كتب: خالد عاصم

عالم ألعاب البلاي ستيشن أكبر بكتير من الفيفا أو ألعاب كرة القدم عمومًا وفي المقال ده هنتعرف على مجموعة من أشهر عناوين الألعاب اللي تقدر تشغل بيها وقت وتسحرك بعالمها الخاص، وتقدر كمان تطلب أي لعبة من الألعاب اللي هنتكلم عنها من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

سلي وقتك… مجموعة من ألعاب بلاي ستيشن المسلية

لعبة Grand Theft Auto Five أو GTA V

رغم الهجوم اللي بيطال اللعبة دي بين وقت تاني بسبب بعض المهام اللي فيها، إلا أن GTA V واحدة من أشهر إصدارات اللعبة اللي تعتبر بدورها واحدة من أشهر سلاسل الألعاب في تاريخ ألعاب الفيديو على الإطلاق، في اللعبة بتقوم بأدوار مجموعة من الشخصيات الرئيسية اللي بتقوم بمجموعة من عمليات السطو في المدينة اللي بتكون واحدة من أكبر الخرايط المفتوحة في عالم ألعاب الفيديو، واللعبة بتتضمن مجموعة كبيرة من الأنشطة ومن التغيرات ده غير التفاصيل الكتير اللي هتكتشفها طول مانت بتلعب.

اللعبة بتتميز برسوميات ممتازة وبمؤثرات أكتر من رائعة والإصدار تحديدًا في تحسينات كتير جدًا بتتضمن مجموعة كبيرة من التفاصيل المحسنة على مختلف المستويات سواء في تفاصيل الرسوميات أو في تفاصيل اللعبة نفسها، وعشان كده بتعتبر واحدة من أبرز ألعاب بلاي ستيشن طبعًا.

شوف عروض أسعار لعبة GTA V من هنا.

لعبة God of War

لو كنت من اللي لعبوا أي جزء من أجزاء لعبة God of War قبل كده فأكيد مش هتقدر تستني كتير لحد ما تلعب اللعبة دي. الجزء الجديد من اللعبة بيمتاز بمميزات كبيرة قوي حتى عن الأجزاء اللي فاتت فالموضوع مبقاش بس مجرد لعبة أكشن بتعتمد على الالتحامات الشخصية أو الأسلحة القديمة أو السحرية، لأن الموضوع اتطور على مستوى القصة بشكل كبير خلاها بتجمع بين الدراما وبين الأكشن، الشخصية الرئيسية اللي عاش معاها كتير من عشاق اللعبة Kratos بقى عنده ابن هيكمل معاه الرحلة اللي هتمتد على طول اللعبة واللي بتبدأ لتلبية طلب أم الابن ده اللي وهي بتموت بتطلب طلب معين مش بس معاه بتبدأ اللعبة بس بتتحول شخصيتها الرئيسية لشخصية معقدة جدًا لأول مرة في تاريخ اللعبة اللي بتعتبر من أهم ألعاب البلاي ستيشن الموجودة دلوقتي.

شوف  عروض أسعار لعبة God of War من هنا.

لعبة Tekken 7

الجزء السابع من لعبة القتال الكلاسيكية اللي حققت نجاحات كبيرة جدًا وتعتبر واحدة من بين أفضل ألعاب القتال المتوفرة دلوقتي على كل المستويات سواء على مستوى متعة اللعب أو الجرافيكس الممتازة وكمان التفاصيل اللي في الجرافيكس زي السلو موشن اللي بيحصل مع بعض الضربات وبيحصل قرب نهاية كل قتل بين اللاعبين، واللعبة بتعتمد على محرك Unreal 4 وكمان شخصياتها ممتازة جدًا على مستويات كتير.

شوف عروض أسعار لعبة Tekken 7 من هنا.

لعبة The Last of US

لعبة The Last of Us نزلت سنة ٢٠١٣ ورغم كده فهي لسه واحدة من أبرز وأهم ألعاب البلاي ستيشن واللي بنستعد حاليًا لقرب طرح الجزء التاني منها، اللعبة تعتبر من أكتر الألعاب اللي أثارت الجدل بين اللاعبين ومن بين أكتر الألعاب انتشار خلال العشر سنين اللي فاتت، اللعبة من ألعاب الرعب والبقاء وبتدور أحداثها في أجواء مثيرة وبتتكلم عن قصة جويل وإيلي اللي بيحاولوا يحافظوا على حياتهم في عالم مليء بالمخاطر وأهمها المرض اللي أصاب البشرية كلها.

شوف عروض أسعار لعبة The Last of Us من هنا.

لعبة Injustice 2

لو إنت من عشاق ألعاب القتال اللي بتعتمد على قصة وعلى وضع فردي قوي، فاللعبة دي هي الأنسب ليك بفضل القصة الممتازة والمحكمة اللي بتمتاز بجرافيكس رائعة جدًا وكمان تمثيل صوتي ممتاز، وده زي ما قلنا بيخليها ممتازة جدًا على مستوى القصة الفردية بس مش ممتازة أوي على مستوى اللعب أونلاين أو اللعب التشاركي وطبعًا فكرة إنك بتلعب بشخصيات معروفة زي باتمان دي لوحدها بتضيف متعة زيادة للعبة.

شوف عروض أسعار لعبة Injustice 2 من هنا.

لعبة Call of Duty: Black Ops 4 

تعتبر لعبة Call of Duty واحدة من أشهر الألعاب الحربية أو العسكرية اللي ظهرت على مدى تاريخ ألعاب الفيديو وتعتبر سلسلة Black Ops تحديدًا واحدة من أكتر سلاسل اللعبة شهرة وانتشار لدرجة إن بقى ليها مجتمع خاص من بين المجتمع الخاص باللعبة نفسها، وفي الجزء الرابع بتقدملنا لعبة Call of Duty: Black Ops 4 تلات أوضاع لعب، اللعب المتعدد أونلاين ووضع Zombies اللي بتحارب فيه الزومبيز، وكمان وضع Blackout اللي بيقدم وضع لعب تشاركي على الإنترنت زي ألعاب ببجي وفورت نايت.

لعبة Call of Duty: Black Ops 4 بتتميز برسوميات ممتازة وتفاصيل مبهرة بشكل كبير جدًا ده غير إنها بتتميز بمجموعة كبيرة ومختلفة من الأسلحة، وبتركز اللعبة في الإصدار الجديد على التكتيكات العسكرية واختيارات اللاعب اللي بتحدد مصيره في اللعبة وده بيضيفلها تشويق أكتر بكتير من الأجزاء اللي فاتت اللي كانت ممتعة أصلا.

شوف لعبة Call of Duty: Black Ops 4 من هنا.

اتعرف على عروض أسعار كل حاجة ليها بألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.