مراجعة سريعة لأهم مواصفات وأنواع التليفزيونات الذكية Smart TV

مراجعة سريعة لأهم مواصفات وأنواع التليفزيونات الذكية Smart TV

كتب: خالد عاصم

التليفزيونات الذكية أو السمارت تي في مابقتش حاجة جديدة في الأسواق، بس زيها زي التليفزيونات اللي بتتميز بخصائص متميزة زي تليفزيونات 4K اللي بتعرض بأعلى جودة متداولة موجودة في الأسواق دلوقتي، وزي كمان تليفزيونات HDR المدعومة بالتقنية الممتازة دي، بقت التليفزيونات الذكية منتشرة جدًا دلوقتي وبقت من بين الاختيارات الأساسية لكل المستخدمين والاختيار الأول والرئيسي للمستخدم اللي ميزانيته تسمح إنه يشتريها وده اللي زود شهرة وشعبية التليفزيونات الذكية وبالتالي زوّد من انتشارها على رفوف المحلات وصفحات المواقع، ومش هنستغرب لما نعرف إن قوائم أفضل التليفزيونات في العالم اللي بتعلن عنها المواقع المتخصصة، كل التليفزيونات اللي فيها بتنتمي للفئة الذكية بدون استثناء.

بس إيه هي التليفزيونات الذكية وإيه اللي بيخلي تليفزيون أذكى من تليفزيون؟ هي دي الأسئلة اللي هنجاوب عليها من خلال المقال ده اللي هنتعرف فيه على طبيعة التليفزيونات الذكية وأنواعها والاختلاف بين الأنواع دي وهنستعين بنماذج من التليفزيونات الذكية المتوفرة على موقع ياقوطة، وهنعرف إزاي تقدر نختار التليفزيون الأحسن اللي يقدر يعيش معاك لسنين كتير.

ماتنساش أي تليفزيون من التليفزيونات الذكية اللي هنتكلم عنها النهاردة في المقال ده هتقدروها تطلبوها وتشتروها من خلالنا في ياقوطة وهتوصلكم لحد باب البيت أو مكان تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي التليفزيونات الذكية؟

الفرق الرئيسي بين التليفزيونات الذكية وأي تليفزيونات تانية هو إن النوع الأولاني بيقبل الاتصال بالإنترنت، فالإنترنت هو الحاجة اللي بتقول إن كان التليفزيون ده ذكي ولا عادي. والتليفزيونات الذكية بيبقى فيها منفذ إيثرنت اللي بيقبل توصيل كابلات الدي إس إل وكمان طبعًا بتقبل الاتصال اللاسلكي واي-فاي وده اللي بيخليها تقبل تتصل بالإنترنت من أي مكان في بيتك. وفي العموم بيكون الاتصال اللاسلكي عن طريق واي-فاي مناسب لمختلف الاحتياجات اللي هتستخدم فيها تليفزيونك س في حالة البث المباشر للألعاب بجودة 4K هتحتاج إنك توصل التليفزيون بكابل الإنترنت اللي هيوفر سرعة أعلى ومستقرة بشكل أكبر.

ليه بيكون فيه إنترنت في التليفزيون عشان يبقى تليفزيون ذكي؟ بيستخدم الاتصال بالإنترنت عشان يسمح بعرض الأفلام والعروض التليفزيونية بشكل مباشر على التليفزيون من غير ما تحتاج لكمبيوتر متوصل بالتليفزيون أو أي وسيط تاني، وبيدعم التليفزيون الذكي مجموعة من التطبيقات المعروفة للبث المباشر للأفلام والمسلسلات زي Netflix، Hulu وHBO وكمان عدد من التطبيقات التانية زي يوتيوب. 

على الأغلب بتحتاج التطبيقات دي لاشتراك مدفوع بس في أوقات كتير بيكون فيه تطبيقات وخدمات تانية مجانية زي Crackle، Tubi TV وPluto TV، ده غير إن فيه تليفزيونات بيكون فيها متصفح إنترنت مدمج يسمحلك إنك تزور مواقع مختلفة بس بتكون صعبة شوية على مستوى التصفح وكمان نسبة كبيرة من التليفزيونات الكبيرة بيكون فيها تطبيقات محادثة بالفيديو زي سكايبي مثلاً.

أنواع التليفزيونات الذكية وأنظمة تشغيلها

كل التليفزيونات الذكية من غير استثناء بتشتغل على نفس المبدأ وهو إنها تتصل بالإنترنت عشان تقدم مجموعة من الخدمات من غير أي جهاز وسيط تاني، بس على الرغم من كده مش كل التليفزيونات دي بتشتغل بنفس نظام التشغيل وليها نفس الواجهة وطريقة الاستخدام والتصفح.

