أمّن نفسك وانت راكب سكوتر

`template6

كتب: علاء بسيوني

الشوارع كل يوم بتبقى زحمة عن اليوم اللي قبله، والحركة فيها بالعربية أو المواصلات بقت صعبة قوي!

طيب إيه اللي ممكن أعمله علشان أتفادى الزحمة دي، و أوصل في المعاد وأخلص المشاوير بسهولة؟ اعمل زي مانا عملت وهات سكوتر علشان هو ده الحل الأمثل للمشاكل اللي بتواجهها دي.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيره صعودًا وهبوطًا وفقًا لحركة الأسواق.

السكوتر باختصار هو موتوسيكل ذات حجم موتور أقل من الموتوسيكلات التانية وده لصغر حجمه و مرونته. قطع غياره رخيصة وفي المتناول (تيل الفرامل مثلاً ب 40 جنيه) وغير كدة استهلاكه في البنزين لا يذكر أصلاً!

تجربتي الشخصية مع السكوتر كانت مفيدة جداً، أول ما اعتمدت عليه في المشاوير بدل العربية استفدت الآتي:

أنا بستخدم السكوتر وانا رايح الشغل، حوالي 10 كيلو رايح جاي يومياً (5 أيام في الأسبوعوبخرج في الأجازة بيه كمان (50 ل 70 كيلو) وبدفع حوالي 10 جنيه بنزين بس!

  • الركنة: بين أي عربيتين واركن السكوتر بتاعك من غير مشاكل (بس ماتقفلش على باب العربيات اللي راكنة).
  • توفير الوقت: قعدت أحسبها مرة لما استخدمت السكوتر علشان أخلص 4 مشاوير ورا بعض في ساعة و نص، لو كنت استخدمت العربية كان مش هيبقى أقل من 3 ساعات!
  • الخوذة مهمة جداً!
  • الصيانة الدورية لازم في ميعادها.

مميزات السكوتر وعيوبه

أي حاجة في الدنيا ليها مميزات وعيوب علشان مفيش حاجة مكتملة، السكوتر فيه مميزات أكتر من العيوب.

مميزات السكوتر

  • قطع غيار متوفرة.
  • عن تجربة شخصية بـ 10 جنيه بنزين “92” بيقضي مسافة 120 كم.
  • حجمه صغير فسهل في المرور بسهولة في الزحمة.
  • بيتركن في أي حتة.
  • بيوفر في مصاريفك اليومية سواء كان في العربية الخاصة أو المواصلات.

عيوب السكوتر

  • بيحتاج متابعة وعناية كتير.
  • لازم تبقى مركز قوي وانت سايقه عشان انت على عجلتين.

نيجي بقى لمعدات الأمان اللي المفروض نلبسها واحنا سايقين السكوتر

الخوذة

helmet

أ، ب سواقة موتوسيكلات.

لو هتروح مشوار آخر الشارع، لازم تلبس الخوذة علشان لا قدر الله لو وقعت أو عملت حادثة. ناس كتير كانت بتحكي إنها نجت من حوادث قوية جداً بسبب ارتداء الخوذة وهم راكبيين موتوسيكل.غير كدة قانونياً لازم تبقى ماشي بيها.

ممكن تشوف خوذ من هنا. يبدأ سعر من 220 جنيه مصري.

قفازات الأمان

impact gloves

مهمة جدًا علشان تبقى متحكم في الجادون أكتر بدون مشاكل، وإيدك ماتتجرحش لو وقعت. بيكون متخيط فيها واقيات مطاطية علشان الصدمات.

ممكن تشوف القفازات من هنا. يبدأ سعر من 220 جنيه مصري.

واقيات المفاصل

safety pads

الواقيات دي بتمتص الصدمات الناتجة عن السقوط أو الارتطام، وبتحمي مفاصل الجسم من الكسور علشان بتحافظ على وضع المفصل أثناء الاصطدام.

ممكن تشوف واقيات المفاصل من هنايبدأ السعر من 256 جنيه مصري.

نضارات الأمان

safety glass

لو مش بتلبس نضارة يبقى لازم تجيبها علشان الهوا اللي جاي في وشك وانت سايق، ده غير إنها بتحمي عينيك من الرمل والحصى.

ممكن تشوف نضارات الأمان من هنا.  يبدأ السعر من 99 جنيه مصري.

وصلة كهرباء

battery clamps

عادي ممكن السكوتر يفصل شحن بسبب إن الدينامو تالف (لازم يتصلح أو يتغيرأو راكن السكوتر بقالك فترة كبيرة (أكتر من 4 أيام).

ممكن تشوف وصلة الكهرباء من هنا يبدأ السعر من 93 جنيه مصري.

المعدات اللي اتذكرت دي أساسية وبتحميك من الحوادث، نيجي بقى لبعض التحذيرات اللي لازم ناخد بالنا منها:

  • حاول على قد ما تقدر تتفادى الطرق السريعة زي الطريق الدائري وده علشان الخطورة اللي عليه سواء كانت من عربيات النقل والمقطورة، الرمل والزلط أو السرعات العالية.
  • لو لقيت فيه رمل أو أي بقعة غامقة في الأسفلت، تفاداها أو امشي بالراحة عليها (لو مضطر) علشان الانزلاقات.
  • تأكد من الصيانة الدورية في موعدها مع تغيير تيل الفرامل أول ما تسمع صوتها بيصفر وظبط الكاوتش كل أسبوع أقصى حاجة.
  • مش لازم نعاند، عدي اللي عاوز يعدي من قدامك علشان هو راكب عربية وانت راكب موتوسيكل في الآخر.
  • بلاش تطلع على الرصيف تمشي عليه في الزحمة علشان ده مش قانوني ولا من حقك.
  • لو هتركن السكوتر فترة طويلة (أكتر من 4 أيام) يبقى افصل بطارية السكوتر علشان تعرف تدور تاني والشحن يفضل في البطارية.
  • اتأكد من وجود شنطة عدة عند شرائك السكوتر مع وجود كتاب (Manual) علشان تعرف تغيير الزيت وقطع الغيار إمتى.

طبعا ناخد بالنا واحنا سايقين من اللي حوالينا وبلاش تهور علشان الحوادث. ولو خلاص قررت وهتشتري، ابتدي ب 125 أو 150 سي سي.

ياقوطة تتمنى لكم سواقة آمنة.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.

Leave a Reply

Your email address will not be published. Required fields are marked *