بعد ما ينتهي التمرين، بتبتدي الناس تتجه ناحية غرفة الشاور وتغيير للملابس، وده عشان تتخلص بشكل مضمون من الكلور اللي ممكن يكون باقي  على جسمهم أو على هدومهم، ولذلك جببنالكم واحد من أقوى الأنواع المقاومة للجراثيم والبكتيريا، وهو شاور جل ديتول اللي هيكون مناسب جدًا بعد التمرين عشان يقضي على أي آثار لرواسب أو جراثيم مضرة.

شوف شاور جل ديتول الأصلي من هنا.

تقدروا تشوفوا أهم الأدوات الرياضية على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.