على الأغلب كل شركة من الشركات بتطور نظام خاص لتشغيل التليفزيونات الذكية بتاعتها عشان تقدر تحط التطبيقات اللي بتناسب تليفزيونها وبتساعدها على تقديم تجربة أفضل ومن بين الشركات دي الشركتين الأكبر في عالم التليفزيونات Samsung وLG، وفيه شركات تانية بتعتمد على نظام تشغيل أندرويد تي في اللي طورته جوجل عشان يشغل أجهزة التليفزيون الذكي زي تليفزيونات Sony مثلًا، أما تليفزيونات زي TCL فبتشتغل بنظام تشغيل Roku TV وده من ضمن أنظمة التشغيل اللي بتطورها شركة معينة عشان تتوافق مع عدد من التليفزيونات.

الفروق بين التليفزيونات الذكية وأنظمة تشغيلها

تليفزيونات Samsung الذكية بنظام تشغيل Tizen

نظام Tizen يعتبر أسرع نظام من أنظمة تشغيل التليفزيونات الذكية وبيمتاز بقدرته على تحديد أي جهاز بتوصله بتليفزيونك أوتوماتيكيًا وبيحدد المداخل الخاصة بيه بناء على التحديد ده، وكمان بيسمح بالتحكم في أي جهاز متوصل بالتليفزيون من خلال الريموت كنترول الخاص بيه.

ممكن تشوف تليفزيون سامسونج الذكي بنظام تشغيل Tizen من هنا.

تليفزيونات LG الذكية بنظام تشغيل WebOS

نظام التشغيل الأبسط والأسهل والأمتع في الاستخدام وأهم مميزاته إنه بيتوافق مع التحكم عن طريق الحركة من خلال الريموت كنترول الذكي اللي ممكن تتحكم من خلاله في التليفزيون بتحريكه في الهوا قدام شاشة التليفزيون. مشكلته إنه بيستهلك بطاريات بشكل كبير جدًا.

ممكن تشوف تليفزيون LG الذكية بنظام تشغيل WebOS من هنا.

تليفزيونات Sony الذكية بنظام تشغيل Android TV

مابيختلفش النظام ده بشكل كبير عن نظام تشغيل أندرويد للموبايلات ولو كنت استخدمت أي جهاز من أجهزة أندرويد تي في فمش هتلاقي أي فرق بينه وبين تليفزيونات سوني اللي بتدعم خاصية Google Cast اللي بتسمحلك إنك تعرض أي حاجة من على موبايلك أو التابلت بتاعك اللي شالين بنظام تشغيل أندرويد على شاشة التليفزيون بشكل مباشر ومن غير أسلاك أو أي أجهزة تانية.

ممكن تشوف تليفزيون Sony الذكية بنظام تشغيل Android TV من هنا.

تليفزيونات TCL بنظام تشغيل Roku

هو هو نفس نظام التشغيل اللي بتشتغل بيه أجهزة Roku الذكية واللي بتمتاز بسهولة كبيرة في الاستخدام والتصفح وبتعتبر الأفضل على مستوى البحث على الإنترنت أو على المواد المخزنة على أي جهاز بيتوصل بالتليفزيون. وكمان البحث على التطبيقات المختلفة الموجودة وكمان بيدعم خاصية البحث الصوتي.

ممكن تشوف تليفزيون TCL بنظام تشغيل Roku من هنا.

خصائص استثنائية

رغم إن عمر التليفزيونات الذكية مش طويل فالملاحظ إنها اتطورت بشكل كبير في الفترة اللي فاتت. فبقى فيه الريموت كنترول المتكامل اللي بيتضمن كيبورد كاملة وماوس، وكمان الريموت كنترول السحري اللي بتقدر تتحكم من خلاله في التليفزيون عن طريق تحريك الريموت كنترول كأنه مؤشر ليزر مثلًا، ودلوقتي بقى فيه ريموت كنترول بيدعم البحث الصوتي بشرط دعم التليفزيون ونظام التشغيل للبحث الصوتي اللي بيخليك تدور على اللي انت عايزه من خلال الصوت والكلام للريموت كنترول بي الخاصية دي لسه بتتطور في التليفزيونات الذكية ولسا محتاجة نصبر عليها شوية.

بدايل التليفزيون الذكي

مع فرض إن عندك تليفزيون جودته عالية جدًا ومش عايز تغيره بس في نفس الوقت عايز تخليه أذكي، أو إنك عايز تشتري تليفزيون جديد بس الميزانية ماتسمحش بشراء تليفزويون ذكي متميز، تعمل إيه في الحالة دي؟ في الحالة دي مفيش غير حل واحد هو إنك تستعين بوسيط يحول تليفزيونك لتليفزيون ذكي والوسيط ده هو أجهزة البث الذكية اللي منها مثلا Xiaomi Mi TV وده جهاز شبه جهاز الريسيفر بيحول تليفزيونك لتلفزيون ذكي بيشتغل بنظام تشغيل أندرويد، وممكن كمان تستعين بفلاشة Google Chromecast اللي بتسمحلك إنك تشغل أي حاجة من على موبايلك لتليفزيونك من غير ما تحتاج لوصلات أو سرعة إنترنت.

اتفرج واختار من بين تشكيلة التليفزيونات الذكية المتوفرة على موقع ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *