أنهي أحسن: بوتاجاز فريش 4 شعلة ولا زانوسي 4 شعلة

كتبت: أمنية عزمي

البوتاجاز هو الإيد اليمين لكل عشاق الطبخ والحلويات وأي واحد محب للمطبخ عمومًا. ولما بتيجي تشتريه بعد اختيارات كتير غالبا بترسى على نوعين تفاضل بينهم بعد ما تحدد الأساسيات زي الحجم المناسب والسعر حسب الميزانية، وبيفضل شوية التفاصيل اللي لما بتعرفها بتقدر تقرر بسهولة هي محتاجة إيه، والحقيقة جالنا أسئلة متكررة حوالين بوتاجاز فريش ماستر 4 شعلة Master 60-10578وبوتاجاز زانوسي 4 شعلة ZCG622A6XA وإيه الفرق بينهم، وبما إننا في ياقوطة بيهمنا تبقى على علم بتفاصيل كل منتج، قررنا نعمل مقارنة بين النوعين ونوضح أهم مواصفاتهم ومميزاتهم وكمان عيوبهم علشان تقدروا تكونوا فكرة كاملة عنهم، ولوعجبك نوع وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

بوتاجاز فريش ماستر 4 شعلة Master 60-10578

المواصفات

  • الموديل: Master 60-10578
  • أبعاد المنتج: 60×60×85
  • نوع الحوامل: زهر.
  • عدد الشعلات: 4.
  • فترة الضمان: 7 سنوات.

المميزات

  • البوتاجاز يعمل بالغاز ومزود ب 4 شعلات أحجام مختلفة بتفيدك في كل أحجام أواني الطهي.
  • مزود بحوامل من الزهر التقيل اللي بيتميز بثبات أواني الطهي عليه.
  • الشعلات العلوية تعمل بالإشعال الذاتي.
  • السطح مصنع من الاستانلس ستيل والجوانب سيلفر، سهل في تنظيف الدهون والأوساخ ومقاوم للصدأ وشكله أنيق.
  • حجم الفرن الداخلية كبيرة نسبيا لأن جوانب الفرن مصنعة بطبقات مضغوطة مش واخدة منه مساحة.
  • الفرن مزود بإضاءة داخلية بتوفرلك رؤية واضحة تقدر تتابع معاها المخبوزات والأكلات.
  • مفتاح للفرن ومفتاح للشواية بشكل منفصل ودا مهم لأنه مش بيشغل الشواية مع الفرن بشكل دائم وتقدر تشغل الاتنين مع بعض اذا احتاجت، وفي ميزة إنك بتشغل الشواية وباب الفرن مقفول.
  • باب الفرن مصنوع من زجاج مزدوج علشان يحافظ على عدم تسريب الحرارة.
  • تصميمه عصري وجميل ومفيش في تقفيله مسامير في الفرن أو الأبواب وده بيسهل عملية تنضيفه.
  • مزود بغرفة سفلية من الكروم بتحتفظ فيها بالأطعمة بنفس درجة حرارتها لفترات طويلة.
  • مزود بغطاء زجاج بيتحمل درجات الحرارة وبتقفله وقت عدم استخدامك للبوتاجاز لفترات طويلة.
  • مزود بأرجل مطاطية بقاعدة تحافظ على ثباته وقابلة للتعديل.

العيوب

  • غير مزود بخاصية الأمان.
  • غير مزود بتايمر.
  • غير مزود بمروحة داخلية في الفرن.
  • زجاج الفرن مش شفاف وصعب تشوف من خلاله بدون ما تفتح الفرن.
  • الحوامل الزهر بتحتاج تتنضف أول بأول لأن تنضيفها بيكون صعب لو تراكم عليها الدهون.
  • خاصية الإشعال الذاتي بتبوظ بعد فترة ودا بيحصل في 90% من البوتاجازات في أي نوع.
  • يد الفرن مصنوعة من الاستانلس ستيل وبتسخن مع تشغيل الفرن فترات طويلة.

خدمة العملاء

  • رقم الصيانة 19966- مراكز الصيانة متوفرة في كل المحافظات
  • أسعار قطع الغيار تعتبر أعلى من مثيلاتها في السوق.
  • بيقدم فترة ضمان 7 سنوات.
  • في شكاوى من سوء التعامل في الصيانة.

شوف بوتاجاز فريش ماستر 4 شعلة Master 60-10578 من هنا

بوتاجاز زانوسي غاز 4 عيون- ستانلس ستيل- ZCG622A6XA

المواصفات

  • الموديل: ZCG622A6XA
  • أبعاد المنتج: 60×65×85
  • نوع الحوامل: إنامل.
  • عدد الشعلات: 4.
  • فترة الضمان: غير مذكورة.

المميزات

  • البوتاجاز يعمل بالغاز ومزود ب 4 شعلات أحجام مختلفة بتفيدك في كل أحجام أواني الطهي ومنهم عين شعلتها ثلاثية.
  • مزود بحوامل مطلية بالمينا بتصميم يساعد على ثبات أواني الطهي عليه.
  • يعمل بخاصية الإشعال الذاتي بضغطة زر واحدة توفر الوقت والمجهود.
  • البوتاجاز مصنع من الاستانلس ستيل سهل في تنظيف الدهون والأوساخ ومقاوم للصدأ وشكله أنيق.
  • بيوفر الأمان التام ونظام الحماية عن طريق فصل الغاز بشكل تلقائي عن الشعلات والفرن في حالة إنسكاب السوائل.
  • مزود بمروحة داخلية في الفرن بتوزع الحرارة بشكل متساوي للحصول على أفضل تسوية للأكلات.
  • مفتاح للفرن ومفتاح للشواية بشكل منفصل بتقدر تتحكم في تشغيلهم مع بعض أو كل واحد لوحده.
  • الفرن مزود بإضاءة داخلية بتوفرلك رؤية واضحة تقدر تتابع معاها المخبوزات والأكلات.
  • باب الفرن مصنوع من زجاج مزدوج علشان يحافظ على عدم تسريب الحرارة، ومميز إنه شفاف بتقدر تتابع منه المخبوزات بدون ما تفتح.
  • مقبض الفرن مصنع من خامات قوية من البلاستيك مش بيتأثر بحرارة الفرن.
  • مزود بغرفة سفلية من الكروم بتحتفظ فيها بالأطعمة بنفس درجة حرارتها لفترات طويلة.
  • مزود بغطاء زجاج بيتحمل درجات الحرارة وبتقفله وقت عدم استخدامك للبوتاجاز لفترات طويلة.
  • مزود بأرجل مطاطية بقاعدة تحافظ على ثباته وقابلة للتعديل.
  • مش مذكور فترة ضمان لكن زانوسي بتدي ضمان 5 سنوات.

العيوب

  • غير مزود بتايمر.
  • الحوامل مش بقوة الزهر لكن خاماتها قوية وتصميمها بيتحمل الأنواني الثقيلة.
  • خاصية الإشعال الذاتي بتبوظ بعد فترة ودا بيحصل في 90% من البوتاجازات في أي نوع.
  • خامات التصنيع ضعيفة.

خدمة العملاء

  • مراكز الصيانة متوفرة في كل أنحاء الجمهورية ودا الرقم الموحد للخدمة والبلاغات 19160
  • قطع الغيار متوفرة وفنيين مهرة بيتعاملوا مع المشكلة، بيوفروا قطع غيار أصلية بضمان 6 شهور.

شوف بوتاجاز زانوسي غاز 4 عيون- ستانلس ستيل- ZCG622A6XA من هنا

في النهاية نقدر نقول إن بوتاجاز زانوسي بيتفوق في الإمكانيات على بوتاجاز فريش من ناحية الإمكانيات اللي هي خاصية الأمان الكامل والحماية ودي مهمة، ووجود مروحة في الفرن، بالإضافة إن زجاج الفرن فيه شفاف ومقبض الفرن مصنع من البلاستيك مش بيسخن مع الفرن.. وبيتشابهوا في باقي المواصفات، لكن خامات بوتاجاز فريش أقوى من خامات بوتاجاز زانوسي وفترة الضمان في فريش أكتر.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *